日本男藝人
18
May 17
03:04
博客

神木隆之介 天才童星進化史

講起神木隆之介,可能唔少香港人對佢嘅印象都係佢為舊年紅足大半年嘅《你的名字。》男主角配音。不過有睇開日劇嘅一定對佢唔會陌生,分分鐘真心睇住佢大添呀!1993年5月19日出生於埼玉縣,神木因出世後體弱多病所以被呵護著長大。而佢兩歲嘅時候就已經以童星身份拍攝第一條電視廣告,正式出道啦! 其後佢一直以童星身份拍攝影視作品,為人知嘅包括長瀨智也及竹內結子主演嘅《巨星夫婿》。飾演竹內結子姐姐的兒子新井努嘅神木當年得8歲咋! 12歲嘅時候,佢主演三池崇史監督、斥資13億日元製作嘅電影《妖怪大作戰》,並因此獲得日本電影金像獎優秀新人獎,年紀細細演技已備受肯定。2007年佢首次擔正主演《偵探學園Q》,與一樣為實力派童星嘅志田未來及Hey!Say!JUMP嘅山田涼介公演。 除了一路keep住拍日劇,神木最廣為人知嘅係佢為多套經典動畫電影配音,當中不乏大師級作品,例如宮崎駿嘅《千與千尋》、《哈爾移動城堡》、《借物少女艾莉緹》;細田守嘅《夏日大作戰》;另外仲有《琴之森》、《對某飛行員的追憶》、以及舊年新海誠嘅《你的名字。》。因為佢配過嘅作品都得到非常好嘅口碑及評價,所以更加有都市傳說指搵佢配音套電影一定紅添!
12
May 17
03:08
新聞

山下智久 x 石原聰美 被爆進入半同居狀態!

日本頂尖級男神女神、山下智久同石原聰美嘅緋聞都傳咗一年,上年9月已經被爆兩位嘅家居密會,上個月又影到石原搭的士去參加慶祝山P嘅生日派對。不過今期日本八卦雜誌更加影到山下智久多次出入石原嘅香閨,內容更指二人已經係半同居狀態! 《FRIDAY》拍到山P搭的士前往石原香閨。 落車後山P全程以袋遮面,貌似怕被媒體認出。 根據《FRIDAY》報導 ,石原上月底已經有公司安排嘅保母車接送前往山P屋企約會。之後連續2天,就輪到山P去石原屋企約會。而石原嘅戀情睇嚟都受到公司認可。不過兩位事業都如日中天,唔知結婚要等幾耐呢~~ 資料來源:《FRIDAY》
09
Mar 17
03:00
博客

分析新一代色氣男神!高橋一生裸照帶挈雜誌銷量大賣兩倍

相信有睇開日劇日影嘅人都唔會對高橋一生感到陌生架喇!今年36歲嘅佢細細個就已經開始演戲,雖然未必做主角,但佢都參演過好多劇集作品,演技備受肯定。尤其近年多咗演出人氣作品,開始被觀眾記住佢獨特嘅演技同演出風格,名氣及人氣急升,今季仲夥拍松隆子、松田龍平、滿島光等實力派演員主演話題日劇《四重奏》。 話說早前佢登上女性雜誌《an・an》「官能的流儀」特集號封面、同外國模特兒拍攝多張超性感照片,更露出平時日劇好少見嘅好身材!書中嘅訪談更提起佢曾經收到有夫之婦粉絲來信指,話想同高橋一生搞婚外情添呀XD 可見佢而家係一個幾受女性觀眾歡迎嘅男演員! 出版社就透露今期雜誌比平時銷量高出接近兩倍,好多書店都要不停入貨!咁當然,每次《an・an》搵當紅男明星影超性感裸照個期通常都會大賣同成為話題嘅。咁到底點解高橋一生會跑出成為今次嘅封面男主角仲引起咁大迴響呢?一齊睇下日本資深娛樂記者嘅分析啦!   1)雖然係草食系鹽顏男,但就識溫柔地利用男人天生嘅色氣攻陷女性嘅心
26
Feb 17
22:38
新聞

