溫泉
26
Jan 17
01:32
博客

【第30回「日本溫泉百選」出爐!】 帶你巡遊「5大必到溫泉」!

日本觀光經濟新聞早幾日發表咗第30回日本溫泉百選,當中大家又認識幾多個呢?呢100個溫泉全部都係由日本專業旅遊業者就溫泉氣氛、周邊地區充實度、溫泉泉質及當地鄉土食文化4點去嚴選出嚟,以下落嚟為大家介紹吓頭5位!   第一位 草津     草津溫泉已經係第14年連續獲得溫泉百選嘅第一位,最出名嘅就係由一行行整整齊齊嘅木箱排成嘅熱水田「湯畑」,呢度係草津溫泉嘅主要源頭,每分鐘可以湧出五千公升嘅溫泉水,而啲木箱除咗可以沈澱泉水嘅礦物質之外,仲可以起到降溫嘅作用,將高達90度嘅泉水降溫之後就會經導管分送到周邊旅館同公共浴場。   草津溫泉嘅泉水量好大,溫泉旁邊嘅石頭都被泉水染成硫磺嘅顏色。由於溫泉水非常高溫,冬天嘅時候四圍都會升起濃濃嘅白煙。   冬天想即刻暖吓個人,唔使趕返旅館浸溫泉嘅,喺湯畑隔離就有一個足湯,不過記得準備定毛巾去抹腳。   湯畑附近係草津溫泉最熱鬧嘅地方
26
Jul 16
01:52
博客

晚冬.日本.關西.日本三景天橋立、城崎溫泉

日本三景之一  天橋立(amanohashidate)   由大阪前往天橋立,需要坐JR由大阪到褔知山,再轉乘北近畿タンゴ鉄道到天橋立。 在褔知山駅轉車很方便。 雖然只有兩分鐘轉乘,但其實只需行到對面月台,所以是綽綽有餘的。   從福知山到天橋立這一段由於是北近畿タンゴ鉄道經營的,不可使用JR Pass,所以便購買了天橋立まるごとフリーパス,這個Pass除了可以無限次乘搭區間內特急(僅限自由席)之外,還包含了觀光船、傘松公園纜車,價值3000円。   它發售的地點只有在北近畿タンゴ鉄道的駅,所以兩分鐘的轉車時間看似不能夠買到車票,其實它很好心地安排了一個貼心的服務。就是 特急列車おとどけサービス ,這個服務只需在一星期前send E-mail到 kikaku@ktr-tetsudo.jp 預約(可以用英文預約),上車後當車掌先生過來驗票時,直接說有預約送票服務,再直接付現金便可了。   到達天橋立駅後,有不同語言的旅客服務中心 首先到碼頭乘坐觀光船到傘松公園 有很多海鷗跟著我 天氣不太
07
Mar 17
23:30
博客

伊豆半島 3日2夜之旅 - 第一天

伊豆半島 3日2夜 - 第一天   行程時間表: 11:00:東京站坐特急「スーパービュー踊り子5号Super View Odoriko 5」 13:00:到達伊豆嘅熱川站之後先去溫泉足湯浸腳,再去「うめや食堂」食Lunch 15:00:酒店Check in「Takami hotel」 晩上:行去「溫泉弁財天」、「熱川遊技場」 伊豆大家都聽得多,不過大家都會去箱根多,好少人會去伊豆。其實伊豆係同箱根齊名,而且因為近海,伊豆仲多野睇、食同玩。   今次呢個伊豆半島 3日2夜介紹,都係車長親自去過同行過,行程上可能會有少少急,大家可以按個人節奏安排~ 想知去伊豆嘅方法可以睇返「日本最早開嘅伊豆櫻花景點河津觀光及交通篇」呢一篇,入面有教交通安排。 今次主要目的地係去熱川、下田同伊豆高原。 酒店就兩晩住同一間酒店。   今次介紹嘅溫泉酒店係熱川嘅たかみホテル(Takami hotel)。http://www.takami.yad.jp/ 一晩連兩餐,房内有露天溫泉望海風呂嘅和室由34200円起。個景都幾靚,望向大海。
27
May 17
02:22
博客

