日本電影
09
Nov 16
18:00
新聞

大人氣遊戲App《貓咪收集》拍成真人版電影!

累積下載數目達1900萬人,無論喺海外定日本都大熱嘅收養貓咪遊戲App「ねこあつめ」(貓咪收集)將會拍攝真人版電影!(小編見到消息後首先大笑咗三聲,真心估佢唔到)電影將由伊藤淳史主演,佢話呢套作品將會係溫暖人心、充滿希望嘅作品!     有玩過個app嘅都知作品最重要嘅就係嚟個日式屋企庭園玩嘅貓貓。伊藤就係飾演因陷入寫作低潮而移居郊外嘅小說家佐久本勝,而電影就係講述佢同出現係屋企庭園嘅貓咪們交流、同埋貓貓如何改變咗無自信、充滿苦惱嘅佐久本。官方釋出嘅圖片亦見到佢溫暖嘅笑容同電影第一隻出現嘅貓貓Cinnamon~   電影將會於2017年公開!先不論故事題材吸引,一套可以見到咁多隻可愛貓貓主子嘅電影,貓奴們唔係唔捧場呀?(笑)   資料來源:Yahoo.jp
19
Sep 16
21:10
新聞

電影《銀魂》第三彈豪華卡司發表 堂本剛、菜菜緒參戰!

會唔會係咁豪華呀?動漫真人化電影《銀魂》已經步入殺青階段,今日官方再釋出第三波演員名單,豪華嘅卡司再次令人難以置信....到底製作經費用咗幾多錢!!??     今次公佈嘅係反派角色係《銀魂》入面被稱「最危險嘅男人」高杉晋助同佢嘅武裝集團「鬼兵隊」。隊長高杉晋助呢個咁重要嘅角色就係由Kinki Kids嘅堂本剛飾演!今次係堂本剛事隔12年再次拍攝電影,據說係福田監督話拍完電視劇《33分偵探》後好想搵佢拍反派!堂本除咗會有彈三味線嘅鏡頭,仲會有同小栗旬飾演嘅銀時有場精彩嘅打鬥戲份!佢仲話對上一次演「殺陣」戲碼係自10幾歲嘅時,而小栗旬因為生得高所以拍攝時都有啲挑戰添!   ▲堂本剛 飾演 高杉晋助   高杉率領嘅攘夷過激派武裝集團「鬼兵隊」隊員卡士同樣強勁,有新井浩文飾演岡田似蔵、佐藤二朗(佛祖)飾演武市変平太、菜菜緒飾演来島また子、另外安田顕同早見朱莉分別飾演刀鍛冶屋兄妹村田鉄矢同村田鉄子。 好啦。小編我承認我開始好期待睇呢套真人版了!   ▲新井浩文 飾演 岡田似蔵
18
Jan 17
19:27
新聞

《你的名字。》落實進軍北美市場 RADWIMPS特製英文版主題曲!

2016年大熱嘅動畫電影、新海誠監督嘅作品《你的名字。》已經落實將會於4月7日起進軍美國,於北美上映!為此,樂隊RADWIMPS仲將電影主題曲「前前前世」及另外三首插入曲以日本歌詞為原意重新寫過英文歌詞㖭呀!收錄英文版新歌「Zenzenzense(English ver.)」嘅新碟「Your name.(deluxe edition/Original Motion Picture Soundtrack)」仲會喺美國推出,真係成為RADWIMPS喺美國出道嘅第一步!   日文版原曲:   新海誠監督非常感激地表示,對RADWIMPS嚟講,歌詞同旋律係不可缺一嘅。所以佢衷心感謝RADWIMPS為外國觀眾特意製作英文版歌曲歌詞。佢話因為主題曲係同劇情緊緊相連,亦反映主主角們嘅心情同心境,所以希望外國觀眾可以透過英文版OST更加能夠體會到套電影嘅樂趣!   英文配音預告:   呢套電影其中一個成功嘅原因就係樂隊RADWIMPS特意為電影創作嘅配樂,今次仲進出美國簡直令日本嘅電影迷同樂迷都非常興奮。日本嘅電影院方面亦都會特意上映使用咗英文歌配樂嘅英文字幕版《你的名字。》兩個禮拜。而四首英文版歌曲將會收錄成CD「君の名は。English edition」,並於2月22日起開始喺日本發售。   英文CD封面:
07
Sep 16
23:36
博客

《謎の時空》觀後感+訪問藤原龍也、有村架純

穿越時間線、時空跳躍等主題造就了不少動漫神作、《只有我不存在的城市》同樣亦然。最近有幸觀賞由藤原龍也及有村架純主演的電影《謎の時空》(9月8日香港正式上映),其實就是改編自這部年初大熱的動漫作品。我觀賞之前其實還沒看過這套動畫,所以對劇情發展的確有意外感覺。   【預告片】   電影中最震撼我的除了緊湊的懸疑劇情外,還有小演員們出色的演技!藤原龍也和有村架純處理穩定,藤原精準地拿捏男主角驚恐、絕望、崩潰等戲份,點到即止。有村架純飾演的愛梨在面對男主角因自己被抓走的一幕痛哭大叫也叫我不禁「起雞皮」。不過最驚艷的還是小演員們:飾演男主角兒時的中川翼及飾演被母親虐待的孤獨女童雛月加代的鈴木梨央。   ▲10歲小演員 中川翼   ▲鈴木梨央   鈴木演活了小女孩加代由討厭悟到嘗試相信他,到之後希
24
May 16
19:58
博客

《鋼之鍊金術師》真人電影豪華卡士名單出爐!

