日本廣告
10
Jun 16
19:04
新聞

【型男飲食】小栗旬最新食品廣告

又到午飯時間,諗唔到食咩好?不如等小栗旬教你如何自製新鮮章魚飯啦。     認真嘅男人係最有型㗎     就算係度呆等都係咁型 (我忍唔住係咁望佢嘅腳指)     「好香呀~~~」     你睇下佢食得幾滋味。     不過計我話,味道都唔係重點,最緊要係有小栗旬煮俾我食,餵埋我食就更好啦 (花痴Mode全開)  
27
Dec 16
05:57
新聞

Softbank為SMAP最後一夜拍攝特別廣告

大家都知道今晚係《SMAP×SMAP》最後一集。已經有唔少感動人、喚起回憶嘅畫面播出喇。除此之外,Softbank仲特別為佢地今晚拍咗個廣告,令唔少粉絲高呼:「實在太有心,太令人感動喇!」             SMAP自2009年起就擔當Softbank嘅代言人。雖然最近冇乜佢哋5個幾廣告,但今晚就播出咗以佢哋嘅「Original Smile」為BGM、集合佢哋過往廣告精選畫面嘅「完全新作」廣告!     廣告入面,片段中夾雜著「曾經發生過呢啲、同呢啲,各種各樣嘅事,直到今時今日,真係非常之,感謝。」嘅對白。成1分鐘長嘅廣告入面最後係Softbank代言狗「白戶爸爸」稍微傷感嘅表情咁講「唔係再見...啊嘛」...嗚嗚  
01
Oct 16
02:47
博客

石原聰美化身文青女神帶你秋遊王子站

日本「國寶級」可愛教主石原聰美身為東京地鐵代言人,每季都會拍廣告「Find my Tokyo」介紹特別嘅東京景點!今次秋天版廣告石原就化身文青女神,帶大家遊走位於東京北區、南北線嘅王子站!今次嘅景點主題係「社會見學」,即係介紹唔同可以親自體驗嘅景點!   到底「王子站」有咩咁特別,係一個點樣嘅地方?原來呢度係日本洋紙嘅發揚地、亦都係日本造紙業長年發展嘅基地。   1)お札と切手の博物館(紙幣與郵票博物館) 紙幣暨郵票博物館主要介紹紙幣同郵票嘅歷史,同埋防偽技術等知識嘅博物館。1樓展覽室以製作者獨到嘅觀點介紹防偽技術歷史;2樓展覽室則展示了歷代紙幣同郵票,並介紹因社會背景變化同技術進步帶來嘅設計變遷等。另外,在此亦展示著世界各國珍奇紙幣同郵票。   地址:東京都北区王子1-6-1 開放時間:9:30 -17:00 (逢星期一休館) 入場費:免費 交通: 於JR京濱東北線王子站下車步行5分鐘(中央口) 於東京Metro地鐵南北線王子站下車步行5分鐘(1號出口) 於都電荒川線王子站前下車步行5分鐘   2)紙の博物館 建於1950年,呢間博物館位於飛鳥山公園內,亦係石原女神親自整和風post card嘅地方!
12
Apr 17
20:15
博客

完美捕捉新垣結衣最美一面 歷代雪肌精CM系列

新垣結衣身為最炙手可熱嘅日本女藝人,年中都拍唔少廣告。不過睇結衣BB咁多廣告,真心覺得雪肌精嘅廣告拍得佢最靚,最自然!佢由2012年開始已經係雪肌精嘅代言人,每次拍廣告都係大天使級嘅可愛同清新!今日同大家重溫番佢歷年來一啲最精彩嘅雪肌精CM等大家慢慢回味啦~~(睇見都覺得治癒呀~~) 2017年最新廣告(4月)女神哼歌篇 2017年1月 可愛許願篇 2016年9月 女神與貓篇 2016年5月 白色CC Cream篇 2016年6月 女神洗臉篇 2015年6月 雪肌精30週年:女神素顏篇 2015年4月 女神曬太陽篇 2014年3月 女神超可愛等人防曬篇 2013年 同超多表情女神一齊漫步公園篇
11
May 16
19:05
新聞

【十級滾動!】Pokémon新廣告出爐 勵志之餘仲玩hehe!

萬眾期待!精靈寶...唉都係叫返人做Pokémon啦,新廣告出爐喇!死啦點解我已經眼濕濕嘅  唔識日文唔緊要,只要你個人有heart嘅話我相信你都會覺得感動架!(如果你係Pokémon粉絲嘅話,記得拎定紙巾) 睇埋樓下我簡單地做左個詳細嘅分析,包你睇得明。   Pokémon最新作Pokémon Sun同Pokémon Moon公佈咗會喺今年11月18日公開發售,而今次故事發生嘅地方就係以夏威夷為原型,講一班少男少女同Pokémon一齊成長嘅故事!   為咗貼題,Pokémon嘅宣傳片做得一啲都唔馬虎,仲要搞喊咗唔少粉絲!喺呢條公式第一彈兩分幾鐘嘅廣告入面就出現咗男主角,一位從日本移居夏威夷嘅可愛正太Shohei。先不論Shohei個面豬登真係好可愛,只係見到佢咁細個係異地雞腸都唔識多句,朋友都識唔多個,個種孤獨,簡直我見猶憐!!  
10
Mar 17
02:38
新聞

長澤雅美超型運動廣告曝光 運動世家背景功不可沒?!

