東京站
30
Nov 16
23:08
新聞

【一週狂賣10萬個!】杯緣子終於開實體店!

杯緣子嘅人氣勁到曾經係好多日本藝人嘅模仿對像,由2012年發行到而家,銷售量更已經超過700萬個!為咗慶祝杯緣子發行5週年,全日本首間杯緣子官方實體店將會於東京站一番街東京Character Street開店,由2016年12月1日開到2017年2月28日,想親身一睹佢嘅獨特魅力,就記得唔好錯過!   今次嘅實體店唔單上可以買到現時市面上有嘅款式,仲有好多新版會搶先喺呢度發售,杯緣子鐵粉嚟到一定會忍唔住瘋狂掃貨!   除原有8色之外,店內將會買到全新顏色,唔知會唔會連表情都係之前未見過㗎呢?   店入面仲可以買到以前第一彈到第五彈嘅復刻版,要儲齊一套,呢個係好機會啦!   呢一套總共有2隻嘅「杯緣子JAPAN」會率先喺實體店公開發售,每一個都好有日本特色,用嚟做手信好正喎!   加加埋埋店內面有成60款杯緣子產品,每款表情同姿勢都好可愛同得意,想忍手齋睇唔買都幾難......   FUCHICO & PUTITTO OFFICIAL SHOP IN TOKYO STATION 地址:東京
13
Oct 16
23:23
博客

【食乜好】東京站勁誘惑駅弁

「駅弁」即係喺車站買到嘅便當,對於要搭長途車嘅日本人嚟講可以話係旅途中不可或缺嘅必須品。   而由於東京係一個大站,有「新幹線」同「在來線」等唔同線路連接日本各地,車程閒閒哋都幾個鐘,所以喺東京站範圍自自然有好多唔同款式嘅駅弁,等乘客喺旅途中都可以享受到優質美食。   不過如果唔想騰嚟騰去物色駅弁,推介你地去一個地方,就係位於JR東京站入面一樓中央通路嘅「駅弁屋 祭」,入面有來自日本全國各地嘅駅弁,總共有成170款咁多,每一個賣相都相當吸引,下次行過就算唔係要搭長途車都可以買返酒店做宵夜~     1. ひっぱりだこ飯 ¥1,000     呢個係神戶超出名嘅明石章魚便當,喺神戶嗰邊出名到想食就要先預約,如果去到舖頭先諗住買基本上係唔會買到嘅,不過喺呢度當然係唔同講法啦,輕輕鬆鬆就買到,爽!   呢個便當最特別嘅地方係用瓦樽嚟裝,連樽身都刻咗隻章魚喺度,好精緻!樽入面除咗有章魚之外,仲有海鰻同季節性蔬菜。飯已經事先調好味,章魚好爽口,所有食材嘅口感同味道都好match,難怪喺神戶咁搶手!   一打開個蓋就見到好大隻章魚等緊我食佢落肚!