推介
23
Apr 17
10:11
博客

在懷舊洋菓子Cafe BonBon食名古屋風早餐~

嚟名古屋好多人都會話必試名古屋風早餐=紅豆toast!不過10個人有11個都係叫你去食名古屋某連鎖cafe,我就決定試下當地人推薦嘅極懷舊、電影味濃厚,有接近70年歷史嘅Cafe BonBon! 從榮嘅綠洲Oasis附近行過黎都要差唔多10-15分鐘。唔算近,但沿途經過嘅街景唔錯,會見到日本嘅學校同埋附近有個公園! 見到屋頂個大招牌就知道你行到喇!見到佢嘅外面有啲似香港啲懷舊西餐廳(皇X餅店個種)。 Cafe出面其實係西餅店,有好多好靚同精緻嘅西餅,喺cafe入面都可以叫嘅~不過今日我哋就嚟試佢個早餐啦! 我哋到嘅時候已經完咗個早餐時段,所以就散叫紅豆toast(360Yen)同埋一杯春季限定櫻花Tea Latte(400Yen)~ 櫻花Tea Latte嘅櫻花味唔會話好重,輕輕一陣花味,連有茶味嘅Latte一齊送入口,簡直係幸福嘅感覺!
20
Apr 17
01:55
博客

飽覽伊勢灣景色旅館推介:若松知多溫泉旅館

話說之前去名古屋採訪LEGOLAND®嘅時候,我就諗除咗可以去白川鄉同飛驒高山之外,附近仲有冇值得一遊同發掘嘅城市呢?然後就畀我發現咗同樣位於愛知縣嘅南部城市:知多市! 呢度係一個位於海邊(眺望伊勢灣)嘅小鎮,麻雀雖小五臟俱全,有各種特色嘅景點可以滿足唔同遊客嘅喜好同需要!今日首先同大家介紹我哋係知多自由行3日2夜逗留時寄居咗兩晚嘅超靚溫泉酒店:若松知多溫泉旅館啦! 今次介紹嘅若松知多溫泉旅館,原先係一間舊式日本溫泉旅館,經過內部重新設計同裝潢之後,搖身一變成為現代感滿滿嘅溫泉旅館! 你見到門口、內部走廊、屏風等都係非常傳統日式設計,但無論係大堂、房間甚至溫泉風呂嘅設計同設施都好有taste、現代化及高科技,住起上嚟非常舒適!
04
Apr 17
01:34
博客

名古屋美食推介:小清新雞肉柚子鹽味沾麵+王道台灣拌麵!? 本丸沾麵店

之前有機會到名古屋出差當然把握時間出去獵食啦!來到名古屋大家都會推薦食某某店嘅雞翼、某某店嘅鰻魚飯,來來去去都係嗰幾間。小編就問咗真係來自名古屋嘅朋友S子,佢就推介我食呢間位於榮嘅本丸沾麵店! ▲喺日本版OpenRice(Tabelog)都有3.58分高分㗎!(平均3.5分以上叫高分) 呢間本丸沾麵店位於榮非常繁榮嘅區域,感覺就好似喺新宿歌舞伎町入面嘅小店一樣,附近四周圍都有好多大型酒吧同食肆,令佢感覺無咁起眼。 店內只有一張長型對牆嘅枱,得11個位,所以中午或者夜晚黃金時段嚟都唔排除要等位! 當晚我差唔多9點半先去到,都等咗大概5~10分鐘啦!不過等位前記得先點菜買飛先! 我哋被吸引嚟最大嘅原因係佢呢個雞肉柚子鹽味沾麵!平時食沾麵食魚介湯底,雖然好食但好似無咩新意,難得可以食下新口味、仲要聽落去勁小清新梗係要試下啦! 首先同大家介紹雞肉柚子鹽味沾麵(750Yen),首先呢個份量係普通,其實都幾夠食架~個湯入面除咗有雞肉仲有自家製雞肉丸子,全部都係細細粒,一啖咁嘅size。另外真係會夾到柚子,同埋
04
Mar 17
03:14
博客

