扭蛋
25
Jul 17
23:36
新聞

¥500就食到 但馬牛丼 ?!日本首部「 食券扭蛋機 」即將誕生!

位於兵庫縣丹波篠山嘅SA「西紀Service Area下線」將會於8月5日至8月31日期間推出日本首部「食券扭蛋機」,每個扭蛋都裝住唔同料理嘅食券,款式多達20款,當中包括咖喱飯、烏冬、吉列豬扒丼,甚至係價值¥2,000嘅但馬牛丼,去開西紀SA的話不妨試試自己手氣!   即將於 西紀Service Area下線推出嘅「食券扭蛋機」。   ¥500就可以食到和牛丼,簡直係物超所值!   扭蛋食券機有多達20款料理,可唔可以用¥500食到和牛料理就睇呢舖啦!   食券扭蛋機 地點:西紀サービスエリア下り線 開放時間:2017年8月5日~8月31日 價錢:¥500
02
Jun 17
23:49
博客

全日本7-11都可以抽!9月推出Sailormoon X Melody抽獎

已經買咗機票9月去日本嘅留意! 話說一番抽之類嘅抽獎最近喺香港就俾差佬掃場啦,所以要抽都係唯有去返日本抽!最近三麗鷗宣布9月會推出Sailormoon X My Melody嘅抽獎(呢個組合也太夢幻了吧!!),單品包括化妝袋、杯、totebag、香鹽、鏡、file等等...實用率超高,唔係得個擺字! 全國7-11都有得抽,每次700円,幸運的話仲可以抽到特別獎!絕對要試試手氣吧~~
22
Dec 16
00:09
新聞

絶對係陰謀黎!連100円都唔放過!TakaraTomy你好嘢!

TakaraTomy你好嘢!喺臨走之前連100円都唔放過!喺成田機場放咁多扭蛋機喺度! 大家近幾個月喺成田T2臨走之前,應該會發現多咗好多扭蛋機喺度! 中招嘅大有人在,因為T2堆扭蛋機嘅營業額相比日本全國多咗3倍!係3倍! 原本只係由7月放到9月,不過家下就無限期延長。 真係佩服諗出黎個班人,連想帶個銀返去做紀念都唔得~     不過有選擇困難症的話,真係行過唔好停低!事關個度有成171部扭蛋機喺度! 共有約380種扭蛋。真係怕Miss咗班機。   車長真係會去扭狗狗、電車仲有風景嘅扭蛋! 不過,Please don't Made in China。 仲有車長妹妹話…扭滿5000円有無得退税?   有人指幾年前巳經有,但車長無見過。。。
19
Dec 16
19:40
新聞

一個扭蛋增強你屋企保安?日本最新玩嘢之作「防罪扭蛋」

最近日本推出咗呢隻扭蛋,引起一班網民嘅熱話。呢隻扭蛋真係唔話得,因為佢嘅設計原意係要減低犯罪率,同埋增強你屋企嘅保安!到底係咩扭蛋咁巴閉?   登登登凳!   其實呢款扭蛋係一個磁石嚟嘅。設計到好似一個門口插鎖匙嘅鍵孔咁,官方就話你可以加啲超能膠黐係唔同嘅地方,發揮你嘅想像力小宇宙!例如黐好多個係門口,咁就算有小偷要嚟偷嘢都會嚇到呆咗唔知撬邊個啦!(雖然我覺得明明一眼就睇得出個分別xD)   呢款只賣200Yen、Humorous art&design設計嘅扭蛋共有六隻色,黐手機、雪櫃都得。唔知大家又會照常拎嚟黐係邊呢?
18
May 16
17:44
新聞

【詭異‬】你望下後面?望到你心寒嘅扭蛋…

日本扭蛋不嬲都好有創意,好似之前都有提過連屎都出埋   今次新出嘅扭蛋就唔同啦,有別於過往搞笑風格,反而走詭異風…?     可以見到有唔同嘅生果入面暗暗地有隻眼望緊你…     一套4款,每隻盛惠200円。     仲要15歲或以上先可以抽,應該真係怕嚇親小朋友掛…     如果夜晚訓訓下“責”醒,見到一Set齊晒咁望住你,都咪話唔驚…(暗暗地打左個冷震)     咁搞法,叫我以後點食得落蕉哩?  
04
May 16
01:08
新聞

千奇百趣扭蛋!好玩唔玩你玩...

日本嘅扭蛋機真係好多都估你唔到,有時扭蛋商品都係無聊搞下笑。但今舖係無聊到玩屎。 以前都出過便便扭蛋,係咁嘅樣:   但今次廠商好認真,造到好真,有興趣可以扭吓,都只係100yen。 有無巴打對便便有研究,睇唔睇得出佢主人健唔健康?   最奇怪嘅係呢個便便扭蛋竟然好賣得!就係貪佢做得夠真! 呢舊便便除咗用黎整蠱人之外,我諗都係只可以咁用。
20
Apr 16
00:18
新聞

パンダの穴將推出惡搞千年殺扭蛋!

千年殺,我細細過就學識嫁喇,但係大個咗好似少咗練習。我中學全盛時期一日超碼用幾次 但最重要嘅喺,日本將會推出千年殺扭蛋!以後可以隨時帶出街啦~   來自火影忍者嘅千年殺   パンダの穴今次推出呢款惡搞千年殺扭蛋               最大嘅特色喺,佢地 patpat 果度都會有個洞…