海膽
17
Aug 17
02:33
博客

破底價!日本東北激平刺身店 即開海膽$49 帆立貝$27

有咩比食到一個超好味嘅即開海膽更開心呢?就係用至抵價食到一個超好味嘅即開海膽啦! 宮城縣南三陸さんさん商店街有間魚屋ROYAL FISH專賣新鮮刺身,海膽都係700至900円左右,見唔見到啲海膽肉爆晒出嚟啊!!!   成塊夾起都唔會散,入口即溶好creamy,仲要好好好鮮甜㖭啊!   帆立貝仲抵,380円有大大隻即開帆立貝,為咗方便夾起仲已經起好晒啲肉,切埋做4塊! 食落果然係好實肉,唔似平時腍滋滋嗰啲咁,味道好清甜~~~   估唔到新鮮嘅帆立貝群邊可以脆到咁!好似平時喺酒樓食海哲嘅口感,但係每一啖都有啲海鮮甜味喺牙縫到標返出嚟~~~正啊~~   依到仲有好多其他刺身,例如八爪魚、三文魚籽等,例外又會有鰻魚飯、燒帆立貝等等熟食,非常推薦大家嚟幫襯!   關於南三陸さんさん商店街 宮城縣喺311大地震時,好多地方都受到破壞…但憑住大家點都唔放棄嘅精神,依間魚屋
02
Aug 17
00:26
博客

【食勻全日本!】激正海鮮刺身丼物店10選!

小編去親日本嘅最終目的都係食、食同食!而喺眾多美食當中,最愛嘅一定係可以同時食到多款不同海鮮刺身嘅「海鮮丼」!今次為大家推介小編to go list入面嘅其中10間,唔知睇完之後又會有幾多間變成大家下次去日本嘅目標呢?   1. くまげら@富良野 「ぐまげら」係米芝蓮指南內嘅推介食肆,除咗質素高,營業至深夜11點都算係其中一大特點。嚟到呢度一定要試真正入口即化嘅「和牛刺身丼」,丼飯一上枱簡直係視覺衝擊,和牛顏色極之粉嫩,size剛好一塊一啖,油脂分佈得極之平均,口感滑如拖羅,一入口嘅究極滋味真係好令人感動! 詳細介紹:【 富良野鄉土料理名店!必食「 極品 和牛 刺身丼 」!】   2. 一里塚@神奈川 自問去親旅行都會變成大胃王嘅你,以極平民價錢就可以食到超多料超大碗海鮮丼嘅小店「一里塚」,一定會成為check list入面嘅其中一間!海鮮丼嘅食材會因應店主當日入咩貨而定,眼見最少有5種鮮魚刺身,好彩的話仲可以食到一大篤鮮甜海膽,男士們都可以食到飽一飽! 詳細介紹:【窮遊必到!1500円就食到神奈川縣超大碗「豪華刺身丼」!】  
18
Jul 17
22:56
博客

【窮遊必到】1500円就食到 神奈川縣超大碗「豪華刺身丼」!

好食嘅料理多多都食到,自問去親旅行都會變成大胃王嘅你,今次呢間位於神奈川縣,以極平民價錢就可以食到超多料超大碗海鮮丼嘅小店「一里塚」,一定會成為check list入面嘅其中一間!   招牌唔係好明顯,不過認住個「魚」字就唔會去錯地方。   店內座位唔多,有order枱亦有counter位,如果係自己一個嚟,counter位會坐得更自在。   望望個menu發現都有幾多選擇,價錢亦中規中距,如果貪心啲想試多一種食材,強烈推介超豐盛定食set!   必食之一:海鮮一里塚丼 ¥1,650 雖然menu上已經寫明「多種・多量・大滿足」,但真係估唔到係多到咁大量到咁!海鮮丼嘅食材會因應店主當日入咩貨而定,眼見最少有
12
Jul 17
00:01
博客

日本最大型!青森「館鼻岸壁朝市」9大必試絕品料理!