漫遊小江戶 輕鬆川越一日遊

嚟過東京咁多次,每次都淨係留係市中心點都覺得唔夠喉嘅~今次就特登嚟到有「小江戶」之稱嘅埼玉縣川越市嚟感受下慢活遊。唔嚟親身睇到唔知原來呢度真係好有古時候嘅日本風味,直到有少少覺得自己好似拍緊啲時代劇咁呀! 睇以下行程推介之前強烈建議大家睇咗上面條FULL VERSION嘅遊記VLOG先喔~~ 會更加明白每個地方有咩好睇 由於今次係自駕遊喺東京過嚟,到達嘅時候已經係差唔多12點(體驗慢活嘛XD 遲少少唔緊要啦)。於是一落車即刻搵嘢食先~ 餐廳推介:甘味茶房かすが  地址:埼玉県川越市幸町6-1 りそな銀行川越支店北側 營業時間:10:30~18:00 (ランチ営業、日曜営業) 見到呢度寫住有川越名物就衝左入嚟,原來呢度係一間開咗120年嘅名店,入面嘅湯麵(素麵)係用蕃薯整㗎!除咗set lunch之外,呢度仲有好多日式甜品同好出名嘅醬油燒小丸子~仲勁多明星嚟食過,而且可以買住一邊行一邊食。
20
Jun 16
23:29
博客

【大阪美食】關西米芝蓮推介-超好味章魚燒《やまちゃん 本店》

講起大阪美食,相信好多人都會諗起章魚燒,大阪有好多好多章魚燒嘅食店,咁究竟邊一間係最好味呢?以下位於天王寺嘅《やまちゃん 本店》 ,真心推介比你地,真係好好味呀!!!   ▼位於天王寺區域,天王寺站步行8分鐘左右   ▼喺正HOOP商場格離   ▼就係呢一間啦!就咁睇個BANNER寫住"天然流建康食品",唔知點解諗起啲台式飲品店哈哈   ▼認住呢一間本店,無錯佢係有好多分店的,但網上評語都係話本店最好味!   ▼行30秒就有另一間分店啦   ▼我食嘅時候《やまちゃん 本店》係拎左大阪第一位嘅,事隔2個月就變左同千日前嘅《たこ焼道楽》同分,不過我都食過千日前嘅《たこ焼道楽》,個人認為《やまちゃん 本店》好味好多
17
Jun 16
00:38
博客

【貝遊日本】奈良景點推介-若草山睇超靚日落

▼奈良呢個地方相信大家第一時間都係諗係鹿,我同大家一樣,頭2次去奈良都只係為左見鹿仔同佢地影相,但其實奈良都有好多靚嘅景點,當中包括"若草山",一個我非常喜愛嘅地方!   ▼若草山係一座高約342米嘅山麓,位於東大寺同春日大社之間,有2個入口處,分別係南北入口,北入口就近東大寺,南入口就近春日大社,一路上就會有指示牌指示若草山嘅位置。   ▼南入口位置   ▼若草山都有好多鹿仔   ▼入山係要比入場費,150YEN一個人,入場時間為早上9點-下午5點;不過注意返,最後入場時間為下午5點但並非5點就要離開若草山,只要你5點前入到去就可以逗留幾耐都得,不過夜晚係好黑的,所以都建議日落後就離開! 另外冬天係唔開放嘅,今年2016嘅開山日期就係由3月第3個星期六至12月第2日星期日。   ▼若草山係分左一重目,二重目同三重目;三重目係最
05
May 16
17:58
博客

