杯麵
02
Aug 17
20:14
博客

【率先試食】合味道 黑媽媽 墨汁海鮮杯麵 食完棚牙有冇變黑?

合味道一話會推出全新墨汁海鮮杯麵之後大家都好期待,小編都逼不及待買個嚟試吓! 我想像到一打開已經會見到成個杯麵係黑色,點知原來只係一個好普通嘅海鮮杯麵咁…   墨汁係分開上,最後食之前先落落去,成個麵嘅重點就係在於依包墨汁!   唔好睇佢細細包,一唧完落去之後真係成個麵黑晒!!!!   佢仲要染色力特強,連舊蛋都有一半變咗黑色,望落有啲似發霉咁www   食落係好食嘅,不過就真係唔係好食得出同普通海鮮杯麵有咩分別… 同埋棚牙都唔會變黑,大家唔洗擔心出醜啦~~~~^^   合味道墨汁海鮮杯麵 216円 各大便利店有售
20
May 17
00:29
新聞

日清「 世界杯麵總選拳」頭三位即將發售!

記唔記得日清喺上年搞過「世界杯麵總選拳」?頭三位嘅香港代表嘅「XO醬海鮮味」、印尼代表「Gulai Ayam Melayu」同德國代表「Champignons」將會由5月22日起於日本有售,三款都好似好正咁,仲唔bookmark定到時衝去買個嚟試吓!   香港代表「XO醬海鮮味」 ¥180 既然係香港代表就梗係要支持吓!呢個杯麵入面有魷魚、蝦仔、帆立貝等唔同海鮮食材,當然唔少得成個杯麵嘅靈魂「XO醬」!   印尼代表「Gulai Ayam Melayu」 ¥180 睇個名真係唔係好估到呢個原來係香辣咖喱味杯麵!由於加入咗椰奶製作,湯底質感夠creamy,入面仲加咗雞肉、洋蔥、椰菜等待唔同食材,樣樣都勁索汁,辣得好起勁!   德國代表「Champignons」 ¥180 最後一個就係德國嘅磨菇甜椒杯麵,每一條麵條都掛滿超杰身同濃郁嘅湯底,唔講真係唔知自己食緊日清杯麵,好特別。   發售地點:日本各大超商 發售日期:2017年5月22日~
15
Mar 17
00:52
新聞

食杯麵唔夠飽!? 加塊「即食年糕」正到爆!

有時餓起上嚟食完成個杯麵真係會覺得唔夠飽,食淨嘅湯汁除咗可以打隻蛋落去塞入微波爐叮兩叮變茶碗蒸,有冇諗過其實仲可以掉兩塊件糕入去一齊食?   就係呢兩包薄切年糕喇,最近仲新出咗兩枚裝,夠哂方便!   呢包年糕正在切得夠薄,仲要係100%使用日本國產米製作,淥麵前順便掉兩塊落去,麵食得嘅時候年糕亦剛剛好淋哂吸盡湯汁精華,超級好味!   除咗放入杯麵嘅食法,放入即食湯入面焗淋嘅食都係極之美味嘅食法,特別係對於我地去旅行嘅人嚟講,夜晚黑硬係特別為食易餓,呢個時候整返碗味噌年糕湯真係PERFECT!   呢包年糕其實仲可以變化出唔同玩法,就算你係地獄廚神都可以輕易駕馭得到,唔單止令到道料理好似勁咗好多,食落仲增加咗口感層次!   咪以為淨係咸食用得著,用嚟當甜品一樣得,一糕多食,真係俾佢玩哂!   熱湯3分うす切りもち
20
Jan 17
20:09
新聞

【連即食「麻婆」撈麵都玩埋! 】今次唔係伏啦掛!?

