旅遊
23
Jun 16
01:57
博客

【思人導遊】教你以「非動漫角度」遊走秋葉原!

我相信有唔少人都同我一樣,對動漫零認知、連海賊王都無睇過。而好多人都認為動漫天堂秋葉原就一定唔岩我地呢D人行,因為周圍剩係得動漫、女僕Cafe、Figure、Cosplay,老實講我睇完都唔知乜黎(動漫迷唔好打我)。所以好多同我一樣嘅人最多都係睇下電器就已經無乜野好行。(偷偷講你知,我之前去秋葉原只係出左閘影左張相,行左大概10分鍾就走左。)無錯,我原本都係呢種人,但從今日起我發現原來秋葉原係有唔少動漫以外嘅野嫁!睇黎下次去東京可以嘗試下用一日遊走秋葉原啦yeah!事不宜遲,即刻睇下一日可以點樣過啦!   【09:00~10:00】うず潮 黎到日本食早餐當然要一嘗日式早餐(味增湯、飯),個人認為呢間「うず潮」就一定要試試啦!原因係呢到有個非常特別嘅「回轉早餐」,所謂「回轉早餐」就即係自己喺回轉帶上揀配料呀!   個形式好簡單,就係先買呢個基本set(味增湯+飯+紫菜/310円),之後再好似平時食回轉壽司咁揀一碟就加一次錢。   配料分別有呢D(如生蛋、納豆、薯仔沙律等),價錢就分別54円/108円,好抵呀
21
Dec 16
03:18
博客

【思人導遊】帶你去盡梅田五個「二線好地方」!

1.BREEZE BREEZE(北区梅田) 梅田BREEZE BREEZE係一幢時尚大樓,入面主要賣唔同品牌嘅fashion,好似係Urban Research, Banana Republic咁。   一幢好嘅大樓除左商鋪,當然唔少得要有餐廳!當中一定要提一提嘅就係喺33層高嘅「The 33 Tea & Bar Terrace」,因為佢唔係一間普通嘅餐廳,而係有得由33樓望出去欣賞梅田景色嘅「展望餐廳」。無論你係晏就定夜晚黎,都可以邊歎住美食邊眺望大阪嘅日/夜景,真係幻想下都覺得好幸福!   最近聖誕節仲搞左個Xmas x Handmade嘅特別企劃,喺12月1日至25日期間,一樓就會有超過50個有名手作者handmade嘅產品,種類繁多,好似首飾、iphone case、木工、蠟燭等等,應該有排你睇呀!   名稱: BREEZE BREEZE(北区梅田) 地址: 大阪府大阪市北区梅田2丁目4-9 前往方法:由阪神梅田駅歩行5分鐘 營業時間:11:00~21:00(餐廳~23:00)  
09
May 17
00:41
博客

【分析4大旅遊保險】旅遊保險邊隻好?

就到暑假,又係時侯plan定去邊度旅行!要玩得安心又放心,記得出發前一定買定旅遊保險!坊間有好多旅遊保都好方便地喺網上click個制就買到,不過買之前大家又有冇睇清楚賠償細項?今次小編為大家搜羅咗豐隆、蘇黎世、AIG、英國保誠4大旅遊保嘅相關資訊,同大家一齊分析邊款最「抵買」!   今次用咗5日嘅行程作比較,唔同保險計劃保障嘅內容都可以非常唔一樣! 豐隆保險-金計劃     蘇黎世旅遊保險-銅計劃   AIG-旅遊智易保   美國保誠-旅遊樂   ▶︎邊款最平? 以5日行程計算最平嘅係AIG,基本計劃都只係港幣$48,不過就好似咩都唔係好包,如果係純粹心理上買個安心亦並無不可,而豐隆就經常都有折扣優惠,保費由差唔多二百元折到一百都唔使。 豐隆:$85
23
Mar 16
00:14
博客

