新幹線
11
Jan 17
00:21
博客

冇咗佢唔得,但唔係人人坐得嘅超人氣新幹線特別列車

新幹線係咩相信唔洗解釋大家都知。 不過除咗以營運緊嘅新幹線列車外,家下至少有3列車新幹線列車係比較特別, 冇咗佢唔得,但普通乘客又唔坐得嘅新幹線列車! 就係新幹線電氣軌道綜合試驗車,花名Doctor Yellow。   新幹線電氣軌道綜合試驗車,顧名思義就係用來檢查軌道及電氣設備嘅特別車輌。 不過唔單只檢查住電力同軌道,仲有好多野可以檢查同分析數據,包括信號同通信等等。   雖然話Doctor Yellow 行走時間冇公開, 不過東京至博多這段1174公里來回檢查,最快都要3日先檢。 檢查車程都大約固定咗, 好似第1日:東京 → 廣島。第2日:廣島 → 博多 → 廣島。第3日:廣島 → 東京 或者第1日:東京 → 新大阪。第2日:新大阪 → 博多。第3日:博多 → 新大阪。第4日:新大阪 → 東京   網友就會預測得到Doctor Yellow幾時會出現,甚至喺討論區度通知大家幾時出現過。 Doctor Yellow 討論區 大家要捕捉就冇以前咁難~甚至好多爸爸媽媽帶仔女去野外捕捉Doctor Yellow。
28
Oct 16
19:11
新聞

坐新幹線東京至函館北斗可以喺4個鐘内到?

國土交通省指希望喺2021年春天開始,毎日有一班北海道新幹線可以喺4個鐘由東京往返函館北斗少過4小時。 而家東京往返函館北斗最快要4小時2分,一日有3班,班次為東京開出嘅はやぶさ(隼)5號同はやぶさ(隼)11號及函館北斗開出嘅はやぶさ23(隼)號。 計埋由函館北斗去函館嘅函館ライナー(直車),東京往返函館要近4個半小時。 家下要咁耐時間嘅原因係北海道新幹線中奥津軽いまべつ(今別)至木古内一段,係要同貨物列車共同使用津軽海峡線内全世界第2長嘅青函隧道。(全長53.85公里,其中有23.3公里穿越津輕海峽底下。係連接本州與北海道兩大本島,係日本嘅貨物大動脈) 同貨物列車共用時,北海道新幹線必須減速至140KM/H。 如果北海道新幹線列車行高過140KM/H,喺個一段就可能因為大風令到對面線路上行緊嘅貨物列車反車。 另外因為共同使用津軽海峡線,所以共用嘅一段好多特有設備, 特別係貨物列車用係日本比較窄嘅窄軌軌距(1067mm),而新幹線係用比較闊嘅標準軌距(1435mm) 為左2邊都行到,所以就出現3軌區間, 左邊個條路軌係共用,而右面有2條路軌,入面個條係貨物/客車列車用,外面個條係新幹線専用。
16
Apr 16
00:54
新聞

搭出品味!「現美新幹線」本月內通車

「現美新幹線」並唔係日本又開通新路線,而係行走上越新幹線路線嘅特殊列車。現美係指現代美術,整架列車外觀係由日本著名攝影師蜷川実花負責設計。列車係用返秋田新幹線小町E3系0番台改裝,總共6卡車箱。每卡車箱都有唔同圖案,但都係以黑色為底色,加上新潟縣長岡市超有名嘅花火大會嘅煙花設計。   外面咁HIGH-CLASS,裏面當然唔會差。 睇下幾豪華 仲有CAFE   裏面裝修到成個美術館咁。6卡車各有主題,邀請八位藝術家發揮専長。 有立體藝術   映像藝術 仲有平面設計、繪畫、㓮刻、攝影,搭完都即刻覺得自己品味有昇華。 想搭咁豪華嘅新幹線,就要先預約。因為全列車只有105個位。2016年4月29日通車,行走越後湯沢駅至新潟駅之間,全車程約50分鐘。直至7月之前只有指定席,7月
12
Oct 16
19:06
博客