全世界最古老溫泉旅館「慶雲館」

全世界最古老溫泉旅館「慶雲館」 今次介紹呢個全世界最古老溫泉旅館「慶雲館」係位於山梨縣,創業於西暦705年。其歷史超過1300年以上,更加於2011年以住宿設施的身份成為健力士世界紀錄所認定的世界最古老溫泉住宿設施。設施主人更加係代代繼承,到目前已經係第52代。   從46代孝謙天皇開始至今,一直到戰國武將武田信玄同天下人德川家康等等,好多歷史偉人都曾到「慶雲館」呢個名湯泡溫泉!呢度每分鐘有400L泉水湧出,2005年再掘之後,有更加多泉水湧出~! 客房有3種,每間房都可以見到美景~   数奇屋造り月見台付客室 呢間客房名為賞月客房,和室外面有一個露天位置俾你賞月 源泉掛け流し 総檜内風呂付き 特別客室 呢間和室非常大,適合家族去,仲有個室內風呂 源泉掛け流し露天風呂付き特別客室 北岳 最後呢間客房喺俾高級客人住,裝修非常典雅,露天風呂望去嘅景色亦非常靚
28
Apr 16
19:09
新聞

大阪溫泉竟然有紅白機、超任任玩?!

唔知大家浸完溫泉之後會想做咩呢?其實我浸完之後就超想訓覺嘅~ 但係大阪箕面市「箕面温泉SPA GARDEN」提供咗超級任天堂同紅白機比顧客玩喎! 就算去為咗打機唔浸都有得諗喎!   箕面温泉SPA GARDEN 營業時間:10:00~23:45 (最終入場22:45) 地址:大阪府箕面市温泉町1-1   浸完就有好多部超任等緊你   大量遊戲     紅白機都有嫁!   個手制真係型。  
29
Mar 17
18:47
新聞

大江戶溫泉又有新嘢玩! 夜間另類「浪漫水中賞櫻」!

應該有唔少人都聽過「大江戶溫泉物語」呢個地方,入面唔單止有8個溫泉區,仲有野食有街行,閒閒地玩大半日都未必捨得走!   「大江戶溫泉物語」室內環境   最特別係呢度時不時都會舉辦唔同特色嘅活動,好似今年2月尾先啱啱完咗個水中煙花,轉個頭又話有得睇水中櫻花,令人忍唔住又會想再去多次!   今次嘅「夜桜fantasy -大江戸温泉 花の宴-」會由2017年3月25日舉行至4月30日,剛好係日本櫻花季,日頭去睇完真嘅櫻花,夜晚就可以嚟呢度邊浸腳邊欣賞以光雕投影技術投放喺足湯區水面嘅夜櫻放鬆吓,氣氛好浪漫!   連棧橋嘅位置都鋪滿櫻花迎接大家。   呢個活動為期只有一個月左右,如果計畫會去日本,千祈唔好錯過咁特別嘅賞櫻機會!   夜桜fantasy -大江戸温泉 花の宴- 地點:東京都江東区青海2丁目6番3号 東京お台場 大江戸温泉物語 電話:03-5500-1126 活動日期:2017年3月25日〜4月30日 時間:18:30〜24:00 費用:大人 ¥1,780起、小童 ¥980 官網:daiba.ooedoonsen.jp
12
Apr 17
01:09
新聞

「別府市・湯~園地」落實推行! 真係可以「邊浸溫泉邊玩旋轉木馬」!

仲記唔記得幾個月前別府市曾經拍過條片介紹異想天開嘅「湯~園地計画」?仲話只要條片嘅觀看次數超過100萬次就會開始做野,點知反應異常地好,短短幾日就已經夠哂數,市長亦出嚟找數表明話會認真考慮應該點實行呢個看似不可能嘅任務!   想了解多啲成件事嘅來龍去脈可以重溫【推到100萬次播放率!「別府市・湯~園地計畫」真實呈現!】   成件事到而家已經過咗好幾個月,原來別府市已經靜雞雞地完成埋集資行動,成功為計劃集得3,000萬上以資金,即係話個計劃好大機會真係會實行得到,邊浸溫泉邊玩遊樂設施並不是夢!   為咗可以真實推行到呢個計劃,別府市喺承諾會認真考慮點推行呢個計劃之後就開始進行集資行動,最誇張嘅係距離結束時間仲有5小時,佢地就已經湊夠3千2百幾萬日圓!而「湯~園地」亦宣佈預計會喺7月29至31日期間開放!   呢個計劃嘅初期目標為1,000萬日圓,一達到呢個目標,樂園就已經公佈園內會開放「溫泉吊橋」、「溫泉滑梯」、「特製溫泉」等4個遊樂設施。   當中識飛上飛落嘅「ミストアストロファイター」喺最早期嘅宣傳片中其實都有出現過,估唔到真係有得玩!  
19
May 17
22:37
博客