【東京都,唔似膠囊酒店嘅豪華版膠囊酒店】

嗱除非你好有錢,如果唔係喺今時今日去旅行嘅話一定係平住嘅! 咁除左airbnb,去日本仲可以點樣平住? 醒目就諗到啦!咪就係住「膠囊酒店」囉!   唔好諗住膠囊酒店就一定係逼到轉個身都辛苦果種, 因為日本有唔少「豪華版」膠囊酒店嫁! 就等我打救下你個荷包,  睇下東京邊到有D又平又靚嘅膠囊酒店啦!   1.First Cabin(ファーストキャビン) First Cabin呢個概念係諗住飛機嘅first class而成嘅,追求舒適同機能。 裡面有兩種房比你揀,一個就係4.4平方米嘅「First class」,另一個就係2.5平方米嘅「Business class」。 而且,佢唔係剩係得張床嫁,仲有即棄拖鞋,毛巾等等基本設施都有嫁! 仲有仲有!!個廁所連洗面奶,卸妝水,爽膚水乳液都有提供比客人!太誇張了吧! 呢間膠囊酒店目前有3間,分別係秋葉原,羽田機場terminal1同埋築地,有興趣嘅朋友就唔好錯過啦!   2.ブンカ ホステル東京(bunka hostel Tokyo)
08
Jun 16
22:58
博客

現實版童話世界-福岡県「糸島」

大家有無聽過「糸島」呢樣野?佢係位於福岡県福岡市,喺繁華街到乘車40分鐘左右就會到。佢係喺福岡縣嘅西北部,同大自然比較相近。「糸島」半島嘅海岸線非常靚,周圍有可以睇到日落嘅Cafe,個性派雜貨店等等,係用黎幫自己差電嘅好地方。 而最近「糸島」多左唔少又潮又靚嘅Cafe同商店,成為左福岡新嘅觀光地。因為佢比大海同山包圍著,所以環境非常靚。而且,因為環境靚,所以亦都好受女性歡迎,點解?因為可以影靚相呃like囉!下面係「糸島」嘅吸引之處,睇下睇完之後有無想去嘅感覺?   ヤシの木ブランコ(樹木鞦韆) 無錯啦「糸島」最特別嘅一個位就係呢個「樹木鞦韆」,係咪唔講真係會以為係外國呢?利用左呢2棵看似想倒塌嘅樹木黎做鞦韆,已經吸睛到不得了,坐埋上去影張相,IG女神仲唔係你!?而且佢最正係面向大海,fing下fing下果時一邊望住海景放空,超級歎呀!
07
Jul 16
23:43
博客

【新到核爆】2016年東京新開業七間酒店!

我都知而家興窮遊,興住airbnb/民宿而唔住酒店。(呀唔係因為hit,係純粹因為_ _ _,哪有錢)但有時候我覺得去旅行都要適當地享受下嘅。講開享受嘅話,都離唔開食同住,今次就想介紹下喺日本東京2016年新開嘅酒店啦!大家不妨可以試下,因為佢地都各有特色,總有一間吸引到你嘅!   1.Unizo銀座7丁目   首先介紹嘅係位於銀座新鮮滾熱辣嘅呢一間,佢喺有好多名店雲集嘅銀座6-8丁目中間,所以酒店附近都非常熱鬧,會比你一種「好銀座」嘅感覺,即係點?即係成熟得黎又時尚嘅味道囉!佢有免費Wi-Fi,唔洗擔心上網問題。   開業日期:2016年6月20日 費用:最低價房間約$600/一晚 地址:東京都中央区銀座7丁目10番9号 前往方法:東京メトロ銀座線・日比谷線・丸の内線「銀座」駅A3出口歩行5分 訂房網站:http://www.japanican.com/hk/hotel/detail/4012060   2.東急ス
10
Aug 16
21:42
博客

【思人導遊】超多元化.玩到攰お台場一天遊!

台場一向都係超有人氣嘅地方,因為呢到好多觀光同玩樂設施,無論大人細路、一大班朋友、家庭旅行定情侶拍拖都適合。而由於台場同其他旅遊地區唔算近,所以我建議各位安排行程果時,最好plan一日喺呢到。你都唔想趕頭趕命仲要玩唔哂嫁係咪先?好啦事不宜遲,即刻同你睇下台場有咩正野啦!   咁首先,去台場嘅交通其實都好方便。去台場果個站名叫做「東京テレポート」,咁要去呢個站就要搭「りんかい線」。但其實呢條線係同JR埼京線互通,即係話你可以喺池袋/新宿/渋谷到搭埼京線,然後就直到嫁啦!   【09:30~10:30】bills お台場   呢間bills一啲都唔惹少,因為佢來自悉尼,被譽為係世界第一早餐。而佢出名嘅就係pancake!   嘩係咪睇到張圖都流哂口水呢!?(PANCAKE一份約1400円)   名稱: bills お台場 地址:東京都港区台場1-6-1デックス
30
Sep 16
18:11
新聞

付款新模式?日本指紋付款下月試行!

