沖縄
16
Jan 17
22:50
新聞

3月起坐樂桃的人有福了,部分追加服務費用減價

3月起坐樂桃的人有福了,由2017年3月26日至2017年8月31日為止由香港出發同抵達香港嘅航班,部分追加服務費用減價。   航班包括: 香港—大阪(關西) MM063/064/067/068  香港—沖繩(那霸) MM965/964 最多人用嘅行李託運服務利用網站預訂就由HKD280減至HKD216 而利用電話中心/透過機場櫃檯購買行李託運服務就由HKD388減至HKD300 詳情如下:   買5件行李託運服務都只係HKD1080 又可以過去大掃特掃喇!
20
Apr 17
00:12
新聞

沖繩新開!對住個靚海住露營車BBQ!

夏天大家都會諗到去沖繩旅行,講起沖繩大家都會諗起陽光與海灘! 對於唔玩水上活動又想去接觸陽光與海灘嘅朋友,有好消息啦!就係對住個靚海BBQ~ 呢間叫ISLAND MAGIC SENAGAJIMA將於4月29日試業 ISLAND MAGIC SENAGAJIMA離那霸機場車程只有15分鍾,一片草地停泊住一架架露營車,露營車外有美式BBQ,提供美國煙熏牛排、啤酒雞等等俾你燒。 如果坐到悶悶地仲可以去圖書館搵最新嘅雜誌睇~ BBQ完仲可以去旁邊嘅JUNE DONUTS冬甩店食甜野啊!   ISLAND MAGIC SENAGAJIMA 地址:沖縄県豊見城市瀬長173 價錢:4,000yen起 時間:11:00~15:00   17:00~10:00(住一晚) 預料6月1日正式開業     另外,那霸嘅波の上うみそら公園入面一間叫RESORT MAGIC NAHA 嘅BBQ公園將會係5月1日正式開幕! 佢有3種可供選擇,有帳篷型、有蛋型同埋望海型
15
Oct 16
23:11
博客

2016、夏天人氣急上昇離島排名頭3位!!!

2016、夏天人氣急上昇離島排名第一位   鹿児島県 沖永良部島 位於鹿児島市南面約500公里, 人口約14000人住喺隆起嘅珊瑚礁之上嘅沖永良部島。年間平均氣温約22度, 有温暖嘅氣候, 一年四季之中都有不同嘅花開緊。仲有島入面有鹿児島県天然記念物嘅鍾乳洞「昇竜洞」, 所以有「花同鍾乳洞之島」嘅花名。亦有記其他多個有名場所及舊古跡存在。 去沖永良部島嘅方法 鹿児島機場坐飛機約1個小時30分 那覇機坐飛機約1個小時 鹿児島新港坐船約17~18個小時 那覇港坐船約7個小時   香川県 直島 第2位於瀬戸内海嘅直島。入島嘅門口宮浦港, 就有前衛彫刻家草間彌生老師設計嘅「赤かぼちゃ(紅南瓜)」觀迎大家黎島上。除此仲有克勞德·莫奈,詹姆斯·特瑞爾同沃爾特·德瑪麗亞3名嘅作品, 放喺唔損害直島景観之美下落左好多工夫而起嘅地中美術館永久展示。本車長約8年前就係度影結婚相嘅。
22
Oct 16
12:22
博客

日本人選日本最有魅力嘅都道府県

喺10月19號, 品牌總合研究所發表左地域品牌2016排名, 以認知度,魅力度同形像共77様去排名。 第1喺8年拎第1嘅北海道, 但喺分數就係有史以黎最低。 第2位喺京都府,之後喺東京都,沖縄,神奈川,奈良,大阪。 最低就喺4年連續嘅茨城,但係分數就向上,之後喺46位嘅栃木,45位嘅群馬。 北関東嘅排名普偏欠佳... 4月發生地震嘅熊本県,由第6跌左落第21位.但喺熊本市,阿蘇市,南阿蘇村嘅地方品牌就上昇左。 而因為前年開左北陸新幹線(暫時終站金沢)Ge関係,石川県第一次喺10名以内,排第9位。 喺地方品牌中第1位喺函館市. 同市拎3年連續第1位巳經喺第4次。第2位喺京都市.第3位係札幌市。 個調査喺用網上方式喺6月24日-7月30日去進行,年齡由20~79歳男女合共30372人作答。   車長再睇左一様野,就喺2015年理想居住地域品牌排名 基本上有70%同地域品牌2016排名相反,兼愈向北同北陸排名就愈差.原因就應該喺唔想喺冬天時要出門口剷雪喇~~ 車長都喺,落雪無問題, 但剷雪就。。