日本人
13
May 17
02:52
博客

日本的異國飲食文化 ,和洋合璧表表者「Taco Rice」!

沖繩係一個有趣地方,因為歷史嘅原因,令沖繩嘅飲食融合咗日本和美國的飲食文化!其中一種飲食文化融合嘅料理表表者就係「墨西哥Taco Riceタコライス」! 本來係墨西哥薄餅嘅Tacos去到沖繩之後,日本人就將薄餅嘅秘製醬汁、肉醬、芝士、生菜、蕃茄加到飯上面(可能因為日本人都係唔食飯唔夠飽掛?),好似丼飯咁,再加啲墨西哥辣椒造嘅辣醬,咁就創左Taco Rice「タコライス」呢樣沖繩美食啦! 沖繩有好多店都有賣Taco Rice,不過講真係好好食嘅,個人口味都係覺得「元祖King Tacos」係最正!King Tacos開業於1984年,承繼咗Taco Rice創辦人儀保先生嘅食譜,保證大家係食到最原汁原味既Taco Rice。   元祖King Tacos 門口大大隻字寫住King Tacos,一定唔會睇唔到!   當然唔少得最最最原始既墨西哥Tacos 啦~   30年老字號,名不虛傳,更有新聞報導「造出746KG的墨西哥Taco Riceタコライス的世界紀錄」   4大必食原因! 1. King Tacos 嘅價錢真係20年不變! 一碟Taco Rice20年嚟都係¥600,真係好抵食!
09
Jul 17
21:07
博客

【日本街訪】比個窿我!日本人 人生 最尷尬 一刻係…

日本人無私分享人生最尷尬一刻!!!雖然好慘但係真係好好笑wwww   畀阿媽發現咸書 明明都已經收埋喺床下底,點解阿媽仲要拎出嚟問依本係咩啊!!!!   搭車個陣打喊路,點知連胃氣都「呃」埋出嚟 嗯…希望你陣胃氣係芳香嘅清新空氣啦…唔係真係好尷尬啊!   喺塞滿人嘅車箱放屁,仲要係臭嘅! 依個時候小編一定死口唔認!!!!   喺電梯到唱歌,點知一開門比人見到…   認錯人 「一路係到問女朋友邊樣靚啊?點知一睇原來係另一個人…」 好似細個拖住個陌生師奶以為係阿媽咁…   叫錯老師做阿媽 多數老師都會好嬲咁話生唔出你咁大個囡啊!
31
Mar 17
00:30
博客

[日本街訪]一講起香港,日本人會諗起咩?

一直都覺得香港人單戀緊日本(號泣)點解?    好多香港人日文發音仲純正過廣東話;日本有咩好嘢食、好嘢玩,分分鐘仲熟過香港。 但係轉返轉頭,一講起香港,日本人會諗起咩嘢呢?睇吓佢地點答啦~   「唔知啊~~~~」(分かりません) 其實我都估到㗎啦TT 日本人識鬼你香港咩! 次次話自己係香港人佢地唔係以為我係大陸人就係台灣人… 叫我教佢地講普通話… 今次訪問都有好多人話講起香港個腦係一片空白,好抱歉咁話(泣)   台灣(台湾) 日本人真係分唔到台灣同香港… 同我地覺得中東國家啊、北歐國家啊,到到都好似差唔多咁嘅感覺一樣~ 最搞笑係佢地因為答唔出嘅關係,即刻上網查,笑死~~~   美食(美味しいものが沢山ありそう)
25
Jun 17
04:58
博客

【日本街訪】那些年日本人 最不能理解的 中學 校規

那些年,相信大家都遇過好多理解唔到嘅校規~~ 聽講日本校規好鬆,啲學生化晒妝咁返學,到底係咪真㗎呢? 日本人覺得最理解唔到嘅校規又係咩呢?睇吓大家點講先~ 「校裙要掂到膝頭,不過我偷偷改短咗條裙~」   「唔准化妝,不過間唔中都會偷偷化www」   「頭髮只可以係黑色,染過一次比老師捉過,結果要染返黑…」   「一早返到學校就要比人沒收電話…」   「飲咗人地水樽入面嘅水就要被退學!」   「點解要著校服!夏天好熱啊!」   讀書嗰陣真係覺得校靚好無謂,唔守校規又冇比人捉到就覺得自己好威威ww 嗯…其實依個諗法到而家都冇變過xDDDDD
02
Jun 17
18:49
博客

【日本街訪】外國遊客最令日本人驚訝嘅行為,你有冇做過先!!!