【貝遊日本】我食過最好味嘅抹茶雪糕

▼淺草相信去過東京嘅你都去過啦,而淺草有一間好好味嘅雪糕店你又知唔知呢   ▼淺草寺方向1號出口出   ▼一出就見到FAMILY MART,直接轉向右邊行1分鐘   ▼就會見到呢間意大利雪糕店!   ▼有好多款味道嘅意大利雪糕選擇   ▼可選CONE裝/杯裝,價錢一樣係300YEN 2隻味同500YEN 3隻味,咁我緊係揀3隻味嘅CONE裝啦!   ▼太多味道真係有選擇困難症,隻隻味都好吸引!!
26
Apr 16
01:26
博客

【貝遊日本】大阪廉價住宿推介「上本町四葉旅館」→ 2百幾蚊一間雙人房

上次推介左東京住宿比大家(按我),今次就向大家推介一間大阪嘅住宿叫「上本町四葉旅館」,價錢超平,房間好大,有獨立廁所浴室,而且交通便利,我住左4晚都訓得好好,唯一缺點係有啲殘舊同冇日用品提供。   ▼我今次去左HOTELS.com搵住宿,非吸煙雙人房嘅4晚價錢只係$1073(每晚$268),我見到個時真係有啲唔相信,真係好平呀,即係每人每晚只係$134就得啦!!仲要有埋獨立廁所浴室,唔駛SHARE呀!!!不過酒店嘅COMMENT就唔似明月酒店咁一致話好,所以大家睇埋我嘅入住報告啦!   ▼呢間就係位於大阪上本町嘅「上本町四葉旅館」   ▼門口會有條小樓梯落去先到門口   ▼一入去,職員就笑容滿面咁歡迎我
08
Apr 16
23:20
博客

幫你慳到盡!東京藥妝店大比價2016

去日本我就真係好鍾意行藥妝店,但咁多間究竟邊間最平最抵買呢?見到網上有好多至抵藥妝店推介,當中東京最多人講嘅一定係上野嘅"OS DRUG",而另外池袋同吉祥寺嘅藥妝店都話出名抵,咁究竟邊間先係最抵?我呢個"慳家達人"決定搵個答案出黎!!   我分別喺2016年嘅1月同3月,兩度嚟到東京嘅8間藥妝店記錄藥妝價錢,8間藥妝店分別係:   1.上野OS DRUG 「網友公認平嘅藥妝店,一定要去啦」 2.上野松本清(上野アメ横Part1店) 「純粹搵多間上野藥妝店比較」 3.池袋SUNDRUG(池袋東口店) 「亦係一間網上好多人推薦嘅平價藥妝店」 4.池袋松本清(東口店) 「純粹搵多間池袋藥妝店比較」 5.吉祥寺SUNDRUG(サンロ-ド店) 「AGAIN亦係一間網上好多人推薦嘅平價藥妝店」 6.吉祥寺松本清(サンロード店) 「發覺好似都幾平咁」 7.吉祥寺ココカラファイン (サンロード店) 「又係發覺好似都幾平咁」 8.新宿DAIKOKU(歌舞伎町一丁目店) 「呢間係一直去開覺得幾平」   而2次嘅"考察"
29
Mar 16
19:09
博客

【東京Cafe推介】嘆住食<<鬆軟厚Pancake>>

去旅行其中一件最滿足嘅事,就係唔較鬧鐘訓到自然醒,再悠悠閒閒咁食返個早/午餐。今日特別推介一間位於南青山嘅Cafe「West Aoyama Garden」,南青山屬於旺中帶靜嘅一區,能夠係度食吓嘢、傾吓計真係好寫意。   除咗環境同服務之外,吸引我嚟到West Aoyama Garden嘅係「鬆軟厚Pancake」,「鬆軟厚Pancake」最近登上Twitter人氣榜,受到唔少日本人熱捧,全因其賣相吸引之餘,食落仲好熱好鬆軟,大人細路都食到舐舐脷   Cafe外貌   室內環境,寬敞舒適   開門半個鐘,入座率已經有八成,不過就冇大排長龍   室外環境   室外可以食煙,同歡迎帶狗仔入去㗎(但為健康著想,都係唔好食咁多煙喇...哈哈)   花多眼亂...