旅館
18
Aug 17
00:36
博客

【京都Len KYOTO KAWARAMACHI】發現文青風型格HOSTEL !雙人房¥6800

如果住過東京的Guest House toco 或Nui,相信對京都河原町的「Guesthouse Len Kyoto Kawaramachi」也不會太陌生,因為這裡便是他們的第三號店,經營的形式與設計的風格也有點相似 。即使是主打hostel的形式,但在裝潢設計與細節上卻大走文青與工業風,讓一向只走平價路線的hostel,更易博得年輕人的興趣與青睞,打造出新型的hostel風格。 (圖片轉載自官方網站)   是hostel也是café,晚上還會搖身一變成為熱鬧又輕鬆的bar 與東京另外兩館的模式很相似,Len也是採用複合式的經營手法,既是hostel也是café ,到了晚上還會搖身一變成為熱鬧輕鬆的bar,所以即使大半天留在旅館內,也不用怕餓肚子與沒樂子。 (圖片轉載自官方網站)   地點方便,京都出發只需10分鐘 前往Len的方法可以有三種,可從京都車站出發,選擇搭乘的士至旅館的話約10分鐘車程,價格大約800yen;又或可選乘市巴士至河原町松原站下車再走1分鐘,車程也是約15分鐘;又或是搭乘地下鐵至烏丸站,再轉阪急線至河原町站下車,再走約7分鐘;大家可以視乎當日的起點而選擇以上的方案,綜合來看也算是交通便利,至少要去旅遊熱點的河原町時也很方便。 (圖片轉載自官方網站)
03
Aug 17
01:20
博客

日本女OL同大學生帶你去時鐘酒店開Girl’s Party!

時鐘酒店、愛情賓館...通常講起呢啲字眼大家都會覺得係男女深夜爆房「解決需要」或者大戰嘅地方,不過以為時鐘酒店只限呢種用途?你就out啦!其實日本女OL同女大學生們呢期最興嘅,就係去特色時鐘酒店開Girl’s Party! 拿拿拿,我指嘅絕對唔係咩幾P淫亂派對,而係日本櫻花妹好鍾意開嘅「女子會」:即係叫埋啲閨蜜呀三五知己呀一齊黎聚聚,飲下酒影下靚相吹下水個隻。其實一般嘅話都會係去居酒屋或者餐廳,不過下下book個室又可能貴,而且對話又有機會被聽見。 反而時鐘酒店隔音又做得好,又唔會有waiter突然衝入黎。最緊要係,其實時下嘅時鐘酒店裝修好靚,有時仲可以好有特色同好夢幻,非常適合一班女仔去私影,玩得夜仲可以一齊過埋夜!   以泰式度假風格著名的連鎖時鐘酒店Bali-An Resort因為有豪華浴缸同大床,加上專門為女性客人推出「女子會放題」等優惠,因而大受歡迎。
27
May 17
02:22
博客

全世界最古老溫泉旅館「慶雲館」

全世界最古老溫泉旅館「慶雲館」 今次介紹呢個全世界最古老溫泉旅館「慶雲館」係位於山梨縣,創業於西暦705年。其歷史超過1300年以上,更加於2011年以住宿設施的身份成為健力士世界紀錄所認定的世界最古老溫泉住宿設施。設施主人更加係代代繼承,到目前已經係第52代。   從46代孝謙天皇開始至今,一直到戰國武將武田信玄同天下人德川家康等等,好多歷史偉人都曾到「慶雲館」呢個名湯泡溫泉!呢度每分鐘有400L泉水湧出,2005年再掘之後,有更加多泉水湧出~! 客房有3種,每間房都可以見到美景~   数奇屋造り月見台付客室 呢間客房名為賞月客房,和室外面有一個露天位置俾你賞月 源泉掛け流し 総檜内風呂付き 特別客室 呢間和室非常大,適合家族去,仲有個室內風呂 源泉掛け流し露天風呂付き特別客室 北岳 最後呢間客房喺俾高級客人住,裝修非常典雅,露天風呂望去嘅景色亦非常靚
20
Apr 17
01:55
博客