每年3月至12月嘅每個星期日,青森縣嘅八戶市都會吸引一大班來自日本各地嘅人一大早天都未光哂就過嚟覓食,全因呢度有一個全日本最大型嘅朝市「 八戸舘鼻岸壁朝市」,聚集多達300間店舖,可以食到最新鮮嘅魚介料理,據講每年嘅觀光客都超過幾萬人次,認真誇張!   青森市自古以來都有唔少朝市,不過講到最大型的話就一定係呢個號稱全日本規模最大嘅舘鼻岸壁朝市。日出之前店家就已經為開店做準備,日出嘅時候場內就已經塞爆入場搵食人士,而人氣嘅店舖更加會喺呢個時候已經出早長龍!朝市由日出開到朝早9點,賣完就會關舖,所以要食好野,真係要犧牲少少睡眠時間早啲到!   場內可以食到魚介類、乾物、野菜類之外,仲有coffee shop、古董店等唔同類型嘅店舖,所以如果想爭取喺最短時間之外食多啲唔同嘅野,睇多啲唔同嘅野,建議大家去朝市大街中央嘅事務所花¥100買返本「舘鼻岸壁朝市地圖」,入面好詳細咁介紹咗特色料理同土產,揸住邊行邊食實冇錯!   朝市9大必買必食絕品料理&手信! 1. ¥300一袋超厚身香菇 朝市內人氣第一嘅一定係呢間「大村しいたけ農園」,只要俾¥300店主就會俾個膠袋你任裝新
15
Jun 17
23:10
博客

本州 最北端 「青森 大間町」,4大必食必睇重點!

提起青森,大家可能只會想到蘋果,但好玩又有特色嘅點止蘋果呢,還有青森的大間町。    係邊? 大間位於青森縣下北半島,是日本本州最北的地方,距離北海道函館好近,搭船過去只需要90分鐘,好天氣的話,還可以清楚地望見函館。  本州最北端 大間崎   大間崎   由函館前往大間船費最平只需¥1810及船程只需90分鐘   必食必睇4大特色  1. 海膽  每年3至6月是吃海膽最佳時機,非常肥美及鮮味極濃。平時大家吃到的海膽,因運輸及保鮮原因關係,而加了少量的明礬( 防腐劑),令海膽產生苦澀味及化學品氣味,但在大間町不但有可以一嘗新鮮無添加的海膽。提提大家,一場來到必試紫海膽,保證一試難忘。 大間所捕獲的是紫海膽,肉質飽滿鮮甜    非常之活潑的新鮮海膽  
31
May 17
20:17
博客

用盡一日大玩特玩!北海道積丹自助巴士遊攻略!

行程: 札幌JR -> 小樽JR -> 積丹中央巴士 -> 神威岬 (總站) -> 積丹Misaki(海膽丼餐廳) -> 美國町之水中展望船 -> 小樽中央巴士 -> 小樽 -> 札幌中央車站   想到北海道積丹半島一日遊,而又無自駕的話,唯一的交通手段便是乘搭中央巴士,從札幌或小樽出發。由於班次不多,為節省時間,當日我們便選擇提早到達小樽,從小樽出發(若從札幌車站出發,會遲1小時到達神威岬),約2小時的車程便到達積丹最出名的神威岬了!! 由小樽往積丹單程巴士收費,成人JPY 1,780   1. 神威岬 在前往展望「神威岩」的途中,會經過「女人禁制之門」,呢度原來都有段故事。 傳說相傳一名名為「源義經」的少年,從奧州(日本岩手県)逃亡至與日高,被當時平取族的族長之女 チャレンカ(音: Charenka,北海道原住民阿伊努族) 一見鍾情,可惜為了逃亡,源義經再次坐船向北海道以北的方向遠去,チャレンカ追至神威岬岸邊大叫,以傳遞思念之情,只可惜遲來一步,船隻已遠去。 源義經亦聽不到叫喊之聲,絕望的チャレンカ便下咒: 「凡經過海灣而載著和人及婦人的船隻,均會翻沉到海底,隨後便投海自盡,並化身成頂天的「神威岩」。而因多次船隻翻沉事件,岸邊亦築起「女人禁制之門」,再不允許女性進入。直至1855年,因社會風氣轉變才解禁。
15
May 17
23:37
博客

新宿站西口行30秒即到,「一道料理」試盡3款海膽!

唔使去到北海道,喺新開於新宿嘅「北海寿司うに丸」都可以一次過食到唔同海膽整法嘅海膽壽司同料理!呢間壽司店喺今年5月10日先正式開業,夠哂新鮮滾熱辣,最正嘅係地點超方便,由JR新宿西口站行過去只要30秒左右!   店如其名,入面以海膽料理為主,不過亦可以食到一般壽司店都食到嘅款式,好似三文魚、玉子、甜蝦、海鰻等等通通都有!牆上嘅日文就係唔同食材嘅名稱,識日文嘅不妨慢慢研究吓~   而主角嘅海膽料理,呢度一共有7款可以選擇,好似海膽天婦羅、原板火炙海膽,喺呢度全部都食得到!   必試海膽料理! 雲丹食べ比べ ¥1,800 必試嘅就係呢個唔係度度都食到嘅「雲丹食べ比べ 」,一次過就可以試哂3款唔同嘅海膽,最左邊嘅係海水味較重嘅「鹽水海膽」、中間係海膽味香濃中帶點甘甜嘅「馬糞海膽」,最右
04
May 17
23:26
博客

爭鮮價錢日本國產級數!博多「超平激新鮮」自助壽司!

