文具
13
Oct 17
02:58
博客

日本百年文具品牌KOKUYO 開設全港首間Campus POP-UP Store

各位日本文具迷要留意啦!日本百年人氣文具品牌KOKUYO同香港商務印書館合作,由尋日開始於康怡廣場開設全港首間以Campus為主題嘅POP-UP Store 【Campus 筆記「簿」藏】 !呢度唔單止有大量精美文具,今次KOKUYO仲首次引入某幾款別具特色嘅文具、筆記簿添! 限定產品: 滋賀縣琵琶湖文具系列 ($17-36不等) 因為Campus筆記簿工場位於日本滋賀縣,所以特別推出一系列 12 款與滋賀縣琵琶湖有關嘅可愛有趣文具,仲係首次於香港作限定發售! Campus 日文練習簿 ($19) 相信各位讀者都唔會對封面感到陌生!就係茨城縣嘅「國營常陸海濱公園」拍攝的粉蝶 藍花海~今次呢本練習簿於KOKUYO POP-UP Store 限量發售,各位日語初學者真係可以買番本呀! 2連 Campus 筆記簿($46) 呢款超長notebook其實就係兩本 B5 Campus 筆記簿連成,長達 51.4cm!其實原本係生產中偶然發現未被剪裁,但工作人員上載到社交媒體後竟然大受歡迎!呢款產品只會於特別活動時推出限定數量發售。 5本裝限定封面設計Campus 筆記簿 ($45-55不等)
27
Sep 17
00:18
博客

福岡文具人情味小店 7個心思文具

日本係唔少文具控嘅天堂,精緻而實用嘅各式文具往往叫人忍唔住手。今次就想同大家介紹吓位於福岡市東區嘅Idea Switch(アイデアスイッチ)。佢係一間以「使用」同「創造」為主題嘅小文具店,雖然規模不及鬧市嘅連鎖文具店,但麻雀雖小五臟俱全,除咗日本國內外唔同文具之外仲有商品服務同工作坊,同時亦保存住小店獨有嘅人情味,。 ~商品服務篇~ 1. Stock Paper Note(ストックペーパーノート)(¥540‌~) (官方網頁上嘅實例) 喺屋企有好多廢紙剩?買咗postcard又用唔著?或者儲埋好多包裝紙盒唔知可以點用?Stock Paper Note就可以幫你解決以上煩惱。你可以帶三款紙做筆記嘅封面、內頁同封底,或者喺店內選購素材都得。親臨小店訂購之後佢就會幫你剪裁同釘裝,約一個星期之後就可以收到一本既環保又有個性嘅筆啦!收費按筆記大小、厚度等調節,如果要郵寄嘅話會再另收費,所以訂之前可以選擇先向店主查詢,佢會好樂意解答你嘅問題㗎。 相關頁面:http://idea-switch.com/stockpapernote/   2. 小童護身符(こまもり)(¥2400) (官方網頁上嘅實例,左圖為小朋友嘅畫作,右圖就係佢嘅訊息「世界第一嘅爸爸」)
26
Aug 17
01:26
博客

HANDS MESSE:TOKYU HANDS 一年一度大減價!

唔少人去日本旅行嗰時都會買好多文具同化妝品返香港,佢地勝在好用而又有保證。一年一度TOKYU HANDS嘅大感謝優惠「HANDS MESSE」就係咁多位可以慳住買買買嘅好機會! TOKYU HANDS係日本一間連鎖「綜合商場」,文具、家居用品、化妝品等應有盡有,無論當地居民定遊客都成日會幫襯。佢地5周年同10周年嗰時曾經做過2次大減價,慢慢就演變成而家一年一度既HANDS MESSE啦!一連七日嘅HANDS MESSE除左有多款商品減至7折起,唔同分店仲會有限定優惠商品,計劃去邊間之前不妨去今年HANDS MESSE嘅官方網頁check返唔同分店嘅傳單(チラシ)再出擊。 以下就等我地介紹下部分優惠商品,總有一款適合你! 化妝品篇 1. LuLuLun面膜4S/Precious RS(ルルルン フェイスマスク4S/プレシャスRS)¥880+税 分別都喺5間分店榮獲面部護理第一眠嘅LuLuLun面膜係TOKYU HANDS嘅大熱商品。一盒42塊嘅4S係為咗想有彈性而柔軟嘅肌膚嘅你而設,無論塊面太油定太乾都適合使用嚟調節返,仲係特別推薦俾第一次敷mask嘅朋友。而有32塊嘅Precious RS以日本國產米嘅精華去滋潤肌膚,主要啱返乾燥嘅皮膚啦。 2. Perfectron C-Lotion(パーフェクトロン Cローション)¥1250+税 同樣喺5間店舖獲得美容液・乳液部門第一位嘅呢款Lotion能夠保持肌膚滋潤,係TOKYU HANDS嘅推介之一。佢嘅成份不含香料同色素,有用家都表示成份令佢安心,用左一年之後決定會繼續買嚟用。
25
Aug 17
01:15
博客

