治癒
26
Jul 17
23:32
博客

藝能界清泉!最治癒日本男星排行榜

明星形象百變,有正統派帥哥也有狂野派型男,不過最近最hit的應該都係外表清爽治癒嘅暖男!500名日本網民日前就上網投票選出「只係望住佢都會覺得個心被治癒到」嘅男星排行榜,一齊睇下日本藝能界邊個男星最治癒啦! 10位)大野智-82票 8位)松坂桃李-85票 8位)岡田將生-85票 7位)堺雅人-92票 6位)井ノ原快彦(V6)-94票 5位)星野源-101票 4位)相葉雅紀-122票 3位)高橋一生-123票
24
Apr 17
19:26
博客

神戶水獺cafe好治癒(๑´ㅁ`)

喺日本貓貓cafe就見得多,水獺cafe又去過未呢?位於神戶市三宮呢個地方有間叫「北野坂 か和うそCafe」,唔止有水獺,仲有鼯鼠、刺蝟同雀仔等等~一齊黎睇下佢地有幾得意(*ˇωˇ*人)   呢隻水獺叫ぶーりん(bu-rin),性格活潑同埋好鍾意玩,最近有少少反抗期嘅可愛女仔~ 雀仔有細細隻嘅鸚鵡同禾雀 刺蝟 非洲睡鼠 蜜袋鼯 八齒鼠 呢間cafe除左水獺,其他小動物如果睇中左係可以買返屋企,所以去嗰時可能會見唔到某啲小動物或見到其他新小動物 至於價錢方面,平日一小時1,000yen,星期六、日、日本假期1,200yen(以上包一杯飲品) 要摸水獺或餵食需要加500yen   呢間cafe係唔提供野食,不過就有幾多唔同款飲品選擇,咖啡、錫蘭紅茶、宇治抹茶牛奶、富士蘋果汁、荔枝梳打等等。
25
Oct 16
02:43
新聞

【話你知】秋葉原有超治癒貓仔陪你飲咖啡!

貓奴注意!「貓Cafe MoCHA」終於喺秋葉原開咗分店啦!     呢間係Cafe MoCHA嘅第5間分店,店入面裝修得好乾淨同舒服,通風做得幾好,同咁多隻貓仔一齊都唔多覺聞到佢地啲貓味,抵讚!     除咗怕通風做得唔好,去貓cafe最驚就係去到嘅時候貓仔唔係瞓緊就係其他人抱緊,坐足全程連貓仔條毛毛都未摸過,不過因為呢度有成20隻貓仔咁多,暫時好似仲未有呢種情況出現,一入到去就會見到貓仔行嚟行去,好得意啊。     嚟到呢度千祈唔好錯過朝早10點半同夜晚7點半嘅餵食時間,貓仔一隻隻排哂隊咁食野,真係好kawaii!!   呢度唔單止可以同貓仔玩遊戲,秋葉原店仲特設Game Corner同Movie Corner,鍾意打吓機又得得,睇套戲又得,~