日劇
10
Oct 17
00:37
博客

[日本在香港]《戀愛香港》已播出!日本網民:睇完好想去香港!

[專欄:日本在香港] 以香港為故事背景嘅《戀愛香港》(恋する香港),喺9號已經播咗第一集喇!劇組去咗多個特色景點,拍出香港懷舊同現代兼備嘅面貌,仲加入唔少廣東話對白,相信香港人睇到一定好有親切感!第一集廣東話出現嘅scene至少有三個,至於到底講咗啲咩就唔係度劇透喇XD 日本網民睇完,普遍都覺得香港嘅街道好特別,好有興趣去香港!一齊嚟睇下佢地有咩comment啦~   正面評價: 《關於香港》 "突然之間有黑社會講廣東話都好有香港嘅味道(笑)" "好懷念香港嘅茶餐廳⋯好想食呀" "睇完變得想去香港⋯(上一次去完)時隔10年想再去" "劇入面影到香港嘅街道好似都好繁華,好想去下香港確認下" "拍得好細膩,但希望大家睇到最尾唔好瞓著" "劇集在香港取景,有美食、酒店情報幾好" "影到香港非常之咁靚但係實際上並無咁靚架。不過我都鐘意呢一類片。" Opening片段開始嘅幾秒喺上環取境,呢套劇一路睇一路留意佢地去咗邊都係其中一個樂趣。《劇情》 "因為係30分鐘嘅劇集所以故事都只係啱啱開始。應該都會繼續睇落去架喇。為咗唔好唔記得睇已經set好咗每星期錄低。" "係一套估唔到劇情發展嘅劇所以感覺唔會厭,下星期都唔會唔記得睇!"
26
Sep 17
19:01
博客

【2017秋季日劇】同吉澤亮、小池榮子一齊愛在香港!

近年唔少外國影視都會嚟香港拍外景,為呢個繁華嘅城市添上全新嘅故事。今季就有由小池榮子同吉澤亮雙主演嘅《戀愛香港(恋する香港)》將舞台由日本移到香港,成套劇仲會喺香港取景! 一共有四集嘅《戀愛香港》係日本關西嘅電視台MBS所計劃嘅,係一套短篇嘅愛情懸疑搞笑劇。故事講述日本藝人Elly(最上Moga飾)喺香港拍記錄片嘅途中,突然被香港人Daniel(永田薰飾)誘拐,令到拍攝現場十分混亂。喺呢個時候,記錄片嘅導演健太(吉澤亮飾)遇上咗日藉遊客真樹(小池榮子飾)。真樹嚟香港係為咗同交友網站認識嘅男性會面,但一直都見唔到對方。原來真樹因為冇自信心而喺交友網站度用咗Elly嘅相做頭像,令Daniel偶然見到Elly就以為佢係自己一直想見嘅真樹。一個誤會令真樹、健太、記錄片嘅助導彩(馬場富美加飾)、Elly同Daniel五個人嘅命運交織起嚟。 今次劇集有近年極速走紅嘅新星吉澤亮伙拍前輩小池榮子主演,雖然年齡差13歲,但都無阻兩人之間嘅火花。加上前電波組.inc嘅最上Moga、東海地區偶像組合MAG!C☆PRINCE嘅永田薰同近日先拍攝完《Code Blue 3》嘅馬場富美加,相信可以帶比觀眾新鮮感又不失豪華。兩位主演仲表示好期待今次喺香港拍攝,希望可以令大家感受到香港嘅景色之餘都會享受呢個故事。 琴日(9/25)劇組就正式喺香港開始拍攝,仲上載咗馬場富美加同最上Moga喺外景場地嘅相,話會喺Twitter不定時更新拍攝花絮。各位香港粉絲可以留意下,劇組隨時就喺你左近!拍咗成
22
Sep 17
01:41
博客

2017年秋季日劇資料大全(9/21更新)

週一 民衆の敵〜世の中、おかしくないですか!?〜 (民衆之敵〜這個世界、不奇怪嗎!?〜) 圖片來源:http://www.fujitv.co.jp 電視台:富士電視台 播放時間:21:00〜 開播日期:10月16日 演員:篠原涼子,高橋一生,前田敦子,トレエン斎藤,千葉雄大 劇本:黒沢久子 原作:無   預告片(9/14更新)   吾輩の部屋である(我的房間) 圖片來源:http://gekkansunday.net 電視台:日本電視台 播放時間:24:59〜 開播日期:9月18日 演員:菊池風磨(SexyZone) 劇本:川邊優子 原作:田岡りき「吾輩の部屋である」   預告片
10
Jun 17
18:42
博客

