日本旅遊
26
Oct 17
20:04
博客

針對訪日旅客,東京Metro將實施全線免費Wi-Fi

雖然日本各地都有唔少免費Wi-Fi供應,但係一邊搭車一邊有免費Wi-Fi就唔係到到都有喇,不過黎緊終於唔使擔心,事關日本東京Metro鐵路公司為左照顧每年都不斷上升嘅訪日旅客,決定係2020東京奧運前,將會係旗下所有路線實施免費Wi-Fi。 暫時已經投入服務嘅有銀座線同日比谷線,當中日比谷線Wi-Fi服務由「TRAVEL JAPAN Wi-Fi」提供,而其餘路線仲係引入調整階段,所以黎緊會去日本嘅朋友留意返喇,查下您要坐嘅路線完成引入未。 各路線免費Wi-Fi投入時間 路線 開始引入 完成引入(預計) 銀座線 2016年12月 2020年夏天 丸之內線 2018年 (將引入新型車輛) 日比谷線*
26
Dec 16
23:39
新聞

日本推第一屆麥當勞總選權!

雖然成日投訴老麥加價,亦都知食得多對健康唔好,但食老麥就好似一個情意結咁,真係會時不時就想去食。唔知大家去老麥又最鍾意食咩餐或咩包呢?日本麥當勞就準備搞第一屆麥當勞總選,等各位食客一齊投票揀最中意食嘅包喎!   入圍畀大家投票嘅有12個包咁多,一齊睇下: (左上起至右)巨無霸、芝士漢堡、蛋芝士漢堡、煙肉生菜漢堡、足三兩 (左下起至右)照燒雞堡、麥香雞包、BBQ豬肉漢堡、芝士雞堡、魚柳bell、麥香蝦堡   官方網站就賣晒關子話如果你最中意嘅包成為第一名,有機會發生一啲事咁話喎。個投票就2017年1月6日先開始,唔知日本人嘅口味同香港人似唔似呢?比著你你又會all in邊個包?     資料來源:日本麥當勞官網
22
Dec 16
11:26
博客

拉麵店老闆最唔想你做嘅四種行為

唔少香港人都係日本拉麵愛好者,而去到日本旅行食番碗地道嘅拉麵更加是常識吧!拉麵店有大有細、有出名嘅有隱世嘅,不過講到食拉麵嘅禮儀就相信係千篇一律。唔想成為日本拉麵店心目中嘅麻煩客人?睇下下面呢堆真正喺拉麵店工作嘅人揀選嘅「最唔想食客做嘅行為」,下次去日本食拉麵小心唔好犯呢~   1)掛住玩電話唔食麵   難得去旅行仲要食到好西,梗係相機食先即刻呃like啦!但係,有好多拉麵店老闆其實好唔鍾意呢個行為。受訪者嘅H店員就話:「其實相機食先唔係問題,影完即刻食都仲接受到...但影完仲喺度㩒電話就唔係幾好囉。」梗係啦!打完句caption、check埋個in、up完張相碗麵可能已經唔係最新鮮出爐嘅美味,同埋即刻品嚐都係對店家嘅尊重~其實caption都可以食完碗麵先打啫...   2)喺多人嘅時候要求連住坐 日本好多細嘅拉麵店可能得10至15個位以內,多數都係連住個counter。如果撞正多人排隊嘅黃金時間去食,3個人或以上想一齊排排坐食其實係會影響到店家嘅運作嘅。H店員話:「兩個人一齊坐就話姐,3個人或以上嘅話其實已經好難安排座位,而且要等空位嘅時候排後面嘅客人又冇得食,呢個問題都幾頭痛。」所以大家如果唔介意,喺多人排隊嘅時候不如做下心理準備,即使分開咗食都唔緊要啦~(反正店家都唔會想你留低食完坐好耐 T_T)
17
Dec 16
16:51
新聞

去淺草坐PAC-MAN人力車?聖誕特別企劃!

