手信
11
Jun 16
01:10
新聞

一包紫菜展現廣島縣民真性情

廣島食物最出名不外乎蠔同御好燒。其實廣島仲有一樣隱藏版名物,係紫菜!   紫菜其實無咩特別,但最叻包裝嘅日本人就係可以將平凡化為不平凡。   由廣島傳統紫菜店-丸德海苔出品嘅「ワルのりスナック」,係紫菜零食,一共有「瀬戶内檸檬味」同「御好燒味」兩款口味。最特別嘅係包裝,印咗個目露凶光嘅阿叔。   白色係御好燒味,黃色係瀬戶内檸檬味   口味有兩款,但阿叔有五位,仲有一隻惡鹿,仔細啲睇原來阿叔同隻鹿都係用紫菜砌出黎。包裝左邊段日文字係廣島方言。   意思:「How do you do?」   意思:「其實我,幾鍾意出風頭」   意思:「喂、我呀!你買咗我呢包就好啦~」  
29
Apr 16
02:19
博客

【東京駅】最強人氣手信Top10!

話時話,去東京旅行嘅人我保守估計,8成都會去東京駅一番街喪買野嘅,因為果到絕對係買手信同買野嘅好地方!你知啦,去親旅行,身邊總有一堆人會R手信,明明平時都唔熟,一聽到你去旅行都一定會仆過黎要手信嘅。咁善良嘅你地一定唔知點樣拒絕,唯有買D野食應酬下佢地啦!而家我話你知,以後唔洗周圍去搵手信,因為你只要去東京駅呢到,就己經可以買齊所有人嘅手信啦!   以下係東京駅買到,最有人氣嘅10種手信,快D參考下黎送比人,咁就唔洗自己諗爆頭啦!   10.【Gransta】Pierre Marcolini 「東京駅限定餅乾」 Pierre Marcolini係比利時超出名嘅朱古力店。而呢到就有東京駅限定嘅朱古力夾心餅乾賣啦!餅乾好脆,而且比利時製嘅朱古力味道果然唔同D,會令你想食完一塊又一塊!佢仲有好濃嘅朱古力香味,亦都頗大塊,4個一set有個望落幾高級嘅盒,雖然唔係話好平,但就可以送比你熟D嘅人啦。   價錢:4個/2484円   9.【Gift Garden】東京カンパネラの「東京カンパネラ・ショコラ」 呢個朱古力餅乾(無錯都係朱古力餅乾 )係東京好有名嘅手信黎。佢係用三層朱古力同餅乾製成,而推介嘅係白朱古力版本。佢包裝嘅藍綠色望落非常sharp,做手信完全唔會失禮。而佢可以keep大約60日,都唔會話大快過期嫁! 左邊係白朱古力版,右邊係普通朱古力版。
21
Jan 17
02:44
博客

【京都玩過界!】 帶你去「彥根」食睇買!

如果你已經去過關西好多次,仲係不停Repeat難波、心齋橋、清水寺、奈良等等呢啲隨口都嗡到幾個嘅初心者必到景點,不如抽啲時間出嚟去遠少少,好似距離京都一個小時以內車程嘅「彥根」,位於滋賀縣琵琶湖東邊,有靚景有美食,最緊要係目前外地觀光客唔多,古色古香,好似返咗去舊時嘅日本咁!     如果時間唔多又諗住即日來回,可以直接去彥根嘅夢京橋一帶,參觀完國寶級古城之後可以喺老街慢慢行慢慢影相,成條城下町商店街有唔少食店同手信店,所以想下定決心唔買野,根本冇可能!   1. 彥根城     即使唔係特別喜歡歷史都建議要去彥根城睇一睇,因為城內嘅建築同靚景都足以令你拎住相機不停影影影!呢座已經有成400幾年歷史嘅古城用咗20年時間去興建,城內嘅「天守」係指定國寶,每一條木柱都刻印住歷史嘅痕跡,嚟到記得一定要上頂樓,呢度可以睇到一望無際嘅彥根全景,風景勁靚!   另一個必睇位係每日兩場嘅「彥根貓登場Show」,彥根貓係彥根城嘅吉祥物,每日嘅朝早10點半用下午1點半就會出現喺天守前面大擺Pose畀大家影足30分鐘,本身以為係小朋友先啱睇,點知彥根貓嘅Pose勁搞笑抵死,唔覺唔覺會睇足全場!  
02
Feb 17
05:32
新聞

櫻花迷注意!日本星巴克新一季櫻花主題產品即將推出!

