渋谷
31
Jul 17
22:25
博客

市中心的浪漫!東京渋谷沙灘cafe Alee Beach

去東京想去下特別嘅cafe?東京渋谷有間cafe,佢入面個地下全部都係沙,佈置得非常有情調,旅行嚟放鬆下都係唔錯選擇啊!   呢到唔止佈置有情調,連食物都係夏威夷風~ Lunch大約1000yen左右,晚餐有埋酒精類任飲3500yen左右,價錢都算合理~ 夏威夷斯堪比蝦  1300yen   LOCOMOCO  1200yen   (店長推介)牛油果漢堡  1000yen   飲品方面整得好靚好有夏威夷風味 Pina Colada 、Blue Hawaii  各800yen 食物所有都同人手制作,唔會使用加工品~   而呢到仲有個特別地方係有名藝術家*Colette Miller所畫嘅天使之翼! *藝術家Colette Miller2012年喺洛杉磯街頭畫咗天使之翼後成名 Alee Beach 地址:東京都渋谷区神南1-15-12 佐藤ビル1F 營業時間:11:00~2:00
06
Jun 17
22:49
新聞

【期間限定】美少女戰士蛋糕

【期間限定】美少女戰士蛋糕 為咗紀念美少女戰士25週年,Cafe comme ca渋谷西武店將會推出美少女戰士限定menu~ 芒果.橙   蜜瓜.奇異果   草莓.車厘子   提子.藍莓   芒果.蜜桃   另外有各款飲品   美少女戰士蛋糕Set-1,350yen (cake+飲品+杯墊) 日期:2017年6月6日~6月30日 地址:Cafe comme ca渋谷西武店 東京都渋谷区宇田川町21-1 シブヤ西武P館
26
May 17
23:10
新聞

渋谷全新酒店 TRUNK HOTEL 

渋谷全新酒店 TRUNK HOTEL  剛剛喺今個月開業嘅TRUNK HOTEL 成為話題~到底入面係咩樣嘅呢~? TRUNK HOTEL 以「ENVIRONMENT」、「LOCAL FIRST」、「DIVERSITY」、「HEALTH」、「CULTURE」5個重點經營   連埋B1總共有5層,一共有15間房,每間房因應唔同需要、人數有唔同設計、設備 呢間1~14人可容納嘅陽台屋,透明玻璃設計增加透明度 另外有投影機等設施,廚房都好有睇頭   其他客房參考 另外有多國料理、串燒店等 仲有bar,定期會舉辦event
30
Dec 16
23:57
博客

【東京3大必玩VR虛擬實景】連女仔都大讚超好玩!

打機並唔係男仔專利,特別係近年推出嘅VR Game虛擬實景遊戲,風靡住球,不分年齡性別大家都齊齊大讚好玩,360度嘅立體影像假想空間令人不自覺地全情投入,玩到手騰腳震兼尖聲大叫一啲都唔出奇!   到而家都未玩過唔緊要,話畀你聽東京呢3個VR Game都係必玩!會去東京的話記得Bookmark定!   1. ZERO LATENCY@Tokyo Joypolis     呢個係全世界第一個可以6個人一齊玩嘅VR Game,頭嗰15分鐘,職員會簡單咁講吓個遊戲嘅玩法,跟住嗰15分鐘就會正式開始同喪屍廝殺。個game都幾講求團隊合作,赢定輸,睇你會唔會有豬一樣嘅隊友。由於玩嗰陣要揹住個4公斤背囊同2公斤嘅槍行嚟行去,所以大家最好著啲方便移動嘅服裝同鞋,迷你裙同高踭鞋就留返shopping再著啦~     除咗呢個「 ZERO LATENCY」,Tokyo Joypolis入面仲有超過20款唔同遊戲可以玩,有唔少都係要動用到穿身氣力,成班friend一齊嚟圍威喂好玩到震!   Tokyo Joypolis 地址:東京都港区台場1丁目6番1号 DECKS Tokyo Beach 3F~5F 電話:03-5500-1801 營業時間:10:00~22:00 休息日:不定休 費用:入場費 大人¥800、小童¥500;入場加任玩套票 大人¥4,300、小童¥
05
Dec 16
04:12
新聞

