日本動漫
29
Sep 16
23:20
新聞

動畫迷危機?居日中國字幕組成員涉侵權被捕

京都府警察昨日(28日)以涉嫌侵犯版權於東京及橫濱逮捕兩名中國籍男子。兩名男子分別為日本上班族及留學生,均屬於中國字幕組成員(以非牟利形式即時翻譯日本動畫加上字幕並在沒有得到版權情況下即時發佈到網絡)。   上班族男士涉嫌於7月31日加上字幕後上載《阿爾斯蘭戰記 風塵亂舞》第五集、侵犯動畫製作公司版權。該男子聲稱係受到中國朋友嘅拜託先會製作字幕。另外,留學生亦涉嫌於8月18日同樣於網上發布多套動畫,佢亦承認自己係字幕組「澄空學園」成員。警方從IP位址確認兩人位置再進行今次逮捕行動。   ▲「澄空學園」曾翻譯多套動漫作品,屬國內著名字幕組。   相信好多動漫愛好者都係睇網上字幕組發佈嘅有字幕動畫甚至日劇。今次嘅逮捕行動相信為字幕組界別造成影響。不過其實就算係大陸網站,好多大型網站都已經開始正式購買動畫版權再加上字幕播放。相信日本會繼續嚴格加緊執法維護動畫版權。
16
Feb 17
19:32
博客

Pokémon GO 推大規模更新 加入80種以上新精靈!

想當年(其實都係舊年)Pokémon GO造成全球哄動,每個國家都出現群情洶湧一齊出去捉精靈嘅現象。不過到今時今日,唔知仲有幾多個長情玩家仲有玩呢?機會係留畀未del app的人!因為Pokémon GO官方營運已經公佈咗今個周末將會推出大規模更新! 1)追加80種以上全新精靈:新登場嘅80種精靈都係新發售遊戲「Pokémon Sun/Moon」系列嘅新精靈,都係喺遊戲入面嘅舞台「ジョウト地方」度出現嘅新精靈!另外而家可以辨明包括至今登場咗嘅精靈嘅性別,有啲唔同性別嘅同種類精靈有唔同嘅外表,大家可以搵搵! 2)新進化系統:現今已經喺Pokémon GO登場嘅精靈發現可以進化嘅精靈!進化需要一啲特別嘅道具,而呢啲道具可以從PokéStop入手~ 3)捉精靈系統有新變化:更新一部分精靈被捉時將會出現新嘅小動作,所以大家要更加專心去拋出精靈球!亦都追加咗新button係畫面上,可以直接將精靈球換成拋berry。 4)追加兩款新Berry:追加咗兩種精靈們最愛嘅berry,同樣可以從PokéStop入手。「ナナのみ」會令精靈嘅動作變遲鈍令佢哋更容易被收復。「パイルのみ」
02
Mar 17
23:42
博客

【回到原點】《寵物小精靈》20週年劇場版有洋蔥!重述小智比卡超初遇故事

自1997年4月起播出以嚟受到世界各地粉絲熱愛嘅動畫《寵物小精靈》又推出最新劇場版作品啦!今次呢套「劇場版ポケットモンスター キミにきめた!」講述主角小智同比卡超最初相遇嘅情形。唔好睇佢哋而家簡直好似天生一對咁非常合拍,原來一開始比卡超對小智嘅態度係非常之唔合作㗎!另外,今次劇場版仲有傳說中嘅「鳳凰」出場,佢亦係動畫版第一集有登場過嘅傳說級Pokémon嚟架! ▲預告片一開始以大木博士嘅聲音講一句:「嗰隻剩低嘅Pokémon呢就有少少問題嘅...」作為開始。 ▲「你知道嗎?」 ▲小智話:「比卡超,你要入嚟呢度呀!」 ▲但比卡超好唔合作,仲用條尾一嘢揈開個精靈球,仲打到小智塊面XD ▲小智:「點解你唔肯入嚟喎~~」 講真,小編唔係比卡超fans,而家先知道原來比卡超有咁傲嬌嘅一面。 鏡頭一轉,小智準備示範溝女...啊唔係,係收後宮 oh I mean 收精靈秘笈。 ▲見到因為比
26
Mar 17
11:01
新聞

