旅遊
26
Oct 17
20:04
博客

針對訪日旅客,東京Metro將實施全線免費Wi-Fi

雖然日本各地都有唔少免費Wi-Fi供應,但係一邊搭車一邊有免費Wi-Fi就唔係到到都有喇,不過黎緊終於唔使擔心,事關日本東京Metro鐵路公司為左照顧每年都不斷上升嘅訪日旅客,決定係2020東京奧運前,將會係旗下所有路線實施免費Wi-Fi。 暫時已經投入服務嘅有銀座線同日比谷線,當中日比谷線Wi-Fi服務由「TRAVEL JAPAN Wi-Fi」提供,而其餘路線仲係引入調整階段,所以黎緊會去日本嘅朋友留意返喇,查下您要坐嘅路線完成引入未。 各路線免費Wi-Fi投入時間 路線 開始引入 完成引入(預計) 銀座線 2016年12月 2020年夏天 丸之內線 2018年 (將引入新型車輛) 日比谷線*
30
Jun 17
22:51
博客

石原聰美 最新東京METRO廣告 帶你遊東京茅場町!

石原聰美最新夏季東京地鐵廣告出爐!今次帶大家嚟到茅場町站食江戶時代嘅快餐-蕎麥麵、壽司以及和菓子等傳統日式美食~女神嘅宣傳poster會喺7月1日起於東京地鐵沿途各站公開,嚟緊會去嘅fans千祈唔好錯過!(不妨買埋紀念版石原聰美套票XD) 1)沒有蕎麥麵的蕎麥麵 @ 茅場町 長寿庵 地址:東京都中央区日本橋茅場町1-9-4 營業時間:平日 11:00~15:00、17:00~21:30 週六 11:00~15:00、17:00~20:00 定休日:周日及公眾假期 最近車站:日比谷線・東西線 茅場町駅 步行1分鐘 女神喺廣告入面食嘅蕎麥面「天ぬき」其實係無蕎麥麵係入面,名副其實一碗「蕎麥麵走麵」!話說古代日本人因為想邊食麵邊品酒,但又驚因為掛住飲酒啲麵會淋晒,所以會先叫一碗呢啲「天ぬき」,即係只有天婦羅同湯嘅呢道菜食住先,之後先叫麵。連石原女神都係第一次食呢道菜,話覺得好新鮮呢! 2)食100Yen起嘅江戶前壽司 @にぎにぎ一 新川本館
15
Jun 17
19:51
博客

感受 沖繩 歷史 魅力,沖縄美ら海水族館 旁的「 古民家 村落」

去沖繩一定走唔甩「沖縄美ら海水族館」,但大家又知唔知喺隔離仲有一個有成400歷史嘅古民家村落?去水族館玩嘅朋友可以順便去埋影下相,踩下單車,好寫意。 村頭村尾都有景點介紹板,等你知道有咩睇   有咩必睇?! 村內最大嘅特色就係一座座設計矮小嘅古民家,屋頂通常由橙紅色瓦片搭建,有一隻風獅爺作守護神,而屋嘅四周通常都係沙地,入口位置會有一對「門神」風獅爺坐鎮。 沖繩既古民家都係瓦頂既木建築物,矮矮的一層平房好別緻   細心留意會發現四周都種滿「福木フクギ」,呢種樹有幸福之木嘅意思,除咗代表幸福,亦有遮陰、防風、防潮、防火作用,春天開花既時候仲有陣陣香味,所以沖繩人好鐘意喺屋企周圍種福木,喺沖繩市中心嘅路邊亦周不時可以見到呢種樹嘅蹤影。 行人道兩旁既高大福木造左條綠色隧道,好有秘境Feel   點玩最盞?! 要遊逛這條備瀬村落可以用步行方式,邊走邊拍,慢慢細味,由入口行到村尾都只係15分鐘;亦可以租單車穿梭於村落中,有福木遮陰,特別涼爽,仲可以踩出去海邊兜兜風!
06
Jun 17
00:41
新聞

東京Metro推超靚石原聰美日遊劵!

