日娛
24
Jan 17
00:26
博客

【注目度急上昇】最愛二次元籃球少女 廣瀨愛麗絲:我唔係混血兒!

新一年等我阿Anne繼續為大家介紹下日本娛樂圈上位中嘅藝人啦!今日就介紹下最近注目度急上昇中嘅廣瀨愛麗絲!     廣瀨玲就可能好多人都聽過,其實廣瀨愛麗絲就係佢親家姐。兩姐妹顏值都好高,所以呢對廣瀨姐妹花喺娛樂圈都好出名,而青春逼人嘅佢哋仲成日合拍廣告!大部分都係以年青人為主要對象,可見佢哋幾受年輕人歡迎!   其實廣瀨愛麗絲小學6年級嘅時候已經被經理人發掘,而當時嘅佢又曬到好黑,又係一個短頭髮嘅籃球少女,連佢經理人都話當時根本唔知佢係男仔定女仔! 睇番以前嘅相,同而家長頭髮嘅氣質都真係幾唔同!   而家係時裝雜誌Seventeen模特兒嘅佢,早幾年仲係以短頭髮登上大銀幕,同組合Sexy Zone成員中島健人一齊主演《鋼之鍊金術師》原作者荒川弘嘅作品《
05
Dec 16
20:20
新聞

成宮寬貴被指吸毒照片 真相其實係...少女心爆發!?

34歲男演員成宮寬貴被八卦雜誌《週刊Friday》刊登疑似吸毒照片,被指與朋友在房間內用鼻吸食可卡因。報導指出相片係由佢朋友提供,攝於11月9日凌晨3點幾。張相初步睇就見到檯面好亂,有啤酒罐、煙、打火機,玻璃杯旁邊有塑膠紙,同埋有啲白色粉末添。成宮出道以來形象一向健康,今次報道引起好多粉絲同觀眾熱烈討論,加上最近唔少娛樂圈人士因吸毒被捕,令唔少人都懷疑件事嘅真偽㖭!     成宮寬貴就非常憤怒地指呢個報道根本冇事實根據,並發表聲明話「我,成宮寬貴,絕對沒有使用藥物」,相關經紀公司仲準備採取法律行動。不過有眼利嘅網民就發現咗更加特別嘅事情真相喎。   一齊睇下:   睇唔明日文唔緊要。雖然成宮一直否認吸毒但冇說明枱面上嘅係乜嘢,但眼利嘅女網民就話枱面上擺放嘅係呢包超可愛嘅「たのしいケーキやさん♪」、即係用來整手指size嘅蛋糕、雪糕嘅玩具糖果!Tune番光張相都真係幾似!  
25
Nov 16
06:06
新聞

石原聰美有機會與山下智久年內「30歲電擊結婚」!?

上次同大家報導咗石原聰美同山下智久傳出同居「超認真交往家居密會」,今次就有《日刊大眾》報導石原聰美有機會於今年12月24日嘅30歲生日同山下智久電擊結婚喎!係真唔係呀!?   睇真啲個報導,就話山下智久雖屬於對旗下藝人結婚、交往超嚴謹嘅J家事務所,但由於最近SMAP解散騷動爆發,而山下智久同屬SMAP嘅前經理人飯島(詳情:SMAP解散騷動),所以如果唔畀佢結婚,佢有機會跟SMAP一齊離開J家!加上佢自從同石原拍完戲之後都冇再有新嘅電視劇作品,所以而家簡直係趁事務所立立亂嘅時候準備結婚嘅好時機!   不過,有電視臺相關人員就指出山下智久曾經同Johnny桑宣誓忠誠話唔會有任何獨立發展意向,所以就覺得佢唔會選擇結婚住。反而係,因為石原前排上綜藝節目話自己30歲前想做啲咩嘅時候,因為佢講話自己最近都開始咗學習看護嘅工作,令人猜測佢係咪已經鋪定後路如果人氣滑落可以有啲細藝。話說2010年佢被爆與電影攝影師同居,令工作減至得返一個波子機嘅廣告。到底而家紅
06
Nov 16
10:11
新聞

