暗黑料理
27
Apr 17
02:53
博客

【日本「暗黑料理」大集合!】你最想挑機嘅係......

食物嘅賣相好緊要,冇賣相有時真係見到都唔開胃!如果話畀你知以下幾款看似極度暗黑嘅料理其實都真係唔係咁難食,大家又有冇興趣去試吓?   1. 雪糕拉麵@菊や 甜品加拉麵係咩味道,係咪好難以想像呢!位於東京北千住有間叫「菊や」嘅拉麵店就非常破格地將整個甜筒放上拉麵上面做toppings,未食過可能會以為呢個拉麵一定係終極暗黑料理,但試過嘅食客就多數都讚不絕口!點解?因為店主唔係是但求其將個雪糕放上個麵就算,為咗配合雪糕嘅味道同溫度特登將個拉麵變成凍盤,雪糕半溶喺湯底反而令湯汁多咗重牛奶味,食落更creamy。   除咗個雪糕拉麵,店內面仲提供多款超有爆點嘅拉麵,好似呢個「咖啡牛乳拉麵」,構思來自其中一位非常鍾意飲咖啡嘅常客,每次食完麵都要飲返罐咖啡先安樂,既然係咁,就諗不如索性將咖啡倒入湯底,就係咁造就咗一個咁另類嘅拉麵嘅誕生。   呢個朱古力湯底係咖啡牛乳拉麵嘅延伸構思,該位常客話可以將咖啡倒入湯底,同樣道理點解唔可以將朱古力加埋入去,令到碗麵有少少朱古力味,拉麵又唔會冇埞企,但係咪真係好食,就見仁見智喇。 菊や 地址:東京都足立区千住大川町10-3 電話:03-388
26
Jan 16
02:03
博客

非暗黑料理系列之納豆新食法!

頭先食lunch,同愛美麗傾開日本食物話題,講講下先發現,原來愛美麗係未食過納豆架! 相信好多人都同佢一樣,唔食既原因係因為覺得好肉酸又好難食。 雖然個賣相係超唔討好,但係營養價值係超高,而且人係生,物係死,自己加少少野令納豆易入口咪得lo! 納豆係日本超常見既傳統食物黎,係由黃豆經過發酵而製成。 鈣質比一般豆類高,而且仲含有大量既蛋白質同維生素K2,絕對適合長期食用。食用方法︰懶人mode︰將所有調味料加入,混合好就食。小朋友mode︰加砂糖落去,或者加沙律醬食都得。食家mode︰加生雞蛋、蔥花、蘿蔔、柴魚混合埋一齊先食。秋葉原東方不敗mode︰加入少量既雪碧或者七喜,係咁攪攪攪,直到無咁粘笠先食。 喇!我果個唔係咩暗黑料理黎架!只係我中意食甜,但又唔想太粘笠,唔想d絲痴到塊面,我先加汽水落去。 大家不妨都試下以上介紹既幾種食法丫!再唔係,有新食法既,留言話我知都得架! 例如呢個咁…… 應該皮膚會超滑,因為有納豆幫你痴
06
Feb 16
00:41
博客

慎入!日本五大重口味情人節朱古力!

仲有一個星期就到情人節喇! 相信唔少人都幻想個呢個情節~~~ 唔好以為收到人地親手整既朱古力就好威好開心呀! 因為,原來日本好興整重口味朱古力俾男仔食架!!! 而原因竟然係希望向中意既男仔落咒,令佢食左朱古力後就愛上自己! 天呀!問世間情為何物呀??? 好!我地一於睇下有幾重口味!!! 我會先俾d食物圖大家睇,估下日本絲打放左d咩野!第五位! 估唔估到係咩?係下體毛!?痴線!一黎就咁重口味!!! 日本巴打話係2012年,收到朋友整既朱古力,食既時侯發現有陰毛!!!!!第四位! 相信有睇過電影<<細路祥>>就知紅茶包係代表M巾! 呢位絲打求神保佑佢整朱古力個日黎M,等佢可以用M血黎整朱古力! 係咪傻架?不過,我突然諗起近年睇新聞話D工人姐姐都係咁樣煮飯,希望老細會聽佢話……第三位!