朱古力
25
Feb 16
18:40
新聞

為白色情人節奮鬥吧!手造朱古力的理想與現實...

2月14情人節就過左啦,男仔食朱古力食得好開心啦? 但係日本人既習慣,男生要係3月14白色情人節回禮,請返女性朋友/女朋友食朱古力! 想花啲心思就梗係親手整啦。 但係最近好多網民都比呢款DIY朱古力玩死...   ▼包裝好正常,幾靚,應該會好食嫁喎!   ▼入面有餅底,朱古力同朱古力筆,工具齊晒   ▼製作過程非常簡單,究竟邊一 part 出錯呢?   ▼答案永遠都係:最後果 part...   ▼每隻都好有個人性格!(呢位已經算整得好...) (圖片來源:@ichimayo0 twitter)   ▼網上係唔止一位「中伏」
07
Dec 16
19:47
新聞

【神乎其技!(● O ●)】你唔係真係以為佢一對鞋啊嘛?!

有時親眼睇到嘅野都唔可以當真,好似呢對點睇都係一對男裝皮鞋嘅物體,原來係用朱古力整㗎!無論行到幾近都好,都唔係好睇得出佢嘅破碇,真係好厲害!!   對「皮鞋」其實係出自大阪Rihga Royal Hotel入面朱古力專門店「L'eclat」嘅作品,做工仔細到連鞋入面嘅鞋墊、鞋底、縫線位都係用朱古力整成,鞋面嘅反光效果都做得好真,非常有皮鞋嗰種獨特嘅光澤感,唔怪得像真度咁高啦!   由於全人手製作嘅關係,全球限量9對,非常矜貴。   「皮鞋」長26cm,有黑、淺啡同紅色三種顏色,三隻色都好有味道。   除咗對鞋之外,同系列仲有鞋抽同皮革專用cream,都做得好真。   店入面仲有好多其他唔同種類嘅高級朱古力,如果經過附近不妨上去睇一睇。   ショコラブティック レクラ 地址:大阪市北区中之島5-3-68 リーガロイヤルホテル1階(フロント横) 電話:06-6441-1308 營業時間:4月1日~9月30日 11:30~18:30、10月1日~3月31日 11:00~19:00
24
Jan 17
22:32
新聞

【勁矜貴!一盒10萬円!】名店究極「宇治抹茶生朱古力」

朱古力貴起上嚟可以好貴,但點都估唔到貴到一盒要成10萬円(平均1600円一粒......)!呢盒貴到飛起嘅朱古力係生朱古力專門店「Silsmaria」同抹荼老舖「辻利兵衛本店」嘅超豪華crossover之作,兩間店都出名產品高質,唔怪得個價可以叫到咁高啦!     除咗有2大品牌喺背後撐腰,用料同製作方法都極度講究亦係佢可以賣得咁貴嘅一大原因。呢盒朱古力入面一共有「抹茶生朱古力」、「宇治玉露焙茶生朱古力」、「露天園栽培宇治煎茶生朱古力」,淨係睇個名都知佢地來頭唔細,知道佢係點整之後真係不得不佩服日本人嘅講究!   抹茶生朱古力:用咗比利時出產嘅白朱古力及忌廉再加埋於2016年喺「一等農林水產大臣賞」中獲獎嘅手摘宇治茶製作而成。   宇治玉露焙茶生朱古力:加入經過焙煎並以石磨磨碎嘅宇治產玉露及威士忌製作而成。   露天園栽培宇治煎茶生朱古力:嚴選種植於溫差較大嘅童仙房露天園中嘅宇治煎茶,以石磨磨碎,再加入比利時出產嘅白朱古力及日本酒製作而成。     係咪超專業同講究呢!唔單止味道落足功夫,就連個包裝都高級到令人唔捨得拆開!外層佢地用咗傳統和布包住,就算係打個結
12
Apr 16
20:19
新聞

明治新廣告!石原示範「朱古力十式」!

石原里美最新明治朱古力廣告,為你示範食朱古力嘅十種方法。勁多表情,萌到爆   準備開始~     發開口夢都要食~     按完會唔會溶晒     就係呢個Pose,我俾佢萌死左
18
Jan 17
22:54
新聞

一年一度情人節又到~日本7-Eleven推出一系列情人節限定朱古力甜品~!

為咗迎接情人節, 日本7-Eleven喺1月17日開始順序推出咗 一系列嘅情人節限定朱古力口味甜品 各位嚟日本旅行嘅朋友行開7仔記得要留意啦~   用匙羹食嘅 軟滑濃郁朱古力  (190Yen) 1月17日發售, 係用調溫朱古力同Cream,牛奶等分成幾次將佢地撈埋去做~ 口感非常軟滑而且濃郁,用3種唔同嘅可可去做出濃厚嘅朱古力香。   軟滑朱古力忌廉蕨餅 (100Yen) 1月17日發售,用蕨餅外層包住入面嘅濃厚朱古力Cream,加上調溫朱古力醬製成。 而且2月8日至14日仲會期間限定將形狀變成心型發售~   朱古力莓果奄列(160Yen) 於1月24日發售,係用可可粉製成嘅「朱古力奄列」, 加上草莓,紅桑莓,黑加侖子嘅甜酸醬,朱古力醬同朱古力Cream去做㗎~   鬆脆朱古力泡芙(150Yen) 於1月24日發售,係用搽上朱古力醬嘅鬆脆曲奇泡芙外層, 加上滿滿嘅濃厚朱古
29
Oct 16
01:27
新聞

【超認真正經MODE】母愛真偉大!

