日本綜藝
30
Sep 16
00:19
新聞

AKB48渡邊麻友新寫真集 挑戰成熟性感露美臀

AKB48正統派王牌偶像渡邊麻友將會喺10月25日推出新寫真集,名為「知らないうちに」(不知不覺間)。今次係Mayu事隔5年再次推出寫真集,將會首度公開性感內衣照片。     寫真集取景於美國洛杉磯,Mayu將會放下「王道偶像」嘅清純形象,展露成熟性感一面。       當年Mayu推出寫真集時得17歲,Mayu話希望大家可以睇下17歲同22歲嘅自己嘅分別!   唔少AKB成員睇完Mayu本寫真都大讚Mayu個美臀真係好正,仲叫佢快啲買1億Yen嘅保險喎!Mayu自己就話雖然有少少害羞,但今次獲得member同秋元康大讚令佢信心大增,「今次係我自己都覺得超級自信
15
Oct 16
05:24
新聞

超人氣動漫歌手藍井艾露宣布暫退樂壇 無限期停止活動

今年都係有嚟香港開演唱會嘅人氣動漫歌手藍井艾露今日透過官方網站發出聲明,表示自己因身體健康狀況,很遺憾地宣佈過咗11月份嘅日本武道館演唱會之後將會無限期停止歌手活動,暫時退出樂壇。(下有中文翻譯)     官方聲明如下: 藍井艾露 無期限活動休止通告   非常感謝大家長期以來對藍井艾露的支持。   藍井艾露自今年8月起因休養暫停活動,引起各方的關注與擔心。 經敝社與本人商洽,決定尊重其本人的意見,於11月4日(五)、5日(六)原定舉行的日本武道館公演辦完之後,進行無期限活動休止。   藍井艾露本人及工作人員團隊在此,對於自出道起5年間給予厚愛的各位粉絲及各方面給予協助的相關諸方深表由衷的謝意。 感謝大家長期以來的支持。   <來自藍井艾露本人的致歉>   由於自己的健康原因導致各類演出活動取消,給各位帶來了巨大的困擾和擔心,在此謹致以無上的歉意。 此次雖日本武道館的演出後開始進入無期限活動休止,但對於長期以來熱心支援我的相關諸方,以及無比熱切地聲援我的各位粉絲們,謹致以誠摯的感謝。 在日本武道館我將會傾注我的感恩之心將大家共同捧聚出人氣的歌曲呈獻給大家。 請大家期待。 非常感謝。   藍井艾露 藍井艾露工作人員團隊 謹啟 http
04
Aug 16
22:05
新聞

恭喜晒!妻夫木聰宣布結婚!

大雄...啊唔係,今年35歲嘅日本人氣演員妻夫木聰今日宣布同31歲混血女演員マイコ(Maiko)結婚喇!兩位係4年前嘅夏天拍攝日劇《東野圭吾推理劇場--全都是謎》之後開始拍拖。     其實兩位拍拖都唔係新鮮料,有雜誌更加傳舊年妻夫木聰向上門按摩師要求性按摩服務嘅醜聞,懷疑因此令到兩人關係緊張結唔成婚。亦有傳美國西雅圖出世嘅Maiko係名門望族,而佢媽媽認為妻夫木聰無學歷、收入亦唔穩定所以反對兩人嘅婚事。不過今日宣布兩人嘅喜訊實在可喜可賀呢!     兩位仲親自寫通知信俾傳媒公佈婚事,真係好有愛啊~  
09
Aug 16
01:15
博客

榮倉奈奈與賀來賢人宣布結婚!

生得又高又可愛,今年28歲嘅榮倉奈奈尋日已經入籍結婚喇!對象為曾經一同拍攝2014年嘅嫌疑日劇《為了N》嘅賀來賢人!   頭先佢哋已經通過經理人公司公佈喜訊,賀來仲話拍咗一年多之後覺得同Nana嘅話可以過到好快樂嘅人生添喎! Nana就話覺得好幸福,因為從今起可以同老公一齊同甘共苦,真係好sweet呢~     事務所就話Nana未有身孕,嚟緊都會繼續演藝事業。期待見到榮升人妻Nana嘅新戲呢! 不過我對佢最深刻嘅印象都係《求婚大作戰》嘅時候!你哋呢?  
10
Sep 16
10:09
博客

