昇龍道
06
Oct 16
22:38
博客

自駕遊高速公路Pass

JR Pass大家都知道係乜,但高速道路Pass你哋有冇未聽過呢?   近年日本嘅外國遊客數目急升,日本高速道路都想分一杯羹。 所以有幾間高速公路公司就推出咗唔同種類嘅Pass,好似放題咁,仲連埋ETC等等。要明白以前喺日本自駕遊,無ETC真係好麻煩兼好貴㗎!   有啲道路只能用現金,有啲道路就可以用信用卡;有啲道路就要拎飛,有啲道路就要先俾錢。最大件事係溝通唔到,到底你想要飛定錢?定係唔收信用卡?真係亂到爆...今日就等車長我介紹幾個日本主要地區最常見常用嘅高速公路Pass,包大家玩得安心放心,做個自駕遊大丈夫!   港人最愛--北海道自駕遊必備: 北海道高速公路Pass Hokkaido Expressway Pass     價格如下: 注意事項: 不包含租車與租借ETC卡費用。(ETC必須同時租借) 開始使用後不得延長使用期限。 僅以高速公路車種類別的「普通車」(例如四人房車)為對象。 可使用區域     探索日本東北地區必備: 東北高速公路Pass Tohoku Expressway Pass
21
Dec 16
23:21
博客

超靚絶景奧飛驒新穂高溫泉

昇龍道大家都聽得多,其中嘅中段有好多人都去過,好似名古屋、白川鄉、高山、金澤。不過昇龍道頭,中同尾段有啲美景,香港人就好少可會去,甚至連聽都未聽過,好似熊野、美濃加茂、郡上八幡、平湯、新穂高、八幡、高岡、氷見及能登...等等。因為電視無介紹過所以無咩人知。   車長就推介要去一去新穂高住返晩。 新穂高溫泉係奥飛驒溫泉入面其中一個,被北飛驒山脈嘅穂高連峰同雙六岳包圍,每座高峰都差不多3000米高。 所以新穂高溫泉就好似係深谷入面咁,前面同後面都係高山壁。   因為個景真係超靚~中日本絶景之一。 有幾間溫泉旅館同酒店都係喺河邊,一路浸溫泉一路享受超靚絶景~正呀!(特別嗚謝朋友提供一張咁靚嘅美女浸溫泉照片)   介紹吓D河邊溫泉旅館同酒店先: 新穂高溫泉 槍見館 槍見館屬於日本秘湯協會嘅其中一間。 好多人話係新穂高入面最豪華嘅~ 客室有十五間和室,一間和洋室連半開放式溫泉同兩間有露天風呂嘅客室, 全館有九個溫泉池,最近河邊果個就係〝槍見の湯〞(混浴用)。不過朝早七點至九點就係女性專用!
16
Feb 16
01:42
博客

【貝遊日本】高山&白川鄉點燈LOCAL TOUR (PART 1) 之究竟飛驒牛壽司有幾好味!?

相信喜愛日本嘅你都應該聽過白川鄉呢個地方,而白川鄉點燈,一年只有7日,係呢7日會吸引世界各地的遊客黎到這條小村莊,而最理想嘅點燈旅程,當然就係可以係點燈當日入住合掌村民宿,不過可惜嘅係如果你唔預早大半年預約,係冇可能住到,因為實在太太太熱門了。 而當日亦會有專屬嘅點燈巴士來回高山白川鄉,都可以預先預約,但係都係個句,太熱門,一開賣就會好快冇晒。 咁係呢個情況下咩都搶唔到嘅我,就決定參加Local Tour,其實Local Tour都好熱門,但係佢經常滿左又再加開XD,所以相對之下比較容易報名,不過都唔建議大家太遲報名,小編我係預早3個月報名的。 LOCAL TOUR網址: http://www.yokoso-japan.jp/tc/64340.html 呢個Local Tour 要13000YEN一個人(如果非點燈日子,只需8500YEN),我覺得價錢都算合理,除左帶我地去白川鄉睇點燈之外,仲包我地一餐午餐同帶我地去高山閒逛。 最重要係唔需要擔心交通問題,可以安安心心咁去白川鄉睇到一年只有7日嘅點燈美景! 而當日我地就係10點名古屋站集合,行程如下: 係到達餐廳前,會停留一個中途站休息片刻,而呢個中途站係好有驚喜,環境超靚! 差不