望住呢8粒朱古力請以藝術角度欣賞,佢地係出自現代美術家會田誠先生之手嘅作品「CHOCONIP」,展示咗乳頭於人生不同階段時嘅顏色,原意係想藉住呢8粒朱古力去話畀大家聽女性嘅乳頭係好值得大家愛惜嘅。     不過想講呢8粒朱古力真係整得太真,望耐啲都覺得有少少害羞。       如果想買嚟自己試吓或者買嚟做手信,可以喺11月1日起喺Mme KIKI官網訂購。睇完呢篇野仲唔快啲同媽媽講聲我愛你!   Mme KIKI マダムキキ 官網:mmekiki.buyshop.jp  
12
Feb 16
22:40
博客

日本情人節大不同!?

情人節嘅由來我就唔多講啦~ 但點解香港會搞到又要送禮,又要燭光晚餐咁大件事,令到男士們咁頭痕呢?反之,係日本嘅男士們當日只要坐定定等收朱古力就得!? 其實日本本來就冇情人節送朱古力嘅習慣。直到1936年,「モロゾフ製菓」係一份英文報紙登左個以送朱古力俾男人為主題嘅朱古力廣告。 之後其他糖果公司都爭相仿傚,令大家慢慢有左「情人節就應該係女性向男性送朱古力」嘅概念。 去到了60年代,已經演變成大家會係情人節當日向自己心儀嘅男仔送朱古力表白。後來又因為日本人真係太好禮,所以連同事朋友都會送以示感謝。為左分清邊啲朱古力係表白用,邊啲係表達感激之情,就發展出「本命チョコ」同「義理チョコ」兩種朱古力啦~ 1977年,又有商人想進利促銷,而推出「送糖日」,慢慢變成「白色情人節」,係男士回禮俾女士,以代表接受佢愛意嘅日子。 去到近年,朱古存已經唔止會送俾異性,仲會送俾同性,稱為「友チョコ」。而亦有男仔會係情人節送朱古力俾女仔,咁就會稱為「逆チョコ」。
15
Nov 16
01:12
新聞

【日本麥當勞冬季限定】黑白朱古力雙殺

期間限定係香港人嘅致命字眼,一見到限定就會唔理三七二十一買咗返去先算!梗係啦,唔買返香港後悔點算,到時真係喊都無謂。     今期冬季日本麥當勞又再次推出兩款非常誘人嘅期間限定朱古力批,一黑一白,外皮超脆,朱古力迷真係無理由唔試!     黑色朱古力批今年特別在於入面嘅朱古力量係比之前多出20%,爆漿效果更加誇張,細細啖咁咬一啖,入面嘅朱古力醬已經好唔安份咁爆哂出嚟,好香濃口感好rich!     而白色呢一個就係用咗白朱古力去整,有淡淡嘅雲哩拿味,加埋一粒粒果仁嘅口感,成個批感覺好creamy,又唔會太甜,都幾好食。   呢兩個批過多2日就有得試,不過因為供應期唔長,要試就要快啲試啦!唉.......食完返到香港一定會超掛住,如果香港都有得食就好啦。   三角朱古力批「三角チョコパイ」 發售地點:日本各大麥當勞 發售日期:黑色朱古力批 2016年11月16日~2017年2月中旬 白色朱古力批 2016年11月16日~12月中旬 售價:¥120        
22
Mar 16
02:19
博客

香港海外第一家-Calbee Plus卡樂B試食!超詳盡報告!

今日終於去咗 Calbee Plus 試食Okashi Calbee 薯片!勁興奮啊! 不過今日係傳媒開放日,所以真係好多人。 一入到去已經見到「廚房」,可以睇到佢地點樣炮製新鮮嘅薯片。 只要兩個step就可以嘆到薯片,第一步就係揀薯片嘅「形狀」,第二步就係揀「口味」 之後就可以嘆薯片喇~   俾個價目表大家睇下先   我就揀左朱古力薯片同芝士薯片!好吸引啊!講返少少食後感: 朱古力薯片強烈推介,估唔到朱古力醬同薯片原來咁match,食一啖薯片再加一啖雪糕,真係好幸福啊! 反而芝士薯片就爭啲,唔知係咪擺得耐所以淋淋地,同埋芝士醬酸咗啲, 所以如果第一次去又唔知揀咩口味,我會推介朱古力薯片加雪糕!得香港先有㗎!
12
Feb 16
23:58
博客

一粒朱古力嘅真心!本命?義理?我得到嘅只係一粒朱古力嗎?

情人節個個都俾朱古力,點先知對方對我係唔係有意思呢?係日本有「本命」同「義理」就分得好清楚,只要留意以下幾點,就一定唔會自作多情啦~1. 包裝/價錢 人靠衣裝,禮物當然係靠包裝!心形都唔一定就係嘅,但通常包得好靚,唔會就咁俾一粒(除非好大粒)打開粒粒唔一樣款式都可以係。雖然日本人對上司都會送高級朱古力,咁都代表左越重要嘅人就會送越貴重嘅野。2. 手工朱古力 無人會花咁多心機時間去整野食俾自己唔鍾意嘅人囉~ 所以就算係好鍾意自己整野食都好,日本都唔鼓吹女仔係情人節當日送手工朱古力俾普通朋友。3. 贈送情景 成堆人面前送俾你,又個個收到嘅款色都一樣,咁就真係唔洗諗咁多。但如果專登叫你埋一邊,單獨情況下,仲要含情脈脈咁唔樣,你唔好話我知你真係鼓佢唔到囉~4. 朱古力以外 對方可能只係靜悄悄咁放係你枱面,但入面好有可能係放左卡片,寫左啲甜言蜜語俾你架!