成田機場
21
Sep 17
18:52
博客

【成田機場】機場出市區 交通方法大整合!

由機場出市區嘅交通方法有好多,價錢有平有貴,大家又知唔知佢地有咩差別呢?今篇整理咗成田機場出東京市區嘅大眾交通,方便大家因應情況,去選擇合適嘅搭車方法! 普遍嚟講,由成田機場出東京市區,主要分為電車同巴士兩種交通,車程大概50分鐘至120分鐘。建議先考慮住宿近邊區,再按車程同價錢,揀出最適合自己嘅交通方法。 機場巴士   利木津巴士 費用(yen) 3100 車程 約85-115分鐘 班次 約20-30分鐘一班 備注 以新宿為目的地計算 如果你係新手,唔太熟日本交通,而住宿附近又有機場巴士車站,最好嘅方法就係搭機場巴士直到目的地!利木津巴士嘅機場巴士,會行經遊客區、出名嘅酒店等,價錢稍貴,亦有機會塞車,不過對於日本新手嚟講算好方便! 以目的地係新宿站西口為例,官網價錢為3100yen,約港幣$215,車程約85-115分鐘。 由機場出發嘅路線,不接受電話預約,只可以於機場內嘅利木津巴士服務台購票;
26
Oct 16
00:19
新聞

成田機場至大崎(品川)新機場巴士線路會喺10月31日開始運行

由Willer集團及京成巴士合作, 來往芝山及成田機場至大崎(品川)新機場巴士線路(成田Shuttle)會喺10月31日開始運行 正常票價為1200円, 係Willer Express網站及Japan Bus Line度事先訂飛就1000円 但車長個人喺唔會為左平200円提早訂飛, 萬一飛機Delay或入境人多的話, 個1000円就會無左! 不過留意返, 1200円喺要係車上畀円, 無得用信用Card.         個人都幾中意去大崎呢班車 因為喺大崎可以轉JR去埼京線沿線及臨海線去台場   時間如下(大崎開車)   芝山及成田機場開車   大家來回成田機場又多個選擇喇
05
Sep 16
20:09
新聞

【新過關需知】日本法務省執行新措施力減旅客過關時間

相信去過日本嘅朋友都知道,有時(尤其是假期旅遊高峰期),喺日本機場等過關都幾費時。根據法務省調查,入境最長平均等候時間排首嘅係關西機場嘅38分鐘,其次係中部國際機場嘅26分鐘、羽田機場嘅24分鐘、以及成田機場嘅18分鐘。   面對持續上升嘅旅日人數,日本法務省宣布將會執行一系列新措施,當中包括緊急增加62名入國審查官,以及由秋天起引入可減省入國審查時間嘅機器BIOKART。新引入嘅可動式BIOKART將會設置於遊客排隊嘅地方,利用遊客排隊等候嘅時間事先採集遊客樣貌及指模情報。遊客嘅個人情報隨即會連同護照嘅資料一同傳送到櫃台,減省櫃台進行嘅手續。咁以後大家等過關就唔使等得咁辛苦喇!   連接多家廉航、24小時運作嘅關西機場因遊客數目急速上升導致入境情況混亂,另外一個重災區係連繫多架來自中國等地區郵輪嘅博多港口。緊急增加嘅62名入國搜查官將會被派到關西機場、成田機場以及博多港口。另外,關西機場亦會放置62台BIOKART,其餘19台暫時會先引入至高松、那霸機場。   舊年訪日人數達至1974萬人,比起2014年嘅1341萬人高出47.1%。日本政府就希望到2020年東京奧運嘅時候可以破到4000萬人,並希望2030年會達至6000萬人。作為遊客希望當日本政府期望咁高嘅時侯都要做好配套設施啦!
26
Jul 16
00:36
博客

膽量挑機29之成田機場怪談

又到咗星期六晚嘅膽量挑機時間! 可能之前講猛鬼嘅地方,大家都未必會去! 今次呢,就同大家講一個去東京嘅話,有一半機會都會去嘅地方!   成田機場   唔知大家有無試過太夜到成田機場,無車出去市區,又或者太早要到機場,所以就係機場附近嘅酒店住一晚呢? 以後落嚟,就要同大家講一個關於成田機場附近一間酒店嘅靈異事件。   =====   有一個日本絲打喺十幾年前,參加咗個海外遊學團。 由於佢同同團嘅學生住嘅地方距離成田機場太遠,於是要前一晚喺成田機場附近嘅酒店住一晚。 呢一間酒店,非常非常之殘舊,但無辦法,一定要住喺度,只好將就吓。     個一晚,佢地食完飯,就去咗其中一個團員嘅房到玩,佢嘅同房因為太眼訓,就一早返咗房訓。 玩吓玩吓就已經半夜三點,咁佢都返房訓。   一訓落床就已經訓著咗,但係無幾耐,廁所傳嚟沖涼聲。 佢就好努力對抗睡魔,睜開眼望,見到同房訓係隔離床,間房得佢兩個訓,咁究竟係邊個喺廁所沖緊涼呢? 其他團員又無呢間房嘅鎖匙,無可能入到嚟㗎喎。 愈諗就愈覺得唔對路,雖然佢好好奇,好想起身入廁所睇吓係邊個,但係佢實在太攰,唔想理咁多就繼續訓。  
06
Jul 16
23:32
博客

個性貼紙B side Label 成田機場都買到!

每次去日本,Mika都會去LOFT同TOKYO HANDS尋找B SIDE LABEL嘅貼紙~貪方便唔洗專登走去專門店吖嘛~ 不過,最近我就發現成田機場第2航廈嘅旅遊雜貨店有賣B SIDE LABEL嘅商品~ 鋪仔細細,但係鬼死咁齊,門口依個坐住飛機嘅企鵝款仲要係機場限定㖭! 大家寄完行李一定要過嚟睇吓啊!     門口已經放住啲衫、tote bag、貼紙等等,入面仲有更多寶藏!   好多loft同tokyu hands都冇賣衫㗎!所以我見到個陣真係雙眼發光!   你地睇吓!啲tote bag好可愛啊!同埋佢個袋唔係薄切切一揹就爛個種,質地唔錯㗎!   好多款,任你揀~   其中依個愛麗絲夢遊仙境嘅tote bag係同其他一般?啲唔同形狀㗎~ 日本有好多個愛麗絲夢遊仙境嘅周邊商品,但係依個design真係我見過最特別最靚嘅!