日清
24
Jun 16
20:32
新聞

UFO之日 日本網民齊慶祝

6月24日係UFO日。傳聞1947年6月24日,首次有記錄於美國目擊UFO飛碟事件。   而熱愛UFO嘅日本網民,當然要喺TWITTER貼UFO慶祝。 講緊嘅,係呢個UFO↓        點會得網民自己玩,日清UFO炒麵官方就當然都加埋一腳 《按此》 題外話,今年仲係UFO炒麵40週年 整咗段片教大家點將UFO浮係半空中,好易學,以後大家都係超能力者啦!YEAH!   麒麟啤酒都有幫UFO炒麵宣傳喎   激安の殿堂都有慶祝,菲利現身DONKI札幌
29
Mar 16
22:41
新聞

日清Cup Noodle 45週年推出限定杯麵

1971年9月18日,世界上首款杯麵-日清Cup Noodle首次發售,今年已經踏入第45週年,為慶祝呢個重要時刻,日清首先推出2款限定杯麵!     分別係藍色包裝「リッチ 贅沢だしスッポンスープ味」濃厚甲魚湯味及紅色包裝「リッチ 贅沢とろみフカヒレスープ味」濃厚魚翅湯味,睇完個包裝再聽埋個名就已經覺得非常高級;至於味道如可呢,就要4月11日賣黎試過先知啦!各位4月11之後會去日本嘅話就千奇唔好錯過啦!!   開售日期:4月11日 售價:248円(含稅) 全日本發售
04
Aug 16
19:55
博客

中西合璧的多元市鎮橫濱:吃喝玩樂一整天

橫濱市係神奈川縣最大嘅市區,人口數係全日本僅次東京都!佢有個好特別嘅地方就係地區糅合左唔同國家嘅文化,除左最常見嘅日式建築同神社,佢仲有唔少異人館同埋中華街等等中西文化。什至有經常遊日嘅朋友都話:無去過橫濱點算去過日本呀﹖所以今日筆者就決定一探下呢個市區有咩特別既吸引之處!   去橫濱比較抵嘅交通方法係由澀谷買一日東急橫濱pass,只需要860yen就可以包曬橫濱區內鐵路任搭同埋由澀谷到橫濱嘅一次來回。如果大家有信心想行萬里路的話都可以唔買pass,直接買來回程。不過橫濱其實都幾大下嫁,好似好出名嘅紅磚倉庫同中華街都有成2公里遠,如果唔係好好腳力就建議大家唔好同自己過唔去啦~   要講橫濱近年最受歡迎嘅景點就一定要數到杯麵博物館啦。雖然大阪一早都有一間﹐但東京區係2011年先開幕既〜由細食出前一丁食到大嘅筆者決定點都要去朝聖下!橫濱嘅杯麵博物館同大阪唔同,係需要收入場費。不過都係500yen啫,以咩都鍾意收入場費嘅日本尼講算係好經濟。   一去到裡面當然唔少得山咁多嘅杯麵陳列品啦﹐入口側邊就係一間放左日清咁多年唔同產品嘅房間,但由細到大只係知道合味道同埋出前一丁係日清嘅,完全諗都無諗過原來中學小食部皇牌營多都係佢嘅!佢國際化嘅程度令筆者不禁即刻萌生敬意…係一堆陳列品嘅最右手邊就有一個小劇場,係講安藤
12
Jan 17
01:23
新聞

【連日清都玩埋一份?】史無前例嘅「綠色抹茶杯麵」!

繼之前一平出嘅士多啤梨蛋糕味撈麵同朱古力撈麵,唔知係咪玩開有條路,連日清都玩埋一份,將抹茶加落個海鮮杯麵度,味道係點,有少少難以想像......     據官方所稱,為咗更加突出「抹茶」呢個特點,連麵條佢地都突登加咗抹茶去整,整出杯麵界史無前例嘅茶蕎麥風嘅綠色麵!麵都可以玩到咁,杯麵精華所在嘅湯底又點可以唔落足工夫!呢個抹茶杯麵用咗經典嘅海鮮湯做base,再添加咗特製抹茶風味,所以食起上嚟會食到些微苦苦甘甘嘅抹茶味道。   成件事聽落有啲詭異,但日清嘅杯麵又真係冇乜邊種味係難食,相信呢一款咁嶄新嘅味道應該亦唔會差得去邊(應該唔係伏嚟嘅......)。       除咗個抹茶杯麵,日清同日仲會推出「壽喜燒風烏冬」同「梅昆布茶鹽燒蕎麥麵」,想試呢啲咁別具特色嘅杯麵,去到日本記得去超商掃貨!   抹茶杯麵、壽喜燒風烏冬、梅昆布茶鹽燒蕎麥麵 發售日期:2017年1月23日 售價:¥180~   如果唔知咩係「士多啤梨蛋糕味撈麵
20
May 17
00:29
新聞

日清「 世界杯麵總選拳」頭三位即將發售!

