澀谷
12
Sep 17
19:17
博客

【Disney迷注意】半價大特價!精選東京澀谷Disney Store

想買迪士尼嘅產品,除咗真係入去園區之外Disney Store都係一個好選擇。但始終啲商品有貴有平,有時實在未必買得落手。近日澀谷嘅Disney Store就喺3樓設置咗優惠特區,多款產品都減至半價呀!優惠期仲會去到減價貨品完售為止,咁啱喺日本或者即將去日本嘅迪士尼粉絲,係機會啦!! 坐立喺東京鬧市澀谷區嘅Disney Store,係喺大廈之間嘅小城堡,加上設計成隱形米奇老鼠嘅入口,對迪士尼未算大興趣嘅小妹經過都忍唔住入去逛咗圈。場內仲有反斗奇兵同木偶奇遇記等擺設,真係好似去咗小型嘅迪士尼樂園咁。 去到迪士尼總係會想買個公仔返去治癒下,但細細隻就已經要港幣三位數,好多時最後都唯有默默同佢講聲再見就空手而回。今次減價連公仔都有份㗎! 1. Marie公仔 半價後¥900+稅 (原價¥1,800) 2. 米奇公仔 半價後¥750+稅(原價¥1,500)   沖涼用品都喺優惠範圍之內。由毛巾到沐浴套裝都有得半價,用夢幻國度嘅產品沖涼,望住咁可愛嘅迪士尼人物,心情都自然會好啲啦。 3. 美妮毛巾 半價後¥600+稅(原價¥1,200) 4. 愛麗斯沐浴套
26
Aug 17
00:35
博客

澀谷700yen炸雞飯放題

喺日本食野可貴可平,澀谷一間居酒屋就推出700yen起跳嘅炸雞飯放題 ,計翻港紙只喺約50蚊﹗快啲睇下我哋嘅試食報告啦﹗ 呢間澀谷嘅居酒屋「鶏 × バル HINAMARU」位於3樓,最近就推出咗上午嘅炸雞飯放題。只要喺11點至3點去到,就可以享用700yen起跳嘅炸雞飯放題,講到明任食唔嬲,真喺稱得上「窮人恩物」呀! 炸雞飯一共有6款,其實只喺醬汁有分別,全部都配湯、飯同沙津。醬汁分別有照燒、和風汁、明太子、南蠻、salsa同咖哩,而我哋就揀咗要salsa sauce。 餐廳當時唔算太多人,只有幾檯客人,所以上菜只用咗5分鐘。 呢度嘅任食喺指,當食完第一round嘅所有食物,就可以叫店員refill。Refill果陣唔一定要所有野都refill晒,可以選擇只refill炸雞。第一round有5件炸雞,之後就算只refill一件炸雞都可以!不過要注意嘅喺,叫set嗰陣會fix死1款sauce,如果食厭咗想食其他sauce,就要再加100yen。 咁究竟食物質素如何呢? 記者Vivi:Salsa sauce酸酸辣辣咁好開胃,炸雞嘅第一round唔算太熱,之
04
Aug 17
01:38
博客

【東京四圍食好嘢!】超奢華「爆料壽司」食店7選!

去得日本又點可能唔去食壽司,不過食嚟食去都係嗰幾款就有啲悶。所以今次就特別啲,同大家一齊捐窿捐罅,去勻東京都內8間可以食到「超奢華爆料壽司」嘅日式料理店!   1. 魚真@新宿 除咗新宿之外,「魚真」喺銀座、澀谷、惠比壽、吉祥寺等地區都設有分店,店內最具人氣嘅就係多料到睇唔到壽司飯嘅「のっけ寿司(¥1,500)」,飯上面鋪滿海膽、三文魚籽、蔥花吞拿魚蓉同蟹肉,食材之多完全顛覆咗對壽司嘅固有概念!   刺身拼盤「刺身盛り合わせ(¥1,500)」都係呢度嘅人氣之選! 魚真 新宿店 地址:東京都新宿区新宿3-35-5 2F 電話:03-3351-3772 營業時間:17:00~24:30 官網:www.uoshins.com   2. 漁十八番@澀谷 「 漁十八番」係澀谷區內頗具名氣嘅魚介專門店,店內氣氛非常熱鬧,最為人熟悉嘅就係大份得嚟價格又非常合理嘅料理,必試名物「こぼれ寿司(¥1,500),三文魚籽、海膽、吞拿魚蓉、蟹肉多到出哂界,相當吸引。  
17
May 17
23:38
博客