最近唔知做乜好多撈麵都好鍾意加入甜品元素,食一啖就即刻知道係伏!等咗好耐,而家終於有返個貌似正正常常兼賣相都幾吸引嘅即食撈麵,來頭仲唔細㖭,應該唔係伏啦掛!?     呢個麻婆辣式撈麵係「明星食品」旗下之作,雖然明星曾經出過伏到不能再伏嘅士多啤梨撈麵、朱古力扔撈麵等等令人驚喜十足嘅味道,不過由於今次有超人氣名店「らぁ麺やまぐち」監督住,所以可以好肯定今次個麵可以一試!     講到「らぁ麺やまぐち」就犀利啦,佢喺2015至2017年連續3年出現喺《Michelin Guide Tokyo》入面,可想而知呢間店舖嘅地位喺東京有返咁上下份量,質素有保證!     而呢個麻婆辣式撈麵更加係店主嘅自信之作,加入咗特製嘅香辛料,花椒味好突出,鍾意食辣嘅食客都對呢個麵愛不釋手。官方話個杯麵無論係彈牙粗身嘅麵條定係香辣惹味嘅香辛料都盡量跟足原版,唔知係唔係真係可以keep到同堂食一樣咁好味呢?   明星 らぁ麺やまぐち監修 辣式まぜそば 售價:¥218~ 發售日期:2017年2月13日        
12
Jan 17
01:23
新聞

【連日清都玩埋一份?】史無前例嘅「綠色抹茶杯麵」!

繼之前一平出嘅士多啤梨蛋糕味撈麵同朱古力撈麵,唔知係咪玩開有條路,連日清都玩埋一份,將抹茶加落個海鮮杯麵度,味道係點,有少少難以想像......     據官方所稱,為咗更加突出「抹茶」呢個特點,連麵條佢地都突登加咗抹茶去整,整出杯麵界史無前例嘅茶蕎麥風嘅綠色麵!麵都可以玩到咁,杯麵精華所在嘅湯底又點可以唔落足工夫!呢個抹茶杯麵用咗經典嘅海鮮湯做base,再添加咗特製抹茶風味,所以食起上嚟會食到些微苦苦甘甘嘅抹茶味道。   成件事聽落有啲詭異,但日清嘅杯麵又真係冇乜邊種味係難食,相信呢一款咁嶄新嘅味道應該亦唔會差得去邊(應該唔係伏嚟嘅......)。       除咗個抹茶杯麵,日清同日仲會推出「壽喜燒風烏冬」同「梅昆布茶鹽燒蕎麥麵」,想試呢啲咁別具特色嘅杯麵,去到日本記得去超商掃貨!   抹茶杯麵、壽喜燒風烏冬、梅昆布茶鹽燒蕎麥麵 發售日期:2017年1月23日 售價:¥180~   如果唔知咩係「士多啤梨蛋糕味撈麵
26
Nov 16
01:59
新聞

日本人食即食麵有特別的技巧

如果食杯麵就話方便啫,但如果你想食嘅麵係一包包嘅包裝,即係要用煲先煮到,又要洗煲又要開火,如果唔係屋企或有廚房嘅地方都幾難食到。   然後呢兩位日本網民唔知係咪覺得環保定嫌麻煩(笑),不過佢哋就示範咗高超地用獨特嘅技巧去煮麵。一齊望下: !?? 竟然!!! 食麵唔需要用碗嘅,有熱水就夠XD 完美示範唔需要用碗都可以食包裝即食麵。   推主仲好自豪咁話全日本應該得好少人會好似佢哋咁食麵。不過我就一路望多一路好驚包熱湯會漏同爆開...真係建議大家切勿模仿喇XD(後果自負~)   資料及圖片來源:Twitter @y6a6m6a
27
Oct 16
23:59
博客

