浮潛
24
Aug 17
20:16
博客

夏日沖繩浮潛+石垣牛餐廳好介紹 教埋你簡單用app預約!

相信好多人呢排都會去沖繩玩,因為夏天有絕靚陽光與海灘~今次就介紹俾大家當地超人氣餐廳食石垣牛同埋超靚景浮潛勝地!   首先介紹呢間沖繩名店-神戸Bar 仲々  一入去感受到店內環境令人非常舒服放鬆,bar檯闊落,坐得好舒服唔怕放唔落野食,另外仲有榻榻米座位同埋小個室。 Menu上嘅石垣牛同神戶牛係必試! 原來呢到嘅黑毛和牛來頭唔細,佢喺使用石垣土生土長嘅石垣牛,仲附有登記書及證明書,可以安心食用~ 石垣牛美味の秘密 煎得剛剛好嘅石垣牛,肉汁口感豐富,味道濃厚!石垣氣候溫暖促使養牛業盛行,呢度嘅石垣牛係食用上等牧草加上飼養員細心牧養,安全又美味! 同場嘅神戶牛等級亦得到神戶肉流通推進協議會認定,鍾意食牛嘅你絕對唔可以錯過呢間餐廳! 另類美味選擇-沖繩產Agu豬 唔食牛嘅朋友都唔使愁,可以試下呢個沖繩產Agu豬 ~ 沖繩產Agu豬係當地一種珍貴嘅特產豬種,特點係低膽固醇,肉質柔軟,又美味又健康!
23
Jan 16
01:59
博客

沖繩浮潛及鯨鯊體驗

大家好,我係 Ryan 呀,去得沖繩就梗係要試下潛水啦。 雖然我去果陣係冬天,地面溫度只有 15-20度,但水溫都有 21度左右嫁,所以其實唔係好凍(教練仲比左兩件潛水衣我地著)。 我冬天都潛到,夏天更加要去啦! 等我為你地介紹下要點做啦。 沖繩潛水有好多選擇,出發前就可以報定嫁喇。而家介紹幾個我睇過既團。潛水團選擇:   Klook.com 呢個網站係近年先開既,都有鯨鯊潜水體驗既團,好處就係有酒店接送(酒店目錄)! 對於無車既朋友係十分方便! 首先集合點同那霸市有一到兩小時車程。 而沖繩一離開那霸市,交通就變得好麻煩,巴士係少到爆既。 如果無車又要去到集合點,的士就係好選擇(大約 6000 yen,聽浮潛認識既朋友講,佢地就係搭的士) 但要留意 klook 呢個團既特別說明:(我特別 highlight 呢兩項) 參與者年齡限定:20 - 60歲 禁止在海內拍攝鯨鯊圖片及影像 價錢:HKD$ 827,網上付款 佢寫明禁止拍攝!所以 NEXT ~   KKday.com KKd