一眾櫻花迷同星巴克迷每年都好期待嘅產品情報終於解禁!今年日本星巴克繼續推出超靚靚櫻花主題杯具同飲品,今年2月15日起日本全國星巴克有售!   今年主題係「對『有關櫻花的日本文化』表示尊重」,融合日本嘅「和」同西方嘅「洋」元素,推出兩款期間限定飲品同多款保暖瓶、水樽、水杯、咖啡杯等產品。   兩款櫻花主題飲品均為非咖啡成分飲品,分別為櫻花忌廉拿鐵(Sakura Blossom Cream Latte)及櫻花忌廉星冰樂(Sakura Blossom Cream Frappucino)。   櫻花Latte價格:Short 430円+税、Tall 470円+税、Grande 510円+税、Venti 550円+税 櫻花Frappucino價格:Tall 570円+税、Grande 610円+税、Venti 650円+税   另外日本星巴克亦會推出多款杯具產品,將分為兩彈推出。第一彈主題為Harmony,將於2017年2月15日起有售。 價錢:(照片上排左起) 『Stainless Create Your Tumbler Full Bloom 473ml』¥2,900、★『Double Wall Sunny Bottle Pink 473ml』¥2,500、『Stainless Tumbler Full Bloom 355ml』¥3,600、『Stainless Bottle Full Bloom 480ml』¥4,400、『Stainless Tumbler Full Bloom 355ml』¥3,600、『Double Wall Glass Full Bloom 355ml』¥2,400、『Stainless Sunny Bottle Full Bloom 500ml』¥2,900、『Tumbler Frost 473ml』¥1,900、『Tumbler Full Bloom 355ml』¥1,700、『Double Wall Sunny Bottle Green 473ml』¥2,500 下排左起: 『Stainless Bottle Combina
06
Sep 16
18:42
新聞

合味道推45週年紀念版拉麵-10倍謎肉祭!??

日清食品公佈9月12日將會推出最新杯麵口味!今次將會係日清史上最重本落得最多「謎肉」嘅一次(係平時嘅十倍)!新杯麵就係「カップヌードルビッグ "謎肉祭" 肉盛りペッパーしょうゆ」,從字面睇嚟係多肉同埋湯底係胡椒醬油味!?   今次推出新口味係為咗紀念杯麵推出45週年。世界第一個杯麵係喺1971年9月18日販賣㗎!為咗答謝來自世界嘅厚愛,日清食品決定將答謝粉絲,並推出比平時多10倍「謎肉」嘅新口味!其實所謂嘅「謎肉」就係平時食合味道入面都會有嘅一粒粒肉,就係醃咗嘅干碎豬肉喇。醬油湯底再配上胡椒點綴,相信會食到杯麵迷非常滿足!嚟緊去日本嘅朋友經過便利店記得望下,自己食又得做手信又得嘛~
03
Nov 16
22:10
博客

【必敗神級手信!】老舖超好味明太子即食產品

去日本買嚟買去都係買和菓子同零食做手信,真係收嗰個唔悶買嗰個買都買到厭。下次不如搞搞新意思,試吓日賣3千幾個嘅明太子吞拿魚罐頭同埋配咩都好食嘅唧唧裝明太子即食醬?又唔貴又好味,最啱買多兩支放埋喺公司,lunch可以隨時加料!        呢兩件產品估都估唔到竟然係出自已經有近70年歷史嘅老舖「FUKUYA」之手,包裝可愛討好不特止,連使用方法都非常新潮,可以即開即食,完全跟得上時代嘅步伐!     明太子吞拿魚罐頭開賣到而家只有短短年半,但就已經賣出咗超過2百萬罐,即係平均一個月賣到3千3百幾罐,好多人都話食一次就會上癮,唔怪得銷量咁好啦!好癲啊!   明太子吞拿魚風味(¥900)     辛口明太子吞拿魚風味(¥900)    
11
Jul 16
23:23
博客

手信推介 – 福榮堂 – 祇園之月

由於母親大人指定要買和果子做手信,而頭五日行程我都把這指令忘記得一乾二淨,那便要這個行程第六天補鑊。路過這間位於四条的福榮堂,看到一小盒12粒的果子,正中我下懷。小盒、輕身,不阻行李面積和重量。   結果,在買回來的手信中,個人最喜歡這個。不要少看這小小綠色果物,抹茶味濃,是新鮮的濃,極為美味。觀乎價錢、特式、美味、體積和重量,這個福榮堂 – 祇園之月是手信首選!   地址: 京都府 京都市東山区 祇園四条縄手北西角 (祇園四条站徙步三分鐘) http://tabelog.com/kyoto/A2601/A260301/26000564/
25
Feb 17
00:08
博客

