櫻花
23
Apr 17
10:11
博客

在懷舊洋菓子Cafe BonBon食名古屋風早餐~

嚟名古屋好多人都會話必試名古屋風早餐=紅豆toast!不過10個人有11個都係叫你去食名古屋某連鎖cafe,我就決定試下當地人推薦嘅極懷舊、電影味濃厚,有接近70年歷史嘅Cafe BonBon! 從榮嘅綠洲Oasis附近行過黎都要差唔多10-15分鐘。唔算近,但沿途經過嘅街景唔錯,會見到日本嘅學校同埋附近有個公園! 見到屋頂個大招牌就知道你行到喇!見到佢嘅外面有啲似香港啲懷舊西餐廳(皇X餅店個種)。 Cafe出面其實係西餅店,有好多好靚同精緻嘅西餅,喺cafe入面都可以叫嘅~不過今日我哋就嚟試佢個早餐啦! 我哋到嘅時候已經完咗個早餐時段,所以就散叫紅豆toast(360Yen)同埋一杯春季限定櫻花Tea Latte(400Yen)~ 櫻花Tea Latte嘅櫻花味唔會話好重,輕輕一陣花味,連有茶味嘅Latte一齊送入口,簡直係幸福嘅感覺!
07
Apr 17
18:51
博客

【學日本人「邊野餐邊賞櫻」!】東京市內5大必到推介!

來到賞櫻季節,日本人對於賞櫻這個活動的瘋狂程度足以媲美香港人對於美食的追求,即使大排長龍也在所不措。東京市內的櫻花開得七七八八,但其實在還在含苞待放的狀態時已經有數不盡的遊人蜂擁而至,為見紅顏一面。 在東京,日夜櫻色各有千秋,早晚的人流亦同樣平分秋色。能夠坐下來野野餐和朋友同事聊聊天,慢慢享受櫻花美景與席上美食,是最好不過的活動,更是日本人的最愛。 現在各大超市都十分流行售賣一些「お花見」(賞花) 題材的產品食品,例如水果、小吃、簡單便當、飯糰、甜點等等,應有盡有。另一種極為常見的就是櫻花口味的食品,例如櫻花咖啡、櫻花酒、櫻花飯... 總之,想像力極高的日本人幾乎可以將所有東西都賦予櫻花主題。 這天天氣很好,藍天白雲之下實在忍不住要來一次即興野餐。本來想到新宿後才去100円店買野餐專用地墊,但沒想到要11時才開門,幸好當天草地乾爽,所以直接坐在草地上好了。於是我和朋友將食物攤開 - 炸蝦便當、士多啤梨、麥記早餐、薯條、茶,邊吃邊賞櫻,眼睛與「胃袋」一樣大滿足。 東京可以賞櫻的地方實在太多,不過如果想跟日本人一樣邊野餐邊賞櫻,以下是5大心水推介。 1. 新宿御苑
31
Mar 17
00:23
博客

【靈園都有櫻花睇?】日本人原來會「邊掃墓邊賞櫻」!

朋友向我介紹,賞櫻除了到著名的新宿御苑、井之頭恩賜公園、上野恩賜公園這些聽過一千次的地方之外,東京市內還有一些非常非常特別的地方可以賞櫻,甚至以另類來稱呼也不為過 -「靈園」。   青山靈園   我第一次聽到這個名字之後,天真地問:「即是什麼地方?」朋友回答:「即是墓地!」   突然之間我臉色蓋上了一層灰,在想莫非賞櫻連墓地也不放過嗎?老實說,打擾人家清靜安息地有點...... 反正東京有那麼多可以賞櫻的好去處,為什麼非要到此不可?然而,在網上查看資料,原來連日本櫻花予想網站、外國旅遊網站也有介紹這些另類賞櫻地方。   從地下鐵千代田線的乃木坂站步行約五分鐘,旋即就能找到青山靈園所在地。青山靈園以淡粉紅色的「櫻並木」聞名。當初在想,既然為墓地,這裡不應該有很多旅客,但說實話,我們也碰到不少外國遊客特意前來拍照,而日本人掃墓完畢之後也拿起相機鏡頭對著剛盛開的櫻花。   大概是看到連日本人也百無禁忌地拍照,我才放下心頭大石稍微拍了幾張櫻花相片。始終進去別人的家,自己也得尊重主人家,保持安靜,檢點行為。否則...後果自負。 櫻並木通道   從青山靈園的正門進去後的中央通道,兩旁種滿櫻花樹,是為櫻並木。此櫻並木通道一直通往青山二丁目,一邊向前走一邊安靜地欣賞夾道兩旁的漫天櫻花,又可以走到青山生活品味區散散步,這樣的半天
30
Mar 17
00:08
博客

