新加坡
06
Jul 16
23:45
新聞

【京都當選】五大最佳單車出遊城市

每次去旅行我都鍾意行入大街小巷感受當地風土人情多於一日跑十幾個景點好似趕鴨仔咁。   不過行路又實在太攰,如果可以踩單車就Perfect啦。CNN最近就選出亞洲五大單車城巿。根據道路安全、城巿教育、配套同租車方便程度黎評分,結果日本代表京都就成功上榜。其餘嘅係高雄,北京,濟洲同新加坡。     原來係京都要租單車都唔難,有一間叫Minaport嘅,價錢亦都唔算貴,1000円就可以玩一日。     平時可以係京都站大樓外租借,不過只要下載佢地嘅App,就可以選擇位置同時間由專人將單車送到你所選嘅地方。   另外仲有一間叫Kyoto Cycling Tour Project亦都係熱門嘅單車店。除咗有多款單車提供。佢仲有Bike Tour,由導賞員帶你遊覽京都嘅大街小巷。   但留意番好多寺廟都無泊車位,如果亂泊會俾人鎖車拖走。另外邊戴耳機聽歌邊踩都唔可以㗎。   建議路線:   京都車站→清水寺→八坡神社→京都御→北野天滿宮→金閣寺
08
Jun 17
00:09
新聞

滿島光訪港為MONDO GROSSO拍迷幻MV 被指似星期三的康帕內拉!?

喺網絡上瘋傳緊滿島光為日本具影響力電音樂隊MONDO GROSSO喺香港取景拍嘅MV「ラビリンス」,MONDO GROSSO以音樂人大澤伸一為主,90年代起一直以破格及新潮曲風引起話題。今次時隔14年推出新專輯「何度でも新しく生まれる」更加係佢哋第一隻全日語歌曲專輯,除咗滿島光亦搵嚟乃木坂46嘅齋藤飛鳥、bird、UA、moumoon嘅YUKA等多名歌手合作。 (同齋藤飛鳥合作嘅惑星タントラ) 同滿島光合作嘅呢首「ラビリンス」以電影級剪接手法,多個一鏡到底嘅鏡頭將攝影名地鰂魚涌海山樓、佐敦廟街、南京街、深水埗鴨寮街、北河街等地道得嚟充滿感覺嘅街景完美呈現。配上滿島光慵懶嘅唱腔、獨特嘅舞步、迷幻嘅燈光及電音,教唔少樂迷直呼成個MV為高質之作!推出短短兩日已經超過70萬人觀看,好多香港人都大讚將平凡街景拍得好有feel、好靚! 不過有唔少留意開電音嘅樂迷就話個MV感覺似曾相識,指拍攝風格、女歌手跳奇幻舞步、以及都係喺非日本嘅超地道景色取景,都同日本Hip-Hop電音樂隊「星期三的康帕內拉 」嘅「Unico」非常相似。「Unico」係佢哋2016年6月22日推出嘅EP「UMA」入面收錄嘅作品,啟發自手塚治虫同名作品「ユニコ」。MV入面女主唱KOM_I喺新加坡街頭,喺歌曲配襯下自然舞動身體,舞姿獨特引起話題。 負責編舞俾滿島光嘅原來係有份幫荷里活歌舞片《星聲夢裡人》編舞嘅Jillian Mayers!而星期三的康帕內拉嘅Unico就未有註明舞步係邊個編排,相信只係女