文化
14
Apr 16
20:23
新聞

新一批香港日本文化協會獎學金明年起接受申請

不時都有人問想去日本留學讀書有咩手續要搞,但除咗手續有排搞之外,學費、生活費都唔少野。明年1月香港日本文化協會接受新一期獎學金申請。   香港留日學友會喺早前捐贈由日本歌手佐田雅志,於香港舉辦音樂會而籌得嘅15萬予港日文化教育交流基金。部份基金會資助香港日本文化協會獎學金。   呢個獎學金由1993年起設立,往年名額只有五個,今年增至十人。成功申請者可獲五十萬日元,獎學金預計於3月發放。   申請者須先得日本學校取錄,並提交證明先可以申請。不論任何領域,你可以係讀日本語學校、或其他專門學校,例如:學畫畫、茶道、攝影等等,而且不限年齡申請。   獎學金設立目的係加強港日文化交流,想了解學習日本文化嘅朋友記得留意!   查詢辦法: 香港日本文化協會 地址:中環干諾道中19-20號馮氏大廈1樓 電話:2537-379
24
Feb 16
01:31
博客

日本千奇百趣自動販賣機!雞蛋都有得賣!?

去過日本嘅朋友我諗都知道,日本真係可以話係自動販賣機嘅天堂! 香港就黎黎去都得汽水機或者零食機啦,日本就唔同啦,可以話要咩有咩。   聽我講少少日本自動販賣機嘅資料先啦。 原來日本最早發明嘅販賣機係香煙機,早喺1888年已經有啦! 而日本嘅機唔單止係純粹買賣,仲有唔同機能。 包括識別功能,用黎確認買家年齡(用於煙酒之類的販賣機)。 仲有儲分功能,好似超市咁買嘅時候可以用卡儲分。 仲有對應災害時嘅特別功能,好似地震時可以靠更改設定黎免費提供飲料咁。 真係照顧周到呀!   好啦而家等我介紹下有D咩特別嘅機,等你地下次去日本留意下周圍有無見到啦!   1.首先係周街都係嘅香煙機 就咁香煙機就無特別丫,咁你又知唔知有D機係有成人識別功能呢? 即係為左防止未成年人士買煙而設果D呀,好盞鬼! 佢係點操作呢?就係有個相機影住你, 之後從你有無皺紋,瞳孔大小,臉的大小等等去判斷你成左年未, 想像唔到?睇片啦! 唔知準唔準呢嘻嘻?
16
Sep 16
11:06
博客

日本文化通識堂:港日中秋大不同!

中秋節快樂啊!今日喺香港就係公眾假期,喺日本其實都有中秋節,但就唔係假期喇! 農曆8月15日月圓,喺日本係叫「十五夜」~   到底日本嘅中秋同香港嘅中秋有咩分別呢?   1)香港人食月餅、日本人食賞月糰子(月見団子) 呢個應該就係最大嘅分別!每年中秋唔能夠少嘅月餅,但日本傳統就係食用米飯搓成嘅月見糰子。佢哋會喺可以賞月嘅地方放象徵滿月嘅糰子同埋可以除魔嘅芒草、再加上秋天嘅農作物祭品(例如呢個時期嘅芋頭)拜神、祈求豐收,順便飲酒賞月。其實賞月糰子係飯後甜品嚟嘅,日本人會擺放一年見到嘅滿月數量,亦有人會因為十五夜所以擺十五個~   2)中華玉兔整長生不老藥、日本玉兔整麻糬 相信有聽過神話故事嘅都知道月亮住咗隻玉兔。喺中國神話入面、玉兔嘅作用就係喺廣寒宮都攪拌長生不老之藥,但喺日本文化入面、佢哋覺得隻兔仔係揼緊麻糬呀~呢個咁微妙嘅分別我覺得好得意!   3)香港小朋友賞月玩燈籠、日本小朋友做「賞月小偷」(お月見泥棒)
23
Mar 16
23:37
博客