PAC-MAN呢隻經典街機遊戲相信大家都玩過~其實呢隻遊戲已經推出咗36年啦!有冇諗過遊戲居然可以成為現實?萬代南夢宮(Bandai Namco)就宣布推出聖誕特別企劃,於12月23-25日,喺淺草可以坐呢啲特別版PAC-MAN人力車夜遊淺草啊!     成段路程大概20分鐘,由淺草駒形橋附近開始,途中會經過雷門、吾妻橋等淺草名勝!平時淺草只得日頭可以坐人力車,所以今次嘅計劃可以欣賞埋淺草夜景,真係好特別架!   不過~今次嘅企劃就唔係個個都坐得嘅,連續三晚最多得36位幸運兒有得坐。(不過就算坐唔到都可以去朝下聖XD)但想一試嘅朋友不妨應募下:   登記時間:12月15日15:00 至 12月22日12:00   實施日期: 2016/12/23(星期五、公眾假期) 16:00、17:00、18:00、19:00、20:00、21:00 2016/12/24(星期六) 16:00、17:00、18:00、19:00、20:00、21:00 2016/12/25(星期日) 16:00、17:00、18:00、19:00、20:00、21:00   1)Follow 官方Twitter @pacman_rickshaw 2)同意各項條款、選擇你想參加嘅日子、寫係自己Twitter上 3)如登記任何一日參加,必須準備當日下午四點至九點都可以隨
25
Nov 16
18:07
博客

天空樹下吃喝玩樂-晴空塔商場Solamachi 商店推介

  上個禮拜同大家分享咗我地去東京淺草晴空塔嘅PPAP Cafe朝聖同埋上Skytree睇風景,但大家嚟到千祈唔好睇完個塔就走呀!其實呢度樓下仲有個5層樓嘅商場,有各式各樣嘅店舖同食市,就算一家大細唔同要求都適合行~唔係淨係得涉谷原宿先有得shopping㗎~   今日就等我同Vivi輕輕推介5間我地覺得遊客難得嚟到應該一戰嘅餐廳+店舖啦!   1)Pokemon Store (5F 東區) 今年Pokemon Go hit到爆燈,重燃起唔少人對寵物小精靈嘅熱愛。東京除咗池袋之外其實Solamachi都有Pokemon Center嘅分店!除咗公仔、文具、小食,依家仲做緊Pokemon X Mario嘅crossover主題商品,同埋有Skytree Pokemon Store限定嘅商品添架!   2)nanaco plus+ (4F 10區) 遠睇可能以為係一間好普通嘅首飾舖,但其實呢間舖頭係將日本傳統糖果加工再變成非常可愛嘅吊飾、髮飾、耳環、手鍊、電話繩或鑰匙扣。因為每款糖果都好日系,而且真係有好多款式,所以尤其適合女仔嚟買野!男仔行都唔緊要,可以買下禮物俾身邊嘅女性朋友嘛XD  
19
Nov 16
19:30
新聞

六本木Hills展望台化夜空螢幕浪漫重現「你的名字。」經典畫面

六本木HILLS展望台嘅東京City View將會於2016年11月23日起推出「晚間星空燈光」企劃,將會連同大熱電影「你的名字。」合作,將展望台嘅16塊巨型玻璃化成「夜空螢幕」為遊客於高空重現電影中經典畫面。     除此之外,東京City View內嘅Sky Gallery 3都會推出「你的名字。」限定主題Cafe,仲有彗星Parfait及星空Cocktail等同電影相關嘅食品,大家千祈唔好錯過!   展望台亦會有可以360度睇星嘅天文館,同埋可以感受太空漫遊及步行樂趣嘅「3D Sky Walker」,可以順便去埋玩呢!企劃暫停推行至2017年1月29日。   HUAWEI presents 星空のIllumination @六本木Hills展望台東京City View 日期:2016年11月23日~2017年1月29日 地址:東京都港区六本木6-10-1 六本木Hills 森Tower 52樓 東京City View 營業時間:52F屋内展望Floor 10:00~23:00(最後入場22:30)、星期五、六或公眾假期前日將開放至凌晨1點(最後入場24:00) 屋上Sky Deck 11:00~21:00(最終入場20:30) ※Sky Deck平時只開放到8點,企劃期間將順延開放至晚上9點。如天氣惡劣會暫停開放。 天文館會開放到10點,最後入場時間為9點半。   (C)2016「君の名は。」製作委員会/資料來源:Model Press
07
Nov 16
08:46
新聞

冬天去小樽運河睇小樽雪物語!

