日本文化
15
Apr 16
08:13
博客

實用Channel!助你了解地道日本文化,教你生活化日語[附獨家小訪問]

今次介紹的是這一個於2015年4月1日開創的youtube頻道,說起youtube頻道,大家都視其為一個娛樂消遣的地方,而Ryuuu TV這一個頻道則保留了輕鬆的風格,用有趣的方式為觀眾炮製高質素的教學視頻,介紹各種有關日本的文以及教授地道的日語,卻又不失娛樂性—這亦是筆者最欣賞Ryuuu TV的地方,每日放學放工後,既想放鬆一下,卻又想學習新的知識,做些有意義的事情,而Ryuuu TV的視頻不正正能夠「一次過滿足你兩個願望」嗎?   Ryuuu TV的主角是一對非常甜蜜可愛的小情侶—男的是留日馬來西亞華僑RYU ;而女的則是留台經驗日本人YUMA。聰明的讀者看到這裡應該已經明白到這個頻道吸引人的原因,因住兩位主持人的不同背景,其影片的定位亦大大擴闊,一般我們只能夠從外人的角色看日本,但視頻的見解卻擁有「留日華僑」以及「當地日本人」的角度看事物,所以單單從影片細節就已經能夠看出種種地道的日本文化,這根本就是超珍貴的優勢啊!而且兩位的背景也反映了其豐厚的日語知識,大家還可以找到比此更加生動跳脫而且可靠的日語小教師嗎?XD     相信有看過Ryuuu TV視頻的觀眾都會知道其影片風格是非常輕鬆而且有趣的,他們的視頻絕對不會將硬梆梆的知識填鴨式的強行塞進觀眾腦袋;相反,他們會透過一系列互動以及小劇埸介紹種種有關日本的事情,輕鬆入口的知識自然亦在觀眾看視頻的過程中不知不覺的消化了。另外Ryuuu TV有「質」亦有「量」,他們每晚(沒錯是每晚)九點鐘就會上載新的視頻,那簡直就是「用生命作影片」吧…
30
May 16
20:01
博客

【‪‎Like Japan 放送室】專訪日本拉麵文化達人-「拉麵陳」Meter Chan

拉麵係日本嘅國民美食代表之一,喺香港都好受歡迎。各式各樣嘅拉麵、配上唔同嘅湯底、唔同嘅材料、唔同嘅食法,簡直令拉麵迷難以自拔。沾麵亦都係拉麵嘅其中一種,食法同一般拉麵唔同,亦都係近年先係香港冒起。人稱「拉麵陳」嘅Meter Chan當年就將著名日本沾麵店引入香港引起話題,亦打造咗好幾間成功嘅日本食店。今集《Like Japan 放送室》我哋就請嚟Meter同我哋講下,將日本最地道嘅美味帶嚟香港嘅故事。   選址特別 一切因緣分安排   如果同人講西九龍中心有間食沾麵店好出名,大家可能都聽過,但實際位置係邊...真係唔搵個都未必搵到。點解會揀喺啲格仔鋪隔離開沾麵店?唔驚做唔到生意嘅咩?原來一切靠緣分。當年Meter嚟睇舖位覺得food court唔適合做沾麵,落一層行行下就見到而家個鋪位,啱啱好間酒樓走咗有個吉位,Meter就選擇咗呢度開隱家,仲話因為對隱家嘅味道有信心,所以唔怕無生意喎!Meter仲話,做一件事,或者開一間鋪頭,最緊要係對佢有熱誠,咁先可以堅持做好件事,同埋會enjoy做。而家已經身為幾間食店老闆嘅佢,雖然日日都好忙,但就好樂於做自己鍾意做嘅事,好充實!   港日文化之差異 造成港人師傅和日本人師傅的分別   到底將一樣異地嘅料理引入香港時遇到啲咩難處呢?Meter就話一開始沾麵係香港未普及,有啲食客
16
Sep 16
11:06
博客

日本文化通識堂:港日中秋大不同!

中秋節快樂啊!今日喺香港就係公眾假期,喺日本其實都有中秋節,但就唔係假期喇! 農曆8月15日月圓,喺日本係叫「十五夜」~   到底日本嘅中秋同香港嘅中秋有咩分別呢?   1)香港人食月餅、日本人食賞月糰子(月見団子) 呢個應該就係最大嘅分別!每年中秋唔能夠少嘅月餅,但日本傳統就係食用米飯搓成嘅月見糰子。佢哋會喺可以賞月嘅地方放象徵滿月嘅糰子同埋可以除魔嘅芒草、再加上秋天嘅農作物祭品(例如呢個時期嘅芋頭)拜神、祈求豐收,順便飲酒賞月。其實賞月糰子係飯後甜品嚟嘅,日本人會擺放一年見到嘅滿月數量,亦有人會因為十五夜所以擺十五個~   2)中華玉兔整長生不老藥、日本玉兔整麻糬 相信有聽過神話故事嘅都知道月亮住咗隻玉兔。喺中國神話入面、玉兔嘅作用就係喺廣寒宮都攪拌長生不老之藥,但喺日本文化入面、佢哋覺得隻兔仔係揼緊麻糬呀~呢個咁微妙嘅分別我覺得好得意!   3)香港小朋友賞月玩燈籠、日本小朋友做「賞月小偷」(お月見泥棒)
27
Sep 16
19:33
博客