遊日消費新模式!日本經濟產業省宣布,為配合2020年東京奧運,下個月開始將推行「款待平台」試驗計劃,遊客可以喺關東、關西及九州,以指紋認證付款,體驗「無現金消費」。     計劃目的係減少遊客攜帶現金及信用卡嘅需要,從而減少罪案發生。而遊客噝日本入境時,只須登記指紋、掌紋、護照及信用卡等資料,就可以於裝有相應裝置嘅購物地點、溫泉設施、酒店、旅館、餐廳等以「指紋付款」,唔駛袋住咁多現金之餘,亦都可以節省兌日圓嘅時間。   關東方面,東京神奈川縣箱根、熱海、文化古都鐮倉等觀光區,遊客可於約100間食肆、酒店等使用新服務。至於關西方面,遊客只須透過手掌認證,如到大阪海遊館及附近商場消費,打開手掌就可以付款。   經濟產業省期望喺2020年東京奧運可以普及化。   而「款待平台」收集所得嘅購買紀錄及消費動向等資料,都會分享予業界用作分析消費動向。但由於指紋付款會涉及大量遊客個人資料私穩,所以經濟產業省亦會透過今次試驗,為私隱保護規管作準備。
30
Nov 16
04:09
博客

【思人導遊】三個必去嘅大阪景點‧聖誕特別篇!

又到聖誕,又到聖誕!臨近聖誕節真係人都開心啲!有無人聖誕節會去日本呢?我就成日好羨慕可以去日本過聖誕嘅人,因為硬係覺得日本嘅聖誕節比香港嘅更加有氣氛,而且啲燈飾都靚過人!但係如果想去到一啲最值得去睇嘅聖誕燈飾、聖誕市集,就真係要做定功課,因為無論東京大阪都好,實在有太多選擇,揀都揀到你暈陀陀呀!所以今次就介紹定日本人都認為聖誕必去嘅三個大阪景點,等大家有定個概念啦!   選擇一:海遊館 海遊館本身已經係大阪一個幾出名嘅景點,到左聖誕節佢又有乜野特別呢?除左大規模嘅燈飾之外,最有趣又有氣氛嘅莫過於「潛水聖誕老人」啦!   呢個可以話已經係海遊館嘅傳統黎,喺有鯨鯊嘅巨型水槽入面會有聖誕老人登場!著住聖誕老人服嘅潛水員會喺水槽到游黎游去,仲會同玻璃外面嘅遊客猜下包剪揼咁搞氣氛,如果你show部相機俾佢睇示意佢影相,佢仲會好合作咁望鏡頭添!   另外因為海遊館就位於係天保山ハービービレッジ,果到一向都係好有人氣嘅聖誕燈飾area,男女老幼都岩去,又有摩天輪可以搭,閒閒地玩成日都無問題㗎!
02
Sep 16
05:40
博客

【思人導遊】坐下在目黑區深宵那個摩斯漢堡店~

「坐下在目黑區深宵那個摩斯漢堡店~」大家聽到目黒呢兩個字,我相信個個都會諗起周國賢首歌「目黒」而唔係日本嘅地方。既然咁熟悉目黒,不如索性熟悉埋真正嘅目黒啦!話唔定當你睇完我今次嘅介紹之後,再聽番目黒呢首歌會有另一番感覺呢!   目黒可以話交通非常之方便,因為佢無論係JR(山手線),東京METRO(南北線)定係東急電鐵(東急目黒線)都有佢嘅站,真係四通八達㗎!   【10:00~11:00】果実園 リーベル   食早餐對我嚟講係一日裡面相當重要嘅環節,因為佢足以影響到當日全日嘅心情!所以揀早餐一定唔可以馬虎,起碼色香味其中一樣要吸引先!今次揀嘅呢個就符合哂色香味標準啦,佢就係食水果Pancake㗎啦!   嘩你睇下幾吸引!水果健康得嚟又好食,加埋Pancake更加增添食慾!   唔止Pancake,仲有呢D水果三文治咁,全部都好睇又好食啊!價錢都係圍繞1000-1999円,唔算好貴呀!   名稱: 果実園 リ