教學
20
Oct 16
00:57
博客

【去邊好】免費入場!北海道大型兒童遊樂場!

一家大細去旅行,唔好淨係掛住行街食野睇景同影相,有時都要揾個地方畀小朋友盡情玩吓。   呢個位於北海道旭川市嘅「もりもりパーク (Morimori Park)」佔地超過10,000平方呎, 專為小朋友而設,以森林大冒險作為主題,有好多設施畀小朋友擒嚟擒去,最重要係完全免費唔使錢,最啱爸爸媽媽帶埋小朋友一齊去!   Morimori Park位於大型購物商場6樓,開朝早10點到夜晚6點半,大人可以行完街再陪小朋友嚟呢度玩返個零兩個鐘,然後喺商場食埋個晚餐先走,時間Good Fit!   雖然係免費入場,不過入場前要用會員卡登記,插入會員卡再按確定就可以入場。至於點樣先可以成為會員,喺文末我會再慢慢教大家點樣喺網上註冊。   走嘅時侯都一樣,記得插卡登記先好走。   因為館內唔可以食野,如果小朋友玩玩吓肚餓,就要喺counter右手邊嘅地方食完再入去玩。  
06
Oct 16
02:15
博客

【新手教學】教你用「樂天」坐住掃日本貨!

有玩開網購買日本野嘅應該都一定有聽過樂天市場(日文版),基本上你想買嘅野都可以喺入面搵到,我啲日本同事好多時都上樂天買傢俬,話抵好多。至於我有時突然想食日本某啲零食或想買藥妝之類,我都會上樂天搞掂,好鬼方便。   不過樂天市場係有分日文版同Rakuten Global Market,對於唔識日文嘅人嚟講用日本版可能就有啲難度,成日要估估吓嚟買野,為咗俾唔識日文嘅國外買家都可以隨時買到心頭好,樂天喺呢幾年整咗個海外版(即係Rakuten Global Market),吸引更多外國客去買嘢~   雖則日本版樂天市場同Rakuten Global Market都係同一個媽媽生嘅,不過實際上佢地又有少少分別,而綜合過各買家嘅意見,我得到嘅結論係:   ◉Rakuten Global Market 店鋪會比日文版少,所以貨品都會少啲,因為搜尋結果只限有提供海外銷售嘅店舖嘅商品,所以只提供內銷嘅店舖同商品就唔會顯示到,但另一個好處就係唔駛好似日文版咁filter送唔送國外。   ◉有時某啲限時特價促銷熱門商品喺日文版顯示有貨,喺Rakuten Global Market會話售罄,或者兩面價錢會有啲分別。   ◉日文版樂天市場正常就冇免稅,Rakuten Global Market揾到免稅商品嘅機會較高   註冊教學 咁到底Rakuten Global Market好唔好用呢?首先教大家註冊,再一齊研究下整個購物流程。 因為日文版樂天同Rakuten Global Market個ACC係互通嘅,已經係樂天會員嘅就直接喺Rakuten Global Market登入就得ok。有中英日文俾你㨂,今次就用殘體字試下啦~
08
Jul 16
23:43
博客

【教學】超方便FamilyMart24小時「自動外幣兌換機」

係日本除咗飲飲食食,瘋狂購物大出血相信已經成為必然嘅事啦。一個唔小心買多咗用晒錢咁點算?   你地一定會話「一卡在身,全國通行」,不過並唔係間間小店都有信用卡服務,呢個時候你就唯有搵找換店或者銀行去兌錢。   但係原來由2月開始,FamilyMart就係4個旅遊熱點設置咗一部「Travelex Japan自動外幣兌換機」。咁你就唔駛搵銀行排大隊就可以即時輕鬆上彈再出擊啦。今日就同大家示範下點樣用呢部機啦。       1)呢部機年中無休,24小時運作。可以兌換13種貨幣,包括港幣、人民幣、美元、歐羅等。有中、英、韓、日文四種語言顯示。       2)開始後你就可以見到唔同貨幣嘅匯率。而當時嘅匯率係1港幣=11.5日圓。       3)之後就會見到一系列注意事項。留意返只接受紙幣,港幣的話最少要兌換額係$100,可兌換成1萬、1千、500円、100円、50円、10円日元。一次最多只可以放入20張紙幣。       4)
17
Jun 16
19:25
新聞

【放低幾兩】教你日式廁所「開大」七步曲!

去北海道自駕遊嘅朋友仔越嚟越多,但係開長途車,仲會有時侯想放低幾兩㗎啦。   咁你好彩啦,係日本「白金溫泉旅客服務中心」附近就有一個廁所提供,咁都唔只,仲有教學教你如何便便。     圖文並荗,仲有三種語言提供,相當貼心。     首先你要識得分前後同企穩你對腳      除褲,踎低,相當簡單(相信唔會有人企起身掛)     之後你就可以運氣排出,不過都唔係隨便排㗎,要命中目標,否則就NO Good     係正中心就最Perfect啦。之後你就要抹PatPat(視個人喜好啦
28
Apr 16
23:01
博客

【貝遊日本】大阪超好玩體驗-自製MISTER DONUT(包含預約教學)

上年2015年10月1日,MISTER DONUT嘅日本母公司DUSKIN喺大阪開左間博物館DUSKIN MUSEUM,個道最吸引嘅地方係可以自製MISTER DONUT,咁有趣嘅體驗我緊係唔會錯過啦,喺2月嘅時候已經預約定4月嘅體驗啦!(*注:預約教學在最後)   ▼DUSKIN MUSEUM最近嘅地鐵站係江坂站,影片有詳細路線教學!   ▼呢棟就係DUSKIN MUSEUM   ▼記得10:00先開門,唔駛咁早黎到~   ▼一入到去就去INFORMATION CENTRE登記同比錢,500YEN一個人,然後職員就會比個牌仔你!   ▼課室入口,勁大間   ▼帶好圍裙,手套同帽,頂帽可以拎走架最後!   ▼估唔到除左我地2個香港人之外,仲有4個香港人一齊參加,唔只我SURPRISE,職員們都好SURPRISE~