世界知名嘅運動品牌UNDER ARMOUR邀請咗女神級嘅日本女演員長澤雅美擔任最新代言人,仲拍咗條廣告片,裡面充分展現長澤嘅「堅強美麗(Strong and Beautiful)」嘅一面! 據說UNDER ARMOUR想帶出「通過做運動可以令女性更充實」,而廣告入面長澤完美地做到呢個效果。正所謂女神不是一日練成的,見到廣告入面雖然影住佢好似平時咁甜美嘅鏡頭,但其實鏡頭背後佢係付出好多汗水同努力地做各種運動。 要擁有好身材並唔係必然~長澤平時都中意做gym去keep fit。另外,佢爸爸長澤和明係日本J1足球隊磐田喜悅嘅初代監督,相信品牌都係睇中佢同運動嘅淵源所以搵佢擔任代言人! 最後長澤希望可以打破日本人嘅古舊思想,令佢哋明白「即使係令自己失去信心嘅身材都可以靠運動去改變,唔好用因為自己係日本人呢個藉口就去逃避,要珍惜同重視跟住自己一世嘅身體。」 多謝呀女神,我而家充滿動力減肥喇! 資料來源:Sankei News 
28
Feb 17
22:21
新聞

比卡超最新日本廣告搵嚟牙買加閃電飛人保特!

Pokémon Sun同Pokémon Moon出咗都一段時間,但佢喺日本嘅廣告就一個比一個有噱頭!繼上次搵嚟有「靈長類最強」之稱嘅女子摔跤奧運金牌選手吉田沙保里同美國紐約洋基棒球選手田中將大合作之後,今次居然畀佢搵埋金牌男飛人、有「牙買加閃電」之前嘅保特一齊拍廣告! 保特化身阿羅拉地區嘅惡霸分派「骷髏團」嘅成員,頭頂仲戴埋標誌性嘅骷髏帽,雖然好有霸氣但又好QQ(反差萌!?) 過去廣告精選: 睇到無玩開嘅小編都忍唔住有少少想買黎玩啊XD 資料來源:Pokemon 官方Youtube
15
Dec 16
10:15
新聞

2016年度日本廣告好感度排行榜結果出爐!

就日本廣告進行研究嘅CM綜合研究所發表咗2016年度CM好感度排行榜嘅結果喇!人氣No.1嘅果然係KDDI/au嘅「三太郎」系列,連續兩年稱霸,而Softbank嘅白戶家系列則連續兩年成為No.2~第3位係從舊年第9位一升而上嘅NTT DOCOMO系列,4位就係Softbank嘅Y Mobile系列。今次頭四位都係日本嘅電話公司,真係鬥到你死我活呀!   千祈唔好睇少au三太郎系列,已經拍咗起碼56條廣告片,而且連續23個月成為「月間CM好感度」No.1添呀!梗係啦,除咗有松田翔太、桐谷健太同濱田岳分別飾演主角桃太郎、浦島太郎、金太郎外,仲搵嚟最紅嘅男女演員加入,例如飾演輝夜姬嘅有村架純、月姬嘅菜菜緒、仲有飾演鬼嘅菅田將暉,全部都係超有人氣同個性嘅演員,而且幾乎每個月都有新廣告,超正!   第二位Softbank嘅白戶家系列其實踏入第十個週年啦!以前一直扮演白戶爸嘅北海道大白狗「小海」兩年前退休,而家其實係三歲囝囝「海斗」接力飾演白戶家爸爸,今年仲加入好多最新人氣藝人,例如佐藤健同三代目J Soul Brothers嘅岩田剛典,不過以嶄新同人氣度都未能勝過au呢~   一齊睇埋其他上榜廣告啦!   第一位:KDDI/au 三太郎系列
06
Jan 17
19:40
博客

女神石原聰美變身名偵探帶你遊中野!

自從石原做咗東京地鐵嘅代言人之後都拍咗一系列好正嘅Find My Tokyo廣告帶大家坐地鐵探索東京啦(之前都有介紹過王子站之遊)!今日東京地鐵又公佈咗最新嘅廣告,就係由女神化身名偵探帶大家遊中野呀!     今次係Find My Tokyo系列第四彈廣告,主題係「中野 Entertainment Jungle(娛樂森林)」。石原化身名偵探look同安田聖愛一齊行中野百老匯商店街同埋中野站南口嘅煉瓦坂(レンガ坂)。今次嘅廣告歌繼續由小林武史製作,不過今次就唔係back number而係同樂隊KANA-BOON合作。   當中石原喺廣告食嘅8層高雪糕店喺中野百老匯名物嚟,490yen就可以食到8款味道嘅雪糕!包括有雲呢拿、朱古力、士多啤梨、牛奶咖啡、黑芝麻、甜蕃薯、抹茶同波子汽水,見到都想食呀!  
28
Mar 17
20:24
新聞

為宣傳《逃恥》去到幾盡 四大報齊登全頁抱抱照宣傳DVD

#星期二是抱抱日
不得了!人氣高日劇出手就係唔同啲。話說聽日起日本會開始推出新垣結衣同星野源主演嘅超人氣日劇《逃避雖可恥但有用》嘅DVD,而今日日本四大報紙一齊刊登全頁廣告,仲要全部唔同Design,認真巴閉! 有睇開嘅都知戲中飾演合約夫婦嘅結衣BB同星野源定咗每個禮拜二為「抱抱日」,今次4幅廣告都係以抱抱為主題!好有愛呀~~~ 四大報分別為:每日新聞、讀賣新聞、朝日新聞、日經 每日新聞: 讀賣新聞: 朝日新聞: 日經: 官方IG仲要出咗新圖,而一眾hashtag嘅最後兩個hashtag係「春假一口氣連續睇」同埋「然後」,個「然後」之後就冇打字喇,令一眾觀眾粉絲想入非非,唔知係咪會有續~~~篇~~~(冇續集都一定有SP啦下話)