櫻井翔熱戀美女主播 電視台:早收到報告 會結婚的吧

35歲嘅人氣天團嵐嘅成員櫻井翔同朝日電視台嘅女主播小川彩佳(32歲)嘅熱戀報道喺25日傳出後引來極大迴響。櫻井翔於日本電視台主持晚上11時嘅新聞節目「NEWS ZERO」,而女方亦喺同時段主持朝日電視台嘅新聞節目「報道Station」,實屬100%嘅對家。偏偏呢兩位分別主持兩個電視台嘅金牌新聞節目嘅主播(兼明星)竟然傳出熱戀消息,令唔少日本觀眾們大感意外。 日媒《週刊POST》報道兩位甜蜜約會,連續11天嘅親密互動被拍到正一正,更加影到櫻井翔直奔女方香閨。報道更指出兩位非常門當戶對:櫻井翔父親為前總務省事務次官,而佢亦係慶應義塾大學畢業生,係尊尼斯嘅高學歷偶像代表;而女方亦畢業自名門青山學院大學,父親亦為慶應義塾大學嘅醫學部教授兼大學病院部長。 ▲今次緋聞女主角小川彩佳,為朝日電視台嘅王牌女主播 雖然尊尼斯事務所及朝日電視台嘅官方回應都係「雙方僅為好朋友」,但日媒就傳出朝日電視台方面有人透露兩位係認真交往中。自去年年底開始,節目完結後小川就一支箭咁返屋企,兩人嘅戀情疑似個陣開始。有關人士更加爆出該新聞節目嘅同事都非常驚訝但覺得兩位非常速配,更加感受到兩位即使事業繁忙但都非常努力擠出時間約會見面,非常難得。 ▲櫻井翔被拍到於朝日電視台門口等女方放工
24
Feb 17
20:29
博客

邊個最Man?「一番男前」J家男星排行榜!

J家藝人靚仔多就係人都知,但云云型男帥哥入面唔好講話年紀,就算係大家走嘅路線都非常唔同~今次日本調查網站Goo就共500名男女網友黎投票選出佢哋覺得最Man嘅J家男藝人,一齊睇下你嘅心水有冇上榜啦! 小補充:根據「語源由来辞典」、男前嘅意思即係「男らしい顔つきや態度。男振りのよいこと。」如果話一個人靚仔英俊通常就會用イケメン,但男前嘅意思除咗話一個男仔個樣較man之外,比較貼近形容一個人「有男子氣概」。此文章都係用後者嘅含意。 1)岡田准一(V6) 榮登第一位嘅係V6嘅人氣成員兼實力男優岡田准一! 由出道當時開始便因深刻輪廓嘅型男面孔迷倒一眾粉絲。近年來專注影視活動,拎過幾次最佳男主角嘅佢係J家藝人較出名好演技嘅男藝人。眼大鼻高再加上爽朗笑容,而隨年齡增長更加開始散發男性嘅色氣,事業有成又靚仔,雖然身高差少少但卻擊敗同門其他型男獲得第一位! 2)長瀬智也(TOKIO) 身為TOKIO主唱嘅長瀨智也身高超過1米8,有一副啱啱好嘅好身材同非常野性嘅外表~日本人形容佢為「女仔會覺得好靚仔、男仔會覺得好有型」。出演過唔少經典劇集嘅佢又唱得又搞笑得,仲曾經同一代歌姬濱崎步拍過拖,紋埋情侶紋身都叫幾傳奇!今年38歲嘅佢亦擊敗後
21
Dec 16
10:11
新聞

日男票選 「最想成為的臉」排行榜 藤岡靛封王

呢個由日本男性投票選出嘅「最想成為的臉」排行榜其實Oricon Style今年已經係第8屆搞架啦!以往榜上面嘅名字都係一啲大家耳熟能詳嘅名字、同埋屬於王道靚㗎仔嘅樣。不過今年嘅賽果就有好多黑馬跑出,仲爆冷添喎!唔知係咪代表著日本娛樂圈口味嘅一個變遷呢?   一齊睇下結果先:   第10位 山崎賢人(初上榜) 第9位 櫻井翔 (2015年第8位) 第8位 玉木宏 (2015年未上榜) 第7位 福士蒼汰 (2015年第2位) 第6位 妻夫夫聰(2015年未上榜) 第5位 木村拓哉(2015年第1位) 第4位 向井理(2015年第5位) 第3位 佐藤健(2015年第10位) 第2位 竹野內豐(2015年第9位) 第1位 藤岡靛(初上榜)
05
Dec 16
20:20
新聞

成宮寬貴被指吸毒照片 真相其實係...少女心爆發!?