【日本奇異節日-裸祭】

有關於日本奇怪文化,之前就講過「女體盛」,今次就一於講下「裸祭」(はだか祭)啦!一聽到「裸祭」,男人們唔好咁快開心住,唔好以為有個裸字就有裸體睇先得嫁,邊有咁open呀,你估外國咩!咁其實佢係咩呢?而家就話你知啦!     地方:裸祭其實喺日本各地都會有,但有個地方就因為裸祭而出名嘅,果到就係岡山縣嘅西大寺市(佢係一個小鎮)。   參加者:好啦對唔住,裸祭其實係得男人參加,而且係著住日本傳統嘅兜檔布,並非全裸嘅,所以係無野昅嫁!   日期:喺每年2月嘅第3個星期,就係裸祭啦!而星期六晚上就係成個祭典嘅高潮,因為喺呢一日,就會有近萬名男子參加裸祭,進行搶「寶木」嘅儀式嫁啦!而搶「寶木」基本上就等於裸祭嘅唯一重點。   咁到底咩係「寶木」呢?「寶木」係由6寸長、直徑3寸的杉木挖成。 而佢令當地人痴迷嘅原因要帝番去千幾年前:傳聞當時西大寺觀音院(西大寺市嘅千年古剎)岩岩建成,有位高僧將一種叫做「修正會」嘅儀式傳入當地。喺呢個儀式上,僧侶們將廟裡嘅寶物用「牛玉紙」包好,放喺千手觀音像背後,用黎供奉佢14日,祈求國家安定,五穀豐收,人民富足
23
Sep 16
18:48
博客

【潮拜九州】TOUCH THE KYUSHU‧「睇」驗九州物產祭

  我諗大家都對「熊本熊」呢個吉祥物並唔陌生,但你哋又對「熊本縣」有幾多了解呢?你哋又知唔知熊本縣座落於日本邊一個地方?……冇錯喇!就係「九州」!   我自己都未去過九州,但喺9月22日至10月2日,荃灣廣場會舉行由「日本經濟產業省」主辦嘅「TOUCH THE KYUSHU九州物產祭」,就有一個機會畀大家「睇」驗晒九州秋季魅力!當中分別介紹九州七個縣(熊本、宮崎 、福岡、大分、佐賀、長崎、鹿兒島)嘅文化同產品,好值得大家深入了解㗎!   Oh~Oh Oh Oh~Oh Oh Oh~~~我眼睛想旅行!等我率先同大家報告一下現場有咩玩啦!     「九州物產祭」開幕當日,大會專程邀請咗松田邦紀先生(日本駐香港總領事暨大使)同埋川原昌喜先生(九州經濟産業局國際部投資交流促進課課長)為大家致辭同主持開幕禮。最意外係,連比卡超都嚟咗啊!     開幕禮結束之後,仲有熊本縣山鹿市傳統嘅「山鹿燈籠舞」表演!     (兩位身穿浴衣嘅女舞蹈員,戴住「金燈籠」翩翩起舞,相當有韻味!)  
25
Feb 16
00:19
博客

沖繩時光機之旅-古琉球體驗遊

琉球的由來 原來根據歷史紀載,元朝時代台灣同沖繩列島合稱為琉球。到左明朝就將沖繩列島名為大琉球,台灣就叫做小琉球。   琉球村 琉球村位於沖繩恩納,一個以古琉球為主題既旅遊景點。每日會有大大少少16場有關琉球文化既表演可以觀賞,每個工作人員既衣著都會著返古琉球民族既服裝,好似一個大型 cosplay 展覽咁!   由於呢個景點都算出名,我去既時候都無抱住太大期望,但係呢度由工作人員,到建築風格,一花一草都做到十分神似,令我都喜出望外,投入左係呢個古琉球世界入面!   1,200yen 絕對唔貴!物超所值!   地扯:沖繩縣國頭郡恩納村山田1130 電話:098-956-1234 官網:http://www.ryukyumura.co.jp.t.ls.hp.transer.com/official/guide/   每個職員無時無刻都 cosplay 緊~  
22
Mar 17
01:20
博客

深度遊!山形鶴岡日本文化體驗2日1夜之旅~(上)

