日本生活
10
Mar 17
00:55
新聞

邊個日文名最型英帥靚正?日本最受歡迎「靚仔名」漢字!

「唔怕生壞命,最怕改壞名」,我深信呢句俗語係世界通用嘅。有日本網站就訪問咗500個女性讀者叫佢哋揀出直覺「聽落最靚仔」嘅日文漢字,想改返個型仔日文名嘅Ching們都可以參考下。 今次就叫咗班櫻花妹喺「一、郎、朗、太、矢、也、治、士、史、亮、介、司、男、之、平」等日本男仔名老是常出現嘅漢字入面揀「通常個名有呢個字嘅男仔都係靚仔」,以下就係佢哋揀嘅Top 3! 第三位:士 咁多個漢字入面有成8.4%支持率!前男子組合WaT嘅成員兼混血男星Wentz瑛士個名都有呢個漢字!剛士、瑛士、雅士,原來櫻花妹們覺得呢個士字帶有少少陽剛氣息,因為其實「士」仲有「武士」嘅意思添!係咪會令佢哋覺得特別man呢?(雖然福士蒼汰個「士」係姓氏唔係「名前」,但我都覺得個名好特別,所以擺埋上去:P)   第二位:亮 排第二位嘅有11.2%支持率,係「亮」!呢個漢字象徵住「明亮」、「光明」、「清晰」、「光明磊落」等意思。藝人方面就有錦戶亮、或者演員池松壯亮、小鮮肉吉澤亮、搞笑藝人London Boots嘅田村亮等,雖然小編第一個係諗起塔矢亮(笑)。櫻花妹話覺得通常叫得亮嘅都五官端正,樣貌同名一樣咁「見得光」!大
25
Feb 17
02:46
博客

日本男親自示範:原來修完眉可以差咁遠?!

日本人一向對細節好講究,女人出街覺得唔化妝係對人唔尊重,而大部分男人雖然唔會化妝,但一樣會修眉,有留鬚的,亦會修剪整齊先出門口。只因修乾淨條眉,唔止會望落更神清氣爽,仲可以好似換咗個髮型咁令人眼前一亮! 以下呢位日本男士就係好好嘅例子,唔少日本網民都表示又驚訝又勵志,對比也太大了吧! 仲有其他例子,都睇得出修完眉乾淨精神咗好多:
20
Feb 17
23:48
博客

[澀谷街訪]唔講內涵齋睇樣 第一屆Like Japan港產男女神選舉(下)

第一屆Like Japan港產男女神選舉終於強勢回歸啦~~~ 今次唔問美男美女,而係問大家最唔鍾意嘅港產男女神到底係邊個(講樣唔講心㗎)!   首先我諗大家都好緊張,想知道trailer入面被嫌棄「頭髮咁長好噁心」嘅本地薑係邊個w 我唔會話「相信大家都估到係達哥」咁衰嘅…我只可以話單憑一張木村二世達哥美照冇成功地孚虜到依位㗎妹嘅芳心咁解。 唔好唔開心啦,希望在明天吖嘛!   嗱,唔洗等到明天,希望馬上就送到啦~ 依個姐姐話原版同港版木村都好有型靚仔,仲係咁卡卡笑㖭!(笑咩啫笑到人地個心仔都亂埋啦) 不過如果真係要比嘅話…佢都係揀咗原裝正版嘅木村…泣   咁男仔們又唔鍾意邊個女明星先?係阿嬌(其實都係2票w)! 有人嫌佢太白,話佢「白得滯唔係我杯茶」,依位人兄就話覺得佢好惡咁話… 坦白講我日本男仔真係見到10個港9個佢地都會話覺得好強勢乜乜乜,真係唔小心啲都會搞到一地玻璃碎…啊,又或者係佢地會走佬(哭) 咁睇異性到底係睇邊到先? 最多人答嘅就係眼啦~啲咁標準嘅答案我諗都冇咩人想知,咁就講吓有咩其他意見啦~ 好似依位金髮美男(?)就係睇腳先! 咩都唔好講,望下面!
18
Feb 17
08:58
博客

體驗日式校園祭@早稻田祭!

走入日本頂尖學府體驗學生主導年度盛事
相信好多睇開日劇嘅朋友都唔會對「校園祭」感到陌生。「校園祭」感覺就好似我哋所講嘅學校開放日,等公眾可以去參觀一間學校,了解佢哋嘅校園生活。而學生們亦都會落手落腳整攤位、裝飾班房等等。 不過平時日劇或動漫就睇高中校園祭多,今次我哋就嚟到日本頂尖學府之一嘅早稻田大學校園祭,一齊睇下同我哋香港嘅大學Open Day有咩分別啦! 呢個早稻田祭係一年一度嘅盛事,每年都係11月頭左右舉行,為期三日。雖然係短短三日嘅活動,但好多學生係會提早成大半年開始準備㗎! 成個祭嘅活動有分幾種: 1)露天舞台活動(比較多舞蹈、啦啦隊、唱歌、甚至特攝舞台劇等表演) 2)課室展覽(多個大學生社群會於唔同課室或講廳進行展覽、展出平時社團活動成果等) 3)特色攤位(部分社團會係課室或室內擺設買賣攤位,比較特別的例如有足湯或陶瓷
17
Feb 17
03:09
博客

日本人點睇「帶埋細路去居酒屋」?

