淺草
01
Sep 17
02:12
博客

【獨遊東京住宿懶人包!】東京都內5間「慳住歎」膠囊酒店 !

一個人去玩相對地對住宿較冇特別要求,不過冇要求得嚟又希望休息嘅時間可以有私隱度較高嘅個人空間,所以比起超多人一間房嘅hostel,小編更愛一格格嘅膠囊酒店,舒服又乾淨! 今次為大家介紹位於東京都內地理位置唔錯嘅5間膠囊酒店,環境同氣氛都比想像之中更好,即使唔係獨遊,睇完之後都包你心思思想試住返一兩晚!   1. 豪華迷你艙:FIRST CABIN 築地 去開日本嘅人應該對「FIRST CABIN」一啲都唔陌生,FIRST CABIN喺關東、關西、九州都設有分館,主打頭等機艙概念,著重環境質素,除咗有睡袍、拖鞋、毛巾之外,女性專用房更加會貼心為女住客準備潔面護膚保養品,完全係星級享受!如果你打算一早就去築地食好野,咁就一定係揀築地分館,距離美食集中地都只係10分鐘以內步行距離,幾早都冇有怕!   客室有First Class同Business Class可以選擇,First Class大到似足一間普通酒店嘅迷你單人房,喺房入面開行李箱都絕對冇問題。值得一讚嘅係床下有個帶鎖嘅櫃桶,比較重要嘅野可以放哂入去鎖好。   FIRST CANBIN有唔少驚喜位,好似一入門口,長長嘅走廊就已經設計成長廊酒吧,提供超過50款不同酒類,絕對值得臨訓前過嚟飲返杯,認識新朋友。  
12
May 17
23:38
博客

【淺草拉麵放題專門店】挑戰「30分鐘」拉麵放題!

除咗燒肉放題、鍋物放題,原來日本連拉麵都可以玩放題!位於淺草嘅「拉麵BUTA」畀¥980就可以任食30分鐘,唔好以為30分鐘好短,日本人閒閒地都可以食到兩三碗,最高紀錄係20碗,會唔會太誇張!?   「拉麵BUTA」位於淺草國際通附近,由雷門行過去大概10分鐘,地點唔太難搵。   有咩食!? 入到店內攞住格仔碟就可以開始去夾食材,呢度用餐方式半自助,鍾意咩toppings都可以隨便夾。   食拉麵一定要有嘅叉燒!不過唔好夾得太多,因為實在仲有太多好料等全大家!   左邊嘅豚角煮一定要試!雖然肉質偏肥,但入口即化嘅口感真係會令人忍唔住食多兩舊。   右邊黃色嘅係芝士絲,放一撮喺熱辣辣嘅拉麵上面可以做到半溶嘅拉絲效果。   連蔥都有2種,加多啲超好味!  
10
May 17
20:24
博客

3日2夜新手遊東京-DAY2

3日2夜東京遊-DAY2 3日2夜新手遊東京-DAY1  3日2夜新手遊東京-DAY3 Day 2 Skytree→雷門→仲見世通り→浅草寺→浅草花やしき→秋葉原 Skytree Skytree係全世界最高嘅塔,你可以登上最高(需另付費)觀賞東京迷人景色~佢亦係一個大型購物中心,入面有300多間店舖,有人氣嘅Disney shop、rilakkuma shop等等,除咗服裝店、雜貨店外,手信店都好多! 就等我介紹一下skytree必買手信啦! 位於2樓呢間Little Baum Tree Fruit Bar之前我地都有介紹過,雖然個樣好似雪條,不過佢係如假包換嘅年輪蛋糕嚟㗎~skytree仲有限定包裝,好有喜感~ 小:連稅648yen  大:連稅972yen   同樣位於2樓銀座のジンジャー,呢個skytree樽,入面裝住姜味金平糖,好似一粒一粒星星咁好靚好浪漫~ 連稅:1,080yen   一樓呢間candy SHOW TIME手作糖可以買到skytree限定圖案!
14
Mar 17
20:29
博客