跟GLAY迷遊函館睇櫻花!帶你尋找函館「6大必遊景點」

位於道南的函館,和札幌的距離約車程4小時,若坐JR最快也要5小時多。因此很多自遊行6-7日的人都很爭扎「要不要下函館?」因為單程也得花上半天,若是自駕札幌與函館之間基本上是沒有其餘大景點可停留玩。 不過!2016年3月北海道新幹線將通車,由本州的青森至函館,據說試車時只需要1小時!北海道新幹線連接著東北新幹線,即是說,約4小時10分就可以從東京直達函館,進入北海道! 編者在留學時認識了移居函館的香港女孩Iku,由她帶路介紹函館的最好不過。Iku是GLAY的超級死忠粉絲,所以這次櫻花攻略亦會和GLAY有密切關係,粉絲萬勿錯過。   大三坡,是函館著名的石坡。分為車道及人行步道,從坡道上可以看見三座教堂的尖塔,港口風光。   市電一日乘車劵 函館和札幌一樣,還有電車行駛,函館電車路線非常簡單,有兩條路線,紅色「番號2」與藍色「番號5」,已連結函館主要景點。市電一日乘車券可於一日內無限次乘搭,大人¥600、小童¥ 300。車可於JR車站的觀光案及市內各大酒店購買。   1. 北海道最澎湃櫻花海 春天的五稜郭是最最最美的,這邊有超過600棵櫻花樹,種得很密集,看著像櫻花海!在札幌是不會看到這澎湃的櫻花的。登上107米高的五稜郭還可看到整個粉紅一片的五角型公園!
29
Mar 17
18:47
新聞

大江戶溫泉又有新嘢玩! 夜間另類「浪漫水中賞櫻」!

應該有唔少人都聽過「大江戶溫泉物語」呢個地方,入面唔單止有8個溫泉區,仲有野食有街行,閒閒地玩大半日都未必捨得走!   「大江戶溫泉物語」室內環境   最特別係呢度時不時都會舉辦唔同特色嘅活動,好似今年2月尾先啱啱完咗個水中煙花,轉個頭又話有得睇水中櫻花,令人忍唔住又會想再去多次!   今次嘅「夜桜fantasy -大江戸温泉 花の宴-」會由2017年3月25日舉行至4月30日,剛好係日本櫻花季,日頭去睇完真嘅櫻花,夜晚就可以嚟呢度邊浸腳邊欣賞以光雕投影技術投放喺足湯區水面嘅夜櫻放鬆吓,氣氛好浪漫!   連棧橋嘅位置都鋪滿櫻花迎接大家。   呢個活動為期只有一個月左右,如果計畫會去日本,千祈唔好錯過咁特別嘅賞櫻機會!   夜桜fantasy -大江戸温泉 花の宴- 地點:東京都江東区青海2丁目6番3号 東京お台場 大江戸温泉物語 電話:03-5500-1126 活動日期:2017年3月25日〜4月30日 時間:18:30〜24:00 費用:大人 ¥1,780起、小童 ¥980 官網:daiba.ooedoonsen.jp
21
Mar 17
23:38
博客

【2017年必到!】東京賞櫻勝地10選

櫻花季又到,今年櫻花比預期中早咗幾日開,大家揀定地方去賞櫻未?唔知去邊好唔緊要,今次小編為大家綜合咗10個東京賞櫻必到勝地,總有一個啱使! 關西的話可以睇呢度⬇︎⬇︎【關西邊度睇櫻花最靚!?2017年「5大必到」賞櫻熱點!】 1. 目黑川 目黑川沿途延綿4公里嘅櫻花路已經成為咗東京都內有名嘅賞櫻名所,由大橋到目黑站附近有成830棵染井吉野櫻!如果行唔哂4公里,可以選擇喺中目黑站一帶閒逛,呢一帶絕對係影櫻花嘅絕佳地點!行攰咗仲可以喺附近搵間Cafe飲杯野休息吓,大部份Cafe同餐廳都可以睇到櫻花,靚到爆!   目黑川 附近車站:池尻大橋、目黒 最佳賞櫻期:3月下旬~4月上旬   2. 千鳥淵周邊 千鳥淵綾道短短700米就已經有成260棵大島櫻花樹,喺櫻花滿開嘅時候呢度簡直可以用櫻花隧道嚟形容!每年嘅3月下旬到4月上旬,千鳥淵周邊嘅靖國神社同北之丸公園等等地方都會舉行「千代田櫻花祭」,到咗夜晚又有點燈活動,仲可以坐船仔夜遊千鳥淵,好靚!   千鳥淵周邊 附近車站:半蔵門、九段下、飯田橋、市ヶ谷 最佳賞櫻期:3月下旬~4
07
Mar 17
23:07
新聞

【粉紅系列俘擄少女心!】日本麥記又推「靚爆飲品」!