秘遊日本絕密絕密!深山中的「山賊巢穴」

位於山口縣嘅「いろり山賊」對於當地居民嚟講係一個無人不知嘅美食勝地,要去呢個地方,首先你要識揸車!經過無乜街燈嘅山路,迎面就會突然出現一個猶如祭典般熱鬧嘅小部落。     由「いろり山賊」、「竃」、「桃李庵」3間食店組成嘅いろり山賊喺昭和46年開業,遠遠見到都已經覺得好有祭典氣氛!相傳呢度嘅土地以前屬於山賊所有,所以個名亦好順利成章地有山賊兩個字。     3間食店加埋有成400個座位,室外嘅座席位於樹木之中,好有喺大自然中野餐嘅感覺,不過唔好睇呢度好似有好多位,多人起上嚟一日會有成4,000個人過嚟玩,出現排隊嘅情況一啲都唔出奇!     喺叢林中用餐係好浪漫,不過冇遮冇擋係咪有啲擔心冬天嚟的話會變雪條?唔使驚,呢度已經做定哂相應準備,對凍冰冰嘅天氣做足萬全對策,所以即使係冬天,室外一樣座無虛席!   除咗極具特色嘅料理同手信,いろり山賊隨住唔同時節都會舉行唔同嘅活動,好似1月中就有節分,之後就係女兒節,到咗3月下旬至4月上旬就有同佛陀誕辰紀念日有關嘅花祭,一年四季都有唔同祭典,非常熱鬧!  
06
Jan 17
01:26
博客

【教你「踩單車」輕鬆漫遊京都】邊踩.邊玩.邊睇景!

京都景靚係人都知,除咗靠對腳,大家又有冇試過踩單車四圍遊呢?以單車代步,可以慳返唔少時間同體力,時間多咗自然可以去更遠,鍾意踩去邊就去邊,喺香港,邊有呢啲機會!   為咗令一眾Like Japan讀者一睇就明今次單車遊係咩玩法,我地就由最重要嘅租車開始講起!   1. Rent a cycle EMUSICA     呢間叫做「EMUSICA」嘅租車店喺巷仔入面,不過交通就好方便,由阪急河原町站或京阪祇園四条站行過去都只係5分鐘倒路程,勁近!唔好睇呢間店好似舖仔細細,店內外加埋有成50架車。   小編當日朝早10點半左右去到,見到除咗店外嗰幾架單車,店入面仲掛住幾十部單車,好誇張!最重要係呢度店主識講英文同勁Nice,全程用英文解釋踩單車嗰陣有咩要注意,好貼心!   間舖好易認,就算唔記得個名,遠遠都會見到啲單車。成條巷都係得呢度有單車,實係呢度啦!   門口有塊黑板,所有價錢都好清晰咁用日文同英文寫哂出嚟,如果係一日遊,租朝早9點到夜晚8點個時段都已經夠哂,玩足成日都只係¥500,兌返港幣$35都唔使,係咪勁抵呢!
14
Jan 17
00:58
博客

【去大阪買咩手信好? 】最後衝刺「3大必到手信店」!

去親旅行最頭痕就係要買手信畀一堆親朋戚友同事老細,買大路野又怕畀佢地話冇誠意,但又真係冇咁多時間為各位精心挑選(大佬我係嚟玩唔係嚟買手信),所以最後通常都會手信集中地一次過掃貨,而講到大阪,一定走唔甩有超多手信買嘅「道頓堀」!   雖然來來去去都係嗰幾間,但佢地周不時都會入新貨,今次就等小編帶大家一齊走入店入面睇吓最近有咩得意野掃啦!   1. Little OSAKA OMIYAGE MARKET     嚟大阪又點可能唔買固力果Product做手信!道頓堀店雖然店仔細細,但入面密密麻麻放咗過百款同唔手信,入去行就好似尋寶咁,想搵得意野,就要落足眼力,隨時買到之前未見過嘅手信!唔好以為固力果就一定係買百力滋咁悶,搞鬼造型嘅面模入面都有唔少,係咪手信必買先!   PPAP喺日本仲係好hit,所以呢度都特登將相關Product放喺門口當生招牌,成功吸引到唔少遊客拎上手研究睇吓係乜東東。   【ピコ太郎PPAP Cookie ¥720】呢盒PPAP曲奇一盒有10塊,入面有3個唔同Pattern,最得意係隨餅會附送一支朱古力筆,食之前