數碼暴龍
02
Aug 17
03:12
博客

[那些年,我們一起聽過的日文歌] 宮崎步 Brave Heart

1999年8月1日,世界各地出現天氣異常情況。呢個時候,以八神太一為首嘅七個「被選中    嘅細路」喺露營時,被選召及首次被送入數碼世界,肩負起拯救數碼世界同現實世界嘅重任。所以,對數碼暴龍粉絲而言,8月1日係一個相當有紀念價值嘅日子黎架! 講到經典數碼暴龍歌曲,大家都會想起由已逝世嘅和田光司所演唱嘅第一代主題曲「Butter-Fly」,但唔知大家對以下呢首歌有印象呢? 無錯!就係《數碼暴龍》經典進化曲:Brave Heart!係由宮崎步主唱架!雖然唔係主題曲,但經典程度絕對不輸「Butter-Fly」,更加有唔少網民話聽到一半感覺到連自己都要進化埋一份呀!當小編童年時朋友們大部分都沈迷於寵物小精靈時,我絕對地死守支持數碼暴龍!人大左,有時再睇多次數碼暴龍都仲係覺得非常有意思,同埋結局真係太感人!
11
Apr 16
22:35
新聞

數碼暴龍期間限定shop!

雖然唱數碼暴龍主題曲嘅和田光司先生已經離開咗我地, 但係,我地仍然係一班被選中嘅細路!   係嚟緊嘅5月,池袋 P’PARCO將會有數碼暴龍期間限定shop!     店員仲會Cosplay埋數碼暴龍入面嘅角色tim呀! 我好好奇會唔會有人扮亞古獸XDDD 唔知cos太一同大和嘅人靚唔靚仔嘅呢!?   放心!我到時會衝去影相!同大家報告㗎!!! 希望可以影合照啦~(心)   デジモン tri.ショップ in 池袋 P’PARCO 日期:2016年5月12日(四)~6月1日(三) 地址:池袋P’PARCO3/F Limited Base (東京都豊島区 南池袋 1-28-2)  
09
Apr 16
01:20
新聞

RIP!數碼暴龍主唱和田光司病逝

今日係好悲傷嘅一日…   我地嘅童年回憶…數碼暴龍……   相信大家都好鍾意聽主題曲《Butter-Fly》!   但係…想同大家講一個壞消息!   主唱嘅和田光司先生於4月3日早上,因上喉癌與世長辭,享年42歲。     雖然和田光司先生離開咗我地,但係佢嘅歌聲會永留我地每一個被選中嘅細路心中。   在此答謝和田光司先生,多年嚟為我地唱出一首又一首數碼暴龍嘅主題曲。     我深信總有一日,我地會係數碼世界再見!
05
Apr 16
19:29
博客

[不敗日記]數碼暴龍game你今日玩咗未?

男友好專心打機而唔理你時,你可以點做!? 就係,同佢一齊打!!! 無錯!要落坑!要打得仲癲仲沉迷過佢!   最近有個新出嘅手機game,係打數碼暴龍㗎!!! 當我見到㗎仔「周國賢」係到打緊時,我好奇就問佢咩黎! 一見到係數碼暴龍,真係不得了!!! 即刻叫佢幫我dl隻game,教我點打! 然後,我同佢行街又打機,搭車又打機,食飯又打機,就連去開大都打機!(笑)   等我推你地落坑先~~~   打「デジモン」就會搵到呢個game,唔洗錢dl㗎! 但係loading比較耐,同埋比較食電,建議開wifi同叉住電嚟玩!     每個人都會有自己嘅USER CODE!有咩用呢?梗係用嚟加朋友啦!     呢個係我acc,大家可以add我㗎~ 點add!?等等呀下~     係呢到click檢索!之後打人地個USER CODE就可以搵到對方㗎喇~     歡迎大家add我!雖然我d數
17
Feb 16
01:13
博客

遇怪魔我即刻要Cosplay!

之前些牙左數碼暴龍既同人野俾大家,今次就黎Cosplay! 唔係我~係日本一班Cosplayer! 大和最正!真係好有型!但小光既髮色⋯⋯好似唔係咁金架bor~ 呢TEAM整體還原度都好高! 睇返兩位男主角先!太一同大和! OH NO!基情四射~~~~~ 原來都有cos長大後既佢地架! 有無同我一樣,覺得大和好
16
Feb 16
02:24
博客

情人節,人地去拍拖!我去CW同人展!

容許我爆下粗!妖!情侶去死!係咁放閃光彈! 平時又唔見你地咁恩愛!2月14日先黎哂命! 好多單身巴打絲打都話唔出街,唔想係街到見到人地一雙一對,自己一支公! 齊齊留係屋企到唱「其實毒撚一個更開心~~~」 真係「舒咪媽腥」,我係「爛街精」,放假一定要去街玩! 所以,我去左九展既CW同人展! 無情人,但我有好多巴打絲打同我一齊high!yeah~~~~ 一定要玩既抽獎~ $30蚊一次~~~ 俾我中左個4獎,卡嘩依~~~~~ 之後我又再玩另一個場既抽獎~~~~~ 頭獎係大大隻Hello Kitty同Melody呀!!! 不過,這些機會不是屬於我的…… 抽到隻細細既Hello Kitty都好開心!仲要係扮Chopper仔~ 之後,我就開始去血拼!!!!! 有無人仲記得呢套野?想當年,我狂追,睇上腦! 細個,電視做咩,我就信!我真係試過對住部四駒車大嗌「去啦!」 「遇