前Berryz工房成員 嗣永桃子宣布引退娛樂圈

前Berryz工房、現為Country Girls成員嘅嗣永桃子(24歲)尋日宣布將會喺2017年6月30日從偶像界畢業並退出娛樂圈。   佢話呢日係佢15年前通過甄選成為偶像嘅紀念日。人稱Momochi嘅桃子話2年前佢成為Country Girls嘅Playing Manager,一直睇住成員嘅成長,覺得都差唔多係時候輪到自己都要成長。從以前開始佢就對幼兒教育有興趣,亦都有私下學習呢方面嘅知識,所以希望引退藝能界之後可以從事相關方面嘅工作。   其實Momochi都真係唔話得。10歲出道起到而家做Idol做咗差唔多成15年,而且仲同時兼並Berryz工房同Buono!兩隊組合。佢進行偶像活動同時就讀大學同教育實習,搞掂大學論文正式畢業時更加同時考得小學同幼稚園嘅教育許可。   Berryz工房停止活動後會就以前輩身份加入Country Girls培養佢哋,即使舊年做完聲帶手術都繼續進行偶像活動,所以就算唔係特別中意佢嘅粉絲都真心尊敬佢呢。   雖然我曾經都好唔中意佢個髮型,不過佢其實真係一個幾有實力同專業精神嘅女偶像。隨著佢同℃-ute幾位成員畢業同離去,相信象徵住H!P一個時代嘅完結呢...   公認Berryz工房大粉絲嘅AKB一姐指原莉乃都係Twitter表示非常震驚同大感可惜。佢話當年自己因為被欺凌
20
Oct 16
21:39
新聞

乃木坂46人氣成員 橋本奈奈未發表引退聲明 震憾粉絲

  被稱為「乃木坂46 四大天王」之一、長期係乃木坂七福神之一嘅橋本奈奈未最近先被選為新Single嘅Centre,尋晚就係電台節目電擊發表畢業兼引退藝能界消息,震撼一眾粉絲。   身為一期生嘅橋本雖然高人氣,但就未擔正做過Centre。坊間一直有都市傳說話如果橋本有朝一日做到Centre就會係佢畢業嘅時候。上星期日喺乃木坂46嘅綜藝節目《乃木坂工事中》發表新專輯嘅隊員結果時,佢本人就否認呢個說法,仲話希望會做好Centre一位。點知短短一個禮拜內就親口發表畢業同引退宣言.......   橋本第一隻兼最後一隻做Centre嘅single「サヨナラの意味」(再見的意思)將會喺11月9日發售,而橋本大概會喺出年2月20月24歲生日嘅時候畢業。佢仲話自己想成為社會上一般嘅女性,而因為佢係以「乃木坂46嘅橋本奈奈未」嘅名義出道藝能界,所以希望都係以同一身份離開藝能界。   唉。如果冇咩嘢,小編都係返出去先。不過自己偶像開心都係最重要...期待睇な
20
Oct 16
02:56
新聞

石原聰美 山下智久 超認真交往家居密會

超級小惡魔女神石原聰美舊年同Johnny’s男神山下智久一齊拍月9檔《朝5晚9》飾演情侶,戲入面亦有唔少親密鏡頭。其實日本狗仔隊就傳咗兩位嘅緋聞都一段時間,不過今日八卦雜誌《女性Seven》又有新料喎!   據報山下智久出席完位於大阪嘅Kinki Kids演唱會後坐新幹線回到東京,一落車就即刻轉私家車前往石原聰美嘅屋企。日本狗仔隊就話兩位只會乘搭相熟人士開嘅私家車,從來唔搭的士,而且只會去雙方嘅屋企約會,喺非常非常保密嘅做法,睇得出兩位都好保護戀情,亦對戀情非常認真㖭!今年5月,《女性Seven》同樣發現山下智久喺自己屋企開party邀請咗石原,呢段關係先開始引起關注。   兩位戀情從拍劇時已經傳出,當時指山下智久力追石原。   其實石原同一齊合作嘅男星傳緋聞係家常便飯...分別被報導過同瀧澤秀明、佐藤健、三代目J Soul Brothers嘅岩田剛典去約會,亦同小栗旬、長谷川博己好親近。至於石原同山下,兩位而家都係事業高峯期,加上山下係J家嘅藝人,睇嚟短期內都唔會有任何意外發展呢~   兩位喺劇中嘅濃情一吻非常深刻,連富士電視台都話會成為富士月9嘅歷史。   資料來源:
20
Aug 16
22:07
新聞

出道11年女偶像團體℃-ute宣布明年解散!

三個月前先嚟完香港開演唱會嘅Hello! Project旗下偶像團體℃-ute,今日突然喺官方網站宣布將於明年6月開完12週年演唱會後解散。 呢個突如其來嘅消息令好多粉絲表示驚訝傷心。   ▲℃-ute嘅現任成員有五位,包括隊長矢島舞美、 中島早貴、鈴木愛理、 岡井千聖、以及萩原舞。由2007年2月21日第一張單曲《櫻花乍現》開始至今,連續29張單曲的銷量都達到Oricon週間銷量排名10位或以上嘅紀錄。   ℃-ute嘅成員同經理人公司今朝喺官方網站發表聲明,兩方面都提到全部成員已經年滿20歲,出道也已經達11年。當經理人公司同成員一起討論以後目標時,發現成員各自都有唔同想發展嘅方向。不過基於五人當時未實現喺埼玉Super Arena開演唱會嘅夢想,當時決定繼續努力進行團體活動。然後自宣布明年6月出道12週年紀念演唱會之後,因為佢哋終於能夠踏上夢寐以求嘅舞臺,所以就希望可以以此為終,實現夢想後解散組合,各自追尋新嘅目標。   ▲℃-ute五位成員表示佢地係Hello! Project一手湊大嘅組合,因為有H!P先至有佢哋。因此比起暫時停止活動或從H!P畢業,佢地選擇咗解散,希望到最後一刻五位都係屬於Hello! Project嘅℃-ute。佢哋仲話堅持咗十一年追尋夢想,可以五個人一齊踏上呢個大舞台,終於可以自信地同大家講℃-ute已經無憾了。   最後佢哋仲多謝成軍咁多年來一路支持佢地嘅粉絲,如果唔係佢哋都唔會走到今日。
11
Aug 16
18:14
新聞