記唔記得日清喺上年搞過「世界杯麵總選拳」?頭三位嘅香港代表嘅「XO醬海鮮味」、印尼代表「Gulai Ayam Melayu」同德國代表「Champignons」將會由5月22日起於日本有售,三款都好似好正咁,仲唔bookmark定到時衝去買個嚟試吓!   香港代表「XO醬海鮮味」 ¥180 既然係香港代表就梗係要支持吓!呢個杯麵入面有魷魚、蝦仔、帆立貝等唔同海鮮食材,當然唔少得成個杯麵嘅靈魂「XO醬」!   印尼代表「Gulai Ayam Melayu」 ¥180 睇個名真係唔係好估到呢個原來係香辣咖喱味杯麵!由於加入咗椰奶製作,湯底質感夠creamy,入面仲加咗雞肉、洋蔥、椰菜等待唔同食材,樣樣都勁索汁,辣得好起勁!   德國代表「Champignons」 ¥180 最後一個就係德國嘅磨菇甜椒杯麵,每一條麵條都掛滿超杰身同濃郁嘅湯底,唔講真係唔知自己食緊日清杯麵,好特別。   發售地點:日本各大超商 發售日期:2017年5月22日~
06
Sep 16
18:42
新聞

合味道推45週年紀念版拉麵-10倍謎肉祭!??

日清食品公佈9月12日將會推出最新杯麵口味!今次將會係日清史上最重本落得最多「謎肉」嘅一次(係平時嘅十倍)!新杯麵就係「カップヌードルビッグ "謎肉祭" 肉盛りペッパーしょうゆ」,從字面睇嚟係多肉同埋湯底係胡椒醬油味!?   今次推出新口味係為咗紀念杯麵推出45週年。世界第一個杯麵係喺1971年9月18日販賣㗎!為咗答謝來自世界嘅厚愛,日清食品決定將答謝粉絲,並推出比平時多10倍「謎肉」嘅新口味!其實所謂嘅「謎肉」就係平時食合味道入面都會有嘅一粒粒肉,就係醃咗嘅干碎豬肉喇。醬油湯底再配上胡椒點綴,相信會食到杯麵迷非常滿足!嚟緊去日本嘅朋友經過便利店記得望下,自己食又得做手信又得嘛~
04
Nov 16
19:56
新聞

【滴漏咖啡飯係咩玩法?】日清話你聽咖喱飯原來可以咁食!

  你冇睇錯,我冇寫錯,日清11月2日真係喺渋谷站入面開咗間期間限定嘅即食咖喱飯店「DRIP CURRYMESHI TOKYO」,用滴漏嘅方法將湯汁加到飯入面!食個即食咖喱飯都搞咁多野,原來真係唔係單單為咗玩花臣搞Gimmick咁簡單,用滴漏嘅方法真係比就咁倒啲水入去沖好味好多!     呢間店預計只會開半年左右,計一計,即係開到2017年5月頭,要去真係要趁早!     店入面總共有3種咖喱飯可以揀,有Beef、Seafood同Spicy Chicken,揀好想要邊款飯就可以揀埋要邊款湯喇。   每種飯都有5款湯可以揀,啲味道平時都幾少機會食到,好似咖啡咁,邊個會諗到可以加落咖喱飯度食?!   牛肉咖喱飯:唐辛子、香蒜、茉莉花茶、鰹魚乾、咖啡 辣雞咖喱飯:唐辛子、香蒜、茉莉花茶、楓糖、咖啡 海鮮咖喱飯:唐辛子、香蒜、茉莉花茶、鰹魚乾、蘋果紅茶     揀好要咩湯之後,工作人員就會用滴漏嘅方法製作湯汁精華,佢地會將湯汁原材料放入滴漏杯入面加滾水,等