日本新聞
18
Jul 17
22:28
新聞

【正恩的奇妙制裁】日本時事節目大膽惡搞金正恩為JOJO大奸角

大家知道《JOJO的奇妙冒險》這部動漫作品嗎?這套由荒木飛呂彥老師創作的著名作品由1987年連載至今已經去到第八部,當中一至四部亦被動畫化,放送後引來fans的一致好評。日本亦會於8月4日上映由山崎賢人扮演第四部男主角(東方仗助)的真人版電影:   JOJO的奇妙冒險:動畫V.S.真人版   雖然不少fans表示選角與CG仍然與原作有一大段距離感到可惜,但亦有部分海外觀眾給予好評。不論你對是次真人版電影意見如何,相信你都會對以下「正恩的奇妙制裁」感到興趣! (00:45開始)影片應該很快被刪…… 大膽惡搞金仔的到底何方神聖?原來是日本時事節目「教えて!ニュースライブ 正義のミ
10
Jul 17
21:29
新聞

【肥人有難?】日本網民認真討論應否增設「肥人稅」!

上網不時會睇到「肥人要畀多份錢」嘅意見,但相信大家當睇笑話咁睇完就算數。不過早前就有日本網民喺完全匿名制嘅女性討論區「GIRL’S TALK」表示希望肥人坐公共交通工具時,應該以「肥人稅」嘅形式畀多一份錢。 理由簡單直接:因為「體型過胖嘅人士會佔用到兩個人嘅空間,而事實上亦有一個人坐曬兩個位嘅情況發生」,亦指出「即使運貨服務都會因為貨物過重而要畀多啲錢」。 日本節目「とくダネ」 咁激嘅話題當然隨之係網路上受到熱烈討論,更加被電視節目「とくダネ」於10號作為話題報道,引起日本大眾紛紛議論。   要睇世界大戰當然去日本Twitter,我地先睇睇以「過份」、「侵犯人權」作為理由嘅反對派聲音:   「肥人稅」實在太過份啦。   「肥
23
Jan 17
07:36
新聞

今年登上富士山自願性入山費為1000円

富士山登錄咗世界文化遺產之後,山梨同靜岡成立嘅協議會於22號決定咗將2017年登上富士山嘅自願性入山費定為1000円。   入山費其實就係幫補富士山嘅環境保護費(富士山保全協力金)。入山費屬於自願性質,將會喺今年7月嘅登山季節開始實施。為咗方便深夜登山人士畀自願性入山費,有關單位正商議緊可唔可以事先喺網上或便利店收取自願性入山費。籌到嘅自願性入山費除咗會用作保護環境嘅支出之外,亦會用嚟興建廁所、安全設施,以及處理登山人士遺留嘅廢物。     收取入山費用暫時都係試驗階段,而上年試收取自願性入山費用期間就已經籌到大約3400萬円喇! 希望大家上富士山時,各位都會畀入山費1000円啦!  
18
Jan 17
20:14
新聞

上野熊貓發情帶挈股價急上升?!

尋日,日本電視台NHK就報道喺上野動物園內嘅熊貓力力(雄性)同真真(雌性)步入發情期,有機會今年再度繁殖!兩隻11歲嘅熊貓對上一次係2012年交配成功生BB嘅~之後都冇乜動靜,所以今次女仔嘅真真再次出現發情先兆令園方非常驚喜,並開始為兩隻熊貓嘅繁殖作出準備。     最搞笑嘅係,知道消息之後最開心嘅並唔係熊貓迷或者動物園方,而係因為呢單新聞帶挈股價直線上升嘅一間專門開中華料理店嘅「東天紅」股票公司!一日內首先比前日股價升幅達14.3%(192Yen),成為本年度最高紀錄。後來回穩後收市報168Yen,升幅仍然有6.3%!點解呢?原來東天紅嘅餐廳位於離上野動物園好近嘅不忍池,如果熊貓成功再生BB,將會引嚟大量遊客入園觀光,增加附近人流。     真係唔可以睇少熊貓生殖帶嚟嘅經濟利益...力力真真你地要加油呀XD 睇番幾年前兩隻熊貓交配被報導嘅片段:
27
Dec 16
19:46
新聞

【究竟我睇咗啲咩系列】Long D也不怕:隔住iPhone咀咀神器!?

