水果
22
Sep 17
02:50
博客

香港買日本生果!直擊果欄價錢!

適逢中秋,好多人都會買生果自用或送禮,尤其係日本生果!最近流行去果欄入貨,因為來貨較密,而且水果種類較多。 我哋喺星期六去咗果欄,發現大部分生果檔都有賣日本生果,而種類都十分多元化!以下總結部分鋪頭嘅價格,價錢未必係全果欄最平,但大家可以當作參考!由於果欄好多店鋪都主打批發價,即係一箱箱咁賣出,建議大家夾埋幾個friend一齊買,就可以用更平嘅價錢入貨! 日本提子: 日本提子 香印提子 $180/束 巨峰提子 $40*/包 岡山黑提 $110/包 岡山晴王 $180/束 *為未標明詳細產地 除咗人氣嘅香印提子,仲有唔少青提同黑提嘅品種,價錢有平有貴!
11
Sep 17
19:55
博客

【嚐果懶人包】日本水果當造時間總整理!

日本生果一向好受香港人歡迎,大家又知唔知佢地幾時當造呢?我地根據日本網站 果物百科 ,揀出熱門嘅日本生果,整咗個簡易版「日本水果當造時間表」。大家就可以揀正盛產期先食最愛嘅日本水果啦! 1-2月:蘋果 無論係紅皮嘅富士蘋果,定係黃皮嘅青森蘋果,大多數都係11月起開始當造,而1至2月果陣就最甜最好食! 3-4月:士多啤梨 唔少人都會揀冬天去日本摘士多啤梨,因為2-4月嘅士多啤梨最為盛產,粒粒都又甜又飽滿。甜王、露之水滴、淡雪、雪兔等,相信大家都聽過唔少…呢啲日本賣到好貴嘅士多啤梨品種,喺日本售價就親民得多,所以去日本記得要大食一餐啦! 5-6月:車厘子 雖然美國車厘子好出名,但其實日本有出產車厘子,而且價錢唔平嘅高質品種。日本嘅佐藤錦車厘子,可以話係山形縣好高級嘅品種,粒粒賬卜卜,入口又甜又多汁,有機會可以一試!
13
Apr 16
01:42
博客

可以任點練奶or朱古力醬嘅士多啤梨農園!?

又到左摘士多啤梨嘅季節啦!日本D士多啤梨出左名又大又甜,但超級貴,所以就算好想食都唔係太捨得買!因為唔捨得買,所以就要去摘啦! 而家就要介紹4個摘士多啤梨超正嘅地方,等你地可以邊玩邊食!以下呢D地方都係由東京都心出發搭巴士或者電車約一個鐘就會到,分別喺千葉、埼玉、神奈川縣。   1.ドラゴンファーム   由JR千葉縣搭千葉monorail大約20分鐘到嘅呢到,所值得推介嘅係有約20品種嘅士多啤梨可以試食比較!好似有「アスカルビー、おいCベリー、おおきみ、かおりの、かなみひめ、さがほのか、もういっこ、レッドパール、まんぷく、アロマ、あかねっ娘、きょうこう」等等,有D係第一次聽嘅品種黎嫁!(對唔住呢D士多啤梨名我真係唔識翻譯) 重點係仲有得任點練奶/朱古力醬!呢個超吸引啊,平時自助餐有得用士多啤梨點醬我都一定會點,呢個仲要係邊摘邊食邊點,太爽啦! 喺5/11、5/14呢兩日,只要加300円仲可以體驗埋整士多啤梨大福添呀!由於大福係千葉縣嘅名物黎,所以就有呢個服務。   ドラゴンファーム