東寶推史上首套《哥斯拉》動畫電影 超豪華聲優班底助陣

東寶宣布將製《哥斯拉》史上首套動畫電影《GODZILLA -怪獣惑星-》並於2017年11月上映。電影故事背景為成為了怪獸惑星嘅2萬年後嘅地球。電影將有豪華聲優陣助陣,包括梶裕貴、櫻井孝宏、杉田智和、諏訪部順一、花澤香菜、宮野真守等超人氣聲優。 導演監督則為《名偵探柯南》系列監督静野孔文及《亜人》系列嘅瀬下寛之;故事及劇本則由曾執筆《魔法少女小圓》、又「老虛」之稱嘅虛淵玄著手,全部都係日本動漫界嘅實力派製作人! 《哥斯拉》電影系列自1954年以來一直受到粉絲愛戴,而舊年庵野秀明執導嘅《真·哥斯拉》更加創下82.5億票房!雖然未咁快拍到下一套電影,但東寶就梗係食住條水,於是製作動畫版! 今次背景為未來世界。即使過咗2萬年,人類仲係同緊哥斯拉打緊呀!故事初步講述人類同怪獸打咗大半世紀後終於敗走並從地球逃脫,一部分嘅人類乘坐恒星間移民船前往11.9光年外嘅恆星,但用咗20年到達目的地後先發現嗰度根本唔適合人類居住。其中船上嘅主角HARUO就係喺4歲親眼目擊雙親被哥斯拉慘殺,20年來只係諗住要返地球為雙親報仇。 有日本影迷就話哥斯拉就係因為係特攝電影先好睇,所以對動漫電影嘅期待唔大,亦希望東寶見好就收。不過亦都有好多支持聲音話因為幕後卡司強大,所以期待動畫版會做
10
Sep 16
01:34
博客

日本人票選 歷代動漫最強型男美女角色排行榜

相信每一個有睇動漫嘅人心入面都會有一個鍾意嘅男女神角色。早前日本Oricon搞咗個選舉,就係俾日本網民齊齊選出史上最強嘅型男美女動漫角色。想知呢1000個由10歲至50歲嘅日本男女一齊投票得出咩結果?我哋一齊睇下:   男角色篇:   1)魯邦三世《魯邦三世》 2)流川楓 《男兒當入樽》 3)風早翔太 《好想告訴你》 4)馬沙·亞斯洛布 《高達系列》 5)孫悟空 《龍珠》
26
Mar 17
11:31
新聞

《幽☆遊☆白書》動畫化25週年計劃始動!首彈推池袋主題Cafe

冨樫義博嘅大熱作品「幽☆遊☆白書」電視動畫化25週年計劃始動,仲設立埋官方網站,第一彈將會係於池袋設「幽☆遊☆白書」Cafe同喺指定TSUTAYA售賣新設計商品! 「幽☆遊☆白書」於1990年至1994年於週刊少年JUMP連載,而電視動畫版亦於1992年至1995年放送咗總共112集,想當年TVB都有得睇㗎!官方網站同而家喺東京舉行緊嘅「AnimeJapan 2017」都公開咗幽助、桑原、蔵馬同飛影嘅著住西裝嘅新角色圖,真係一股回憶即刻返晒嚟! 「幽☆遊☆白書」Cafe(menu及其他詳情有待公佈) 日期:2017年4月28日~2017年7月2日 地址:Anime Plaza 池袋店 (〒170-0013 東京都 豊島区 東池袋 1丁目22番12号 4階) 電話: 03-5985-9051 營業時間:10:00~22:30 TSUTAYA聯乘計劃 4月26日起於SHIBUYA TSUTAYA / TSUTAYA EBISUBASHI / TSUTAYA 天神駅前福岡ビル店 開始發售新商品 至少「幽☆遊☆白書」都叫做有個結局。唔知老師幾時腰痛完肯完成獵人故仔呢T_T 資料來源以及詳情請參照:http://pierrot.jp/yuhaku25/http://top.tsite.jp/news/comic/campaign/34725776/
21
Nov 16
10:02
博客

日網民選出 最令人「淚腺崩壞」動漫作品

大家睇動漫嘅時候會唔會喊?日本網站Goo Ranking早前叫500位20-30歲嘅男女性網民投票選出最令佢哋「涙腺崩壊」嘅動漫作品。小編表示以下頭10名的確有8套都有令我爆喊,有幾套幾乎係集集喊添T_T。   為大家送上頭10名結果:   10)《Code Geass 反叛的魯路修》 8)《男兒當入樽》 8)《四月是你的謊言》 7)《夏目友人帳》(幾乎每集都會喊然後被治癒到) 6)《花開物語》 5)《穿越時空的少女》