東京Metro將會推出印有石原聰美BB個樣嘅「Find my Tokyo.」24小時日遊劵!由6月17日起至6月30號都可以買到!呢段時間唔喺東京?唔緊要,話說東京Metro將會每隔3個月推出1次(之後分別係9月、12月同埋2018年3月),1年內共推出4次,總共加埋有12款石原BB嘅地鐵飛!粉絲一定要儲喇~~ 今次6月推出嘅會係以上3個款,都係石原之前為東京Metro拍廣告嘅硬照,而西船橋、浦安、妙典等地區為主題。上年賣3000套,今年加碼賣5000套!1set就有晒3款門票(即係3日地鐵飛),售價為1800Yen。加上今次係第1彈,初回限定特典係可以收納到全12款嘅專用Album! 注意唔係度度有得買!因為東京Metro嘅宗旨係希望客人可以親身體驗該區嘅魅力。所以今次要買就要去東京Metro東西線妙典站購買喇~門票有效期至2017年12月31日,一人一次限買5set。 資料來源:東京Metro
13
May 17
02:52
博客

日本的異國飲食文化 ,和洋合璧表表者「Taco Rice」!

沖繩係一個有趣地方,因為歷史嘅原因,令沖繩嘅飲食融合咗日本和美國的飲食文化!其中一種飲食文化融合嘅料理表表者就係「墨西哥Taco Riceタコライス」! 本來係墨西哥薄餅嘅Tacos去到沖繩之後,日本人就將薄餅嘅秘製醬汁、肉醬、芝士、生菜、蕃茄加到飯上面(可能因為日本人都係唔食飯唔夠飽掛?),好似丼飯咁,再加啲墨西哥辣椒造嘅辣醬,咁就創左Taco Rice「タコライス」呢樣沖繩美食啦! 沖繩有好多店都有賣Taco Rice,不過講真係好好食嘅,個人口味都係覺得「元祖King Tacos」係最正!King Tacos開業於1984年,承繼咗Taco Rice創辦人儀保先生嘅食譜,保證大家係食到最原汁原味既Taco Rice。   元祖King Tacos 門口大大隻字寫住King Tacos,一定唔會睇唔到!   當然唔少得最最最原始既墨西哥Tacos 啦~   30年老字號,名不虛傳,更有新聞報導「造出746KG的墨西哥Taco Riceタコライス的世界紀錄」   4大必食原因! 1. King Tacos 嘅價錢真係20年不變! 一碟Taco Rice20年嚟都係¥600,真係好抵食!
09
May 17
00:41
博客

【分析4大旅遊保險】旅遊保險邊隻好?

就到暑假,又係時侯plan定去邊度旅行!要玩得安心又放心,記得出發前一定買定旅遊保險!坊間有好多旅遊保都好方便地喺網上click個制就買到,不過買之前大家又有冇睇清楚賠償細項?今次小編為大家搜羅咗豐隆、蘇黎世、AIG、英國保誠4大旅遊保嘅相關資訊,同大家一齊分析邊款最「抵買」!   今次用咗5日嘅行程作比較,唔同保險計劃保障嘅內容都可以非常唔一樣! 豐隆保險-金計劃     蘇黎世旅遊保險-銅計劃   AIG-旅遊智易保   美國保誠-旅遊樂   ▶︎邊款最平? 以5日行程計算最平嘅係AIG,基本計劃都只係港幣$48,不過就好似咩都唔係好包,如果係純粹心理上買個安心亦並無不可,而豐隆就經常都有折扣優惠,保費由差唔多二百元折到一百都唔使。 豐隆:$85
25
Apr 17
00:41
博客

沖繩天然地底湧泉-天然温泉Aroma

沖繩人一年四季都可以浸水,因為佢地除左海灘之外仲有温泉!不過,可能你會問,沖繩都無火山,何來有温泉?無錯!貴為極愛浸溫泉嘅國家,佢地連海底嘅火山都唔放過,將地底1300米以下嘅湧泉帶到上地面,等大家就算身處沖繩都可以浸到溫泉!   天然温泉Aroma 沖繩嘅天然温泉唔算好多,而呢間天然温泉唔係酒店,係「日帰り」,即係無得住嘅即日來回温泉設施,但好處係營業時間好長,適合一落機就去浸個温泉relax吓叉個電再出發!   門口有個小小的和式庭園,好有日本風情,浸温泉係要咁先有FEEL!   門口有個泉眼,仲有幅圖話俾你知個温泉堅係1300米地底掘出來的!   場內有很多不同的設施,夠你HEA足一日   當地日本人一個星期至少都來3次,究竟呢間温泉有幾吸引? 首先佢係沖繩最大型嘅温泉設施,有露天温泉、不同温度嘅室內温泉、按摩温泉池、水柱從上而下像瀑布一樣打下來嘅打湯、桑拿等等設備,除左温泉,場內仲有按摩服務,可以即場預約,隨時都可以鬆一鬆。而呢度嘅泉水抽取自地底1300米嘅鹽化物泉,pH值8.2,這種泉質對關節痛、肌肉疲勞、促進消化等都好有功效,所以好多日本人都鐘意放工過來浸一浸!  
20
Apr 17
01:55
博客