居酒屋對香港遊客嚟講,可能只係可以又飲酒又食到一碟碟日本嘢嘅地方。但其實居酒屋文化喺日本絕對係一個屬於大人嘅世界!返工好攰嘅上班族放工就係去居酒屋happy,食煙飲酒兼大大聲吐苦水,有時喺居酒屋坐近啲都會聽到唔少隔離枱嘅花生㗎! 不過小編都曾經見過,有家長係會帶埋小朋友去居酒屋嘅。最近網上出現到底應唔應該帶小朋友去居酒屋嘅討論,不如一齊睇吓日本人點諗啦! 日本一個讀者群主要為媽媽嘅網站Happy Mama就做咗個網上調查,顯示66%嘅家長/讀者都反對帶埋小朋友去居酒屋。 反對理由:居酒屋係大人嘅地方! 有唔少反對聲音都表示,居酒屋係屬於大人社交嘅地方,因此唔應該畀小朋友參與。「如果係用完主個室就話啫,但居酒屋入面好多人講嘅嘢都唔啱小朋友聽,而且如果因為小朋友存在而要有所避忌都唔係好合理。」 讀者們都話居酒屋始終係一個畀人飲酒吹水嘅地方,如果係一家大細嘅話應該去返啲連鎖家庭式餐廳!有啲人更加覺得帶埋小朋友去居酒屋係啲大人自私嘅行為添呀。唔單止多二手煙,而且飲醉酒嘅大人亦都可能構成小朋友嘅危險同帶嚟壞影響。 咁點解又會有成33%嘅人贊成呢? 贊成理由:因為我關
19
Jan 17
23:31
新聞

消息已被落實!日本降低外國人材綠卡門檻 申請永住權5年變最快1年!

舊年11月係網路傳出嘅消息終於成真!研究人員或者經營企業嘅專業人員由今年3月起便可以最短1年時間取得日本嘅外國人永住權「日本版高度外國人才綠卡」。現今需要喺日本居住5年先可以申請,但最新嘅申請條件會將申請人嘅學歷或年薪等資料化成點數,只要獲得高點數就可以縮短必要嘅居留期間。日本希望透過縮短期限至1年去吸引更多外國嘅人才移居日本。   原本嘅話外國人要得到永住權係需要喺日本居住10年以上。自2012年起日本法務省引入「高級人材積分制」,分成「學術研究」、「專門/技術」、「經營/管理」三個領域等等引入唔同嘅分數制度。例如如果係研究人員、學歷達博士級就可有30分;經營企業嘅如果年薪達3千萬Yen以上就係50分等。只要得到70分以上就得到「高級外國人材」嘅認可,最快5年就可以得到永住權。而今次嘅永住許可申請期就將在留期間由5年縮短至3年。而且獲得80分以上嘅人更加可以最短1年內申請成功。   點樣計點數呢?例如: 一個33歲嘅工程師共得80分,詳細分數如下: 34歲以下:10分 年薪600萬Yen:20分 博士或以上學歷:20分 工作經驗3年以上:5分 持有專利證明:15分 畢業自排名高的大學:10分   對真係想移居日本又有條件嘅外國人嚟講係真係幾吸引!不過講真,到底吸引到最多咩國家嘅人?睇
30
Dec 16
23:52
博客

【內有洋蔥!】日本76歲伯伯給年輕時期的自己寄語...結果超感人

尋日日本電視台TBS就做咗一個節目叫「爆笑!明石家さんまのご長寿グランプリ2016」,係由名主持人明石家さんま主持以老人家為題嘅綜藝節目。今年嘅其中一段環節就搵咗啲老人家拍片寄語畀年輕嘅自己,結果呢個叫秋元秀夫嘅伯伯拍出來嘅影片就惹來好多觀眾討論,因為實在太!感!人!   故事係咁嘅,一開頭嘅時候76歲嘅秀夫伯伯先同18歲嘅自己打招呼。   以下為翻譯: 喂秀夫!係76歲嘅我吖! 你將會去嘗試考入好出名嘅東京都立大學同早稻田大學。 因為希望你會更加努力讀書,所以我係呢度講咗個結果先。 你會失敗兩次,結果最後入中央大學。加油呀~   睇到呢度之後,我都忍唔住同觀眾嘉賓一齊大笑咗出嚟,仲覺得個伯伯好搞鬼,點知洋蔥而家先開始。   之後喺秋元秀夫伯伯畀24歲時猶豫緊應唔應該求婚嘅自己嘅一番說話: 喂秀夫!係今年已經76歲嘅你吖!你好嗎? 你將會同 同你一齊返工, 塊面好細好可愛嘅Hana拍拖呀~ 平時都唔係好受歡迎嘅你, 將會因為「
22
Dec 16
18:27
新聞

日本人「攞假率」全球最低!?

