日本女偶像
25
Aug 17
01:15
新聞

橋本環奈 最新雜誌美圖 初試輕性感路線

橋本環奈BB最近真係忙過不停!除了最新電影《銀魂》獲得好評、叫好叫座之外,正在播放中的日劇《警視廳生物系》拍攝工作亦如火如荼進行中!接下來仲有另外一套真人版電影《齊木楠雄的災難》準備上映,所以呢期無論係邊個媒體都容易見到橋本環奈的蹤影! (電影《齊木楠雄的災難》角色照橋心美造型) 最近橋本環奈就分別上了《少年Magazine》及《週刊Playboy》影了稍微性感的寫真,即刻同大家分享下! 係咪唔夠喉呢?買雜誌的話會有更多美圖喔! 或者可以follow埋環奈BB的IG(傳送門)/Twitter(傳送門),最近有好多著住警察戲服同小動物玩的合照呢! 資料來源:Model Press
17
Jul 17
22:08
新聞

【女神幻滅?】網民大嘆千年美女橋本環奈開始劣化

美女大家可能見過不少,但被譽為千年一遇的美少女你又見過嗎?日本就有一位被網友公認為張著一副天使臉的女神—橋本環奈。四年前,年幼的橋本環奈於福岡市進行表演被拍下「奇跡的一枚」,隨即在網上引起一股熱潮。 奇跡的一枚 香港朋友對橋本環奈應該亦不陌生,只不過她在香港大多被稱為唯唯   自從奇跡的一枚的出現,橋本環奈的知名度亦直線上升,受到各方採訪,打開了她的演藝事業,近年更加參與不少如《水手服與機關槍》和《齊木楠雄的災難》等漫畫改編的電影拍攝工作。不過講到她最近最為注目的演出,相信都是《銀魂》中神樂的一役。   有看過銀魂動畫的朋友應該都知道「銀魂的詛咒」—凡是出演過銀魂的聲演,其形象亦很大機會崩壞,你問問阪口大助或是小林優就最清楚不過了。似乎這個詛咒亦沖漸漸應現在劇組的演員身上。   大家最期待的畫面
08
Jun 17
20:27
博客

第五屆日本女偶像「齋睇樣」總選拳結果出爐!

日本電台節目「レコメン!」每年喺AKB48總選時期都會舉辦「女IDOL齋睇樣總選拳」,由電台聽眾公開投票揀佢哋覺得最靚嘅女偶像。今年已經係連續第5年舉辦,而第一位由乃木坂46嘅白石麻衣奪得!即刻睇下結果:   第5回 女性アイドル顔だけ総選挙 結果   1位:白石麻衣(乃木坂46) 2位:松井珠理奈(SKE48) 3位:佐々木琴子(乃木坂46) 4位:山本彩(NMB48) 5位:横山由依(AKB48)
07
Jun 17
19:29
博客

重溫日本偶像夏日單曲:NMB48

上次同大家重溫完AKB48嘅夏季單曲(傳送門:按此),今日就輪到來自關西大阪嘅NMB48喇!個人嚟講覺得NMB48嘅夏季單曲一樣咁catchy同有睇頭~由2012年「ナギイチ」到上年有迷路姬之稱嘅渡邊美優紀畢業單曲「僕はいない」,唔知各位歌迷最中意邊首呢? (都係個句,本欄目只介紹重點單曲,不會介紹各Team的另外收錄的曲目或劇場曲,請見諒。) 1)2012年5月9日推出第4首單曲:《海邊之最》 Center:山本彩 累積銷量:449,098 2)2013年6月19日推出第7首單曲:《我們的發現》 Center:山本彩 累積銷量:558,892 3)2014年6月21日推出下載限定單曲:《伊維薩女孩》 Center:山本彩   4)2015年7月15日推出第21首單曲:《榴槤少年》 Center:須藤凜
30
Mar 17
02:47
新聞

AKB48女神小嶋陽菜畢業前襲港 4月10日於九展舉辦握手Fans Meeting!

機會嚟啦飛雲!AKB48神7成員小嶋陽菜畢業前將會再嚟香港,今次仲要同香港粉絲慶祝生日! 今次將會於4月10日喺香港九龍灣國際展貿中心首次舉辦香港粉絲握手見面會,全企位兼包握手呀!娘娘畢業後真係未必有咁嘅機會,所以各位鍾意娘娘嘅朋友千祈唔好錯過喇! 今次Fans Meeting,除咗包握手等粉絲可以同娘娘有近距離接觸嘅機會之外,娘娘仲會唱歌,而大會現場更加特設紀念品販賣專區供持票人士選購。而4月19日就係娘娘生日正日,粉絲們一定要把握機會為娘娘慶祝生日啦~不過暫時未知現場會否加插預祝生日特備環節,想參加今次活動嘅朋友記得去城市售票網或親臨通利琴行購買門票啦! 小嶋陽菜香港粉絲握手見面會 日期:2017 年 4 月 10 日 時間:晚上 7 時開始 地點:九龍灣國際展貿中心 E-Max 票價:HKD 980 如欲查詢有關以上活動詳情,請聯絡: KING Enterprises (International) Limited 唔知娘娘會唔會帶埋感謝祭套靚裙呢?
28
Feb 17
20:38
新聞

