潮流
28
Apr 17
02:50
博客

日本時尚潮流品牌STUDIOUS登陸香港

日本時尚潮流品牌STUDIOUS第一間海外旗艦店正式登陸香港銅鑼灣Fashion Walk! 一直標榜著「from JAPAN to the WORLD」嘅STUDIOUS於香港銅鑼灣Fashion Walk開第一間海外旗艦店。佢地仲選擇左喺4月25日STUDIOUS成立10周年呢個大日子開店! STUDIOUS喺日本有23間分店,除左佢自家品牌外,仲好積極推動多個日本品牌之間嘅合作,包括FACTOTUM x Wrangler Jeans, Ground Y x FRED PERRY Cut&sew, ETHOSENS x JOHNSMEDLEY Knit及只於香港旗艦店發售嘅STUDIOUS x PORTER 店內裝修都好講究,用左代表STUDIOUS嘅白色配合日本傳統元素 更衣室門用木同紙做嘅板,顏色以大自然感覺為主,再配以竹同埋石,展現出「和」嘅感覺 對於點解會選擇於香港開第一間旗艦店,CEO高嵨先生表示有3個主要原因: 1.香港人有高尚潮流觸感 2.香港人好鐘意日本 3.冇商品稅 另外,STUDIOUS想帶俾香港人如置身日本購物一樣嘅感覺。因為香港冇商品稅,所以衫嘅價錢接近日本原價。而且佢地有日本店員駐守香港,將日本嘅良好服務帶俾大家。 今次STUDIOUS重點推介只有香港旗艦店發售嘅STUDIOUS x PORTER,呢次嘅合作,PORTER破天荒使用白色作商品!
03
Jun 16
18:03
新聞

日本潮B!椰菜當帽戴!

日本嘅潮流,真係點都追唔上! 有邊個會諗到椰菜都可以當帽戴喎~ 仲要係俾個BB囡諗到!!!   睇吓BB囡嘅藝術氣質出哂嚟~第日大個一定係潮流教主!   由上面睇落去~俾你睇吓個頭頂~包得哂個頭~   由側面睇~卡嘩依呢~   有興趣跟上呢個潮流嘅朋友,BB囡話可以係呢嚿椰菜到拎一塊喎~(好似係,除非唔係)   不過,椰菜係綠色,當帽戴,咁咪變咗帶綠帽!? 唔…帽事嘅…帽事嘅……百帽禁忌=w=   話說,你地細個有無試過放咩搞笑嘢係個頭到呀?    
18
May 16
23:36
新聞

日本潮爆雙胞胎!

從前,日本有一對好潮好可愛嘅雙胞胎,佢地叫做りんか,あんな,今年5歲。 佢地有個招牌髮型,就係喺人海中都可以睇得好清楚嘅超超超短劉海,同埋戴黑框眼鏡都係佢地嘅特徵黎!   佢地喺日本有幾出名?er...喺2015年出埋寫真集咁囉。   但其實論可愛嘅話,個人認為佢地未可愛到一個極點,咁點解會咁出名?原來係因為佢地夠潮!!!無錯幾歲人仔就識潮,全靠有個潮媽媽!比你地睇下佢地全家幅先啦!阿爸阿媽都咁識打扮,阿爸仲型型地添!真係幸福呀! 佢地嘅日常打扮:
09
Jun 17
02:11
新聞

人氣雜貨品牌SWIMMER、chocoholic即將結業

人氣雜貨品牌SWIMMER、chocoholic即將結業 廣受年輕人歡迎嘅人氣雜貨品牌SWIMMER、chocoholic即將結業!由於近年通漲引至製作同價格維持困難,店舖將會2018年1月前全線結業。各店舗最後營業時間可以睇返官網… SWIMMER、chocoholic商品都好可愛夢幻,深受日本年輕女生歡迎 深愛SWIMMER、chocoholic嘅大家要好好把握最後機會掃貨啦…( ´•̥̥̥ω•̥̥̥` ) 官網:http://www.swimmer.co.jp/
18
Sep 16
08:14
新聞

日本校服「文青化」 短裙長襪不再是王道

講起日本女學生制服,你會起乜?水手服?短裙大象襪?長到死嘅冷背心同短到僅僅遮到屁股嘅超短裙? 10年前,喺日本講起女高中生制服就一定係短裙配藍色長襪。唔少女神想當年都喺日劇有作過呢個打扮。當年超多少女辣妹參拜嘅時尚聖經「Popteen」、「Seventeen」等雜誌都經常搵嚟模特兒配搭將校服著得有型、kawaii。   但今時今日,呢個風氣已成為過去!現代女高中生流行嘅標準係及膝長度校服裙+白色短襪!   「GIRL’S TREND 研究所」針對154個女高中生調查咗佢地嘅「校服裙長度」。結果顯示,37.7%嘅學生都話及膝先係主流!而且,第二位嘅膝頭哥上5cm以內有29.9%,而膝上5cm以上嘅得第三,有21.4%支持率。   俾大家睇個效果圖、其實即係:   除了裙長度之外,就連學生襪嘅潮流都變更緊。   90年代超級流行嘅大象襪沒落,就算啦。而家最興嘅係有成44.2%支持率嘅短襪,睇嚟係因為條裙長咗,而依家
28
Jul 16
02:37
博客

戴套才是愛的證明?