有假都唔敢攞唔敢放,唔知香港嘅打工仔會唔會理解呢種心情呢?   Expedia Japan於12月15日公佈世界28個國家嘅國際比較調查,發現日本嘅「攞有薪假期」比率係排最低。呢個咁sad嘅結果喺網絡上引起激烈討論。     根據調查顯示,原本2013年後,日本嘅「消耗有薪假期日數比率」排名有明顯上升傾向。但今年居然由60%突然下降到得番50%,令日本時隔3年再次成為最低分。之後就係韓國嘅53%同印度嘅71%等。   Expedia都有問日本人唔拎假嘅原因,第一位嘅理由係「人手不足」、之後就係「因為同事都冇得放」同埋第三位「因為冇錢」。     當然,呢個結果引起好多網民話好明顯就係因為日本多黑心企業長期榨乾自己嘅員工。不過另外都有人質疑其實唔敢拎有薪假係日本人嘅職場精神論影響!又話日本人比較捨私奉公、責任感強,同埋會擔心冇咗自己會帶咩麻煩俾公司,所以先會搞成咁。(上圖為「如果拎有薪假會覺得有罪惡感」嘅人嘅比率。)   小編有個日本朋友,如果週末出去玩甚至去短途旅行,畀同事知道咗嘅話會被人閒言閒語好耐,話佢成日好幸福可以去旅行去玩、而上司亦覺得佢淨係識得玩,仲叫佢檢點啲...某程度上都幾病態。大家真係要好好珍惜會俾你放leave嘅公司喇...(社畜心態/_\) 更詳細調查結果及資料來源
22
Dec 16
11:26
博客

拉麵店老闆最唔想你做嘅四種行為

唔少香港人都係日本拉麵愛好者,而去到日本旅行食番碗地道嘅拉麵更加是常識吧!拉麵店有大有細、有出名嘅有隱世嘅,不過講到食拉麵嘅禮儀就相信係千篇一律。唔想成為日本拉麵店心目中嘅麻煩客人?睇下下面呢堆真正喺拉麵店工作嘅人揀選嘅「最唔想食客做嘅行為」,下次去日本食拉麵小心唔好犯呢~   1)掛住玩電話唔食麵   難得去旅行仲要食到好西,梗係相機食先即刻呃like啦!但係,有好多拉麵店老闆其實好唔鍾意呢個行為。受訪者嘅H店員就話:「其實相機食先唔係問題,影完即刻食都仲接受到...但影完仲喺度㩒電話就唔係幾好囉。」梗係啦!打完句caption、check埋個in、up完張相碗麵可能已經唔係最新鮮出爐嘅美味,同埋即刻品嚐都係對店家嘅尊重~其實caption都可以食完碗麵先打啫...   2)喺多人嘅時候要求連住坐 日本好多細嘅拉麵店可能得10至15個位以內,多數都係連住個counter。如果撞正多人排隊嘅黃金時間去食,3個人或以上想一齊排排坐食其實係會影響到店家嘅運作嘅。H店員話:「兩個人一齊坐就話姐,3個人或以上嘅話其實已經好難安排座位,而且要等空位嘅時候排後面嘅客人又冇得食,呢個問題都幾頭痛。」所以大家如果唔介意,喺多人排隊嘅時候不如做下心理準備,即使分開咗食都唔緊要啦~(反正店家都唔會想你留低食完坐好耐 T_T)
19
Dec 16
19:40
新聞

一個扭蛋增強你屋企保安?日本最新玩嘢之作「防罪扭蛋」

最近日本推出咗呢隻扭蛋,引起一班網民嘅熱話。呢隻扭蛋真係唔話得,因為佢嘅設計原意係要減低犯罪率,同埋增強你屋企嘅保安!到底係咩扭蛋咁巴閉?   登登登凳!   其實呢款扭蛋係一個磁石嚟嘅。設計到好似一個門口插鎖匙嘅鍵孔咁,官方就話你可以加啲超能膠黐係唔同嘅地方,發揮你嘅想像力小宇宙!例如黐好多個係門口,咁就算有小偷要嚟偷嘢都會嚇到呆咗唔知撬邊個啦!(雖然我覺得明明一眼就睇得出個分別xD)   呢款只賣200Yen、Humorous art&design設計嘅扭蛋共有六隻色,黐手機、雪櫃都得。唔知大家又會照常拎嚟黐係邊呢?