有時喺香港見到啲外國遊客嘅行為,真係眼都凸埋! 不過掉返轉頭,有時日本人見到我地某啲行為嗰陣, 都一樣好似睇緊Discovery Channel咁~ 不如大家利申一吓,以下行為你地有冇做過先!!!   1.喺尿兜便便(便器でう◯こしたこと)   2.明明冬天但著得好薄(格好が薄着っていうこと)   3.會隨便搭訕(話をかけてくれる)   4.其他人正打算影相嗰陣照喺鏡頭面前行過(写真を撮ろうとした時に横切ったこと)   5.影相個陣摸人屁屁(写真を撮る時お尻を触ること)
22
Jul 17
06:30
博客

【日本街訪】體毛 要剃唔要剃 男仔 女仔 點樣睇?

今集街訪真係問到人鬼死咁怕醜啊~~~ 一嚟就話:你好~我地做緊個關於體毛嘅訪問…係咁畀人白眼TT 好彩有好多善心人仕願意提供答案,感恩啊~~~~   問:你最憎男人邊一忽毛? 意外地大家討厭嘅毛毛位置都十分統一,就係腳毛同胸毛啦!!! 依位小姐畫到啲腳毛成枝狼牙棒咁,會唔會拮死人㗎…   問:如果見到朋友好多毛你會點? 係唔只一個人答格硬剃咗佢!媽好恐怖啊!   問:如果男友好多毛你會點? 逼佢剃唔係唔愛佢!喂其實我覺得日本妹地位同港女都冇咩分別囉~~~   問:如果女朋友要你剃毛,唔剃就分手,你會點? 100%答:咁咪去剃囉~~到底係邊個同我講日本男人大男人唔就得人㗎?!   甚至可以全身都剃光光…愛情力量真係好恐怖…
11
Apr 17
22:17
博客

去沖繩仲買紅芋撻!? 梗係自己「親手」做啦!

去沖繩玩,當然要食沖繩既名物紫薯「紅芋」啦,仲一定要去埋御菓子御殿掃「紅芋撻」做手信! 唔講唔知,原來喺以前紅芋只被當作用嚟填飽個肚嘅食糧,但自從御菓子御殿創作咗紅芋撻之後,紅芋撻就帶動整個紅芋熱潮,更加成為唔少人都大愛嘅甜品,所以御菓子御殿嘅紅芋撻絕對稱得上係紅芋甜品嘅始祖!   恩納店門口,彷首里城設計既門口好特別   雖然而家紅芋撻隨處都可以買到,但你又有無諗過原來可以自己親手製作紫薯撻送俾你嘅至愛?御菓子御殿嘅恩納分店就推出咗「紅芋タルトて作り体験コース」,即係手作紫薯撻體驗課程,等大家都可以做吓阿某整吓餅,享受過程中嘅樂趣!   放心,就算完全無整餅經驗嘅人,甚至喺小朋友都可以一齊玩!   課程好簡單,適合作為親子活動。   體驗課程大約2個鐘,想玩就要提早一日下午5點前打電話去預約,如果無電話可以請酒店幫手打去預約,課程可以㨂整8個或12個。 體驗當日記得要早10分鐘到達店舖,喺最右邊嘅「團體受理counter」登記完工作人員就會帶你上二樓體驗工房。由於體驗工房對正個海,落地大玻璃完全阻擋唔到無敵大海景,所以喺等待嘅期間大家不妨拎個相機出嚟大影特影!  
26
Sep 16
23:40
博客