好多人通常去到日本旅行,都係去東京,大阪,北海道等等比較大嘅城市, 唔知大家又有冇去過日本山形県嘅鶴岡呢~ 比起多人嘅大城市,山形県鶴岡比較多日本歷史文化嘅建築物, 同時可以感受一下大自然,今日就同大家介紹下山形県鶴岡有咩玩啦~ (文末仲會推介一個旅遊Apps LocoBee,下次去旅行唔知有咩玩可以download定!)   第一站我哋嚟到「龍澤山 善寶寺」, 係平安時代一位叫「妙達上人」嘅高僧去到依到將寺廟改名為「龍華寺」而開始, 再喺室町時代一位叫「太年淨椿蟬師」再改名為而家嘅「善寶寺」~ 而善寶寺主要係守護海,所以有好多漁業界嘅人都會去拜㗎~   行入去就會見到好多唔同嘅細寺廟喺入面,仲有條好長嘅樓梯可以俾你行上去~ 再入到寺廟入面,僧人都同我哋介紹好多關於依間寺廟嘅歷史,
21
Oct 16
02:18
博客

喺日本便利店去廁所隨時犯法?

有時去到外地人生路不熟,急起上嚟都幾緊張,唔知邊度有廁所。喺日本嘅話,比起商場廁所,更多人會選擇去便利店廁所,因為梗有一間喺左近~搵便利店絕對方便快捷過你搵公廁。   不過,大家又知唔知其實唔係每間便利店嘅廁所都可以隨便用呢?原來便利店嘅廁所使用權限係有分以下幾種:   「ご自由にお使いください」請自由使用 「スタッフに一声おかけください」請先請示店員再使用 「トイレの無断使用禁止」禁止使用本店廁所 「当店にトイレはありません / お貸しできません」本店沒有廁所 → 其實即係有,但只係畀員工使用   如果
26
Oct 16
23:58
博客

坐交通工具化妝都叫無公德心?

近日東京嘅東京急行電鐵出左個叫人保持公德心嘅廣告~   第一個廣告係叫人唔好歩行時使用智能電話,車長個人認為就算無智能電話,以前I-mode年代都係歩行時使用電話㗎啦! 其實第一個廣告無咩大問題。   問題喺第2個廣告: YouTube:   「都会の女はみんなキレイだ。でも時々、みっともない」 呢句標語指喺大都會中每個女性都好靚,但有時令人無眼睇。 其實個廣告就係叫人唔好喺電車上面化粧。   網絡上就出現左大量支持同反對嘅聲音。 反對嘅聲音指: 「喺電車上面化妝有邊忽係無公德心?」「個廣告喺對女性嘅打壓」 仲指男性喺車上面飲酒、強烈體臭、發酒瘋、騒音、痴漢...等
15
Apr 16
08:13
博客

實用Channel!助你了解地道日本文化,教你生活化日語[附獨家小訪問]

今次介紹的是這一個於2015年4月1日開創的youtube頻道,說起youtube頻道,大家都視其為一個娛樂消遣的地方,而Ryuuu TV這一個頻道則保留了輕鬆的風格,用有趣的方式為觀眾炮製高質素的教學視頻,介紹各種有關日本的文以及教授地道的日語,卻又不失娛樂性—這亦是筆者最欣賞Ryuuu TV的地方,每日放學放工後,既想放鬆一下,卻又想學習新的知識,做些有意義的事情,而Ryuuu TV的視頻不正正能夠「一次過滿足你兩個願望」嗎?   Ryuuu TV的主角是一對非常甜蜜可愛的小情侶—男的是留日馬來西亞華僑RYU ;而女的則是留台經驗日本人YUMA。聰明的讀者看到這裡應該已經明白到這個頻道吸引人的原因,因住兩位主持人的不同背景,其影片的定位亦大大擴闊,一般我們只能夠從外人的角色看日本,但視頻的見解卻擁有「留日華僑」以及「當地日本人」的角度看事物,所以單單從影片細節就已經能夠看出種種地道的日本文化,這根本就是超珍貴的優勢啊!而且兩位的背景也反映了其豐厚的日語知識,大家還可以找到比此更加生動跳脫而且可靠的日語小教師嗎?XD     相信有看過Ryuuu TV視頻的觀眾都會知道其影片風格是非常輕鬆而且有趣的,他們的視頻絕對不會將硬梆梆的知識填鴨式的強行塞進觀眾腦袋;相反,他們會透過一系列互動以及小劇埸介紹種種有關日本的事情,輕鬆入口的知識自然亦在觀眾看視頻的過程中不知不覺的消化了。另外Ryuuu TV有「質」亦有「量」,他們每晚(沒錯是每晚)九點鐘就會上載新的視頻,那簡直就是「用生命作影片」吧…