東京近郊遊之日光交通篇

日光,有關東嘅京都之稱,而日光嘅神社與寺院更被聯合國教科文組織指定為世界遺產,所以有好多外國人都會用一日時間去一個「日光之旅」。而兩地之間距離唔算遠,有好多去日光嘅方法,最快的話一個半小時就由東京去到日光。 由新宿同淺草出發可以坐特急直接去到東武日光站,而手持JR Pass就可以先坐JR去到宇都宮站後,轉乘JR日光線到總站「JR日光」。 新宿出發: 新宿出發就只有朝早一班特急「日光」一號可以直接坐到去東武日光站,朝早七點半新宿開車,九點半就到達東武日光站,車程約兩個小時,收費約4000円。萬一走咗呢班車,最好就改去宇都宮先。 淺草出發: 淺草出發只有朝早一班同夜晩兩班特急「華嚴」直接去到東武日光站,車程約兩個小時,費用為2800円。坐唔到的話最好改用另外兩個方法去東武日光,第一個就係坐特急「鬼怒川」號,去到下今市站再轉東武日光線。車程約兩個多小時,收費約2400円。第二個方法就要轉多程車,坐唔使補錢嘅普通或快速列車,同樣去到下今市站再轉東武日光線,間中會有班次會直接以東武日光站為總站,所以最好到時望真啲個時間
14
Mar 17
02:30
博客

東京近郊遊日光之旅-第一日

日光,有關東嘅京都之稱。日光嘅神社與寺院更被聯合國教科文組織指定為世界遺產,所以好多外國人都會用一日時間去一個「日光之旅」。東京同日光之間距離唔算遠,非常推薦大家有時間去下呢個日本人都話充滿靈氣同能量嘅地方! 去日光無去「兩社一寺」的話,基本上同等於無去過。當地人合稱東照宮、二荒山神社同輪王寺為「兩社一寺」。 行晒「兩社一寺」差不多約六至七個小時,非常適合一或兩日行程。 坐火車去到東武日光站或JR日光站,都係屬於日光東町地區,而「兩社一寺」就係屬於日光西町地區。不過由車站以散步速度行去到東照宮都係約二十至三十分鐘,係週末多車時有機會比坐巴士仲快去到輪王寺門口。 不論行去定係坐巴士都會經過日光橋,橋下嘅大谷川分隔咗東町同西町,望向大谷川嘅上游就會見一條紅色嘅神橋。 日光二荒山神社 - 神橋  神橋為日本三奇橋之一,傳説奈良時代後期、勝道上人喺日光開山,行經大谷川嗰陣因為太大水而過唔到河,突然有個仙人出現咗,仲將兩條蛇變出呢條橋,勝道上人過完橋之後,仙人就同橋一齊消失咗。而史實就只知道有後人用植物去起呢條橋,直至德川家康遷葬日光時改建為石造,從此就禁止普通人使用呢條神橋。經過幾次重建同復修後,成為日本重要文化財産。 行過日光橋上埋樓梯,就正式係日光山内嘅「日光の社寺」社寺群範圍。成個範圍有103棟建築,「兩社一寺」就在其中。
25
Dec 16
15:13
新聞

【Pokemon迷東京必試】出現了!鯉魚王鯛魚燒!

又係鯉魚王!?冇錯,今次真係估佢唔到,專門賣鯛魚燒嘅連鎖店「くりこ庵」已經喺12月23日開始販賣呢個特色「鯉魚王燒」!一個都只係163Yen(未包稅),除咗秋葉原店之外,横濱西口店、淺草新仲見世通店、吉祥寺店、橫濱Minato Mirai店等分店都有售。   原本呢個咁搞笑嘅商品只係一個Pokemon官網嘅惡搞idea,官方仲特登整咗個poster添!   但而家就真係有得食喇! 各位Pokemon粉絲可以買個返黎咀嚼下喎XD   連包裝紙都係精靈球~   一人限買兩個~食嘅時候聽著鯉魚王主題曲食,可能更加有feel d(`・∀・)b   店舖地址一覽: 横浜西口店 電話番号 045-316-1420 営業時間10:00~21:30 住所:神奈川県横浜市西区南幸1-11-1 横浜西口五番街入口   みなとみらい店 電話番号 045-319-6560 営業時
17
Dec 16
16:51
新聞

去淺草坐PAC-MAN人力車?聖誕特別企劃!

PAC-MAN呢隻經典街機遊戲相信大家都玩過~其實呢隻遊戲已經推出咗36年啦!有冇諗過遊戲居然可以成為現實?萬代南夢宮(Bandai Namco)就宣布推出聖誕特別企劃,於12月23-25日,喺淺草可以坐呢啲特別版PAC-MAN人力車夜遊淺草啊!     成段路程大概20分鐘,由淺草駒形橋附近開始,途中會經過雷門、吾妻橋等淺草名勝!平時淺草只得日頭可以坐人力車,所以今次嘅計劃可以欣賞埋淺草夜景,真係好特別架!   不過~今次嘅企劃就唔係個個都坐得嘅,連續三晚最多得36位幸運兒有得坐。(不過就算坐唔到都可以去朝下聖XD)但想一試嘅朋友不妨應募下:   登記時間:12月15日15:00 至 12月22日12:00   實施日期: 2016/12/23(星期五、公眾假期) 16:00、17:00、18:00、19:00、20:00、21:00 2016/12/24(星期六) 16:00、17:00、18:00、19:00、20:00、21:00 2016/12/25(星期日) 16:00、17:00、18:00、19:00、20:00、21:00   1)Follow 官方Twitter @pacman_rickshaw 2)同意各項條款、選擇你想參加嘅日子、寫係自己Twitter上 3)如登記任何一日參加,必須準備當日下午四點至九點都可以隨
25
Nov 16
21:28
博客