成日覺得清楚時鐘酒店嘅男人係一個成功嘅男人,而出街常備condom係一個大人嘅禮貌。今次介紹日本最新domdom,等大家今個夏天都可以活著viva,當然你這一生不羈放縱愛自由都係無問題嘅。 首先係戴左都唔知自己戴左嘅極薄系(好似誇張左d) SAGAMI ORIGINAL 5個裝1200yen 相模推出世界第一個0.01mm套,可以話係人類最偉大嘅發明。銷量勁到生產趕唔到由上年6月停賣,今年6月再開始再銷售,我可以叫你做耶蘇嗎?   岡本01 3個裝900yen 如果相模真係耶蘇,你就一定係救世主。第二個都係0.01mm,係我心中同LV差唔多出名嘅岡本。睇下個包裝先,拎出黎果時以為自己係James Bond呀。價錢比起SAGAMI ORIGINAL貴少少,大家都係0.01但岡本呢個設計係由頭到尾都係0.01,而且比起SAGAMI ORIGINAL多咗潤滑劑。大家都係對所有事有要求嘅男人嘛?都唔爭在果少少錢啦。   岡本003 12個裝2000yen 容易穿上?裝上?
23
Oct 16
11:42
新聞

日牌earth music&ecology 同《銀魂》合推出女裝!

日本時裝品牌earth music&ecology宣布同人氣搞笑漫畫《銀魂》合作推出crossover商品,11月3日起全線店鋪發售!今次商品以銀子、神樂、X子、總子同桂子為主題而設計。官方率先公布「銀子+神樂」商品設計同實物圖!       銀子+神樂主題連身裙 分別售價8990Yen+稅   以銀桑為主題設計手袋 售價7990Yen+稅  
15
Nov 16
00:34
新聞

EVA推勁霸氣20萬Yen和服 全球限量100套

由Tokyo Otaku Mode發起嘅計劃,以新世紀福音戰士EVA Q設計嘅和服「EVANGELION X Full Graphic Kimono」由聽日開始接受預訂,全球只限100件!個設計真係毒得嚟好有霸氣,日本人都大讚係「本格的痛着物」~     Tokyo Otaku Mode喺10月嘅時候做咗個全球性嘅調查,而今次就將67個國家入面最受歡迎嘅「集合:新世紀福音戰士」嘅設計正式商品化去製造今次嘅和服。連條帶都係EVA嘅A.T. Field嚟㗎!就算唔捨得攞嚟着都可以用嚟做裝飾,因為連個架都有賣!     以A.T. Field為concept設計嘅和服腰帶: 面: 底:
15
Nov 16
20:40
新聞

【很想要吧】宅男女冬天必備廢人裝!

冬天就到了,又到完全唔想離開被竇嘅季節。尤其真係好凍嘅時候,真係連出廳、甚至去廁所都覺得好辛苦。雖然香港唔係個個間屋都容立到日式暖爐檯,不過日本家居服品牌BIBI LAB就推出咗呢套超級懶人裝「冬のダメ着」,仲有5隻色㗎!   呢套懶人裝標榜可以幫人節省暖爐錢電費、全身軟淋淋好舒服,最緊要係機能性超高!小編推介得就梗係因為佢同其他嘅全身裝真係有決定性嘅分別,我都真心想入手一件啊XD   主要特徵: 防靜電、可以成件擺落洗衣機洗   手部分有四式手指開放功能   足部能自由活動、可以放電話嘅衫袋   女仔可以扎雙馬尾
19
Dec 16
19:40
新聞

一個扭蛋增強你屋企保安?日本最新玩嘢之作「防罪扭蛋」

最近日本推出咗呢隻扭蛋,引起一班網民嘅熱話。呢隻扭蛋真係唔話得,因為佢嘅設計原意係要減低犯罪率,同埋增強你屋企嘅保安!到底係咩扭蛋咁巴閉?   登登登凳!   其實呢款扭蛋係一個磁石嚟嘅。設計到好似一個門口插鎖匙嘅鍵孔咁,官方就話你可以加啲超能膠黐係唔同嘅地方,發揮你嘅想像力小宇宙!例如黐好多個係門口,咁就算有小偷要嚟偷嘢都會嚇到呆咗唔知撬邊個啦!(雖然我覺得明明一眼就睇得出個分別xD)   呢款只賣200Yen、Humorous art&design設計嘅扭蛋共有六隻色,黐手機、雪櫃都得。唔知大家又會照常拎嚟黐係邊呢?