東京自由行
31
Aug 16
02:06
新聞

新市場地下水質測唔切 築地市場延遲搬遷

築地市場原定於11月7日搬遷至位於東京江東區嘅豊洲市場。據日媒報道,基於檢測新市場地下水是否含有害物質嘅水質檢測報告將未能如期於11月7日出爐,以及有店家投訴新市場店舖之間相隔嘅空間狹窄,因此東京都知事小池女士確定將會延遲搬遷日期以作出改善。另外,新市場使用嘅建設費用由當初預計嘅4300億日元狂升至5800億日元,令人質問龐大嘅工程費用係咪真係獲得東京都民嘅理解及同意。   建於1935年嘅築地市場早在30年前已經出現老化跡象。因實在改建工程困難,當局15年前已經調整港灣及物流建設,決定將市場搬至豊洲。可惜,豊洲市場嘅原址係瓦斯工廠,自2001年起逐漸檢測出土地有高濃度有害物質,環境狀況令人憂心。東京都政府承諾進行除去有害物質嘅土壤優化工程,並於前年確認土地安全性。   豊洲市場原定10月21日舉行開幕紀念儀式; 築地市場亦原定營業至11月2日,而11月3日至11月7日將會進行大型搬遷工程。雖然官方未正式公佈延遲至幾時,但唯一確定嘅係,因為年尾同新年初屬於魚市場嘅超級繁忙期,所以如果計劃有變都會盡量避開呢段時期。小池女士表示水質調查與將於11月18日至11月29日進行,大家都猜測正式搬遷日期將會推遲至明年1月甚至2月。睇嚟各位去日本嘅朋友都仲可以去多排築地喎!
01
Oct 16
02:47
博客

石原聰美化身文青女神帶你秋遊王子站

日本「國寶級」可愛教主石原聰美身為東京地鐵代言人,每季都會拍廣告「Find my Tokyo」介紹特別嘅東京景點!今次秋天版廣告石原就化身文青女神,帶大家遊走位於東京北區、南北線嘅王子站!今次嘅景點主題係「社會見學」,即係介紹唔同可以親自體驗嘅景點!   到底「王子站」有咩咁特別,係一個點樣嘅地方?原來呢度係日本洋紙嘅發揚地、亦都係日本造紙業長年發展嘅基地。   1)お札と切手の博物館(紙幣與郵票博物館) 紙幣暨郵票博物館主要介紹紙幣同郵票嘅歷史,同埋防偽技術等知識嘅博物館。1樓展覽室以製作者獨到嘅觀點介紹防偽技術歷史;2樓展覽室則展示了歷代紙幣同郵票,並介紹因社會背景變化同技術進步帶來嘅設計變遷等。另外,在此亦展示著世界各國珍奇紙幣同郵票。   地址:東京都北区王子1-6-1 開放時間:9:30 -17:00 (逢星期一休館) 入場費:免費 交通: 於JR京濱東北線王子站下車步行5分鐘(中央口) 於東京Metro地鐵南北線王子站下車步行5分鐘(1號出口) 於都電荒川線王子站前下車步行5分鐘   2)紙の博物館 建於1950年,呢間博物館位於飛鳥山公園內,亦係石原女神親自整和風post card嘅地方!
27
Oct 16
18:41
新聞

【爆笑】瘋魔全世界嘅PPAP 要開期間限定Cafe喇!

Pen-Pineapple-Apple-Pen,坂本大魔王當初寫呢隻歌嘅時候應該冇估到竟然呢首歌可以開到一間主題cafe…   2016年11月1日至11月20日會喺東京SkyTree開設官方期間限定Cafe,menu仲係圍繞PPAP,有PPAパン(PPA包)、PPAパフェ(PPA芭菲)、PPAパンケーキ(PPA熱香餅)等,更加唔少得PPAP菠蘿汁!只有order一樣嘢食就可以獲得PPAP特製杯墊拎番屋企留念,總共5款。嚟到又點可以唔影相呃like呢~除咗貼紙相機仲有好多影相道具。有機會嚟記得唔好錯過喇!     Menu(根本就全部都係急口令)                                  Pen       Pineapple           Apple         Pineapple PPAP Fresh Juice(ペン・パイナッポー・アッポー・パイナッポー)¥878                         Pen       Pineapple             Apple         Peach Soda PPAP Drink(ペン・パイナッポー・アッポー・ピーチソーダ)¥520                         Pen        Pineapple           Apple          Passion Fruit PPAP Drink(ペン・パイナッポー・アッポー・パッションフルーツ)¥520                         Pen        Pineapple           Apple         Pink Grapefruit PPAP Drink(ペン・パイナッポー・アッポー・ピンクグレープフルーツ)¥520                                                                   Pen        Apple           Pineapple        Tea PPATea ロミータ・ハシニコフ風味(ペン・アッポ
06
Jan 17
19:40
博客

女神石原聰美變身名偵探帶你遊中野!