日本麥記新推嘅粉紅梳打齋望都夠滿足!點解?因為加咗山形縣產佐藤錦嘅高級櫻桃果汁去營造粉紅粉紅嘅視覺效果,唔止勁靚,仲好似好解渴!   (左) Mac Sakura Cherry Fizz ¥250 / (右) Mac Float Sakura Cherry ¥310 兩杯最大嘅分別係有雪糕同冇雪糕,有雪糕版本除咗可以食完個雪糕先慢慢歎汽水,仲可以將雪糕同汽水撈埋一齊飲,質感有少少似飲緊忌廉溝鮮奶!   櫻花蝦味Shake Shake薯條 ¥300 仲有呢個櫻花蝦味嘅Shake Shake薯條都係近期麥記必試!Shake Shake粉用咗駿河灣當造櫻花蝦嚟整,咸咸香香,比就咁點茄汁食好味10倍!   地點:日本麥當勞 發售日期:2017年3月8日~4月初
13
Feb 17
18:22
博客

日本最早開嘅伊豆櫻花景點,河津觀光及交通篇

伊豆半島大家聽就聽得多,不過就好少香港人會去。不過伊豆喺關東人嘅心目中,就等同關西人嘅和歌山南邊嘅溫泉區,而熱海嘅地位就等同白濱。同樣有大量溫泉地帶同漁港,而中間仲有高原同天城及大室山等觀光景點。   而由東京坐JR去到伊豆半島最北嘅熱海,可以坐JR嘅東海道新幹線。而熱海至伊東(伊豆半島嘅觀光起點)就要坐JR嘅伊東線,要再入去伊東至下田線嘅的話就要坐伊豆急行。   由東京坐東海道新幹線去到熱海都只需要45分鐘(3990円),坐東海道本線特急的話就要80分鐘(3600円),而坐東海道本線普通列車的話,約95-120分鐘(約2000円)。 熱海去到伊東普通列車車程就要53分鐘(約520円)。 而伊東去到伊豆急下田的話車程就要66分鐘(約1620円)。 坐普通列車的話由東京去到伊豆急下田,加加埋埋時間就要近4小時,車費就要近4000円。     今次介紹要去嘅河津位於南伊豆,車長覺得有個Pass係幾岩用。就係JR東日本嘅南伊豆フリー乗車券(South IZU Free Pass),個Pass分為3個車費,係由東京都來回、橫濱市内來回及來回小田原計算。 而個Pass就包咗來回東京/橫濱或小田原至伊東嘅普通列車各一程、2日之内伊豆急行全線任坐及東海巴士任坐。  
02
Feb 17
05:32
新聞

櫻花迷注意!日本星巴克新一季櫻花主題產品即將推出!

一眾櫻花迷同星巴克迷每年都好期待嘅產品情報終於解禁!今年日本星巴克繼續推出超靚靚櫻花主題杯具同飲品,今年2月15日起日本全國星巴克有售!   今年主題係「對『有關櫻花的日本文化』表示尊重」,融合日本嘅「和」同西方嘅「洋」元素,推出兩款期間限定飲品同多款保暖瓶、水樽、水杯、咖啡杯等產品。   兩款櫻花主題飲品均為非咖啡成分飲品,分別為櫻花忌廉拿鐵(Sakura Blossom Cream Latte)及櫻花忌廉星冰樂(Sakura Blossom Cream Frappucino)。   櫻花Latte價格:Short 430円+税、Tall 470円+税、Grande 510円+税、Venti 550円+税 櫻花Frappucino價格:Tall 570円+税、Grande 610円+税、Venti 650円+税   另外日本星巴克亦會推出多款杯具產品,將分為兩彈推出。第一彈主題為Harmony,將於2017年2月15日起有售。 價錢:(照片上排左起) 『Stainless Create Your Tumbler Full Bloom 473ml』¥2,900、★『Double Wall Sunny Bottle Pink 473ml』¥2,500、『Stainless Tumbler Full Bloom 355ml』¥3,600、『Stainless Bottle Full Bloom 480ml』¥4,400、『Stainless Tumbler Full Bloom 355ml』¥3,600、『Double Wall Glass Full Bloom 355ml』¥2,400、『Stainless Sunny Bottle Full Bloom 500ml』¥2,900、『Tumbler Frost 473ml』¥1,900、『Tumbler Full Bloom 355ml』¥1,700、『Double Wall Sunny Bottle Green 473ml』¥2,500 下排左起: 『Stainless Bottle Combina
06
Dec 16
02:25
新聞

超可愛櫻花季主題商品 準備好迎接粉紅色鬆弛熊

冬天都未過一半,Sanrio已經公佈咗嚟緊春天會推出嘅鬆弛熊商品喇!以櫻花為主題,今次嘅商品堅粉紅,除咗有鬆弛熊賞櫻嘅商品之外,仲有堅係粉紅色嘅鬆弛熊公仔添呀~~超級Kawaii!   文件夾(共兩款) 各450Yen、膠紙(共兩款)各400Yen     雙面用化妝包 1480Yen、紙巾包780Yen、雙面迷你Tote Bag 1480 Yen         粉紅色小熊鑰匙扣(共兩款)各1300Yen、坐立款粉紅色小熊(共兩款)各1700Yen   手上仲要拎住丸子、仲要耳仔都有粉紅色櫻花圖案,中意粉紅或粉色嘅真係覺得好治癒呀~!   資料來源:San-X