日本音樂
04
Aug 17
01:58
博客

[那些年,我們一起聽過的日文歌] Whiteberry 夏祭

今晚要同大家分享的就是非常著名的夏日JPOP代表作:夏祭!可能大家都在玩《太鼓の達人》的時候聽過呢首經典歌曲,不過大家又知道其實這首歌已經有多年歷史嗎? 原本,這首歌屬於樂隊JITTERIN'JINN,早於1990年發售。因為這首歌曲調輕快獨特、歌詞不但充滿日本夏天原素,而且是以女生角度出發,所以成為一時佳話。2000年的時候,女子樂隊Whiteberry以輕搖滾及日式曲風重新翻唱這首經典作品,再次引起熱潮。不但登上ORICON單曲榜得到第3位,也成功讓樂隊登上紅白舞台。現在這首歌已經成為JPOP歷史上有代表性的歌曲了。 重溫其他經典夏日歌曲:
27
Jul 17
03:00
博客

[那些年,我們一起聽過的日文歌] 廣末涼子 認真戀愛五秒前

附送 廣末涼子 經典寫真集《RELAX》美照
呢排網絡突然廣傳一輯廣末涼子年輕時拍寫真集《RELAX》時拍下嘅超脫俗美照。 14歲拍廣告出道,廣末涼子被譽為係「20世紀最後一個美少女」,亦都係「透明感」玉女代表中嘅代表。 1997年,16歲嘅廣末涼子更推出首支單曲《MajiでKoiする5秒前》,紅極一時! 歌曲經典程度連當今少女偶像川島海荷同指原莉乃都曾經翻唱過! 川島海荷版: 必須說,後生嘅廣末個種脫
25
Jul 17
02:53
新聞

[那些年,我們一起聽過的日文歌]久保田利伸 La La La Love Song

今日(7月24日)係日本R&B天王久保田利伸55歲生日呀!於舊年迎接出道30週年嘅佢被視為成功導入黑人音樂風格到日本流行樂壇嘅先驅人物!而呢首超級經典嘅《La La La Love Song》更加係同英國名模Naomi Campbell合作,除左被日劇《長假》選為主題曲之外,更加創下186萬張銷量!  今晚就同大家分享番呢首百聽不厭嘅經典日式R&B啦!  
09
Jul 17
07:49
博客

【夏日JPOP】日本網民票選最想夏天聽的歌曲排行榜

之前同大家介紹過好多日本偶像嘅夏日單曲系列,不過夏日JPOP呢家嘢又唔係淨係偶像先會推出嘅!唔少日本歌手、樂團都有推出過非常經典嘅夏日歌曲作品。一齊睇下日本網民投票邊首係佢哋夏天最會想聽嘅歌曲啦! 票數合計共收到4322票,結果如下:   第10位:NMB48 - 僕らのユリイカ 113票 (延伸閱讀:重溫日本偶像夏日單曲:NMB48)   第9位:色情塗鴉 - Music Hour 126票 第8位:T.M.Revolution - HOT LIMIT 128票 第7位:湘南乃風 - 睡蓮花 129票 第6位:TUBE - Season in the Sun 130票
08
Jun 17
00:09
新聞

滿島光訪港為MONDO GROSSO拍迷幻MV 被指似星期三的康帕內拉!?

喺網絡上瘋傳緊滿島光為日本具影響力電音樂隊MONDO GROSSO喺香港取景拍嘅MV「ラビリンス」,MONDO GROSSO以音樂人大澤伸一為主,90年代起一直以破格及新潮曲風引起話題。今次時隔14年推出新專輯「何度でも新しく生まれる」更加係佢哋第一隻全日語歌曲專輯,除咗滿島光亦搵嚟乃木坂46嘅齋藤飛鳥、bird、UA、moumoon嘅YUKA等多名歌手合作。 (同齋藤飛鳥合作嘅惑星タントラ) 同滿島光合作嘅呢首「ラビリンス」以電影級剪接手法,多個一鏡到底嘅鏡頭將攝影名地鰂魚涌海山樓、佐敦廟街、南京街、深水埗鴨寮街、北河街等地道得嚟充滿感覺嘅街景完美呈現。配上滿島光慵懶嘅唱腔、獨特嘅舞步、迷幻嘅燈光及電音,教唔少樂迷直呼成個MV為高質之作!推出短短兩日已經超過70萬人觀看,好多香港人都大讚將平凡街景拍得好有feel、好靚! 不過有唔少留意開電音嘅樂迷就話個MV感覺似曾相識,指拍攝風格、女歌手跳奇幻舞步、以及都係喺非日本嘅超地道景色取景,都同日本Hip-Hop電音樂隊「星期三的康帕內拉 」嘅「Unico」非常相似。「Unico」係佢哋2016年6月22日推出嘅EP「UMA」入面收錄嘅作品,啟發自手塚治虫同名作品「ユニコ」。MV入面女主唱KOM_I喺新加坡街頭,喺歌曲配襯下自然舞動身體,舞姿獨特引起話題。 負責編舞俾滿島光嘅原來係有份幫荷里活歌舞片《星聲夢裡人》編舞嘅Jillian Mayers!而星期三的康帕內拉嘅Unico就未有註明舞步係邊個編排,相信只係女
07
Jun 17
19:29
博客