[菜鳥mika帶路]淺草掃街王

  其實我相信每個去雷門寺嘅朋友都係醉翁之意不在酒-冇錯!與其話想去參觀佢個寺,不如話係想去掃街食小食(同埋買手信)!   廢話少講,睇吓我食咗啲咩啦!(我竟然一個人食晒以下所有嘅嘢,好可怕><)   浅草ちょうちんもなか 「最中雪糕」(最中アイス) 浅草ちょうちんもなか係元祖店嚟㗎~「最中雪糕」簡單嚟講就係好薄嘅威化餅包住一舊雪糕,有少少似雪糕三文治。 當日我叫咗蕃薯味,可惜係味道唔算好濃,加上外面層皮又唔係太甜,我會建議大家揀啲重口味啲嘅雪糕,例如芝麻之類咁~   成舊最中雪糕個形狀係雷門寺個大燈籠嚟㗎~好得意!不過330yen抵唔抵就真係見仁見智啦…   淺草九重 炸饅頭 喺雷門寺斜對面就會見到依間淺草九重店~佢嘅炸饅頭係唔少遊客嘅最愛~   味道有好多選擇,例如抹茶啦、南瓜啦、蕃薯等等,大部分都係170yen一件~
25
Nov 16
18:07
博客

天空樹下吃喝玩樂-晴空塔商場Solamachi 商店推介

  上個禮拜同大家分享咗我地去東京淺草晴空塔嘅PPAP Cafe朝聖同埋上Skytree睇風景,但大家嚟到千祈唔好睇完個塔就走呀!其實呢度樓下仲有個5層樓嘅商場,有各式各樣嘅店舖同食市,就算一家大細唔同要求都適合行~唔係淨係得涉谷原宿先有得shopping㗎~   今日就等我同Vivi輕輕推介5間我地覺得遊客難得嚟到應該一戰嘅餐廳+店舖啦!   1)Pokemon Store (5F 東區) 今年Pokemon Go hit到爆燈,重燃起唔少人對寵物小精靈嘅熱愛。東京除咗池袋之外其實Solamachi都有Pokemon Center嘅分店!除咗公仔、文具、小食,依家仲做緊Pokemon X Mario嘅crossover主題商品,同埋有Skytree Pokemon Store限定嘅商品添架!   2)nanaco plus+ (4F 10區) 遠睇可能以為係一間好普通嘅首飾舖,但其實呢間舖頭係將日本傳統糖果加工再變成非常可愛嘅吊飾、髮飾、耳環、手鍊、電話繩或鑰匙扣。因為每款糖果都好日系,而且真係有好多款式,所以尤其適合女仔嚟買野!男仔行都唔緊要,可以買下禮物俾身邊嘅女性朋友嘛XD  
25
Nov 16
08:18
博客

【初心者東京自遊行秘笈】LikeJapan4日3夜建議行程(DAY4)

【初心者東京自遊行秘笈】LikeJapan4日3夜建議行程(DAY 4)淺草、晴空塔及成田機場落車篇!   第4日嘅推介行程係假設讀者要由成田機場坐18:00嘅夜機返香港,16:00前要抵達成田機場,所以緊記最少飛機起飛前3個小時前(即係下午3點)就要到達「京成上野站」坐火車去成田機場。   由於扣除車程實際只有4小時左右可以漫遊,所以除非讀者係好早去淺草,否則都應該行唔晒兩個地方。於是就決定提供兩個方案俾大家選擇,覺得東京好玩嘅,咪下次去埋另一個囉,旅行唔留啲遺憾就冇動力下次再去啦XD   想睇返第1日行程的話,可以去呢度 第2日行程的話,可以去呢度 而第3日行程的話,可以去呢度   Plan A~淺草行晒全日!~ 品川➡︎上野➡︎淺草➡︎上野➡︎成田機場   前往淺草,可以跟循以下路線 (370日圚/車程約30至35分鐘): 由JR品川站坐東海道本線/山手線或京濱東北線(東京方向)前往上野站(車程約16-18分鐘,車費為200円。)   於車尾落車,經「不忍改札」出站。行去京成上野站放低行李。 (為免