埼玉縣7大舒服溫泉

日本人假期都好鍾意即日來回附近縣嘅溫泉嘆一嘆,其實東京去埼玉坐JR都係30~40分鍾就到~所以埼玉非常多日本人即日來回去玩~今次就介紹埼玉縣7大舒服溫泉俾大家啦!   雅樂の湯/北葛飾郡杉戸町 雅樂の湯係連續4年獲選全日本第1位人氣溫泉! 入面有生源泉内温泉、高濃度炭酸温泉、石温泉、足湯等好多種温泉~除左溫泉仲有岩盤浴~可以嘆足全日~! 杉戸天然温泉 雅楽の湯 地址:埼玉県杉戸2517 官網:http://www.utanoyu.com/   彩香の湯/戸田市 非常有日本感覺嘅溫泉,有壺温泉、漢方藥蒸温泉等特別温泉,3樓仲有得唱k(另外收費)~2樓仲有3間日本料理店 彩香の湯 地址:埼玉県戸田市氷川町1-1-23 官網:http://www.saikanoyu.com   星音の湯/秩父市 除咗溫泉外,仲有岩盤浴、溶岩浴、足湯等等 環境優美,好似置身於森林享受溫泉一樣
01
Oct 16
00:25
博客

【日本之最】最難預約旅館 - 箱根吟遊

  越得唔到嘅野就越想擁有佢,講緊嘅係連日本人都覺得係全日本最難預約嘅溫泉旅館「箱根吟遊」。點解咁難book?因為呢度實在太靚太正啦,啲客check-out嗰陣就會順便預訂埋下次入住時間,所以搞到新客仔要早差唔多成年就打去預約,真係好誇張!不過聽講間唔中都會有住客臨時取消booking嘅,有興趣不妨撞下手神,睇下有冇機會入住到呢間號稱全日本最難預約嘅旅館。   咁到底呢度有咩咁吸引呢?   1. 隨四季改變嘅自然風景 旅館位於420米高處,環抱河谷及箱根連山隨四季而變嘅壯麗景色,因為擁有呢個地理優勢,酒店都特登將Reception同Lobby設置喺5樓頂樓,等住客check-in嘅時侯可以親身感受大自然嘅美。   酒店大堂充滿大自然風情,坐喺椅上一抬頭就會望到一片綠油油嘅大自然山景。   入夜後又係第二種感覺,氣氛好浪漫   2. 極具日本風味嘅高級室內裝修 一行入住宿範圍個心會不期然咁靜落黎,入面裝修有種禪嘅味道,置身當中就好似置身於幽靜嘅森林咁,加埋四周嘅環境,真係說不出嘅舒服。   旅館嘅每一個角落都充滿住濃厚嘅日本傳統風格,有
22
Feb 16
23:29
博客

沖繩至嘆體驗!180°海景溫泉!

今次要介紹呢個係沖繩東南邊既純天然溫泉 - 猿人之湯! 呢個溫泉係山頂上面,係山頂既好處就梗係有靚景啦~我都係見到有180度海景,仲要咁平,先黎睇下係咪咁正。   天然温泉さしきの猿人の湯 地址:1688 Sashiki Shinzato, Nanjo, 南城, 沖繩 電話:098-947-0112 營業時間:07:00 - 23:00 (最後入場22:30) 費用:成人 1650 日元             小童   750 日元 (五歲以下免費) 交通:那霸市自行開車大約45分鐘             那霸巴士總站乘搭 39, 41號巴士於「休暇センター入口」下車,再步行五分鐘 (注:不招待紋身人士) 其實就係南城南條飯店入面。   (照片來源:來來琉球) 就係呢張喇,但我去果日就多雲,個天就無咁靚喇,不過180度就係真既!   猿人個大堂,亦都係餐廳,浸完出黎可以食野,或者食完野入去浸又得。 直接去櫃台話 hot spring 就得嫁喇!