重溫日本偶像夏日單曲:NMB48

上次同大家重溫完AKB48嘅夏季單曲(傳送門:按此),今日就輪到來自關西大阪嘅NMB48喇!個人嚟講覺得NMB48嘅夏季單曲一樣咁catchy同有睇頭~由2012年「ナギイチ」到上年有迷路姬之稱嘅渡邊美優紀畢業單曲「僕はいない」,唔知各位歌迷最中意邊首呢? (都係個句,本欄目只介紹重點單曲,不會介紹各Team的另外收錄的曲目或劇場曲,請見諒。) 1)2012年5月9日推出第4首單曲:《海邊之最》 Center:山本彩 累積銷量:449,098 2)2013年6月19日推出第7首單曲:《我們的發現》 Center:山本彩 累積銷量:558,892 3)2014年6月21日推出下載限定單曲:《伊維薩女孩》 Center:山本彩   4)2015年7月15日推出第21首單曲:《榴槤少年》 Center:須藤凜
15
Apr 17
05:06
博客

Like Japan 專訪:沖繩陽光搖滾樂團 Orange Range

紀念結成15週年公演!
身為一個初中雞時代已經日日聽JPOP嘅90後,一開始得知有機會專訪Orange Range嘅時候我係非常喜出望外,腦入面自動播放「イケナイ太陽」、「上海ハニー」等聽咗差不多10年嘅經典快歌。出道15週年巡迴演唱會,呢隊沖繩男子並冇將香港樂迷忘記,繼3年前滿場嘅live之後佢地再次踏足呢個比沖繩更南更潮濕更熱嘅城市,再次同香港粉絲相聚。 Anne:恭喜你哋結成15週年!可否分享下感想呢? RYO:其實15年真係過得好快,而喺呢一年入面我哋有機會做咗好多訪問,畀咗好多機會我哋回首過去,諗起好多回憶同點滴,係非常有意義嘅。 Anne:咁你哋回首過去,有冇咩最難忘嘅事,或者係最令你地開心嘅事? RYO:例如喺香港睇海景,其實我哋每次出國喺異地開live都非常開心,每一次都係非常難忘嘅回憶。 [圖左起:(吉他)NAOTO、(高音主唱)YAMATO、(中音主唱)HIROKI、(貝斯)YOH、(低音主唱)RYO] Anne:之前有個日本電視節目入面有個Ranking,就係最代表20代(20~29歲)嘅年青人嘅搖滾樂隊,第一位就係Orange Range喇!無論你哋嘅快歌定慢歌,好多經典作品都真係陪住我哋成長嘅。你哋自己又最中意邊首歌? HIROKI:其實全部都係我哋嘅作品,真係好難揀呢,我哋首首都好中意。 YAMATO:係呀,都係我哋可愛嘅作品。 Anne:係咪真係好似自己啲親生仔女咁,揀唔到
18
Jan 17
19:27
新聞

《你的名字。》落實進軍北美市場 RADWIMPS特製英文版主題曲!