冬天去北海道又點可以唔去小樽睇浪漫運河景?   今年11月17日起至明年2月12日至,小樽運河將會舉行「小樽雪物語」活動,將會喺小樽運河點起藍色燈,營造浪漫氣氛。小樽著名嘅玻璃工房仲會親手製作玻璃酒杯塔,加上200個小燈飾,將會呈現非常靚同浪漫嘅景色。各位遊客唔好錯過喇!   點燈時間:日落起至晚上10點半 點燈範圍:小樽運河 淺草橋~中央橋(※中央橋因工程,將會於12月末後先開始點燈) 點燈式開幕禮:11月12日 4點半 小樽運河 淺草橋街園  
21
Oct 16
02:18
博客

喺日本便利店去廁所隨時犯法?

有時去到外地人生路不熟,急起上嚟都幾緊張,唔知邊度有廁所。喺日本嘅話,比起商場廁所,更多人會選擇去便利店廁所,因為梗有一間喺左近~搵便利店絕對方便快捷過你搵公廁。   不過,大家又知唔知其實唔係每間便利店嘅廁所都可以隨便用呢?原來便利店嘅廁所使用權限係有分以下幾種:   「ご自由にお使いください」請自由使用 「スタッフに一声おかけください」請先請示店員再使用 「トイレの無断使用禁止」禁止使用本店廁所 「当店にトイレはありません / お貸しできません」本店沒有廁所 → 其實即係有,但只係畀員工使用   如果
07
Oct 16
02:38
博客

日本單身人士必去居酒屋-相席屋!

  首先,如果想睇完整介紹,記得睇埋上面條片啊!   今日為大家介紹一家不得了嘅居酒屋!原來呢個世界上真係有免費嘅午餐可以食㗎...只要你係女仔嘅話(笑)。呢間叫「相席屋」嘅居酒屋其實喺日本全國都有開分店,不過呢間秋葉原嘅分店就係最新開嘅,入面嘅裝修亦都係最高級最靚㗎!   ▲話就話位於秋葉原,不過搭地鐵銀座線出末広町駅會係最近!   呢間居酒屋到底同其他居酒屋有咩分別呢?點解女仔可以免費食免費飲?其實相席日文嘅意思就係「搭枱」嘅文化。   相席屋完全係為咗幫男女食客結識新朋友而出現嘅!女仔可以免費入場任飲任食,但就一定會編排同男士一齊坐。至於男士想入場識女仔,就要半個鐘畀1500yen喇!(連稅1620yen)   ▲雖然男仔要俾錢,但就包你一定會同到日本妹坐囉!你制唔制先~   ▲其實店內裝修走現代和風風格,幾靚幾華麗,而且完全感受到入夜暗咗之後間舖更加有feel!   雖然話係任飲任食嘅居酒屋,其實嘢食講真就全部都係輕食為主。飲品亦都
05
Sep 16
20:09
新聞

【新過關需知】日本法務省執行新措施力減旅客過關時間

相信去過日本嘅朋友都知道,有時(尤其是假期旅遊高峰期),喺日本機場等過關都幾費時。根據法務省調查,入境最長平均等候時間排首嘅係關西機場嘅38分鐘,其次係中部國際機場嘅26分鐘、羽田機場嘅24分鐘、以及成田機場嘅18分鐘。   面對持續上升嘅旅日人數,日本法務省宣布將會執行一系列新措施,當中包括緊急增加62名入國審查官,以及由秋天起引入可減省入國審查時間嘅機器BIOKART。新引入嘅可動式BIOKART將會設置於遊客排隊嘅地方,利用遊客排隊等候嘅時間事先採集遊客樣貌及指模情報。遊客嘅個人情報隨即會連同護照嘅資料一同傳送到櫃台,減省櫃台進行嘅手續。咁以後大家等過關就唔使等得咁辛苦喇!   連接多家廉航、24小時運作嘅關西機場因遊客數目急速上升導致入境情況混亂,另外一個重災區係連繫多架來自中國等地區郵輪嘅博多港口。緊急增加嘅62名入國搜查官將會被派到關西機場、成田機場以及博多港口。另外,關西機場亦會放置62台BIOKART,其餘19台暫時會先引入至高松、那霸機場。   舊年訪日人數達至1974萬人,比起2014年嘅1341萬人高出47.1%。日本政府就希望到2020年東京奧運嘅時候可以破到4000萬人,並希望2030年會達至6000萬人。作為遊客希望當日本政府期望咁高嘅時侯都要做好配套設施啦!