相信Long D緊或者試過Long D嘅人都會知道遠距離戀愛係有幾辛苦,幾掛住你心愛嘅另一半。雖然而家科技先進可以進行即時視訊通話等,都叫做有得望下個樣,但就始終欠缺一份溫暖。     為咗再拉近啲遠距離戀愛情侶嘅距離,兩位分別來自關西大學同埼玉科技大學嘅研究生及助理教授西口昇吾同森沢幸博,連同佢哋叫Imagineering Lab嘅團隊就開發咗呢個叫「Kissenger」嘅電話「咀咀神器」。   用途同用法就唔多講,相信大家睇相都會明。呢個矽膠製嘅模擬嘴唇下面有晒sensor可以感測你嘅吻嘅位置同力度,即時傳送返畀同你傾緊電話嘅對象度,即係只有對方都係帶住呢個「咀咀神器」,佢就可以感受同你即時錫錫嘅感覺,唔駛聽聲再FF~!(但如果係咁好似冇得試傳送「巴黎鐵塔反轉再反轉」喎)   如果冇創意,呢個世界嘅科技發展將會變得好慢同無新意。所以我係好欣賞呢隊團隊做出咁有趣咁創新嘅發明嘅XD 不過我覺得最好笑嘅係,官網寫明呢個商品係設計畀情侶、屋企人、同粉絲嘅。點解係粉絲?佢哋話呢個Kissenger可以連接偶像同世界各地
26
Dec 16
23:39
新聞

日本推第一屆麥當勞總選權!

雖然成日投訴老麥加價,亦都知食得多對健康唔好,但食老麥就好似一個情意結咁,真係會時不時就想去食。唔知大家去老麥又最鍾意食咩餐或咩包呢?日本麥當勞就準備搞第一屆麥當勞總選,等各位食客一齊投票揀最中意食嘅包喎!   入圍畀大家投票嘅有12個包咁多,一齊睇下: (左上起至右)巨無霸、芝士漢堡、蛋芝士漢堡、煙肉生菜漢堡、足三兩 (左下起至右)照燒雞堡、麥香雞包、BBQ豬肉漢堡、芝士雞堡、魚柳bell、麥香蝦堡   官方網站就賣晒關子話如果你最中意嘅包成為第一名,有機會發生一啲事咁話喎。個投票就2017年1月6日先開始,唔知日本人嘅口味同香港人似唔似呢?比著你你又會all in邊個包?     資料來源:日本麥當勞官網
23
Dec 16
09:15
新聞

【唔係啩】韓國化妝品涉嫌侵權 反告日本名藝術家奈良美智

似曾相識嘅故事...尋日日本著名當代藝術家奈良美智就喺自己Twitter上公告,話因為發現有韓國嘅化妝品牌子W.Lab嘅商品使用嘅插畫實在太似自己嘅作品,所以發咗個警告俾佢哋。點知呢個韓國法院竟然對佢作出起訴。呢件事已經引起大量網民熱烈討論。     奈良美智之後繼續交代事件,聲稱原本都冇諗住控告呢個牌子,只希望佢哋可以改善,點知收到對方嘅主張話「製作者係我哋公司嘅人」、「奈良美智並冇申請損害賠償嘅權利」等。奈良美智話佢已經同處理開版權訴訟嘅資深律師商量緊下一步應該點做,仲話本身其實都唔係想怪間公司,只係想追究返商品設計師同有關負責人。   奈良美智嘅藝術品風格:   因為呢件事,已經有唔少韓國人去奈良美智嘅Twitter度道歉,話真係覺得好羞家、同埋想代韓國人向佢道歉。另外有唔少買開韓國化妝品嘅日本人都留言話真心以為個商品係同奈良美智合作推出嘅商品,所以感到非常意外,話為咗支持奈良老師將會罷買呢個牌子嘅商品!奈良老師就好冷靜地開玩笑話「でも、展覧会はまたやりたい in 韓国」(但係,我仲希望有機會喺韓國開展覽架)。   無論點都好,明眼人一睇都會覺得件商品嘅話真係好相似嘅...仲以為呢種反告人侵權嘅案件(國際笑話)只會喺某大國出現,睇嚟少年我真係太年輕了~~~ Source:奈良美智
13
Dec 16
09:03
新聞

