星矢
27
Jul 17
09:10
新聞

少年JUMP展第1彈嘅「創刊~1980年代,傳說的開端」正式開展

相信對依家嘅青少年嘅嚟講,冇咩邊個嘅成長路程係冇週刊少年JUMP一眾角色吧。由新科星雲獎得獎作之一嘅烏龍派出所,到龍珠、足球小將、北斗之拳、ONE PIECE、火影忍者、銀魂等等,呢啲一套又一套經典嘅不死神作,見證住日本動漫文化嘅發展。 適逢週刊少年JUMP出年就迎接創刊50周年,官方決定舉辦3個週刊少年JUMP展。將作品分成創刊~1980、1990同2000年代展出,而第1彈嘅「創刊~1980年代,傳說的開端」,已經於東京六本木Hills嘅森美術館舉行!   第一部分別展出咗『男兒當大將』、『聖鬥士星矢』、『北斗之拳』、『筋肉人』、『龍珠』、『烏龍派出所』、『JOJO的奇妙冒險』、『足球小將』、『城市獵人』、『魁!男塾』等多部名作嘵嘅漫畫原畫。 場內除咗有超過200種紀念品發售外,亦有供應參考展出作品而設計,共9款嘅名作漢堡場內嘅Café「THE SUN」發售,各1680日圓。 第二場展覽「1990年代
19
May 17
20:02
新聞

又嚟「童年崩壞系列」? 真人版『聖鬥士星矢』進軍荷里活!!

近年愈來愈多動畫作品被日本,甚至海外重新拍攝真人化電影化,不過往往唔知點解最後都會變咗「山崎賢人系列」「童年崩壞系列」。其中帶俾人最為慘痛嘅經驗,自然就係由20世紀福斯於2009年發行嘅『龍珠:全新進化』。 根據國外媒體「SCREEN DAILY」同日本國內嘅媒體報導,另一套大家嘅「童年集體回憶」『聖鬥士星矢』,亦已決定「進軍荷里活」拍攝真人版。 今次東映係透過坎城影展場刊宣佈新電影版確認開發,真人版電影名稱為『Saint Seiya: Knights Of The Zodiac』,今次電影將由中、日兩方共同製作,包括東映同真好電影。而漫畫作者車田正美、原動畫導演森下孝三、將共同擔任執行製片,導演則為曾經參與製作FIFA等團體嘅廣告,曾經喺2002年憑短片「Katedra」得過短片獎嘅波蘭導演Tomek Bagiński。 不過網友對於製作真人版電影,網友反應就非常一般啦,普遍嘅反應都係「童年崩壞」、「又將會有一套動畫版被毀啦」等等。希望新電影版出嚟會令人耳目一新啦。
22
Jun 16
23:40
博客

「聖闘士星矢30周年展」1:1黃金聖闘士大晒冷!

無論你喺70、80定90後,都一定會聽過《聖闘士星矢》!呢個融合咗希臘神話故事同星座嘅漫畫,推出之後就風靡全世界。今年係星矢嘅30週年,作者車田正美就親自企畫咗個「聖闘士星矢 30週年展 Complete Works of Saint Seiya」,2016年嘅6月18日去到29日喺秋葉原UDX 展出!   「聖闘士星矢30周年展 Complete Works of Saint Seiya」 展覽日期: 2016年6月18日(土)~6月29日(水) 地點: 秋葉原UDX AKIBA_SQUARE 入場費:1,500円   咁我為咗都燃燒吓自己個小宇宙,領悟吓第七感,難得喺東京梗係要去朝聖一下! 場館好易搵,喺秋葉原 jr 站電気街口向前行兩分鐘就可以去到 AKIBA SQUARE   今次星期日下午去到,都唔喺好多人,都喺排咗一個鐘喳嘛~   1,500円入場費,展覽頭一半都喺車田正美嘅手繪漫畫,角色造型等等,所以唔可以影相,留返啲神秘感等你地自己去睇啦~   咁就直接跳到呢個展覽最吸引果一 part 喇!就係有得一次過睇晒 12 件 1:1 黃金聖衣模型!   12 件一齊上,何其壯觀~
21
Jan 16
01:54
博客

六月必到秋葉原!聖闘士星矢30週年展!

♫無敵嘅聖衣 金光璀璨好美麗♫ 唔經唔覺,原來《聖闘士星矢》由開始連載到依家已經30年,呢套漫畫相信都陪住唔少人一齊成長。 時至今日,星矢嘅電影、動畫同玩具照樣長出長有,為咗慶祝誕生30週年今年六月東京秋葉原UDX就會舉辦「聖闘士星矢30周年展 Complete Works of Saint Seiya」 不過展覽有咩睇?根據官網嘅資料,除咗有星矢嘅原畫、動畫、玩具之外,仲有12座等身大嘅聖闘士會係度展覽! 唔少物品仲話係第一次展覽!除咗童虎,個個聖闘士都超過180cm高,勁過高登仔,到時一定好壯觀!   仲有Figure買,係青銅聖衣既星矢,好鬼靚   想知詳細資料可以去佢地官網睇睇!