【嚇到個心離一離!】日本究極杯麵食法

食杯麵就係貪佢多夠快又好味,但偏偏好多日本人就嫌齋食個麵面有啲悶,諗咗好多花臣出嚟幫個杯麵搞搞新意思,當中有我們聽聞過嘅布甸杯麵,更加有其他極富日本色彩或者古靈精怪嘅,趁就到萬聖節,一於偷吓師,到時畀朋友開吓眼界!     1. 杯麵+布甸     呢個布甸加杯麵嘅食法原來係源自韓國,將一整個布甸倒入個杯麵度再起勢咁搞混佢就完成喇,幾簡單!   有日媒已經親自試過呢個食法,個結論係勁難食!佢地話湯底味道過咗之後,布甸嘅甜味就出現侵佔口腔每個空間,味道非常唔夾喎。        睇吓佢地食完之後個樣咁痛苦就知呢種食法都唔方好食得去邊。(笑)   =============== 2. 杯麵+納豆     以為呢個會唔好食,點知日本人嘅評價又ok喎!納豆倒咗入個杯麵之
15
Oct 16
01:06
博客

【食乜好】東京蛋糕味拉麵

如果畀你㨂,你會㨂「拉麵味蛋糕」定係「蛋糕味拉麵」?   喺東京,原來真係有甜品店整咗傳說中嘅蛋糕味拉麵,唔止拉麵,佢地仲有餃子、炒飯、soba、Pizza同杯面,個樣真係做到好鬼似,雖然個蛋糕上面有寫「蛋糕」兩個字,不過單憑外表,一定唔會發現係蛋糕!唔好以為啲蛋糕得個樣,實際上係真係幾好味㗎~   喺秋葉原店門口,佢地有大大張banner印住兩碗杯麵,真係似得好離譜!我諗真係會有人以為係杯麵買咗返去,然後食第一啖就會覺得,甜嘅喂!   唔講嘅話我諗我呢一世都唔會估到呢個係一個蛋糕!   切開個杯麵,入面嘅麵同食材全部都係一層層嘅蛋糕。   仲有,大家可以食埋個蓋,店員話個蓋都食得㗎喎。個口感真係似食緊A4紙,不過嗒真啲又好似真係有少少甜味,應該真係食得嘅。   呢個Pizza入面有桃同埋Raspberry,食哂成
13
Sep 16
01:16
新聞

香辣海鮮味杯麵係全世界最好食!

識食,一定食香辣海鮮味杯麵! 早前,CUP NOODLE搞咗個投票活動「全世界CUP NOODLE總選會」。 估唔到全世界嘅人都咁識食,投票俾香港代表嘅香辣海鮮味!     眾望所歸,香港代表嘅香辣海鮮味當選第一名! 唔知大家又鍾唔鍾意其他味呢?     香港代表嘅XO醬海鮮味   中國代表嘅五香牛肉風味   中國代表嘅香辣牛肉風味   泰國代表嘅濃厚冬陰功蝦湯味   泰國代表嘅檸檬豚肉味       資料來源︰http://www.cupnoodle.jp/sekaisenkyo/#!
06
Sep 16
18:42
新聞

合味道推45週年紀念版拉麵-10倍謎肉祭!??

日清食品公佈9月12日將會推出最新杯麵口味!今次將會係日清史上最重本落得最多「謎肉」嘅一次(係平時嘅十倍)!新杯麵就係「カップヌードルビッグ "謎肉祭" 肉盛りペッパーしょうゆ」,從字面睇嚟係多肉同埋湯底係胡椒醬油味!?   今次推出新口味係為咗紀念杯麵推出45週年。世界第一個杯麵係喺1971年9月18日販賣㗎!為咗答謝來自世界嘅厚愛,日清食品決定將答謝粉絲,並推出比平時多10倍「謎肉」嘅新口味!其實所謂嘅「謎肉」就係平時食合味道入面都會有嘅一粒粒肉,就係醃咗嘅干碎豬肉喇。醬油湯底再配上胡椒點綴,相信會食到杯麵迷非常滿足!嚟緊去日本嘅朋友經過便利店記得望下,自己食又得做手信又得嘛~