澀谷街訪之日本人戀愛那些事兒

  想喺日本長住,如果唔係有返咁上下錢,又冇力能喺日本工作嘅話,就真係諗都唔洗諗!呀,唔係,如果你嫁比日本人嘅話,成件事就冇問題啦~~~不過異地戀真係談何容易咩?所以MIKA就決定喺大家洗濕個頭之前,深入日本人嘅內心世界,了解吓佢地肚入面嗰條蟲,呀姐係佢地嘅戀愛觀到底係咩嘢一回事~~~   問:你嘅理想型係? 答:又瘦又搞笑,總之唔係外國人就OK~不過其實我而家又唔係真係咁想拍拖,感覺好似比起搵女朋友,識多啲朋友仲開心~~~ (本身我有條問題係想問如果你有同外國人拍拖嘅打算,會唔會考慮吓同我拍拖呢?結果問都唔洗問就知道可以收皮==)   問:另一半做過最難以原諒嘅事係咩嘢呢? (中間個位靚姐姐(雖然佢細過我omg))答:出軌! 話說以前佢有個好姐妹,竟然同佢男朋友搭上咗,結果到而家仲係原諒唔到佢地,無論係同個ex定係同個第三者都冇再聯絡啦~ 嗚被出軌都已經夠慘㗎啦…仲要係被好姊妹,真係聞者傷心聽者流淚!   問:你出軌嘅定義係咩呢?
21
Mar 17
00:08
博客

【點解會好食到咁!? 】北海道「湯咖喱名店」試食報告!

日本咖哩飯就聽得多,湯咖哩又食過未?絕對唔係加水溝淡左個咖哩咁簡單!今日為大家介紹番札幌名物「湯咖哩スープカレー」!   喺札幌有好多賣湯咖哩嘅店,今日介紹嘅呢間湯咖哩店「路地裏カリィ侍」喺札幌擁有好高人氣,因為店內全使用北海道食材,真材實料,店主更用咗好多時間研究每一樣食材嘅煮法,務求每一啖都能令客人滿足!   半份雞半份豚角煮湯咖哩,人氣之選,啱哂兩種肉都想試既遊客! 當初點解會煮湯咖哩呢? 店主為咗想多啲人鍾意食北海道嘅蔬菜,所以搞盡腦汁,最後發現原來咖哩同蔬菜係非常咁夾,於是就開始煮湯咖哩喇!所以店嘅宗旨係「為咗食蔬菜而研發的湯咖哩」!唔係誇張,佢地嘅「一日20種野菜湯咖哩」係鎮店菜式,雖然餐單上都有其他肉類湯咖哩,但喺這間店反而變成配菜! 咁好味既秘密就係個湯底! 湯咖哩嘅湯底一啲都唔馬虎,首先加入大量北海道新鮮野菜煮足8個鐘,再加入豬骨同雞肉或者昆布同鏗魚煮12個鐘分別製作出「普通湯底」及「和風湯底」,最後再加入配方的咖哩製作成札幌名物「湯咖哩」!由於食材全天然,完全無加味精,所以就算飲哂成碗咖哩湯都唔會覺得口渴!   用北海道新
15
Jun 17
00:28
博客

【日本 街訪】日本人 父親節 講依啲 !

相信唔少不孝子見到依個post先醒起聽日就係父親節… 不過唔緊要,因為日本大大大大大把人都同大家一樣,徹徹底底地唔記得父親節係幾時!   知唔知父親節係幾時? 「6月第二個星期日!」 唔係6月第二個星期日,係第三個啊…   諗住點同爸爸慶祝? 「冇啊…咁煩,又冇錢,冇諗住慶祝」 爸爸聽到都要哭了…   一講起爸爸,你會諗起咩? 「去返工賺錢嘅人,即係錢~~~~」   你有咩想同爸爸講啊? 「以前一直都對我好嚴格,由今日開始請你寵壞我啦~~~」   「以後都請你用唔同嘅車去載我啦~」   超深情對話:「I LOVE MY FATHER!」 不過點聽都係「艾粒WIFI花灑」…   雖然大家都怕麻煩又話冇錢又唔記