飽覽伊勢灣景色旅館推介:若松知多溫泉旅館

話說之前去名古屋採訪LEGOLAND®嘅時候,我就諗除咗可以去白川鄉同飛驒高山之外,附近仲有冇值得一遊同發掘嘅城市呢?然後就畀我發現咗同樣位於愛知縣嘅南部城市:知多市! 呢度係一個位於海邊(眺望伊勢灣)嘅小鎮,麻雀雖小五臟俱全,有各種特色嘅景點可以滿足唔同遊客嘅喜好同需要!今日首先同大家介紹我哋係知多自由行3日2夜逗留時寄居咗兩晚嘅超靚溫泉酒店:若松知多溫泉旅館啦! 今次介紹嘅若松知多溫泉旅館,原先係一間舊式日本溫泉旅館,經過內部重新設計同裝潢之後,搖身一變成為現代感滿滿嘅溫泉旅館! 你見到門口、內部走廊、屏風等都係非常傳統日式設計,但無論係大堂、房間甚至溫泉風呂嘅設計同設施都好有taste、現代化及高科技,住起上嚟非常舒適!
31
Mar 17
02:40
博客

【阿蘇民宿旅館2選!】你會「窮遊」定「豪遊」?

前兩日有朋友問去阿蘇住邊到好,有咩旅館介紹,問大話B的話我一定答你睇你窮遊定豪遊,如果諗住窮遊熊本又識講少少日文,只求一宿的話可以揀「南阿蘇・高原の家ノア」,想食好啲又住得舒服啲的話可以考慮「あその旅宿 鷹の庄」,兩間都係筆者曾經入住嘅住宿,有圖有真相!   1. 窮遊之選@南阿蘇・高原の家ノア 「高原の家ノア」係一間偏平價但質素又唔太差嘅民宿,不過就要同其他住客共用客廳、厠所、浴室,仲要自備牙刷睡衣,對於住慣酒店嘅人嚟講可能會有少少唔習慣。   推介呢度嘅另一重點係因為老闆真係超好人!記得當日去到夜已深,老闆見我地仲未食野竟然特登免費整三文治畀我地食,仲提供免費橙汁,真係好感動!   圖片來源:高原の家ノア 民宿一棟兩層,第一層係客廳兼接待處,第二層總共有5間客房,當中有4間係洋室(1-2人),1間係和室(1-4人),房間同露台都好大,加上柔和嘅燈光,環境感覺乾淨又寧靜!   圖片來源:高原の家ノア 不過要留意返呢間民宿入面並無附設溫泉,不過亦唔使太失望,因
22
Mar 17
19:52
博客

【獨遊鹿兒島住宿首推!】百年「新」旅館Hotel New Nishino

上次去鹿兒島採訪的時候,偶遇了一間非常適合一個人去住的酒店。那間酒店就在熱鬧的天文館通附近,從鹿兒島中央站坐路面電車去天文館通站再多走幾步路就到,也算方便。最重要的是,阿希很喜歡New Nishino的房間設計,與東京新興起的設計商務酒店或文青風hostel很類似,尤其是今天介紹的530及531房,更是十分推薦給喜歡獨遊的文青朋友。   暫時只有530及531是這種設計,其他房間正慢慢改造中。   一開始,乍看建築物外表,阿希以為Hotel New Nishino 與附近的舊式旅館差不多,事實上它還是有點與眾不同。擁有百多年歷史的Hotel New Nishino 旅館,從大正初期經營至今,也經歷了三代的更替。從祖父母到孫女,現任的年輕老闆娘Yukiko小姐正努力讓它從百年的旅館,蛻變成新式有型的商務旅館。她想做些改變,讓旅館也能適應世代的轉變,把新的設計風格注入酒店之中,從中求變。   酒店門口   而當阿希住進530房間時,就深深體會Yukiko小姐的想法,這種簡約有型的日系風格,滿室小清新的感覺,正合我意,正是年輕人喜歡的住宿風格。雖然房間事實上空間並非很寬敞,但卻頭五臟俱全,也有獨立的洗滌區、洗手間及淋浴間,不大不小,剛好適合女生獨遊借住,放鬆自己。   還備有衣架讓住客放置外套衣物。   一間酒店有沒有心做,
17
Mar 17
01:31
博客