34歲男演員成宮寬貴被八卦雜誌《週刊Friday》刊登疑似吸毒照片,被指與朋友在房間內用鼻吸食可卡因。報導指出相片係由佢朋友提供,攝於11月9日凌晨3點幾。張相初步睇就見到檯面好亂,有啤酒罐、煙、打火機,玻璃杯旁邊有塑膠紙,同埋有啲白色粉末添。成宮出道以來形象一向健康,今次報道引起好多粉絲同觀眾熱烈討論,加上最近唔少娛樂圈人士因吸毒被捕,令唔少人都懷疑件事嘅真偽㖭!     成宮寬貴就非常憤怒地指呢個報道根本冇事實根據,並發表聲明話「我,成宮寬貴,絕對沒有使用藥物」,相關經紀公司仲準備採取法律行動。不過有眼利嘅網民就發現咗更加特別嘅事情真相喎。   一齊睇下:   睇唔明日文唔緊要。雖然成宮一直否認吸毒但冇說明枱面上嘅係乜嘢,但眼利嘅女網民就話枱面上擺放嘅係呢包超可愛嘅「たのしいケーキやさん♪」、即係用來整手指size嘅蛋糕、雪糕嘅玩具糖果!Tune番光張相都真係幾似!  
30
Nov 16
19:21
新聞

到底真定假?坂口健太郎與高畑充希戀情曝光 事務所否認

24歲嘅女演員高畑充希同25歲嘅大熱鹽面男演員坂口健太郎被爆已經正式交往半年有多!兩人曾於NHK晨間劇《當家姐姐》飾演情侶、亦喺日劇《那一年我們談的那場戀愛》同場演出。今朝就有日本傳媒報導兩人由舊年年尾到今年年初起關係越來越親密,更指佢哋其實已經拍咗半年拖添!   (NHK晨間劇《當家姐姐》劇照)   不過粉絲又唔使心碎住...雙方事務所已經即刻發表聲明指對方都只係朋友關係,完全否認咗戀情~不過兩位都係依家上緊位嘅新晉演員,就算戀情係真嘅都一定唔會公佈架喇。   新聞來源:Yahoo.jp、Oricon
29
Nov 16
17:40
新聞

V6 長野博宣布結婚!

今日將出演日本電視台嘅現場直播節目「BEST ARTIST 2016」嘅V6成員長野博今日於V6嘅Fan Club會報上宣布將會結婚,但就未公佈女方身份,相信係想第一時間先傳達消息俾粉絲。   長野博係繼V6嘅井之原快彥(40歲)第二位V6嘅(準)已婚人士。井之原快彥於2007年與女演員瀨戶朝香結婚。另外,舊年9月嘅時候TOKIO嘅國分太一亦都公佈咗同一般嘅女性結咗婚。   有唔少網民就猜測對手可能係白石美帆。另外相信今晚長野博可能會藉著現場直播節目上公佈更多內情。   資料來源:Yahoo.jp  
25
Nov 16
06:06
新聞

石原聰美有機會與山下智久年內「30歲電擊結婚」!?

上次同大家報導咗石原聰美同山下智久傳出同居「超認真交往家居密會」,今次就有《日刊大眾》報導石原聰美有機會於今年12月24日嘅30歲生日同山下智久電擊結婚喎!係真唔係呀!?   睇真啲個報導,就話山下智久雖屬於對旗下藝人結婚、交往超嚴謹嘅J家事務所,但由於最近SMAP解散騷動爆發,而山下智久同屬SMAP嘅前經理人飯島(詳情:SMAP解散騷動),所以如果唔畀佢結婚,佢有機會跟SMAP一齊離開J家!加上佢自從同石原拍完戲之後都冇再有新嘅電視劇作品,所以而家簡直係趁事務所立立亂嘅時候準備結婚嘅好時機!   不過,有電視臺相關人員就指出山下智久曾經同Johnny桑宣誓忠誠話唔會有任何獨立發展意向,所以就覺得佢唔會選擇結婚住。反而係,因為石原前排上綜藝節目話自己30歲前想做啲咩嘅時候,因為佢講話自己最近都開始咗學習看護嘅工作,令人猜測佢係咪已經鋪定後路如果人氣滑落可以有啲細藝。話說2010年佢被爆與電影攝影師同居,令工作減至得返一個波子機嘅廣告。到底而家紅