日本選手
16
Aug 16
22:47
博客

為日本添史上最多金牌:日本柔道團實現奇蹟

日本體操男團相隔12年再次奪金,再加上隊長內村航平衛冕男子個人全能賽,簡直就係風頭一時無兩!   其實除咗體操隊之外,日本柔道國家隊同樣喺今屆奧運會表現超卓,男女分別總共贏得12個獎牌,打破埋過去嘅紀錄之餘亦成為日本拎得最多獎牌嘅項目添呀!   ▲今次日本柔道選手們出色嘅表現,男子隊監督井上康生以「一雪前恥」嚟形容。   4年前嘅倫敦奧運,日本柔道男子隊歷史上首次零金牌回國。柔道為日本國技,呢個結果令好多日本人感到傷心失望。當年柔道隊成員回國時連頭都冇抬,仲有人開始質疑日本柔道界嘅實力。   今年,日本隊喺奧運舞台上拎咗3金1銀8銅,除咗一雪倫敦奧運之恥外,大家仲見證到日本男子柔道嘅復活添!柔道有分7級,分別係體重唔同級別嘅選手(由60kg至100kg以上至無限量)。今屆日本男子柔道係第一次7級每級都拎到獎牌,真係好犀利!   今次攞金牌嘅選手有:   男子73公斤級金牌 大野將平選手 ▲5場比賽中4場都以「一本勝」獲勝嘅大野選手表示:「我覺得我已經達成咗我今年嘅目標,就係要製造壓倒性嘅差距。我一定會朝著四年後嘅東京奧運繼續努力嘅。」   男子90公斤級金牌 美日混血兒貝克茉秋選手
11
Apr 17
06:46
新聞

淺田真央正式宣布引退!

突發!日本著名溜冰選手淺田真央啱啱喺部落客發表引退宣言,正式花式溜冰界引退。 「雖然好突然,我,淺田真央,決定結束作為溜冰選手生涯。至今,能夠長期溜冰,能夠跨越好多困難都係因為得到好多人的支持和應援。」 有很多網民和觀眾都覺得淺田真央作為選手,近幾年的賽果都不外如是。淺田自己解話: 「在索契奧運會比賽中以最完美的表現得到最好的結果。如果我選擇於那個時候結束我的選手生涯的話,現在我可能會想再次復出成為選手。有太多不當選手就不會知道的事情。」 「去年全日本選手權結束之後,一直以來支持著自己的目標消失了,讓自己繼續做選手的氣力也消失了。雖然變成了這樣的結果,不過我的溜冰選手生涯裡絕無後悔。這個對我來說是一個很大的抉擇,我覺得是我人生中的一個通過點。之後我也希望能找到新的夢想和目標,會不忘笑容,一步步向前走。各位,真的非常感謝你們直到現在對我的支持。」 淺田真央嘅blog已經down咗server,而今次嘅宣言亦都令全日本國民感到詫異。 淺田係世界上少數能完成阿克薩爾3周半跳嘅溜冰選手。 本季因受到左膝受傷影響,無法發揮實力。於2016年12月嘅全日本錦標賽中僅獲得12名,係淺田比賽生涯最差嘅名次。 不過點都好,淺田真央嘅花式溜冰生涯中帶過好多難忘嘅回憶俾全世界嘅觀眾。希望佢會早日搵到自己嘅夢想啦!