留有遺憾嘅世界記錄王者,JR西日本500系新幹線

超超長文注意!!!火車文注意!!! JR西日本500系新幹線,喺日本内無人不知嘅子弾火車,擁有戰鬥機嘅流線外型,世界記錄嘅速度,喺世紀90年代初,JNR(國鐵)分社後,山陽新幹線納咗入JR西日本(西日本旅客鉄道)内,但同JR東海嘅東海道新幹線唔同,面對日本航空、全日空,仲有日本佳速航空嘅強大競爭,JR西日本需要新嘅服務先有能力同航空公司對抗。   0系   100系 JR西日本最初將舊有嘅新幹線0系及100系改良,提供更好嘅服務,但係速度上都喺輸咗畀飛機,雖然可以將100系提升速度上270KM/H,但喺因為過唔到日本嚴例嘅噪音法。所以喺1990年,JR西日本提出了新幹線高速化報告,目的在於開發可以喺350KM/H嘅時速上載客運行,取得所需嘅科技而製作試験列車。   300系 在1992年,300系正式投入服務嘅同年,目指時速350KM/H嘅500系原型試作列車,500系900番台正式登場,一共六卡一列,由日立和川崎重工制作,名為Win350(West Japan Railway's Innovation for the operation at 350km/h)。Win350在6月8日開始試験,並喺8月8日成
08
Dec 16
00:34
新聞

2月開始JR東日本預約網站可以預約JR北海道列車及北陸新幹線全線

JR東日本網路訂票系統將於下年2月開始提供JR北海道列車及JR西日本北陸新幹線嘅預約服務。 可供預約嘅列車包括北海道同北陸新幹線,JR北海道範圍内之特急列車及快速機場列車。   JR 北海道及 JR 東日本為咗外籍旅客更輕鬆地享受鐵道嘅旅程,整合咗外國旅客專用嘅指定席網絡路訂票系統。 JR 東日本的JR東日本網路訂票系統(JR-EAST Train Reservation),過去只可以預約 JR 東日本內嘅新幹線及特急列車等列車嘅指定席,但下年 2 月 1 日之後,將提供北海道同北陸新幹線,JR北海道範圍内之特急列車同快速機場列車等指定席嘅預約服務。以後就可以一次過預訂金沢及札幌~東京等北海道同東日本兩個地區嘅指定席,非常方便!   「JR東日本網路訂票系統(JR-EAST Train Reservation)新增嘅功能有 1. 可以預約 JR西日本嘅北陸新幹線同JR 北海道地區內嘅新幹線、特急列車、快速機場列車嘅指定席!  2. 使用「北海道鐵路周遊券」及「JR 東日本・南北海道鐵路周遊券」等外國旅客
02
Mar 17
23:53
博客

KATO 500系 TYPE EVA 入線報告

上個星期出咗500系 TYPE EVA BTRAIN入線報告啦~ 今次到日本N系第一大廠KATO喇! 今次其實對KATO有小小失望。 第一,海外買唔到。 第二,最初日本國内都買唔到,初初KATO好似太有自信,只可以喺鐵道模型比賽2016入場買。 仲有其他介紹後再講。 KATO 8卡500TYPE EVA,產品號碼10-942,最初定價30000円連税。 個紙盒係設計得幾靚。 先係個盒正面:   個紙盒背面:   内盒都有EVA LOGO:   内盒都有個小LOGO:   仲送一個上軌器: 成Set買就係咁! 到車卡介紹。 車卡產品號碼同車卡號碼 4356-9,521-7002 1號卡 4661-9,526-7004 2號卡 4358-9,527-7003 3號卡 4662-9,528-7002 4號卡 4663-9,525-7004 5號卡 4365-9,526-7202 6號卡 4
26
Oct 16
19:53
新聞

