日本升學
26
Oct 17
02:13
博客

一眼睇曬!去日本讀大學方法!

睇完影片想知多啲!?即刻去個優惠劵的申請頁面啦! https://www.likejapan.com/jpuecampaign2   鐘意日本文化嘅你有冇幻想過自己都可以喺日本的大學讀書呢?近年,赴日留學人數上升,除咗因為赴日留學費用只係歐美國家學費嘅四分一之外,呢度畢業後嘅留學生就業率都係發達國家中比較高㖭! 其實去日本大學留學一啲都唔難,今日就等我地同大家簡介下4種最常用嘅赴日升學方法啦! 方法一:報考日本留學試驗 EJU考試 海外留學最普遍嘅方法,就係高中畢業後去日本當地嘅語言學校留學,用大約1.5至2年時間去學日文,之後再考日本留學試驗(EJU)。合格後再報考心儀大學,成功就可以辦理留學簽證成功留學。雖然呢個方法係最傳統,但就最花金錢同時間。因為讀語言學校嘅花費都唔少,仲有額外嘅衣食住行支出,不過仍然係大部份人心目中最穩陣嘅方法。   方法二:報考香港EJU考試 第二個方法同第一個方法差唔多,只係學日文以及考EJU嘅程序都留返喺自己國家或城市,成功之後先赴日報考心儀大學。呢個方法花費金錢較少,但時間最長。因為喺香港學日文嘅進度一定比唔上喺日本學,所以要花更多時間去進修日文以提升到足夠留學嘅水平。   方法三:報考日本大學嘅英文課程
16
Nov 16
00:28
新聞

東大為吸引女學生 提供每月3萬Yen資助

東京大學尋日發表聲明指,將會向下年春天入學、背井離鄉嚟東京讀書嘅女學生提供每月3萬yen嘅補助費。東大表示該校女學生嘅比率得番整體嘅20%,所以想用呢招去吸引更多女學生報考該校。   今次呢個「優惠」嘅對象係就由住所起去到駒場校園(東京目黑區)需要花90分鐘以上時間嘅女學生。學生需要入學後入住大學宿舍,而補助費將會提供最長兩年。   大學今次就講到明話希望增加女大學生比率,不過都預料會有好多人話唔公平架喇。有網民仲睇得好開咁笑稱「係咁架啦」,因為一個東大畢業嘅美女自殺而令到無論幾千個男性自殺都無動於衷嘅政府開始行動(講緊電通因年輕女性員工自殺而涉違反日本勞動法例一案),可見東京大學嘅女仔幾咁有價值啦!亦有網民話接受唔到大學咁高調地去進行性別歧視。大家又點睇呢?   資料來源:Huffington Post、Twitter