【又係你啊X生?】動漫真人版電影老是常出現男演員排行榜

每次有動漫作品真人化嘅消息出現,99%嘅情況都會引來一片哀嚎,因為...我哋中過嘅伏實在太多喇 T_T!拍都算啦,唔知點解呢班演員成日都有份演呢啲二次元真人化嘅作品㗎喎,簡直好似變咗御用班底添呀!日本網民就搞咗個「如果拍動漫電影真人版幾乎一定有佢份」排行榜,個結果都幾搞笑,一齊睇下你心目中嘅名字有冇出現啦:   第十位 菅田將暉 125票 代表作:《男子高中生的日常》、《暗殺教室》、《Death Note:New World》 要數近排暴光率最高嘅,Masaki一定唔會輸畀呢個ranking嘅其它男星,只不過佢嘅戲路唔單止規限在動漫作品。不過最新嘅《死亡筆記》電影會有佢份,都幾期待呢!   第九位 佐藤健 144票 代表作:《ROOKIE》、《浪客劍心》系列、《爆漫王》、《愛上大話情人》 佐藤健由好多年前高中生嘅時候已經開始演動漫作品真人版。最近嘅佢就少咗啲~不過佢拍浪客劍心啲動作場面真係好型,難得唔崩呀!   第八位 神木隆之介 148票 代表作:《爆漫王》、《浪客劍心》系列、《偵探學園Q》、《金田一少年之事件簿》
05
Dec 16
20:20
新聞

成宮寬貴被指吸毒照片 真相其實係...少女心爆發!?

34歲男演員成宮寬貴被八卦雜誌《週刊Friday》刊登疑似吸毒照片,被指與朋友在房間內用鼻吸食可卡因。報導指出相片係由佢朋友提供,攝於11月9日凌晨3點幾。張相初步睇就見到檯面好亂,有啤酒罐、煙、打火機,玻璃杯旁邊有塑膠紙,同埋有啲白色粉末添。成宮出道以來形象一向健康,今次報道引起好多粉絲同觀眾熱烈討論,加上最近唔少娛樂圈人士因吸毒被捕,令唔少人都懷疑件事嘅真偽㖭!     成宮寬貴就非常憤怒地指呢個報道根本冇事實根據,並發表聲明話「我,成宮寬貴,絕對沒有使用藥物」,相關經紀公司仲準備採取法律行動。不過有眼利嘅網民就發現咗更加特別嘅事情真相喎。   一齊睇下:   睇唔明日文唔緊要。雖然成宮一直否認吸毒但冇說明枱面上嘅係乜嘢,但眼利嘅女網民就話枱面上擺放嘅係呢包超可愛嘅「たのしいケーキやさん♪」、即係用來整手指size嘅蛋糕、雪糕嘅玩具糖果!Tune番光張相都真係幾似!  
11
Nov 16
06:11
博客

【Like Japan 放送室】專訪昔日玉女偶像 酒井法子

  今次真係好高興可以訪問酒井法子。相信好多中意日本嘅香港人,尤其70後同80後,都會聽過睇過酒井法子嘅作品。《同一屋簷下》、《等你說愛我》等經典作品應該仲留喺大家嘅心中,當年酒井更成功打入中港台地區,更加到過台灣同香港開演唱會,風頭一時無兩。   自從2009年藏毒逃離事件發生後,酒井法子理所當然被消失於日本娛樂圈。舊年回歸日本娛樂圈仲擔任過某品牌代言人,但始終印象仍然有陰霾。不過今年係呢位昔日女神嘅出道30週年,除咗開紀念演唱會同推出性感成熟風寫真集回饋粉絲之外,酒井法子到底對自己嘅演藝生涯係點睇,以後到底有咩打算呢?   訪問過程中,酒井法子一路好強調今日仍然能繼續進行藝能活動都係因為有粉絲嘅支持同鼓勵。尤其係開完30週年紀念演唱會,酒井法子感觸地表示一路聽著粉絲嘅吶喊同聲音,真係令佢覺得心都暖埋!   除此之外,酒井法子都話依家最重要嘅係好好處理眼前每件工作,就連我問依家對愛情點睇嘅時候,女神都話其實已經睇得好淡,覺得有緣份嘅一定會遇到,自己就唔會特別去搵對象。   問到酒井法子其實會唔會考慮來中港台發展,畢竟係呢邊人氣依然強勁,而且呢邊嘅人都應該比日本少啲介懷藏毒事件。不過睇得出酒井小姐其實都好重視係日本建立嘅一切,話雖然都希望可以學下中文、希望未來可以有用中文演戲嘅機會,但暫時就未有打算留喺中港台作長遠發展。   難得見到酒井法子小姐一面,我
22
Nov 16
01:47
新聞