自從石原做咗東京地鐵嘅代言人之後都拍咗一系列好正嘅Find My Tokyo廣告帶大家坐地鐵探索東京啦(之前都有介紹過王子站之遊)!今日東京地鐵又公佈咗最新嘅廣告,就係由女神化身名偵探帶大家遊中野呀!     今次係Find My Tokyo系列第四彈廣告,主題係「中野 Entertainment Jungle(娛樂森林)」。石原化身名偵探look同安田聖愛一齊行中野百老匯商店街同埋中野站南口嘅煉瓦坂(レンガ坂)。今次嘅廣告歌繼續由小林武史製作,不過今次就唔係back number而係同樂隊KANA-BOON合作。   當中石原喺廣告食嘅8層高雪糕店喺中野百老匯名物嚟,490yen就可以食到8款味道嘅雪糕!包括有雲呢拿、朱古力、士多啤梨、牛奶咖啡、黑芝麻、甜蕃薯、抹茶同波子汽水,見到都想食呀!  
04
Nov 16
01:06
博客

偽現充的六本木萬聖節夜蒲實錄!

  利申:本身拍呢條片係想俾自己嘅朋友睇下六本木Halloween係癲成點,好似個人遊記咁分享。不過後來覺得有啲畫面都幾精彩,所以就決定擺上嚟畀大家睇吓~敬請原諒片段後面我都醉醉地,感覺唔係好pro 不過都俾大家睇到最真實嘅一面呀    話說我咁大個女,終於有機會嚟日本過萬聖節喇!每年都坐喺個mon前面睇日本人玩得有幾癲...今年終於有得親身感受~我聽啲日本朋友話東京最好玩都係六本木同涉谷,涉谷我地就萬聖節正日當晚同大家做咗live啦,而家就俾大家睇下萬聖節前夕六本木嘅盛況啦!   其實六本木就好似香港蘭桂坊咁,附近有好多office,而啲人放工就會來飲酒,所以開咗好多club同bar,亦都吸引好多外國人嚟嘅。呢度嘅夜生活真係幾精彩㗎!   入club之前我就去咗大街感受下氣氛同埋觀賞下大家嘅萬聖節打扮!唯一可以肯定嘅係,雖然偶爾都有小丑女出沒,但都真係少香港好多!㗎妹都係中意扮下可愛性感貓貓狗狗多~   六本木最墟冚嘅club其中一間就
19
Nov 16
19:30
新聞

六本木Hills展望台化夜空螢幕浪漫重現「你的名字。」經典畫面

六本木HILLS展望台嘅東京City View將會於2016年11月23日起推出「晚間星空燈光」企劃,將會連同大熱電影「你的名字。」合作,將展望台嘅16塊巨型玻璃化成「夜空螢幕」為遊客於高空重現電影中經典畫面。     除此之外,東京City View內嘅Sky Gallery 3都會推出「你的名字。」限定主題Cafe,仲有彗星Parfait及星空Cocktail等同電影相關嘅食品,大家千祈唔好錯過!   展望台亦會有可以360度睇星嘅天文館,同埋可以感受太空漫遊及步行樂趣嘅「3D Sky Walker」,可以順便去埋玩呢!企劃暫停推行至2017年1月29日。   HUAWEI presents 星空のIllumination @六本木Hills展望台東京City View 日期:2016年11月23日~2017年1月29日 地址:東京都港区六本木6-10-1 六本木Hills 森Tower 52樓 東京City View 營業時間:52F屋内展望Floor 10:00~23:00(最後入場22:30)、星期五、六或公眾假期前日將開放至凌晨1點(最後入場24:00) 屋上Sky Deck 11:00~21:00(最終入場20:30) ※Sky Deck平時只開放到8點,企劃期間將順延開放至晚上9點。如天氣惡劣會暫停開放。 天文館會開放到10點,最後入場時間為9點半。   (C)2016「君の名は。」製作委員会/資料來源:Model Press
12
Jan 16
22:58
博客

搶購6個東京無印良品福袋2016 (附搶購心得)