重溫那些松隆子演過的經典角色

今日(6月10日)是日本實力派女演員松隆子的生日,一齊祝佢生日快樂!上一季松隆子主演嘅《四重奏》裡表現亮眼,更為佢嘅演員生涯再添了日劇界嘅「最佳女主角」獎項。講起松隆子,相信由70後至90後都會聽過或者看過佢演嘅日劇同電影作品,今日就盤點下佢最經典嘅角色啦!   1)1996年 《悠長假期》奧澤涼子 一套《悠長假期》唔單止紅咗男女主角木村拓哉、山口智子、同埋主題曲「LA LA LA LOVE SONG」,就連松隆子所飾演男主角瀨名秀俊嘅學妹奧澤涼子都吸引唔少觀眾嘅注意。當年真係屬於清純文靜系美女!   2)1997年 《同一屋簷下2》望月實希 第一輯 《同一屋簷下》獲得空前成功,第二季加入松隆子、森田剛,繼續叫好叫座!同一班當紅年輕演員一齊並列,成為青春偶像。   3)1997年 《戀愛世紀》上杉理子 再次同木村拓哉合作,不
02
Jun 17
17:49
新聞

河野悅子返嚟啦!石原聰美拍《校對女王》SP

由石原聰美主演嘅人氣日劇《校對女王》將會推出秋季SP,除咗石原之外,同劇演員菅田將暉、本田翼、岸谷五朗等原班人馬都會參與拍攝。而今次SP更加請嚟木村佳乃同佐野雛子加入。 原作講述以時裝雜誌Editor為目標嘅河野悦子(石原飾)於校對部努力工作嘅故事,平均收視率達12.4%。今次SP嘅故事講述悦子由校對部調到夢想嘅時裝雜誌Lassy編輯部一年後嘅故事。 有睇開呢套劇嘅都知石原飾演嘅河野悦子出晒名中意時裝配搭,每一集都有多個靚靚造型登場。今次一集過嘅SP竟然有成31個look添呀!連石原都叫大家敬請期待添~ 資料來源:Yahoo!JP
01
Jun 17
02:43
博客

最精彩平成青春日本校園劇排行榜

無論你係學生定係大人,中意睇日劇嘅相信你都會有睇過一、兩套日本校園劇集之作。唔似得香港校園劇數得出有幾多套,日本嘅校園劇多得嚟唔係淨係講少年少女青春戀愛,有時亦都會反映真實社會發生緊嘅青少年問題及議題。500位20至30歲嘅日本網民就投票揀咗10套覺得最好睇,最想睇續集嘅平成校園劇,入面又有冇大家嘅心水呢? 10)龍櫻(40票) 放送日期:2005年7月8日~9月16日 8)野豬大改造(41票) 放送日期:2005年10月15日~12月17日 8)MY BOSS MY HERO(41票) 放送日期:2006年7月8日~9月16日 7)花樣少年少女(45票) 放送日期:2007年7月3日~9月18日 6)GTO(46票) 放送日期:舊版1998年7月7日~9月22日 新版 2012年7月3日~9月11日 5)女王的教室(57票) 放送日期:2005年7月2日~9月17日
06
Apr 17
00:58
博客

《東京白日夢女》聖地巡禮!跟住KEY同倫子遊東京~

*播住上面主題曲睇呢篇文可能會有feel啲XD* 上季人氣日劇《東京白日夢女》就已經曲終人散~(雖然唔知會唔會有第二季,真係好好睇呀!)其中小編好enjoy睇呢套日劇嘅原因係因為佢真係去咗非常能夠代表東京嘅地方取景,每次睇到都會好掛住東京,同埋會真係好想去好似「吞兵衞」嘅居酒屋同閨蜜把酒談歡!今日等我精選當中話題以及經典場面取景地,等各位日劇粉都可以跟住「聖地巡禮」啦!(唔知會唔會都遇到有KEY君咁型嘅花美男呢~~) 外景篇: 1)赤坂氷川神社 東京都港区赤坂6丁目 唔知眼利或者記性好嘅朋友認唔認得呢到?《東京白日夢女》第一集佢哋就係喺呢個神社做新年參拜(初詣)喇! 2)外苑前駅 東京都港区北青山1丁目:神宮外苑のイチョウ並木)
28
Mar 17
20:24
新聞