年末新年倒數前後渋谷會有大規模封路

東京渋谷(澀谷、下稱渋谷)JR忠犬八公站前十字路口及其一帶,將於年尾12月31日晩至新年1月1日朝早會有大規模封路畀群眾作為「歩行者天国」去倒數及慶祝新年來臨!   為咗防止出現大混亂,警視廳同渋谷區決定今次封路相比萬聖節更大規模,包括渋谷駅西北一帶,犬八公站前十字路口,公園通,文化村同道玄坂一部份!暫定封路時間為31號晩上10點至1號凌晨2點。   近幾年渋谷駅西北一帶因為倒數及慶祝新年嘅人群太多,所以出現小規模混亂,警察亦拘捕咗少量人仕。有關當局估計今年都會幾混亂。由三年前去到上年,警視廳採取完全禁止群眾使用JR忠犬八公站前十字路口過馬路,結果令到渋谷駅西北一帶聚集咗大規模嘅人群,反而出現更加危險之情況。 所以今年萬聖節用相反方法,直接封路畀群眾作為「歩行者天国」,結果今年10月29-31日成功減少混亂。因此今年倒數及慶祝新年嘅時間JR忠犬八公站前十字路口及其一帶會有大規模封路,畀群眾作為「歩行者天国」去倒數及慶祝新年來臨!   各位去東京過新年嘅朋友都可以去渋谷感受下氣氛啦! 大家倒數可以去渋谷玩返晩喇!!!!
29
Nov 16
22:35
博客

【排幾耐都要試!】激讚滋味「吉列牛」名店4選

講到吉列料理,唔使講第一時間一定會諗到吉列豬,不過日本人咁多諗頭,吉列系美食又點會得吉列豬一種咁少。如果叫我推介,肉類系列一定係吉列牛!   整吉列牛勁講究火喉,炸嘅時間要拿捏得好準確,短短幾秒都會完全改變牛肉質感,整得好嘅吉列牛會炸到外層脆而不油,一切開入面仲係粉紅粉紅勁Juicy,諗起都覺得好味!以下幾間都係位於東京市內可以食到吉列牛料理嘅名店,一生人點都要去試一次。   1. 牛かつもと村@渋谷     話得係名店,排隊就少不免,不過呢間唔算等得好耐,中午時段去食都只係要等半個鐘左右,同朋友傾吓計好快就到。呢度嘅吉列牛只會炸60秒冇多冇少,所以可以做到外皮脆卜卜嘅同時肉質柔軟多汁!   食嘅時候可以點岩鹽、特製醬油、Wasabi或者Wasabi Source,想試牛肉最根本嘅味道的話一定係點岩鹽,可以吊到牛嘅肉香之餘又唔會搶咗牛肉嘅味道。   吉列牛嘅一大特點係通常都會整到半生不熟,但有好多人都食唔慣,呢度就好貼心地為每枱客人準備咗個小型烤爐,等想食熟少少嘅客人可以自己燒熟少少。   呢度全店得9個
24
Nov 16
00:50
新聞

東武加多啲小新25週年記念列車喇

之前講過為記念蠟筆小新25週年,貼上全車黄色及扮上儀象隊嘅春日部防衛隊、小新一家、小白、不理不理佐衛門、動感超人大家熟悉嘅角色等等嘅東武小新列車巳經登場。   而東武發現小新列車太受歡迎~~ 所以係25號開始,加多4列小新25週年記念列車。 分別為風間號,妮妮號,正男號同阿呆號! 毎列記念火車都唔同顔色!   風間號會係25號登場, 妮妮號就會係29號登場, 而阿呆號12月13號登場, 最尾正男號就會係12月20號登場。   同様地行走於伊勢崎線久喜戓東武動物公園至押上、日光線南栗橋至東武動物公園、東京地下鐵半蔵門線押上至渋谷及東京急行電鐵田園都市線渋谷至中央林之間!   不過酢乙女 愛、娜娜子同小白號呢?
11
Nov 16
00:58
博客