一生人點都要住一次! 箱根「私人露天溫泉」旅館6選

仲記唔記得之前小編曾經推介過10間一生人點都要住一次嘅北海道旅館?見大家咁好反應,今次繼續搵到箱根6間歎到無倫嘅溫泉旅館,最大特點係每一間旅館嘅客房都有私家露天風呂,連日本人都豎起手指公話正!咁無私嘅分享唔該麻煩大家順手㩒個Like~   1. 箱根強羅 白檀   店如其名,旅館嘅用色同建材以白壇為主,營造清新同坊香嘅空間,和洋合一嘅設計令室內環境典雅得嚟又不失設計感!房間入面都非常舒服,每間客房都設有露天風呂,私隱度滿分,幾個好姐妹浸住傾計真係一流!最特別嘅係每間客房都有唔同嘅設計,睇得出旅館為咗為客人提供舒適嘅空間花咗唔少心機!   客房集合咗和室同洋室嘅特點,空間舒適闊落,最正係有大大個對正露台同露天風呂,春天有綠林景、秋天有紅葉景,抽啲時間喺度浸吓浴,感受吓大自然嘅氣息真係好舒服!   箱根強羅 白檀 地址:神奈川県足柄下郡箱根町二ノ平1297番5 電話:0460-87-0010詳情按
30
Nov 16
21:43
新聞

【筍嘢真心推!】發現大阪「超平」溫泉酒店!

身痕又想去大阪玩,正當睇緊有咩正住宿之際,俾我發現到呢間又平又靚仲幾方便嘅溫泉旅館「不死王閣」,當然要即刻同大家開心share!呢度距離大阪市中心只有30分鐘車程左右,去大阪又想Shopping又想浸溫泉的話呢間啱哂!     呢間旅館總共有5種房型選擇,想住得歎啲可以揀附有露天風呂嘅房間, 一邊浸住天然溫泉水一邊望住山林樹景,靜謐嘅環境令身心靈都得到充份休息。     講咗咁耐,大家最關心嘅應該都係「呢度到底幾錢晚」,如果大家想平住,就要早45日預訂,2人同房一個人先¥9,180,重要包咗早晚兩餐,真係抵住到爛!     個優惠都放得幾隱蔽,入到官網之後要㩒加上角「按此預約」先會見到呢個早鳥優惠。入咗去可以揀房型,想平住嘅可以揀B型「觀景客房」,想房入面有私家露天風呂可以揀6樓「附露天風呂客房」,不過當然價錢會貴啲啦。   唔知係咪仲未有好多人知間旅館有咁平嘅優惠,目前1月至5月都仲有大量房間!   B型「觀景客房」1月房價
26
Nov 16
02:05
新聞

【玩味書架旅館】京都將開設新館!

以觀光客同日本國內旅客為主要Target嘅「BOOK AND BED」終於喺京都開新館啦!京都館同東京館一樣,旅客都係可以走入設於書架中嘅床位入面休息,隨時閱覽書架上面嘅書籍,對書蟲同影相發燒友嚟講簡直係人間天堂!   京都館將會同東京館一樣,將為旅客帶來全新嘅休眠體驗。   同東京館唔同嘅係,呢度將會加設Bar Space「BOOK AND BED AND BEER」,到時大家就可以喺到飲到京都產嘅特色啤酒!   順帶一提,如果冇打算留宿,可以選擇專為想短時間休息嘅旅客而設嘅Plan,有興趣可以去官睇吓。   BOOK AND BED TOKYO -KYOTO 地址:京都市東山区中之町西入ル200 カモガワビル9階 官網:bookandbedtokyo.com
08
Nov 16
00:51
博客

【極寒體驗】入住寒冰村零下6度的冰之旅館

有冇想像過如果冬天去北海道,喺冰天雪地之下入住埋室內只有零下6度嘅酒店會係點?喺咁低嘅溫度吓過返晚竟然唔會變雪條,仲可以有前所未有嘅溫泉體驗,同埋欣賞到畢生難忘嘅迷人雪景添!     呢個冰之旅館嘅外型似足愛斯基摩人嘅冰屋,呈半圓形,位於北海道Hoshino Resort Tomamu嘅Ice Village入面,成個旅館都係由一舊冰雕成,仲係要喺零下14度之下連續3日先雕到出嚟,所以話嚟到北海道又點可以唔嚟朝聖吓呢!     其實呢個冰之旅館每一年都有,不過今年就更加特別,加設咗個露天風呂。呢個露天風呂參觀係免費嘅,不過要浸就住客限定,即係話唔係冰之旅館嘅住客就有得睇冇得浸,好殘忍啊......一坐入風呂嗰刻,視線同冰面形成同一水平,加埋天上繁星閃閃,個景靚到真係好似去咗第二個世界一樣!     浸完風呂行返去個冰之旅館睇睇,原來真係唔係得個殼,入面竟然有用冰雕成嘅枱、梳化同床,真係所有野都用冰整成㗎!     咁凍,係咪擔心會冇覺好瞓?放心,旅館方