飽覽伊勢灣景色旅館推介:若松知多溫泉旅館

話說之前去名古屋採訪LEGOLAND®嘅時候,我就諗除咗可以去白川鄉同飛驒高山之外,附近仲有冇值得一遊同發掘嘅城市呢?然後就畀我發現咗同樣位於愛知縣嘅南部城市:知多市! 呢度係一個位於海邊(眺望伊勢灣)嘅小鎮,麻雀雖小五臟俱全,有各種特色嘅景點可以滿足唔同遊客嘅喜好同需要!今日首先同大家介紹我哋係知多自由行3日2夜逗留時寄居咗兩晚嘅超靚溫泉酒店:若松知多溫泉旅館啦! 今次介紹嘅若松知多溫泉旅館,原先係一間舊式日本溫泉旅館,經過內部重新設計同裝潢之後,搖身一變成為現代感滿滿嘅溫泉旅館! 你見到門口、內部走廊、屏風等都係非常傳統日式設計,但無論係大堂、房間甚至溫泉風呂嘅設計同設施都好有taste、現代化及高科技,住起上嚟非常舒適!
17
Apr 17
11:57
博客

超重口味!入場5分鐘足以令你精神崩潰-夢幻博覽會

尋日喺Twitter,有日本網民吹雞問有冇人想同佢一齊去呢個聲稱「入場5分鐘足以令你精神崩潰」嘅まぼろし博覧会(夢幻博覽會),佢仲話死之前點都想去睇一次添!到底呢個地方有咩咁巴閉?   誰か静岡県にある「まぼろし博覧会」行きませんか、、入場して5分で精神崩壊するらしい。こんなにカオスで狂気溢れてる博覧会日本でここだけだと思う、、死ぬまでに絶対行きたい pic.twitter.com/GROhSyWDoC — 🥀 (@uran1600) 2017年4月16日   まぼろし博覧会嘅官方網站就聲稱自己係一個以嘔心可愛(キモ可愛い、即係核突嘔心得嚟又有kawaii嘅地方,係咪好難明呢?簡單啲嚟講即係重口味)為主題嘅天堂樂園。而人氣綜藝節目《交給嵐》同《有吉學堂》都有去採訪過,所以有睇開日本綜藝嘅可能對呢個地方唔陌生! 小編雖然仲未去過,不過為咗介紹呢個地方時搵咗以下堆圖,真心覺得堅重口味。真係千奇唔好帶小朋友去,應該會嚇到佢哋有童年陰影。如果你ready嘅話,我哋即刻,去圖。 首先門口會見到呢個牌。
11
Apr 17
22:17
博客

去沖繩仲買紅芋撻!? 梗係自己「親手」做啦!

去沖繩玩,當然要食沖繩既名物紫薯「紅芋」啦,仲一定要去埋御菓子御殿掃「紅芋撻」做手信! 唔講唔知,原來喺以前紅芋只被當作用嚟填飽個肚嘅食糧,但自從御菓子御殿創作咗紅芋撻之後,紅芋撻就帶動整個紅芋熱潮,更加成為唔少人都大愛嘅甜品,所以御菓子御殿嘅紅芋撻絕對稱得上係紅芋甜品嘅始祖!   恩納店門口,彷首里城設計既門口好特別   雖然而家紅芋撻隨處都可以買到,但你又有無諗過原來可以自己親手製作紫薯撻送俾你嘅至愛?御菓子御殿嘅恩納分店就推出咗「紅芋タルトて作り体験コース」,即係手作紫薯撻體驗課程,等大家都可以做吓阿某整吓餅,享受過程中嘅樂趣!   放心,就算完全無整餅經驗嘅人,甚至喺小朋友都可以一齊玩!   課程好簡單,適合作為親子活動。   體驗課程大約2個鐘,想玩就要提早一日下午5點前打電話去預約,如果無電話可以請酒店幫手打去預約,課程可以㨂整8個或12個。 體驗當日記得要早10分鐘到達店舖,喺最右邊嘅「團體受理counter」登記完工作人員就會帶你上二樓體驗工房。由於體驗工房對正個海,落地大玻璃完全阻擋唔到無敵大海景,所以喺等待嘅期間大家不妨拎個相機出嚟大影特影!