新年擺設
05
Dec 16
04:12
新聞

年末新年倒數前後渋谷會有大規模封路

東京渋谷(澀谷、下稱渋谷)JR忠犬八公站前十字路口及其一帶,將於年尾12月31日晩至新年1月1日朝早會有大規模封路畀群眾作為「歩行者天国」去倒數及慶祝新年來臨!   為咗防止出現大混亂,警視廳同渋谷區決定今次封路相比萬聖節更大規模,包括渋谷駅西北一帶,犬八公站前十字路口,公園通,文化村同道玄坂一部份!暫定封路時間為31號晩上10點至1號凌晨2點。   近幾年渋谷駅西北一帶因為倒數及慶祝新年嘅人群太多,所以出現小規模混亂,警察亦拘捕咗少量人仕。有關當局估計今年都會幾混亂。由三年前去到上年,警視廳採取完全禁止群眾使用JR忠犬八公站前十字路口過馬路,結果令到渋谷駅西北一帶聚集咗大規模嘅人群,反而出現更加危險之情況。 所以今年萬聖節用相反方法,直接封路畀群眾作為「歩行者天国」,結果今年10月29-31日成功減少混亂。因此今年倒數及慶祝新年嘅時間JR忠犬八公站前十字路口及其一帶會有大規模封路,畀群眾作為「歩行者天国」去倒數及慶祝新年來臨!   各位去東京過新年嘅朋友都可以去渋谷感受下氣氛啦! 大家倒數可以去渋谷玩返晩喇!!!!
12
Jan 16
22:58
博客

搶購6個東京無印良品福袋2016 (附搶購心得)

福袋象徵好消頭,所以每年日本新年1月1及2日,日本差唔多所有店舖都會推出福袋,福袋裡面有咩大家都唔知,但福袋裡面嘅商品合共價值肯定超過福袋嘅價格!所以無輪日本人同旅客都對搶福袋呢個傳統感到好興奮! 小編係剛過去嘅2016年1月1日及1月2日去左東京搶福袋呀,由於已經係第二年係日本搶福袋,吸收過往年嘅經驗,我唔會再亂咁買福袋啦,因為上年買左太多伏袋了XD 小編個人意見認為無印福袋係最值得入手嘅福袋,因為佢真係唔會呃你,透明膠袋包裝,可以預先窺探入面有啲咩,而且貨品中伏率極低,一直被評為性價比最高嘅福袋! 但咁正嘅福袋又點會咁易比你買到,你想訓醒斯斯然食埋LUNCH先過去無印買福袋?無可能嘅事!唔預早係開門之前排隊已經偷笑啦,相對一啲熱門地區嘅無印,更加要早半小時以上排隊;如果想買到心儀嘅福袋無守保計更加要早一個半小時到!*1月2日提早1小時15分鐘到達吉祥寺0101分店已大排長龍無印福袋一共係有7款嘅,包括: 1.女裝衣服(S,M,L)- 5000円 2.女裝衣服(S,M,L)- 3000円 3.男裝衣服 -(M,L)5000円 4.男裝衣服(M,L)- 3000円  5.家品 - 3000円  6.文具 - 1000円  7.美妝小物 - 2000円
05
Feb 16
22:00
博客

日本新年三大禁忌

農曆新年禁忌多多,小編就最怕無得洗頭!好在屋企唔算超級傳統,唔係新年真係會好頭痕~ 咁好守規矩嘅日本人新年又有咩係唔做得呢?禁動刀煮食 相比起新年要煮九大簋,日本人新年頭三日係唔可以開爐火,一來免得整野食會打擾到訪家中嘅神明,二來當係俾辛苦左成年嘅主婦們休息三天。所以佢地會一早準備好「御節」,即係一個好豪華嘅三層大形便當。唔想自己整足三日份量咁辛苦,就要一早向餐廳或者百貨公司果預訂。仲有新年用刀會令人聯想到日本武士要切腹,所以新年都係乖乖地咁食三日凍冰冰嘅御節料理啦...禁送鞋襪瓷器 日本人新年禮物稱為「歳暮」,要係新年前送,而唔係好似我地一路拜年一路送。而禮物以實用為主,除左高級食品,日用品、罐頭等等都可以送! 不過要小心以下幾樣野: 鞋襪:有「踐踏」嘅意思 鐘表、書包、文具:有鼓勵勤奮嘅意思,唔可以送俾長輩。 瓷器:因為易碎會令人聯想到夫妻關係不穩,唔可以送俾新婚夫婦。 茶葉:有「嫁出去嘅女等於潑出去嘅水」之意,好似新
03
Feb 16
00:26
博客

跟日本人過新年:擺設大全!