2016年大熱嘅動畫電影、新海誠監督嘅作品《你的名字。》已經落實將會於4月7日起進軍美國,於北美上映!為此,樂隊RADWIMPS仲將電影主題曲「前前前世」及另外三首插入曲以日本歌詞為原意重新寫過英文歌詞㖭呀!收錄英文版新歌「Zenzenzense(English ver.)」嘅新碟「Your name.(deluxe edition/Original Motion Picture Soundtrack)」仲會喺美國推出,真係成為RADWIMPS喺美國出道嘅第一步!   日文版原曲:   新海誠監督非常感激地表示,對RADWIMPS嚟講,歌詞同旋律係不可缺一嘅。所以佢衷心感謝RADWIMPS為外國觀眾特意製作英文版歌曲歌詞。佢話因為主題曲係同劇情緊緊相連,亦反映主主角們嘅心情同心境,所以希望外國觀眾可以透過英文版OST更加能夠體會到套電影嘅樂趣!   英文配音預告:   呢套電影其中一個成功嘅原因就係樂隊RADWIMPS特意為電影創作嘅配樂,今次仲進出美國簡直令日本嘅電影迷同樂迷都非常興奮。日本嘅電影院方面亦都會特意上映使用咗英文歌配樂嘅英文字幕版《你的名字。》兩個禮拜。而四首英文版歌曲將會收錄成CD「君の名は。English edition」,並於2月22日起開始喺日本發售。   英文CD封面:
05
Jan 17
22:19
新聞

出道10年人氣樂隊 生物股長宣佈暫停活動!

今年出道10週年,一直受JPOP樂迷愛戴嘅兩男一女樂隊生物股長今日喺官方網站發布「放牧宣言」,向粉絲及大眾表白將會暫時停止活動!不過唔使驚,佢哋指今次絕對唔係解散,仲向粉絲發誓會再同大家見面。   佢哋嘅網頁已經癱瘓咗,喺度大概翻譯咗佢哋俾大家嘅公告:     「生物股長 放牧宣言」   10年來,我哋三個人好努力咁渡過呢段時間, 而家我哋想分別試下感受自由嘅生活。   想試下做自己鍾意做嘅事, 試下展開啲新嘅開始, 試下慢慢停下來發呆, 試下去一直想去嘅地方踏上旅程。   為咗可以更加擴闊我哋嘅未來。 為咗可以令我哋三個嘅故事可以繼續發展得更加長遠、更加開心。   以上係生物股長嘅放牧宣言。   首先喺度同大家講聲「一直以來,非常感謝。」 然後係「往後也請多多指教。」   生物股長喺我哋三個人會返嚟嘅地方。 下次見嘅時候大家笑住見面吧! 係咁,我哋行先啦! 放牧!   生物股長 水野良樹・吉岡聖恵・山下穂尊
17
Dec 16
01:50
新聞

【每日一FF】如果我女朋友係小松菜奈...

呢幾日日本YouTube出現咗條話題MV,就係日本樂隊never young beach搵嚟最近上位中嘅「厭世面」女神小松菜奈,以第一身男友視線再配iPhone打直拍片玩法拍嘅。雖然首歌得兩分幾鐘,但個MV有足足7分幾鐘,入面有晒小松菜奈勁GFable嘅一面,我真係未見過佢笑得咁開懷同埋咁傻...連身為女仔嘅我都差啲以為佢真係我女朋友,絕對係FF好物。     唔識日文嘅話,齋聽呢首歌會以為係一首好甜蜜嘅歌啦~但其實正正相反,呢首歌係叫「お別れの歌」,即係分手之歌。WHAT?冇錯,唔好睇個MV拍得咁甜蜜、現實感滿滿,其實係講緊個男仔係已經同女朋友分咗手,之後睇番之前拍低嘅片段回想返兩人嘅回憶...哇成件事真係突然勁沈重勁sad,但首歌嘅意思就係想帶出分手唔一定要悲觀,反而可以係一個新希望。   小松係MV入面真係有勁多素顏、勁自然同調皮嘅一面,同平時chok厭世臉個feel非常唔同。   今次嘅MV導演係幫開明星影攝影師硬照嘅攝影師奥山由之。唔需要大排場嘅背景、甚至高級相機攝影機、亦唔需要女神級主角小松著上名牌潮服,片中滿滿嘅寫實感反而更能引起大家嘅共鳴,成為話題。本身我真係對小松冇乜特別嘅好感(純粹覺得佢氣質係真係幾特別),但我都必須承認呢個MV令我對佢刮目相看。唔知,佢真人係咪真係咁傻咁可愛呢?