橋本環奈戴可愛貓耳微性感新靚相曝光

橋本環奈戴可愛貓耳及新雜誌封面靚相曝光!     今期日本少年漫畫雜誌《週刊Young Magazine》搵嚟千年一遇嘅天使級偶像影封面及內頁寫真,其中一部分嘅相片已經正式曝光!見到環奈BB以貓耳造型配上毛茸茸家居服,臉上神情relax得嚟又帶點可愛,真係好治癒呀~     資料:Oricon、《週刊Young Magazine》
15
Dec 16
10:15
新聞

2016年度日本廣告好感度排行榜結果出爐!

就日本廣告進行研究嘅CM綜合研究所發表咗2016年度CM好感度排行榜嘅結果喇!人氣No.1嘅果然係KDDI/au嘅「三太郎」系列,連續兩年稱霸,而Softbank嘅白戶家系列則連續兩年成為No.2~第3位係從舊年第9位一升而上嘅NTT DOCOMO系列,4位就係Softbank嘅Y Mobile系列。今次頭四位都係日本嘅電話公司,真係鬥到你死我活呀!   千祈唔好睇少au三太郎系列,已經拍咗起碼56條廣告片,而且連續23個月成為「月間CM好感度」No.1添呀!梗係啦,除咗有松田翔太、桐谷健太同濱田岳分別飾演主角桃太郎、浦島太郎、金太郎外,仲搵嚟最紅嘅男女演員加入,例如飾演輝夜姬嘅有村架純、月姬嘅菜菜緒、仲有飾演鬼嘅菅田將暉,全部都係超有人氣同個性嘅演員,而且幾乎每個月都有新廣告,超正!   第二位Softbank嘅白戶家系列其實踏入第十個週年啦!以前一直扮演白戶爸嘅北海道大白狗「小海」兩年前退休,而家其實係三歲囝囝「海斗」接力飾演白戶家爸爸,今年仲加入好多最新人氣藝人,例如佐藤健同三代目J Soul Brothers嘅岩田剛典,不過以嶄新同人氣度都未能勝過au呢~   一齊睇埋其他上榜廣告啦!   第一位:KDDI/au 三太郎系列
19
Sep 16
21:10
新聞

電影《銀魂》第三彈豪華卡司發表 堂本剛、菜菜緒參戰!

會唔會係咁豪華呀?動漫真人化電影《銀魂》已經步入殺青階段,今日官方再釋出第三波演員名單,豪華嘅卡司再次令人難以置信....到底製作經費用咗幾多錢!!??     今次公佈嘅係反派角色係《銀魂》入面被稱「最危險嘅男人」高杉晋助同佢嘅武裝集團「鬼兵隊」。隊長高杉晋助呢個咁重要嘅角色就係由Kinki Kids嘅堂本剛飾演!今次係堂本剛事隔12年再次拍攝電影,據說係福田監督話拍完電視劇《33分偵探》後好想搵佢拍反派!堂本除咗會有彈三味線嘅鏡頭,仲會有同小栗旬飾演嘅銀時有場精彩嘅打鬥戲份!佢仲話對上一次演「殺陣」戲碼係自10幾歲嘅時,而小栗旬因為生得高所以拍攝時都有啲挑戰添!   ▲堂本剛 飾演 高杉晋助   高杉率領嘅攘夷過激派武裝集團「鬼兵隊」隊員卡士同樣強勁,有新井浩文飾演岡田似蔵、佐藤二朗(佛祖)飾演武市変平太、菜菜緒飾演来島また子、另外安田顕同早見朱莉分別飾演刀鍛冶屋兄妹村田鉄矢同村田鉄子。 好啦。小編我承認我開始好期待睇呢套真人版了!   ▲新井浩文 飾演 岡田似蔵