日本女大學生話你知 電車飲食底線係乜

香港搭車就嚴禁飲食,但其實日本電車係允許飲嘢食嘢嘅!不過,到底日本人嘅底線係乜?喺電車係咪真係乜都飲得食得?日本網站マイナビ就調查咗200個女大學生問佢哋到底接受到啲咩喎。睇下結果先:   第1位 飲品、糖果等小份量嘅小食就得  65人(32.5%) 第2位 飲品、飯糰等輕食           54人(27.0%) 第3位 只限樽裝飲品          47人(23.5%) 第4位 只要係飲品就乜都得          14人( 7.0%) 第5位 食乜都得                 7人( 3.5%)   結果顯示,真係覺得食乜都得嘅只有7個人咋!大部分學生都接受到小食、糖果、小蛋糕同飲品。雖然唔入榜,不過都有少數人係覺得根本唔應該食嘢喎!到底佢哋嘅意見係點?   其實佢哋嘅評審準則好多都係圍繞:只要唔帶麻煩畀人/只要唔會有好大陣味令人困擾就得,果然係標準日本人思想呀!選擇「飲品、糖果等小份量嘅小食就得」嘅大學生就話呢個程度嘅嘢食既不會影響人、食完都唔會話好污糟同好大陣味,所以冇乜問題喎。另外,有啲人就覺得只要係單手食到嘅嘢就ok,所以飯糰同三文治係合格嘅,始終真係好趕時間嘅人都要食嘢架嘛!   不過始終有啲人就接受唔到,話搭電車嘅時候唔想隔離嗰個係食緊嘢、同埋覺得喺電車食嘢好失禮喎!   總括而言,大部分嘅女學生就話只要有基本禮貌同常識,同埋最好唔好喺滿員電車上食嘢就得~大家去旅行嘅時候可以用呢個準
22
Dec 16
18:27
新聞

日本人「攞假率」全球最低!?

有假都唔敢攞唔敢放,唔知香港嘅打工仔會唔會理解呢種心情呢?   Expedia Japan於12月15日公佈世界28個國家嘅國際比較調查,發現日本嘅「攞有薪假期」比率係排最低。呢個咁sad嘅結果喺網絡上引起激烈討論。     根據調查顯示,原本2013年後,日本嘅「消耗有薪假期日數比率」排名有明顯上升傾向。但今年居然由60%突然下降到得番50%,令日本時隔3年再次成為最低分。之後就係韓國嘅53%同印度嘅71%等。   Expedia都有問日本人唔拎假嘅原因,第一位嘅理由係「人手不足」、之後就係「因為同事都冇得放」同埋第三位「因為冇錢」。     當然,呢個結果引起好多網民話好明顯就係因為日本多黑心企業長期榨乾自己嘅員工。不過另外都有人質疑其實唔敢拎有薪假係日本人嘅職場精神論影響!又話日本人比較捨私奉公、責任感強,同埋會擔心冇咗自己會帶咩麻煩俾公司,所以先會搞成咁。(上圖為「如果拎有薪假會覺得有罪惡感」嘅人嘅比率。)   小編有個日本朋友,如果週末出去玩甚至去短途旅行,畀同事知道咗嘅話會被人閒言閒語好耐,話佢成日好幸福可以去旅行去玩、而上司亦覺得佢淨係識得玩,仲叫佢檢點啲...某程度上都幾病態。大家真係要好好珍惜會俾你放leave嘅公司喇...(社畜心態/_\) 更詳細調查結果及資料來源
18
Feb 17
08:58
博客

體驗日式校園祭@早稻田祭!

走入日本頂尖學府體驗學生主導年度盛事
相信好多睇開日劇嘅朋友都唔會對「校園祭」感到陌生。「校園祭」感覺就好似我哋所講嘅學校開放日,等公眾可以去參觀一間學校,了解佢哋嘅校園生活。而學生們亦都會落手落腳整攤位、裝飾班房等等。 不過平時日劇或動漫就睇高中校園祭多,今次我哋就嚟到日本頂尖學府之一嘅早稻田大學校園祭,一齊睇下同我哋香港嘅大學Open Day有咩分別啦! 呢個早稻田祭係一年一度嘅盛事,每年都係11月頭左右舉行,為期三日。雖然係短短三日嘅活動,但好多學生係會提早成大半年開始準備㗎! 成個祭嘅活動有分幾種: 1)露天舞台活動(比較多舞蹈、啦啦隊、唱歌、甚至特攝舞台劇等表演) 2)課室展覽(多個大學生社群會於唔同課室或講廳進行展覽、展出平時社團活動成果等) 3)特色攤位(部分社團會係課室或室內擺設買賣攤位,比較特別的例如有足湯或陶瓷
04
Nov 16
08:45
博客