為宣傳《逃恥》去到幾盡 四大報齊登全頁抱抱照宣傳DVD

#星期二是抱抱日
不得了!人氣高日劇出手就係唔同啲。話說聽日起日本會開始推出新垣結衣同星野源主演嘅超人氣日劇《逃避雖可恥但有用》嘅DVD,而今日日本四大報紙一齊刊登全頁廣告,仲要全部唔同Design,認真巴閉! 有睇開嘅都知戲中飾演合約夫婦嘅結衣BB同星野源定咗每個禮拜二為「抱抱日」,今次4幅廣告都係以抱抱為主題!好有愛呀~~~ 四大報分別為:每日新聞、讀賣新聞、朝日新聞、日經 每日新聞: 讀賣新聞: 朝日新聞: 日經: 官方IG仲要出咗新圖,而一眾hashtag嘅最後兩個hashtag係「春假一口氣連續睇」同埋「然後」,個「然後」之後就冇打字喇,令一眾觀眾粉絲想入非非,唔知係咪會有續~~~篇~~~(冇續集都一定有SP啦下話)
10
Mar 17
10:02
新聞

山下智久、新垣結衣、戶田惠梨香三劍再次合壁拍Code Blue 3!

山下智久、新垣結衣及戶田惠梨香已落實將出演富士電視台7月夏季日劇《Code Blue》第三季!今次係呢套人氣醫療劇集事隔7年復活,再加上三位人氣已經上晒神檯,相信將會成為富士月9收視努力翻身之作! 山下智久將會係第5次主演富士電視台嘅月9日劇,亦係歷年嚟主演最多月9嘅第三位。劇中5位飾演實習醫生嘅班底包括淺利陽介以及比嘉愛未都落實演出,佢實在感到非常興奮可以再次以同呢個班底合作,會全情投入拍攝,希望大家留意佢哋嘅成長。 《Code Blue》講述5個搭乘直升機為人急救嘅實習飛行醫生受訓嘅故事。2008年7月播出第一彈嘅時候平均收視有15.9%,當時仲未係月9劇。2010年1月正式升格成月9嘅第二季同樣有良好成績,平均收視達16以上。 (話說今季嘅《雖然很突然,明天要結婚》只得6點幾,成為歷史上收視率最低嘅月9,情況都真係幾令人擔憂...) 製作組話今次第三季將描繪5位已經技術獨當一面嘅主角如何訓練後輩,而時間方面將會同現實一樣,訴說前作7年後嘅事。 可以同時睇兩大女神
28
Feb 17
20:38
新聞

電音天團Perfume首次主演日劇 「喺我哋一生嘅寶物!」

人氣電音組合Perfume唱歌跳舞犀利就大家都知,估唔到嚟緊3月尾4月頭佢哋將會演出日劇,仲飾演三個由細識到大嘅好朋友。編劇為知名日劇《野豬大改造》嘅劇本家木皿泉擔當,套劇嘅名就叫《三色堇》(パンセ),將會預3月31日及4月1日連續兩晚於東京電視台播出。 劇情圍繞飾演OL嘅あ~ちゃん(西脇綾香)、幫屋企工作嘅かしゆか(樫野有香)、及冇固定工作嘅のっち(大本彩乃)三位女生因小學返屋企路線一樣所以自細成為好朋友。佢哋愛追求非現實嘅嘢,夢想可以一齊買間洋樓一齊住~咁啱俾佢哋搵到超級筍盤,點知入住呢間洋房原來有個條件,就係要照顧「力丸」。當三人以為力丸係一隻狗,爽快答應後搬入新居當天先發現力丸竟然係一個足不出戶嘅中年男人!到底呢件事會令三人關係產生乜嘢變化呢? 睇完個故事大鋼淨係好好奇到底會由邊個出現呢個中年男子呀~應該唔會又係呀源哥掛XD あ~ちゃん就話:「我哋Perfume17年嚟淨係唱歌,所以東京電視台搵我哋拍劇我哋真係覺得佢哋好奇怪啊(笑)。不過劇本實在太有趣同不可思議,而且仲睇得出人物設定都係為我哋而設,相信會令人產生「如果我哋唔係Perfume嘅話...」嘅諗法!」 ▲Perfume為今季人氣日劇《東京白日夢女》唱主題曲「Tokyo Girl」,而あ~ちゃん更加為劇中小精靈配音,淨係聽聲都聽得出其實あ~ちゃん幾有演戲天份啊~ かしゆか亦表示首次主演連續劇真係好