澀谷最新「MEGA驚安の殿堂」  7層重點搶先睇

上個星期東京澀谷開咗間最新嘅24小時MEGA驚安の殿堂(「驚安」), 依間驚安係「進化型旗艦店」,有成7層咁高,快啲去睇下有咩重點推介啦~   小編覺得第1至3層係重點血拼區,冇時間嘅話可以考慮淨係行依三層!   首先一入門口就係手信專區,東京、大阪、北海道等等限等零食都買得到! 另外驚安又好貼心地整咗個抹茶專區,方便抹茶控們一次過睇晒有咩正嘢!   2樓係零食飲品區,當中唔可以走寶嘅當然有各款超抵零食啦~ 好似依個雪糕筒餅乾咁,50円,好平啊!   唔知有冇愛茜之人喺到?近期東京好興食芫茜味零食,但想買起嚟又成日都買唔到>< 驚安就整咗成個專櫃放芫茜味零食同飲品(係啊連飲品都有==)   另外港人宵夜最愛嘅杯麵有好多好多選擇,當中有啲仲係超抵價,一定平過去便利店買!   3樓係藥妝天堂,藥妝數量多過一般驚安3倍; 至於4樓係衫褲鞋襪
13
Apr 17
02:56
博客

【池袋・新宿・澀谷・惠比壽】5大心水推介烏冬店!

你有否發覺,日本拉麵店多如便利店,相對特別的烏冬店少很多,反而便宜的連鎖烏冬店更深入民心。有外國人跟我說,以為日本烏冬就是三四百日圓的質素,直至我帶他試勻我的心水推介,才知道烏冬可以比拉麵更好吃!   第一推介:摩登和風5星之選 山長烏冬@惠比壽 如果你講究用餐氣氛,注意細節,對食物又講究的話,你會對「山長烏冬」很滿意。店內是貫徹的木色內裝,和紙燈透出柔和燈光。餐牌也用和紙造的,驟眼看每一道菜好像是用毛筆寫上去的,很秀麗,看得很舒服。食物方面,油豆腐皮烏冬、櫻花蝦野菜天婦羅烏冬、高湯玉子燒和山長肉豆腐都是招牌菜。   大阪老店食材 熬出清麗湯底 這店的烏冬偏幼,近似讚岐風,湯底很出色,味道清麗,原來是用上大阪一間老店的昆布和鰹魚節。店子還特意預備了柚子皮、蔥花和昆布讓您加到湯底,想再多變化的話,還可加芝麻和七味粉,都香到不行。 櫻花蝦野菜天婦羅烏冬1058日圓,天婦羅可加鹽或蘸湯。   油豆腐皮超厚 櫻花蝦天婦羅超大件 相比其他烏冬店出品,這個油豆腐皮出奇地有一定厚度!別家的甜得像加了糖水,它卻是微甜,毫不油膩,索盡湯汁一口咬下去很好吃。櫻花蝦天婦羅夠澎湃!不僅櫻花蝦、還有大蔥、牛蒡、蓮藕等,你可配醬油蘿蔔蓉,或者簡單
27
Feb 17
23:33
博客

[日本街訪] 你唔係咁講嘢啊?一聽到就嬲嬲豬!

好多人都話日本人好溫柔,就算嗌緊交都一樣咁有禮;可愛感爆燈嘅日文同開口埋口都係一門四傑嘅廣東話簡直係有天壤之別。不過就算係幾善良嘅人都有發嬲嘅時候,日本人聽到大家講依啲說話都會嬲嬲㗎!咦,有啲好似有聽過…   「你就係腐爛嘅食物!」(腐った食材) 吓,讚人正菜就有聽過,話人係臭菜臭肉真係第一次聽。 話說左邊依個姐姐喺學校練習嗰陣表現得唔夠好,就比老師話佢係「腐爛咗嘅食物!」。當吓個心真係好傷…一地玻璃碎,不過佢都好好脾氣咁冇駁嘴。但係背後講吓依個老師壞話之類平衡心理嘅健康活動就當然唔少得啦~ 如果有機會嘅話,佢想同依個老師講:「就算你要舉例都唔該舉個冇咁mean嘅例子吖!」(もうすこし優しい例えをして!) 嗯,佢話佢好嬲,但我都係覺得好溫柔w   左)「中年阿叔」(中年) 聽到嗰刻真係笑咗w比個大過自己嘅人話係中年的確會嬲嬲,但係…死啦其實我聽完都覺得好似冇講錯w 果然無論係男定係女,大家都一樣對年齡依個話題十分敏感啊~ 佢想同話佢係中年嗰個前輩講:「如果我瘦咗一樣會好靚仔!」(痩せたらジュノンボーイだぜ)
11
Jan 17
22:19
博客

[澀谷街訪]唔講內涵齋睇樣 第一屆Like Japan港產男女神選舉(上)