最愛日本筆!2017LOFT熱賣文具榜

你筆袋入面嘅筆,有幾多支係日本出產的呢? 日本文具一向都以高質耐用而受歡迎。今次就帶大家睇睇大型連鎖生活雜貨店LOFT嘅熱賣文具(筆類)榜(8月份計),睇下有D咩筆最受日本人喜愛。鐘意嘅話下次去日本就可以帶佢地返屋企喇!   10.S20 0.5mm 鉛芯筆 ¥ 2000+税 第十位係唯一一支上榜嘅鉛芯筆。用天然樺木造嘅筆幹、低重心嘅特別設計令S20打出名堂。雖然¥2000買一支筆感覺有D貴,但係S20絕對物超所值,而且鉛芯筆嘅壽命長,如果keep得好可以用一世架! 9.SUPER PETIT 中字0.6mm 墨水筆 ¥ 100+税 同第7位嘅墨水筆同款。0.6mm用係店鋪宣傳或者標示重點都好適合架! 8.PURE COLOR 墨水筆 ¥ 100+税 想用墨水筆畫畫但搵唔岩色?PURE COLOR 墨水筆可以解決呢個問題。一支筆有兩個粗幼度,總共有36隻色!無論係小朋友畫畫,學生寫筆記定係放係office都一樣適合。 7.SUPER PETIT 細字0.4mm 墨水筆 ¥ 100+税 墨水筆嘅好處係寫字唔駛用力,但係用墨水筆嘅時候成日都好怕會整花左D墨或者唔小心整到水。抗水性嘅SUPER PETIT 墨水筆就無呢個問題。而細字0.4mm 嘅用途廣泛,唔單止可以寫字,更加係
12
Aug 17
04:43
博客

熱賣推介!精選6樣日本得獎文具!

日本出品嘅文具種類多,而且設計夠晒靚,所以唔少人都會專程去入貨㗎!今次為大家精選6樣日本熱賣文具,全部都得過獎,保證美觀又實用!各位文具迷唔好錯過啦! 今次介紹嘅文具全部都係「日本文具大賞」嘅得獎商品,呢個比賽係文具界嘅年度盛事,每年都吸引好多廠商參加,所以獲獎商品可以話係「精英中嘅精英」!「日本文具大賞」分為兩個部門,分別係「機能」同「設計」。每部門揀出5樣入選商品後,會再進入下一輪篩選,揀出一樣「年度優勝獎」嘅商品。比賽嘅話題性十分高,通常獲獎嘅商品都會立即大賣,成為日本文具店嘅熱賣商品㗎! 回顧番呢兩年嘅「日本文具大賞」,我地就每年揀左兩款得獎文具,快啲睇下有冇你嘅心水!   1. SONIC手動鉛筆刨 呢個望落好普通嘅鉛筆刨,究竟有咩咁特別呢?佢係2017年機能部門嘅得獎商品, 賣點係透過「自動感知功能」,係鉛筆刨好果陣會自動退出,咁就唔怕「刨過龍」啦! 四款顏色都好搶眼,就算大人都會鍾意! 價錢: ¥1800+税  2. PLUS裁紙機 同樣係2017年機能部門嘅得獎商品,呢個裁紙機嘅特別設計,適合各種size嘅紙張使用,而且備有移動紙張嘅工具,方便調較唔同嘅裁斷位置。
16
Jun 16
00:06
博客

文具控必去 表參道文房具CAFE

每次去親原宿都係去竹下通,今次終於第一次踏入表參道啦! 點解?咪就係為咗依間文具控必到嘅文房具Cafe囉!     從樓梯望落去已經見到好多文具,不過一眼望落去仲未發現有咩咁特別,要慢慢睇先發現有幾正!     睇文具之前,食個飯先~張Dessert Menu好靚啊!   我點咗份味噌豬肉定食~雖然望落塊豬就薄薄地,不過成個餐好好食!個飯係紅米飯,仲配咗一兜仔櫻花蝦仔比你,勁香勁好食~ 白色個舊係日本人最鍾意嘅忌廉芝士,配肉/菜都好夾~個紅肉橙汁入面仲要有好多粒粒橙肉,總而言之就係一份好好食嘅午餐~   朋友點咗咖哩飯~一樣好香好好食~份烤野菜仲要鬼死咁吸引㖭!   落單嘅時候,我比
13
Jan 16
20:51
博客

2016日本無印MUJI福袋大開箱(文具編)

話說小編係剛過去嘅2016年1月1日及1月2日去左東京搶福袋, 熱愛無印良品嘅我總共搶左6個無印福袋返黎,想知搶購過程同埋搶無印福袋嘅心得就去返呢度啦! 而買到嘅福袋包括: 2個JPY1000文具福袋 1個JPY2000化妝小物福袋 1個JPY3000家居福袋 1個JPY5000男裝M碼福袋同 1個JPY5000女裝S碼福袋 合共6個! 即刻睇下2個價值JPY1000嘅文具福袋裡面究竟有啲咩: ▼文具福袋(一)▼ 購買地點:東京無印荻窪分店 (東京都杉並区上荻1-9-1 西友荻窪店 2F) 1.MEMO紙條 JPY180 2.MEMO紙 JPY250  X2 3.CARD CASE JPY500 4.鉛芯筆 JPY500 5.開蓋墨水筆JPY210 X4+兩用筆JPY263+按制墨水筆JPY105 6.記事簿 JPY95 7.開孔紙一疊