日本有好多地方都可以食到平價壽司,但如果想平之餘仲要夠新鮮,咁就一定要去位於博多嘅「博多豊一」!由於喺正福岡中心地帶,所以交通都好方便,由天神駕車前往都只需10分鐘左右,就會到達「Bayside Place博多港」。   走入去灣岸市場就會見到林林總總售賣魚類、肉類、蔬菜等等唔同嘅攤檔。   而今次嘅目標「博多豊一」就係位於市場嘅其中一角。   遠遠見到咁多壽司就知今次大穫啦!一定會買勁多!   呢度嘅食材全部都係由長濱市場日日新鮮直送,平日大概有20款以上嘅壽司可以揀,週末嘅種類就更多,最重要係所有款式都係¥97,想食多幾款記得揀週末過嚟!   睇定想要啲乜,就可以攞個兜同夾開始夾!識食一定係食三文魚籽、海膽同中拖羅,包你一邊食一邊不停講真係好抵!   夾完之後就可以畀counter嘅工作人員點一
12
Apr 17
22:23
博客

【洋麵屋「PEITRO」必食3選!】意粉就係應該咁好食!

今次介紹嘅係連鎖式洋麵屋「PEITRO」,店舖標榜健康好味嘅日式洋食,主打意粉、PIZZA、燴飯同甜品,喺東京、大阪等都有分店,但多數集中於九州,單單喺福岡就已經有18間!   門口個叔叔就係PEITRO嘅招牌公仔,見到佢就知冇去錯地方啦!   位於SORALIA PLAZA 6 樓嘅ピエトロ室內環境乾淨舒服,有書、畫等等作簡單裝飾,枱與枱之間夠闊落,一啲都唔會覺得焗促!   單單係意粉就已經有超多唔同款!激愛海鮮嘅大話B一打開Menu,3秒內就已經決定咗要order「蟹肉蟹味噌闊意粉」!蟹味噌其實即係蟹膏,想像吓成碟意粉都充滿蟹膏同蟹肉,係咪好幸福呢!   必食之一:「蟹肉蟹味噌闊意粉」 圖片來源:www.pietro.co.jp 意粉一上枱真係香到口水幾乎都流埋出嚟!闊意粉嘅軟硬度整得啱啱好,唔會太淋夠咬口,仲真材實料地有大大舊蟹肉放喺個麵上面,連唔鐘意食海鮮嘅朋友仔都舉起手指公大讚好食!(由於大話B掛住食,竟然唔記得影相,真失敗......唯有借官相一用)   必食之二:「鮮蝦海膽汁意粉」
24
Feb 17
00:36
博客

又癮起想食海膽!?狙擊東京4大「海膽料理」!

講到高級美食,除咗魚子醬、鵝肝、鮑魚、三文魚籽之外,又點可以少咗海膽!新鮮嘅海膽真係可以好好食,入口即溶嘅口感、濃郁嘅甘甜,雖然就咁用嚟整軍艦壽司已經好好食,但以下落嚟幾款終極海膽料理,試過包你再三回味!   1. 海膽綜合丼@うに虎   食海鮮又點可以唔去築地!呢間叫做「うに虎」嘅店舖可以食到唔同種類嘅海膽,而識食嘅就一定係揀「国産五種 うに食べ比べ丼」,可以一次過試哂5種唔同嘅海膽,一碗就可以試到每種海膽喺口感同味道上明顯嘅分別,吸引好多名人特登去試!   「国産五種 うに食べ比べ丼」會因應時節提供唔同嘅海膽,呢一個就係來自落合嘅馬糞海胆,顏色非常橙黃,入口好甘甜質感好順滑,海膽味夠濃,好新鮮!   第二種都係馬糞海膽,不過今次就係來自北方四島,比起落合產嘅呢個口感更紮實,比較有彈性。   呢個來根室嘅馬糞海膽有海膽迷最愛嘅經典味道同口感,用羹輕輕撩起已經感覺到佢有幾半溶,一入口簡直不得了,比起落合嘅馬糞海呢個更加柔軟,唔單止入口即溶,呢個根本就係即化,一放入口已經搵唔到海膽嘅蹤影