新手
17
Aug 17
23:52
博客

江之島eno=pass 新手一日遊攻略

今次介紹人氣觀光地江之島推出一個eno=pass非常抵玩!呢個pass價格只需要1000円,其中幾個觀光地免費外,仲有部份飲食、手信店可以有折~今次就教教大家點樣用呢個pass遊江之島啦!   首先介紹一下呢個pass先 大人 1000円  小童 500円 (1)1日內可無限次用嘅包括 ‧江之島山頂電梯 ‧山繆克金花園 ‧江之島展望燈台 ‧江之島岩屋   (2)島内*部分飲食店、手信店消費滿1000円以上可享有95折 (3)新江之島水族館 入場費9折 (4)江之島 island spa 9折 (5)江島神社奉安殿 參拜優惠   *優惠飲食店、手信店詳細店舖:http://www.fujisawa-kanko.jp/spot/1daypass.html   購買地方: (1)藤沢市觀光案內所 地址:神奈川県藤沢市片瀬海岸2-20-13 小田急江之島線 片瀬江之島駅 徙步1分鐘 江之島電鐵  江之島駅 徙步7分鐘   (2)片瀬江之島觀光案內所 地址:神奈川県藤沢市片瀬海岸1-14-8 小田急江之島線 片瀬江之島駅 徙步1分鐘 江之島電鐵  江之島駅 徙步5分鐘   (3)江之島山頂電梯 地址:藤沢市江の島2-3   江之島eno=pass一日遊行程
06
Oct 16
02:15
博客

【新手教學】教你用「樂天」坐住掃日本貨!

有玩開網購買日本野嘅應該都一定有聽過樂天市場(日文版),基本上你想買嘅野都可以喺入面搵到,我啲日本同事好多時都上樂天買傢俬,話抵好多。至於我有時突然想食日本某啲零食或想買藥妝之類,我都會上樂天搞掂,好鬼方便。   不過樂天市場係有分日文版同Rakuten Global Market,對於唔識日文嘅人嚟講用日本版可能就有啲難度,成日要估估吓嚟買野,為咗俾唔識日文嘅國外買家都可以隨時買到心頭好,樂天喺呢幾年整咗個海外版(即係Rakuten Global Market),吸引更多外國客去買嘢~   雖則日本版樂天市場同Rakuten Global Market都係同一個媽媽生嘅,不過實際上佢地又有少少分別,而綜合過各買家嘅意見,我得到嘅結論係:   ◉Rakuten Global Market 店鋪會比日文版少,所以貨品都會少啲,因為搜尋結果只限有提供海外銷售嘅店舖嘅商品,所以只提供內銷嘅店舖同商品就唔會顯示到,但另一個好處就係唔駛好似日文版咁filter送唔送國外。   ◉有時某啲限時特價促銷熱門商品喺日文版顯示有貨,喺Rakuten Global Market會話售罄,或者兩面價錢會有啲分別。   ◉日文版樂天市場正常就冇免稅,Rakuten Global Market揾到免稅商品嘅機會較高   註冊教學 咁到底Rakuten Global Market好唔好用呢?首先教大家註冊,再一齊研究下整個購物流程。 因為日文版樂天同Rakuten Global Market個ACC係互通嘅,已經係樂天會員嘅就直接喺Rakuten Global Market登入就得ok。有中英日文俾你㨂,今次就用殘體字試下啦~