電音天團Perfume首次主演日劇 「喺我哋一生嘅寶物!」

人氣電音組合Perfume唱歌跳舞犀利就大家都知,估唔到嚟緊3月尾4月頭佢哋將會演出日劇,仲飾演三個由細識到大嘅好朋友。編劇為知名日劇《野豬大改造》嘅劇本家木皿泉擔當,套劇嘅名就叫《三色堇》(パンセ),將會預3月31日及4月1日連續兩晚於東京電視台播出。 劇情圍繞飾演OL嘅あ~ちゃん(西脇綾香)、幫屋企工作嘅かしゆか(樫野有香)、及冇固定工作嘅のっち(大本彩乃)三位女生因小學返屋企路線一樣所以自細成為好朋友。佢哋愛追求非現實嘅嘢,夢想可以一齊買間洋樓一齊住~咁啱俾佢哋搵到超級筍盤,點知入住呢間洋房原來有個條件,就係要照顧「力丸」。當三人以為力丸係一隻狗,爽快答應後搬入新居當天先發現力丸竟然係一個足不出戶嘅中年男人!到底呢件事會令三人關係產生乜嘢變化呢? 睇完個故事大鋼淨係好好奇到底會由邊個出現呢個中年男子呀~應該唔會又係呀源哥掛XD あ~ちゃん就話:「我哋Perfume17年嚟淨係唱歌,所以東京電視台搵我哋拍劇我哋真係覺得佢哋好奇怪啊(笑)。不過劇本實在太有趣同不可思議,而且仲睇得出人物設定都係為我哋而設,相信會令人產生「如果我哋唔係Perfume嘅話...」嘅諗法!」 ▲Perfume為今季人氣日劇《東京白日夢女》唱主題曲「Tokyo Girl」,而あ~ちゃん更加為劇中小精靈配音,淨係聽聲都聽得出其實あ~ちゃん幾有演戲天份啊~ かしゆか亦表示首次主演連續劇真係好
07
Jan 17
11:50
博客

(多圖)乃木坂46白石麻衣新寫真集挑戰組合性感底線

日本人氣女團乃木坂46嘅白石麻衣嚟緊2月7日就會推出佢第二本寫真集,尋日終於公開咗本寫真集嘅名係「Passport」喇!出版社仲公開咗佢露肩嘅封面,而秋元康仲提筆大讚一路睇呢本寫真集就知道白石麻衣已經係「邊度都去到」、即係做咩都得,冇嘢難到佢添! 今次係白石第一次挑戰影內衣相,挑戰大膽嘅白色性感內衣,更加係打破咗走清純路線嘅乃木坂46嘅性感底線!   白石自己就話今年除咗同組合嘅活動之外,都想挑戰好多唔同嘅嘢,而佢希望呢本寫真集可以擴闊佢自己同乃木坂46嘅可能性。今次仲特登去咗海外拍攝,希望粉絲睇完本寫真集都會感受到好似跟住女神去旅行咁啦!
27
Nov 16
19:15
新聞

前早安少女組成員 道重沙由美宣布復出!

前早安少女組成員嘅道重沙由美自從畢業時宣佈無限期退出娛樂圈就冇再公開露面過。但啱啱11月26日佢就喺自己嘅部落格就發表咗復出聲明,表示會「從一開始」由出年春天開始重新展開時隔兩年半嘅藝能活動!充咗咁耐電嘅Sayu仲話今後會務求表現出同以前演唱會唔同嘅一種新感覺表演俾各位粉絲添!     道重係歷代成員中在籍時期最長(4329日、約11年10個月),亦係第8代M娘嘅leader。由13歲開始加入,於2014年11月26月從隊中畢業。佢由上個月至今個月25日分別10次更新兩年冇更新過嘅blog,將每篇blog嘅題目第一個字連埋嘅話就係「みちしげさゆみさいせ(道重沙由美再生)」所以其實好多粉絲都已經猜測緊佢係咪復出架喇!     資料來源:道重沙由美BLOG    
22
Nov 16
01:47
新聞

橋本環奈戴可愛貓耳微性感新靚相曝光

橋本環奈戴可愛貓耳及新雜誌封面靚相曝光!     今期日本少年漫畫雜誌《週刊Young Magazine》搵嚟千年一遇嘅天使級偶像影封面及內頁寫真,其中一部分嘅相片已經正式曝光!見到環奈BB以貓耳造型配上毛茸茸家居服,臉上神情relax得嚟又帶點可愛,真係好治癒呀~     資料:Oricon、《週刊Young Magazine》
14
Nov 16
21:38
新聞

山本彩初登女性雜誌封面 露健康性感腹肌

喺香港都有大量粉絲嘅彩姐山本彩(NMB48)喺Twitter公佈咗佢會登上下期anan嘅封面。今次係佢出道以嚟第一次登上女性雜誌封面,仲大sell健康性感,露出彩姐出名嘅性感腹肌㖭!     今期anan繼續介紹點樣活化腸內健康改善體質同達到美顏功效。過往anan都搵開有村架純、梨花、小嶋陽菜等係女性讀者中人氣較高嘅女藝人。今次編輯部想揀喺偶像界可以堪稱健康美第一嘅人做封面,結果就揀咗彩姐喇!   今期anan會係11月16日開始販賣,各位粉絲唔好錯過~   Source:Oricon