日本人無農曆新年,所以一月一日就係佢地嘅新年。但同我地一樣,佢都會大掃除下,裝飾屋企黎近接新一年。以下就係日本新年必備嘅三種裝飾品:注連縄(しめ縄) 平時係神社都會有注連縄,新年放係門口就可以趕走厄運,係新一年得到神靈庇佑。門松 用松枝、竹子製成嘅裝飾品。據講神明會依附係代表長壽嘅松樹之上,所以會擺一對係門口用黎「迎神」。 鏡餅 由一大一細嘅年糕疊成,頂再放一個酸橙。整成圓形嘅年糕係古時一來係代表「滿月」之後就係新一年嘅開始,二來係因為係日本神話中有神明依附嘅三神器之一「八咫鏡」都係圓形嘅,所以就會擺係屋入面等神明住入去,保佑全家。而上面嘅裝飾唔同地方都會有啲唔同,但每一樣野都係會有唔同意義我就唔一一介紹,總之都係好野啦!新年之後要將它敲碎,用入面嘅年糕黎整雜菜湯或者紅豆湯。 以上三樣野係傳統上都有唔同日子擺放。不過依家已經越黎越少人遵守,多數都會過左聖誕之後先換上新年裝飾。但要記住避開29日(「9」讀音似苦)同31日(放得一晚唔夠誠意),所以最好28日就放好曬啲野。除左以上三
31
Dec 16
00:34
博客

東京及京阪初詣神社推介

又到新年,日本人點都會去一去神社祈求新一年順順利利。 等車長介紹吓東京、大阪同京都最多人去嘅神社啦!   東京 代代木明治神宮   東京的話當然係明治神宮啦~ 全國最多人去初詣~不過車長有年排咗4個鐘先入到去,最好天光先去,至少無咁多人。 JR山手線原宿/代々木站行約10分鐘就到!   目黒不動尊 瀧泉寺   2016年運氣欠佳同唔太順利的話,就要去目黒不動尊 瀧泉寺初詣喇,有成1200年歴史,好多人都話會由運氣欠佳轉為不錯。 JR山手線目黒站行約13分鐘。   飯田橋東京大神宮   貴為伊勢神宮嘅分社,就同本社一樣求姻緣同婚後順順利利! JR中央・総武線飯田橋站行約5分鐘。   京都 伏見稲荷大社   貴為全日本三萬間稲荷神社嘅總社, 去伏見稲荷大社初詣的話會保佑你2017年平平安安。 JR奈良線稲荷站行1分鐘。
17
Nov 16
19:47
博客

JR東日本年尾通宵車及新年日出號

JR東日本發表咗年尾通宵車及新年日出號嘅資料 年尾31日喺東京嘅朋友要留意喇 先講咗年尾通宵車先   1月1日首都圏零晨班次 ・山手線内回り(内圏) 1點至5點左右維持約12分鐘一班・山手線外回り(外圏) 1點至5點左右維持約10分鐘一班   ・京濱東北・根岸線(大宮~桜木町 ) 1點至4點左右維持約30分鐘一班 ・京濱東北・根岸線(桜木町~大船 ) 1點至4點左右維持約60-80分鐘一班   ・中央・總武線(各站停車,中野~千葉 ) 1點至5點左右維持約20-50分鐘一班   ・中央・快速線(各站停車,東京~高尾,東京至中野各駅停車) 1點至5時左右維持約20-40分鐘一班   ・埼京線(大崎或新木場~大宮 )1點至5點左右維持約60分鐘一班、同臨海線作直通運轉   ・京葉線(東京~海浜幕張)1點至5點左右維持約15-30分鐘一班(廸士尼開通宵、所以班次最密)・京葉線(海浜幕張~蘇我)1點至5點左右維持約45分鐘一班 ・京葉線(東京~西船橋) 12點半至5點左右維持約45分鐘一班
25
Jan 16
23:26
博客

日本賀年禮品推介

每年送禮都諗到頭痕~ 送來送去都係果啲,又怕同人撞,等小編幫幫你啦!日本出品向來有保證,而且包裝又夠曬靚,夠曬體面~優雅之選:金箔櫻花酒 淡淡嘅粉紅色已經夠靚,仲要真係有櫻花同金箔係入面,閃令令咁好靚囉!送俾女士們就最好。就算平平地執一籃日本零食,只要加左依支酒即刻升格十倍!零食大王 網上訂購手作之選:六味曲奇禮盒 由日本學成歸來嘅瓜破店主,係日本各地搜括不同食材製作出六款全新口味(包括:花生、芝麻、抹茶、麥茶、蜜柑、紫薯)嘅曲奇禮盒,一次過可以試曬六個地方嘅味道!依家仲做緊團購優惠,多買多平~瓜破 網上訂購傳統之選:芝士年糕