結果公佈!日本話題商品「2016年HIT商品Best30」排行榜

日經Trendy公佈咗今年喺日本做成社會現象嘅話題產品「2016年HIT商品Best30」排行榜,經過激烈嘅鬥爭,第一位果然係無論係日本定全世界都引起熱話嘅「Pokemon Go」!第二位先係喺日本票房突破150億日元嘅電影《你的名字。》。   日經Trendy嘅呢個排行榜自1987年創刊以來每年都成為焦點。選出嘅產品集中喺2015年10月至2016年9月推出嘅商品或服務,以銷量、創新性、影響力三點為重點由編輯部綜合選出。   一齊睇下有咩商品上榜:   1)玩家人數達1000萬人以上嘅Pokemon Go   2)無論係原作、電影主題曲、連電影入面嘅取景地都hit到爆,票房突破150億Yen嘅《你的名字。》   3)無臭味煙IQOS   4)Instagram   5)網購App Mercari   6)樂天乳酸菌朱古力
20
Feb 17
23:48
博客

[澀谷街訪]唔講內涵齋睇樣 第一屆Like Japan港產男女神選舉(下)

第一屆Like Japan港產男女神選舉終於強勢回歸啦~~~ 今次唔問美男美女,而係問大家最唔鍾意嘅港產男女神到底係邊個(講樣唔講心㗎)!   首先我諗大家都好緊張,想知道trailer入面被嫌棄「頭髮咁長好噁心」嘅本地薑係邊個w 我唔會話「相信大家都估到係達哥」咁衰嘅…我只可以話單憑一張木村二世達哥美照冇成功地孚虜到依位㗎妹嘅芳心咁解。 唔好唔開心啦,希望在明天吖嘛!   嗱,唔洗等到明天,希望馬上就送到啦~ 依個姐姐話原版同港版木村都好有型靚仔,仲係咁卡卡笑㖭!(笑咩啫笑到人地個心仔都亂埋啦) 不過如果真係要比嘅話…佢都係揀咗原裝正版嘅木村…泣   咁男仔們又唔鍾意邊個女明星先?係阿嬌(其實都係2票w)! 有人嫌佢太白,話佢「白得滯唔係我杯茶」,依位人兄就話覺得佢好惡咁話… 坦白講我日本男仔真係見到10個港9個佢地都會話覺得好強勢乜乜乜,真係唔小心啲都會搞到一地玻璃碎…啊,又或者係佢地會走佬(哭) 咁睇異性到底係睇邊到先? 最多人答嘅就係眼啦~啲咁標準嘅答案我諗都冇咩人想知,咁就講吓有咩其他意見啦~ 好似依位金髮美男(?)就係睇腳先! 咩都唔好講,望下面!
21
Oct 16
02:18
博客

喺日本便利店去廁所隨時犯法?

有時去到外地人生路不熟,急起上嚟都幾緊張,唔知邊度有廁所。喺日本嘅話,比起商場廁所,更多人會選擇去便利店廁所,因為梗有一間喺左近~搵便利店絕對方便快捷過你搵公廁。   不過,大家又知唔知其實唔係每間便利店嘅廁所都可以隨便用呢?原來便利店嘅廁所使用權限係有分以下幾種:   「ご自由にお使いください」請自由使用 「スタッフに一声おかけください」請先請示店員再使用 「トイレの無断使用禁止」禁止使用本店廁所 「当店にトイレはありません / お貸しできません」本店沒有廁所 → 其實即係有,但只係畀員工使用   如果
26
Oct 16
23:58
博客

坐交通工具化妝都叫無公德心?

近日東京嘅東京急行電鐵出左個叫人保持公德心嘅廣告~   第一個廣告係叫人唔好歩行時使用智能電話,車長個人認為就算無智能電話,以前I-mode年代都係歩行時使用電話㗎啦! 其實第一個廣告無咩大問題。   問題喺第2個廣告: YouTube:   「都会の女はみんなキレイだ。でも時々、みっともない」 呢句標語指喺大都會中每個女性都好靚,但有時令人無眼睇。 其實個廣告就係叫人唔好喺電車上面化粧。   網絡上就出現左大量支持同反對嘅聲音。 反對嘅聲音指: 「喺電車上面化妝有邊忽係無公德心?」「個廣告喺對女性嘅打壓」 仲指男性喺車上面飲酒、強烈體臭、發酒瘋、騒音、痴漢...等