【冬天緊係去打邊爐!】東京暖笠笠極品火鍋4選

天氣終於開始轉涼,又係時候大家圍埋一齊烚吓烚吓!打邊爐嘅配料來來去去都離唔開豬牛雞海鮮同蔬菜,日本都唔例外。但明明大家用嘅配料都係咁上下,整出嚟嘅味道同風味就差非常多,以下呢幾間位於東京嘅餐廳都可以食到無論賣相定味道都非常出眾嘅鍋物料理,下次有機會記得去食返次同香港完全唔同風格嘅Shabushabu!   1.はながこい 青山本店@渋谷     嚟到呢間「Hanagakoi」一定係食超豪華嘅海膽鍋「うにしゃぶ(¥2,100)」!海膽鍋個湯底用咗海膽同蝦頭熬製,成鍋都呈現勁誘人嘅金黃色,未食都已經流哂口水!   見到個鍋上枱記住千祈唔好過於衝動就咁將啲海膽放哂入個鍋度淥,就咁放入去會令到啲海膽溶到渣都冇得剩。店員會好細心咁教你正確食法,會話畀你聽要用魚夾住海膽同其他配菜同要淥幾多秒,唔識聽到唔緊要,跟住做就得。   唔單止海膽鍋係極品,呢度嘅串燒都好正,如果幾個人一齊去不妨叫多幾款試吓。   鍾意呢度嘅另一大原因係呢度有2個人都可以入去坐嘅個室,可以慢慢食慢慢傾。  
09
Nov 16
23:39
博客

【粉紅VS淺藍】東京勁浪漫冬季燈飾

有時去旅行食到飽飽地,好想搵個地方散吓步消化吓,最好就係靜靜地加有景睇,可以順便影吓相唔好浪費去旅行寶貴嘅每分每秒嘛~   如果大家要求要有浪漫氣氛,極度推介大家去呢兩個位於東京市內可以睇到勁靚燈飾嘅地方,拖住另一半慢慢行,真係前所未有嘅浪漫!   1. 冬之櫻@目黒川沿道     呢度嘅燈飾以櫻花做主題,42萬個粉紅色燈泡掛滿沿途樹木,好靚好浪漫。呢個燈飾活動由2011年起每一年都會搞,到今年話咁快就已經到咗第6年喇,入面嘅所有燈泡都係由附近民居同食店用剩嘅廢食油去推動發電,夠哂環保。   大家行的話可以由黑川沿道行,到品川區立五反田FUREAI水邊廣場全程大概1.1公里,十零分鐘就會行完,完全唔會覺得辛苦。   目黒川みんなのイルミネーション2016 地點:品川区立五反田ふれあい水辺広場(東京都品川区東五反田2-9)、及目黒川沿道 點燈期間:2016年11月18日(星期五) ~ 1月9日(星期一) 點燈時間:17:00~22:00   ================ 2. 青の洞窟 SHIBUYA@渋谷     事隔2年,青之洞窟嘅燈飾終於返嚟啦! 「青の洞窟」係沖繩一
04
Nov 16
19:56
新聞

【滴漏咖啡飯係咩玩法?】日清話你聽咖喱飯原來可以咁食!

  你冇睇錯,我冇寫錯,日清11月2日真係喺渋谷站入面開咗間期間限定嘅即食咖喱飯店「DRIP CURRYMESHI TOKYO」,用滴漏嘅方法將湯汁加到飯入面!食個即食咖喱飯都搞咁多野,原來真係唔係單單為咗玩花臣搞Gimmick咁簡單,用滴漏嘅方法真係比就咁倒啲水入去沖好味好多!     呢間店預計只會開半年左右,計一計,即係開到2017年5月頭,要去真係要趁早!     店入面總共有3種咖喱飯可以揀,有Beef、Seafood同Spicy Chicken,揀好想要邊款飯就可以揀埋要邊款湯喇。   每種飯都有5款湯可以揀,啲味道平時都幾少機會食到,好似咖啡咁,邊個會諗到可以加落咖喱飯度食?!   牛肉咖喱飯:唐辛子、香蒜、茉莉花茶、鰹魚乾、咖啡 辣雞咖喱飯:唐辛子、香蒜、茉莉花茶、楓糖、咖啡 海鮮咖喱飯:唐辛子、香蒜、茉莉花茶、鰹魚乾、蘋果紅茶     揀好要咩湯之後,工作人員就會用滴漏嘅方法製作湯汁精華,佢地會將湯汁原材料放入滴漏杯入面加滾水,等