福袋象徵好消頭,所以每年日本新年1月1及2日,日本差唔多所有店舖都會推出福袋,福袋裡面有咩大家都唔知,但福袋裡面嘅商品合共價值肯定超過福袋嘅價格!所以無輪日本人同旅客都對搶福袋呢個傳統感到好興奮! 小編係剛過去嘅2016年1月1日及1月2日去左東京搶福袋呀,由於已經係第二年係日本搶福袋,吸收過往年嘅經驗,我唔會再亂咁買福袋啦,因為上年買左太多伏袋了XD 小編個人意見認為無印福袋係最值得入手嘅福袋,因為佢真係唔會呃你,透明膠袋包裝,可以預先窺探入面有啲咩,而且貨品中伏率極低,一直被評為性價比最高嘅福袋! 但咁正嘅福袋又點會咁易比你買到,你想訓醒斯斯然食埋LUNCH先過去無印買福袋?無可能嘅事!唔預早係開門之前排隊已經偷笑啦,相對一啲熱門地區嘅無印,更加要早半小時以上排隊;如果想買到心儀嘅福袋無守保計更加要早一個半小時到!*1月2日提早1小時15分鐘到達吉祥寺0101分店已大排長龍無印福袋一共係有7款嘅,包括: 1.女裝衣服(S,M,L)- 5000円 2.女裝衣服(S,M,L)- 3000円 3.男裝衣服 -(M,L)5000円 4.男裝衣服(M,L)- 3000円  5.家品 - 3000円  6.文具 - 1000円  7.美妝小物 - 2000円
25
Nov 16
18:07
博客

天空樹下吃喝玩樂-晴空塔商場Solamachi 商店推介

  上個禮拜同大家分享咗我地去東京淺草晴空塔嘅PPAP Cafe朝聖同埋上Skytree睇風景,但大家嚟到千祈唔好睇完個塔就走呀!其實呢度樓下仲有個5層樓嘅商場,有各式各樣嘅店舖同食市,就算一家大細唔同要求都適合行~唔係淨係得涉谷原宿先有得shopping㗎~   今日就等我同Vivi輕輕推介5間我地覺得遊客難得嚟到應該一戰嘅餐廳+店舖啦!   1)Pokemon Store (5F 東區) 今年Pokemon Go hit到爆燈,重燃起唔少人對寵物小精靈嘅熱愛。東京除咗池袋之外其實Solamachi都有Pokemon Center嘅分店!除咗公仔、文具、小食,依家仲做緊Pokemon X Mario嘅crossover主題商品,同埋有Skytree Pokemon Store限定嘅商品添架!   2)nanaco plus+ (4F 10區) 遠睇可能以為係一間好普通嘅首飾舖,但其實呢間舖頭係將日本傳統糖果加工再變成非常可愛嘅吊飾、髮飾、耳環、手鍊、電話繩或鑰匙扣。因為每款糖果都好日系,而且真係有好多款式,所以尤其適合女仔嚟買野!男仔行都唔緊要,可以買下禮物俾身邊嘅女性朋友嘛XD  
25
Dec 16
15:13
新聞

【Pokemon迷東京必試】出現了!鯉魚王鯛魚燒!

又係鯉魚王!?冇錯,今次真係估佢唔到,專門賣鯛魚燒嘅連鎖店「くりこ庵」已經喺12月23日開始販賣呢個特色「鯉魚王燒」!一個都只係163Yen(未包稅),除咗秋葉原店之外,横濱西口店、淺草新仲見世通店、吉祥寺店、橫濱Minato Mirai店等分店都有售。   原本呢個咁搞笑嘅商品只係一個Pokemon官網嘅惡搞idea,官方仲特登整咗個poster添!   但而家就真係有得食喇! 各位Pokemon粉絲可以買個返黎咀嚼下喎XD   連包裝紙都係精靈球~   一人限買兩個~食嘅時候聽著鯉魚王主題曲食,可能更加有feel d(`・∀・)b   店舖地址一覽: 横浜西口店 電話番号 045-316-1420 営業時間10:00~21:30 住所:神奈川県横浜市西区南幸1-11-1 横浜西口五番街入口   みなとみらい店 電話番号 045-319-6560 営業時
06
Jun 17
00:41
新聞

東京Metro推超靚石原聰美日遊劵!

東京Metro將會推出印有石原聰美BB個樣嘅「Find my Tokyo.」24小時日遊劵!由6月17日起至6月30號都可以買到!呢段時間唔喺東京?唔緊要,話說東京Metro將會每隔3個月推出1次(之後分別係9月、12月同埋2018年3月),1年內共推出4次,總共加埋有12款石原BB嘅地鐵飛!粉絲一定要儲喇~~ 今次6月推出嘅會係以上3個款,都係石原之前為東京Metro拍廣告嘅硬照,而西船橋、浦安、妙典等地區為主題。上年賣3000套,今年加碼賣5000套!1set就有晒3款門票(即係3日地鐵飛),售價為1800Yen。加上今次係第1彈,初回限定特典係可以收納到全12款嘅專用Album! 注意唔係度度有得買!因為東京Metro嘅宗旨係希望客人可以親身體驗該區嘅魅力。所以今次要買就要去東京Metro東西線妙典站購買喇~門票有效期至2017年12月31日,一人一次限買5set。 資料來源:東京Metro