  第一屆LIKE JAPAN澀谷街頭港產男女神選舉終於係各方好友嘅支持下完滿結束~ 賽果出乎意料地一面倒,而家就話你知日本人心目中既男女神係邊個同有咩特質啦~   女神篇 女神我地揀咗(左起)90後集體回憶阿嬌、TVB花旦陳法拉、近期人氣急升嘅Angela Yuen、?模始祖Janice Man、性感女神娜姐同啱啱做咗人妻嘅香香~   結果8位受訪日本男士入面,就有5個人揀咗Angela Yuen,原因不外乎係可愛、後生(似中學生)、同埋短頭髮好有吸引力,仲顯得個人對自己好有自信咁話~   加邊個位男士仲話有機會嘅話,希望帶Angela Yuen去XX同佢XX,下集再話比大家知佢到底想點樣!   接下來嘅兩位就揀咗香香(nice~)原因係…佢地鍾意啱啱好店到膊頭嘅頭髮,嫌Angela Yuen嘅短髮太短喎~ 另外香香嘅熟女魅力亦都係令佢成功跑出嘅原因之一~ 簡單嚟講(學嘢啦):唔少日本男仔鍾意短髮/啱啱及肩嘅髮型,而無論係鍾意後生女定係熟女,似乎「卡哇意」係必不可少嘅女神元素~
12
Dec 16
19:43
博客

【步入刺激緊張嘅「虛擬世界」 】 澀谷70分鐘VR任玩放題!

VR遊戲流行咗咁耐,你唔係未玩過啊嘛?!   唔緊要,大好嘅機會嚟啦!因為位於澀谷Adores 嘅4樓已經全面改裝成「VR PARK TOKYO」,入面會開放5個遊戲,仲話之後新Game會陸續有嚟,最正係呢度唔使逐個Game收費,入場畀¥3,300就可以玩足70分鐘,兩個人去仲有得再平啲添!呢度12月16號就會正式開幕,仲唔快啲Bookmark定到時衝入去玩!   玩VR又點少得劇院式玩法!未玩過VR GAME可以先玩吓呢個,坐定定唔使點郁就可以有前所未有嘅嶄新體驗!不過肉體上嘅輕鬆唔代表心靈同精神上嘅輕鬆,遊戲嘅故事劇情極度緊張同恐怖,小心踏入咗虛擬世界隨時行唔返出嚟......!   雖然旁人睇你玩呢個Game好似傻子一樣揸住支棍係咁Fing,但實情你係做緊偉大又神聖嘅任務,坐住飛毯穿梭天際之間打怪獸,企喺度玩好考平衡感㗎!   場內大部分遊戲都可以2個人一齊玩,好似呢個「GHOST ATTACKERS VR」咁,就可以同朋友齊齊化身驅鬼專家,對住啲鬼不停大開殺界,好過癮。   講到日本運動,一定唔少得棒球,所以喺場入面都可以玩到
17
Nov 16
00:23
博客

【初心者東京自遊行秘笈】LikeJapan4日3夜建議行程(DAY 3)

【初心者東京自遊行秘笈】LikeJapan4日3夜建議行程(DAY 3)   想睇返第1日行程的話,可以去呢度 第2日行程的話,可以去呢度   第3日,女仕們出發前要Check清楚有無帶足Cash同信用卡!今日重點係Shopping!!!   品川 -> 代々木公園 -> 原宿(竹下通/裏原宿/表參道/キャッツ通り) -> 澀谷(ヒカリエ/忠犬八公廣場&QFRONT) -> 品川   第3日嘅推介行程早上先去明治神宮吸吸新鮮空氣,明治神宮位於代代木公園入面, 撞正星期六、日去的話,仲有機會有跳蚤市場,要執平貨呢個係好機會啦!   去之前可以睇睇呢個代代木公園嘅非官方網站 (日文網站),可以一次過睇哂最近有咩大型節目,好方便。   至於點去?大家可以於品川站乘坐JR山手線(2號月台往澀谷、新宿方向),車程15-17分鐘,車費170円, 喺代々木(代代木)落車,落車後喺西口出去轉左。     沿北參道行到中間就有個全日本最大嘅木製鳥居,再行入去就會到明治神宮。   呢度就係明
26
Sep 16
23:40
博客

澀谷街訪之日本人戀愛那些事兒

  想喺日本長住,如果唔係有返咁上下錢,又冇力能喺日本工作嘅話,就真係諗都唔洗諗!呀,唔係,如果你嫁比日本人嘅話,成件事就冇問題啦~~~不過異地戀真係談何容易咩?所以MIKA就決定喺大家洗濕個頭之前,深入日本人嘅內心世界,了解吓佢地肚入面嗰條蟲,呀姐係佢地嘅戀愛觀到底係咩嘢一回事~~~   問:你嘅理想型係? 答:又瘦又搞笑,總之唔係外國人就OK~不過其實我而家又唔係真係咁想拍拖,感覺好似比起搵女朋友,識多啲朋友仲開心~~~ (本身我有條問題係想問如果你有同外國人拍拖嘅打算,會唔會考慮吓同我拍拖呢?結果問都唔洗問就知道可以收皮==)   問:另一半做過最難以原諒嘅事係咩嘢呢? (中間個位靚姐姐(雖然佢細過我omg))答:出軌! 話說以前佢有個好姐妹,竟然同佢男朋友搭上咗,結果到而家仲係原諒唔到佢地,無論係同個ex定係同個第三者都冇再聯絡啦~ 嗚被出軌都已經夠慘㗎啦…仲要係被好姊妹,真係聞者傷心聽者流淚!   問:你出軌嘅定義係咩呢?