當男神遇上男神:赤西仁拍山田孝之組隊出碟!

前KAT-TUN成員赤西仁單飛之後繼續係國際舞台活躍,仍然係唔少人心目中嘅男神。佢尋日就喺自己嘅社交平台上宣布會夥拍超級老友嘅實力演技派嘅型男演員山田孝之一齊於9月21日推出single「Choo Choo SHITAIN」,新組合嘅名叫做「JINTAKA」添呀(係日文「仁」同「孝」嘅發音)!   佢哋話今次嘅合作係為咗滿足私慾,兩位一齊負責作曲作詞,完全自己嚟架!赤西仁係自己嘅Twitter同IG表示「今次係我自己想滿足私慾所以決定同山田嘅考之Choo Choo。希望大家理解,如果帶俾大家任何麻煩,我係度首先同大家say個sorry先。」老友鬼鬼又玩嘢嘅山田亦都係自己嘅FB同IG公言:「察覺到自己嘅心意嘅時候,係嗰日之後嘅大概一個禮拜。一開頭雖然有啲迷茫,雖然同自己講『唔可以咁嫁…!』但都係掩蓋唔到我真正嘅心意。我係無悔嘅,因為,因為我一直都想Choo Choo阿!」....冇錯。開公告到不忘玩HEHE。   ▲山田孝之講緊嘅「嗰日」其實就係今年愚人節兩人出咗一張惡搞相宣布會出碟叫「Choo Choo SHITAIN」(惡搞EXILE經典歌曲「Choo Choo Train」)。當時喺雙方粉絲間引起好大迴響,今次兩人決定將實現呢個笑話啲粉絲一定好開心嘞!   ▲今次作品會以初回限定同通常盤發賣,附屬嘅DVD除咗有「Choo Choo SHITAIN」嘅MV
09
Aug 16
01:15
博客

榮倉奈奈與賀來賢人宣布結婚!

生得又高又可愛,今年28歲嘅榮倉奈奈尋日已經入籍結婚喇!對象為曾經一同拍攝2014年嘅嫌疑日劇《為了N》嘅賀來賢人!   頭先佢哋已經通過經理人公司公佈喜訊,賀來仲話拍咗一年多之後覺得同Nana嘅話可以過到好快樂嘅人生添喎! Nana就話覺得好幸福,因為從今起可以同老公一齊同甘共苦,真係好sweet呢~     事務所就話Nana未有身孕,嚟緊都會繼續演藝事業。期待見到榮升人妻Nana嘅新戲呢! 不過我對佢最深刻嘅印象都係《求婚大作戰》嘅時候!你哋呢?  
05
Aug 16
22:47
新聞

TOKIO 山口達也宣布離婚!原因係..?

身為Johnny’s 事務所少數已結婚藝人之一、44歲樂隊TOKIO嘅成員山口達也今日宣布同前模特兒妻子正式離婚。兩人係2008年3月結婚,結婚當晚山口達也仲係日本武道館嘅演唱會上面當著1萬3000人粉絲面前突然宣佈已結婚,哄動一時添!   ▲佢嘅前妻高沢悠子係仙台出身嘅模特兒,結婚前已經拍咗8年拖,兩人現時育有兩名兒子。熱愛衝浪嘅山口達也居住於鐮倉,亦都係出名嘅好爸爸。佢經常喺節目到透露閒時會同仔仔睇超人show,仲會整埋便當俾仔仔食添!   ▲前排山口達也帶著眼罩喺佢有份主持嘅晨間新聞節目中亮相,臉上充滿傷痕。佢本人就聲稱係騎單車出意外受傷,但傳媒就覺得好可疑。加上短期內嘅今日宣布離婚,令更多嘅日本人猜測戴眼罩同面部受傷會唔會係另有原因。   ▲更加有網民將佢帶眼罩嘅樣同真三國無雙嘅夏侯惇作出比較。   ▲頭先山口達也已經係日本召開記者會交代事件,今次唔單止係尊尼事務所首例,佢仲親自目送蒞臨嘅記者離開會場,令人十分佩服呢位明星貼地同溫柔嘅舉動。