你鍾意又好唔鍾意都好,荒川弘嘅神作《鋼之鍊金術師》已經決定咗會拍真人版電影!監製為《乒乓》嘅曽利文彦,而電影會喺6月頭係意大利正式開始拍攝,預計2017年冬天會係日本上映!   「若被傷害夠」,你可以做嘅都只有希望呢套戲唔會毀咗鋼鍊嘅神話... 卡司名單傳就傳咗好耐,尋日終於正式公佈喇,等身為鋼鍊粉絲嘅我同大家揭曉吧!   主角:愛德華·艾力克  -- Hey!Say!JUMP 山田涼介    女主角:溫莉·洛克貝爾 -- 本田翼   焰之鍊金術師 -- 萊·馬斯丹-Dean Fujioka 藤岡靛   馬斯·修茲 -- 佐藤隆太   格蕾莎·修茲 -- 原田夏希   莉莎·褔艾 -- 蓮佛美沙子
04
Aug 16
20:42
博客

《銀魂》真人版超豪華卡司名單出爐!

唉又係我喇,今次又係有動漫作品真人化消息同大家宣布嘅。   較早前日本方面已經宣布會將經典惡搞動漫作品《銀魂》真人化,仲搵嚟超級型男小栗旬飾演極度無聊但又唔知點解會覺得佢有型嘅男主角w 坂田銀時!今日官方正式宣佈埋其他角色嘅選角資料喇!我想講....一套咁重口味、既低能又搞笑嘅動漫作品竟然可以搵嚟咁咁咁咁咁豪華嘅卡司...真係想講句:OK YOU WIN!!!   主演:坂田銀時 -- 小栗旬 (眼鏡才是本體嘅)新八(又稱新八機)-- 菅田將暉 神樂 -- 橋本環奈 阿妙 -- 長澤正美
26
Mar 17
11:01
新聞

東寶推史上首套《哥斯拉》動畫電影 超豪華聲優班底助陣

東寶宣布將製《哥斯拉》史上首套動畫電影《GODZILLA -怪獣惑星-》並於2017年11月上映。電影故事背景為成為了怪獸惑星嘅2萬年後嘅地球。電影將有豪華聲優陣助陣,包括梶裕貴、櫻井孝宏、杉田智和、諏訪部順一、花澤香菜、宮野真守等超人氣聲優。 導演監督則為《名偵探柯南》系列監督静野孔文及《亜人》系列嘅瀬下寛之;故事及劇本則由曾執筆《魔法少女小圓》、又「老虛」之稱嘅虛淵玄著手,全部都係日本動漫界嘅實力派製作人! 《哥斯拉》電影系列自1954年以來一直受到粉絲愛戴,而舊年庵野秀明執導嘅《真·哥斯拉》更加創下82.5億票房!雖然未咁快拍到下一套電影,但東寶就梗係食住條水,於是製作動畫版! 今次背景為未來世界。即使過咗2萬年,人類仲係同緊哥斯拉打緊呀!故事初步講述人類同怪獸打咗大半世紀後終於敗走並從地球逃脫,一部分嘅人類乘坐恒星間移民船前往11.9光年外嘅恆星,但用咗20年到達目的地後先發現嗰度根本唔適合人類居住。其中船上嘅主角HARUO就係喺4歲親眼目擊雙親被哥斯拉慘殺,20年來只係諗住要返地球為雙親報仇。 有日本影迷就話哥斯拉就係因為係特攝電影先好睇,所以對動漫電影嘅期待唔大,亦希望東寶見好就收。不過亦都有好多支持聲音話因為幕後卡司強大,所以期待動畫版會做
07
May 17
23:16
新聞

FB網友變跨國戀人再結婚 日台超人氣愛情故事搬上大銀幕!

相信唔少中意日本、留意好多日本topic嘅LikeJapan嘅讀者都知道呢對主人翁係邊個!佢哋就係台灣超人氣Facebook「粉絲團」-「雖然媽媽說我不可以嫁去日本」入面嘅茂木夫婦啦~~ 茂木夫婦經營嘅粉絲團(即係我哋香港叫嘅Facebook Page)至今已經有超過35萬Like,而當初就係嚟自台灣嘅女主角茂木太太(薏涵)成立嚟記敘佢同日本人男朋友(而家已經係老公)嘅茂木先生嘅愛情點滴。佢哋嘅關係亦都係從Facebook開始。當年311嘅時候,修讀日文系嘅台灣大學生女主角薏涵於Facebook受到一名陌生日本男子嘅私訊,一句:「Hello,how are you?」,同埋薏涵嘅一句:「Hi. 日本の方ですか?」就將兩人關係打開。 茂木太太喺Facebook Page將佢哋相戀時發生嘅趣事、日台價值觀嘅不同、在日本打工嘅日常、同茂木先生喺日本旅行嘅點滴、幫茂木先生準備便當及晚餐等等非常日常嘅圖片及網誌公開同大家分享,吸引好多憧憬跨國戀愛、或者單純喜歡日本文化、或者想知道事態發展嘅花生友們follow。終於,各位粉絲真係見證住兩人成功Goal in-茂木先生求婚成功、而到而家佢哋仲生埋寶貝女添呀! 小編最有印象就係佢哋喺涉谷街頭、淺草、鎌倉等香港人都中意去嘅旅遊熱點到影咗堆超有型嘅婚紗相~