富士山終於有返雪喇

甲府地方天文台喺26號朝早6點半左右, 確認富士山山頂有返積雪, 比平均遅左成26日, 亦比上年遅左15日, 喺1894年開始有観測以黎最遅, 並同1956年一様。 不過喺静岡新聞社就話尋日已經有雪, 仲要坐直升機去影相, 不過尋日甲府天氣欠佳, 所以睇唔到有雪。。。 有誤差最大原因喺山頂嘅富士山測候所係2004年巳經停止左落雪嘅常駐観測。。。 結果2個擁有富士山嘅県就出現誤差。。。 個人認為静岡會準啲, 因為富士山最高點係係静岡県内, 但係搵左静岡地方天文台個網站好耐都無見到有富士山山頂積雪Ge資料。。。 日本朋友指, 静岡地方天文台要放心機係東海道地震同火山, 所以無資源及時間理富士山山頂積雪! 所以富士山山頂積雪係静岡新聞社先會理。。。 不過要坐新幹線睇到富士山有雪可能要11月先睇得到喇~~河口湖同箱根可能會好啲啲
01
Nov 16
23:54
新聞

中央新幹線最難興建隧道西面開始動工

JR東海嘅磁浮式中央新幹線、 最難興建嘅隧道,日本南阿爾卑斯隧道長野工地開始動工   動工儀式喺長野県下伊那郡大鹿村舉行,JR東海董事長山田佳臣,總經理柘植康英,鹿島建設總經理中村満義,長野県首長阿部守一同一部份市町村長,仲有同工程有関係等等人物約100人出席。   呢個工程係繼南阿爾卑斯隧道山梨工地及東京品川工地之後第3個開始動工,原因係呢個工程可以話係最長時間同難度非常高。 南阿爾卑斯隧道全長25公里,今次動工長野工地最深離山頂頂達1400米,喺成個磁浮式中央新幹線入面最深,而且仲有鹿塩鉱泉同奈良田温泉喺附近,預計工程中會出現地壓非常高,中間會有好多入水同行經極度惡劣地質,包括地震帶斷層,剪裂帶及地下湧泉等況。工程難度可能凌駕北越急行線嘅鍋立山隧道。   JR東海希望可以係2027年先開東京至名古屋、到時東京品川去到名古屋只需40分鐘。   而東京至名古屋中央新幹線一段造價約5兆5,235億円,約港紙4000幾億。 不過總經理柘植康英指,雖然南阿爾卑斯隧道嘅工程難度前所未見,但係不論發生咩事都要放安全喺第1位!   最近宇多田光幫Suntory賣天然水廣告就喺同一個山
15
Feb 17
18:08
博客

500系 TYPE EVA B-train入線報告

車長好耐之前出過一篇留有遺憾嘅世界記錄王者JR西日本500系新幹線嘅文章, 入面都有講過500系 TYPE EVA,一列型到爆嘅Crossover新幹線。 當然大把周邊產品,最注目都係3大日本火車模型生產商出嘅N Scale 500TYPE EVA模型。而上個月TakaraTomy旗下N Scale品牌TOMIX都正式出貨,終於都可以拎黎比較! 不過車長會講講Bandai旗下嘅Bトレインショーティ(B-train Shorty)出嘅N Scale (N Scale係指9mm 軌距大小1比150-160嘅鐵道模型)500 TYPE EVA先。B-train Shorty(大家會就咁叫B-Train,下面都會用B-Train表示),係Bandai喺2002年開始係進入日本N scale市場嘅産品。不過之前日本一直由KATO同TOMIX呢2間大廠佔市場,而1比160嘅火車模型對地小人多嘅日本大城市都係太過長,所以Bandai就將N Scale短縮化。而制造出Bトレインショーティ(B-Train)系列。之後成功打開咗個車卡長度較短嘅新市場。   不過B-train有2個缺點,第一個就係要砌,第二個要行的話,要另外再買動力佩件先可以行得。   今次B-Train嘅500 TYPE EVA,喺普通商店係好難買到,一定有貨的話最好喺網上買。Eva Store同JR西日本商事都仲有貨。 另外B-Train嘅500 TYPE EVA分為A Set同B Set。分別係頭四卡同尾後四卡,每Set售價都係4428円連税,要買晒A