科技將取代便利店員工作!?LAWSON最新機器可自動付款

到底科技未來會取代人類嘅工作?日本嘅新聞就話俾我哋聽,未來嘅便利店先進到可能已經唔再需要工作人員了。     片段中嘅係日本連鎖便利店牌子Lawson同Panasonic共同開發嘅次世代便利店機器。佢能自動分析購物籃入面商品嘅barcode,並能自動包裝入膠袋入面。Lawson預計2017年下旬起會漸漸擴大使用呢部機器嘅店舖嘅數目。   Lawson方面就話因為想解決未來人手不足嘅問題,於是決定將收費嘅工作交俾機械人或機器,而店員就專用嚟服務店入面嘅顧客。佢哋今後亦都會繼續考究機械化商業嘅成果。Lawson次世代CVS統籌部部長秦野芳宏表示,暫時機器都唔會完全取代到人手,例如便利店內嘅炸雞可以用機器去自動炸,但仍然需要人手方面(例如叮飯、買關東煮)等工作都會繼續由人手去包辦。   可能小編睇動漫日劇睇得多,總係覺得便利店還是有店員比較有親切感呢~   新聞資訊來源:Asahi News
12
Dec 16
01:24
新聞

【太過分】韓籍男闖日神社毀壞超過100尊神像

福島縣警於昨日逮捕一名35歲無業及居無定所嘅韓籍男士,涉嫌非法入侵及毀壞同縣嘅泉崎村稲荷神社嘅石像。福島縣自今個月起,泉崎村北邊嘅須賀川市、郡山市、福島市等多間寺廟及神社入面嘅佛像同地蔵像都出現被惡意毀壞嘅情況,受損壞嘅神像至少達100尊。   今次被得逮捕嘅疑犯於12月9日晚上毀壞泉崎村稲荷神社嘅兩隻狐狸石像,以及非法入侵本殿破壞木造嘅狐狸木像。疑犯已承認有毀壞其他神社嘅石像,暫時未透露犯案動機。   日本人一向非常尊敬並重視神社及神像,今次嘅事件又於網絡引起日韓問題嘅爭論。以前亦曾有韓國人於日本神社偷竊、刑事毀壞等案件發生。   新聞來源:http://www.sanspo.com/geino/news/20161211/tro16121100170001-n1.html
03
Dec 16
02:23
新聞

搵工唔好搵呢啲?!日本第五回「黑心企業大賞」公佈候選名單

由日本律師團隊同專業記者組成嘅「黑心企業大賞」實行委員會尋日發佈咗10間「黑心企業」候選名單。香港人應該都對超長工時+OT、與薪金不符嘅工作量等惡劣工作情況身同感受。不如一齊睇吓邊間日本大公司俾人提名啦!有興趣搵日本企業工作、或者有機會以後到日本工作嘅朋友都可以做下reference。   AJIS (愛捷是:提供連鎖、零售業服務公司) 於日本納斯達克JASDAQ上場公司,因違法進行長時間勞動而受到千葉縣勞動局嘅正式開名警告。   電通(日本廣告公司) 2015年入社、只有1年經驗嘅員工因過勞而自殺;25年前同3年前亦分別有入社經驗2年同30歲嘅男性員工因過勞而自殺及因過勞而病死。因未能證實工作環境得到改善,今年日本厚生勞動省喺電通總部進行咗強制性搜查。   激安殿堂 Donki ドン・キホーテ(香港人都好鍾意去買平嘢嘅「藥妝雜貨店」) 員工最長嘅勞動時間曾達3個月內工作415小時。因違反多條長時間勞動規則,被罰款50萬日圓。   Print Pac 日本印刷業公司,曾因不當嘅人手調動安排及拒發花紅畀員工而於今年7月從京都勞動委員會指