成田
26
Jul 16
00:36
博客

膽量挑機29之成田機場怪談

又到咗星期六晚嘅膽量挑機時間! 可能之前講猛鬼嘅地方,大家都未必會去! 今次呢,就同大家講一個去東京嘅話,有一半機會都會去嘅地方!   成田機場   唔知大家有無試過太夜到成田機場,無車出去市區,又或者太早要到機場,所以就係機場附近嘅酒店住一晚呢? 以後落嚟,就要同大家講一個關於成田機場附近一間酒店嘅靈異事件。   =====   有一個日本絲打喺十幾年前,參加咗個海外遊學團。 由於佢同同團嘅學生住嘅地方距離成田機場太遠,於是要前一晚喺成田機場附近嘅酒店住一晚。 呢一間酒店,非常非常之殘舊,但無辦法,一定要住喺度,只好將就吓。     個一晚,佢地食完飯,就去咗其中一個團員嘅房到玩,佢嘅同房因為太眼訓,就一早返咗房訓。 玩吓玩吓就已經半夜三點,咁佢都返房訓。   一訓落床就已經訓著咗,但係無幾耐,廁所傳嚟沖涼聲。 佢就好努力對抗睡魔,睜開眼望,見到同房訓係隔離床,間房得佢兩個訓,咁究竟係邊個喺廁所沖緊涼呢? 其他團員又無呢間房嘅鎖匙,無可能入到嚟㗎喎。 愈諗就愈覺得唔對路,雖然佢好好奇,好想起身入廁所睇吓係邊個,但係佢實在太攰,唔想理咁多就繼續訓。  
30
Jun 16
18:06
新聞

輸入香草航空優惠碼「NRT270」 香港往東京機票即減$270

今日起至7月6日,香草航空同日本國家旅遊局合作推出優惠碼。 只要選擇出發日期後,輪入折扣代碼「NRT270」,再按搜尋,即可享有繽粉香草Inclusive 減$270優惠。7月1日至10月29日嘅機票劃一減$270。   輸入折扣代碼   無輸入折扣代碼 折扣碼只適用香港往成田嘅單程航班;成田往香港回往機票就無優惠啦。另外,繽粉香草Inclusive已經包咗20kg 寄艙行李費用。   適用航班:JW304 15:35-20:55 出發日期:7月1日至10月29日 訂票<按此>
22
Dec 16
00:09
新聞

絶對係陰謀黎!連100円都唔放過!TakaraTomy你好嘢!

TakaraTomy你好嘢!喺臨走之前連100円都唔放過!喺成田機場放咁多扭蛋機喺度! 大家近幾個月喺成田T2臨走之前,應該會發現多咗好多扭蛋機喺度! 中招嘅大有人在,因為T2堆扭蛋機嘅營業額相比日本全國多咗3倍!係3倍! 原本只係由7月放到9月,不過家下就無限期延長。 真係佩服諗出黎個班人,連想帶個銀返去做紀念都唔得~     不過有選擇困難症的話,真係行過唔好停低!事關個度有成171部扭蛋機喺度! 共有約380種扭蛋。真係怕Miss咗班機。   車長真係會去扭狗狗、電車仲有風景嘅扭蛋! 不過,Please don't Made in China。 仲有車長妹妹話…扭滿5000円有無得退税?   有人指幾年前巳經有,但車長無見過。。。
06
Mar 17
22:25
博客

東京通宵及超夜回港航班全攻略

  最近2-3年因為低成本航空公司嘅出現,令到香港來回東京航班相比以前多咗唔少,仲出現咗好多通宵航班同超夜回港嘅航班畀大家選擇。 所以家下想只請星期五嘅一日假,星期四晩至星期五嘅零晨起飛出發而朝早到東京,再喺星期日晩或星期一嘅零晨返到香港,去一個三日兩夜東京之旅就容易成事得多。 不論正規定係低成本航空,每天一共有五班零晨機去到東京。 分別係去羽田嘅UO 624、 NH 822、KA同去成田嘅CX 524、HX 606、 JW 300 朝早到達羽田嘅通宵航班: 航班 香港起飛時間 到達羽田時間 班次 UO624 23:50 04:50(翌日) 每天出發 NH822 00:40 05:30 每天出發 朝早到達成田通宵航班: 航班
26
Oct 16
00:19
新聞

成田機場至大崎(品川)新機場巴士線路會喺10月31日開始運行

由Willer集團及京成巴士合作, 來往芝山及成田機場至大崎(品川)新機場巴士線路(成田Shuttle)會喺10月31日開始運行 正常票價為1200円, 係Willer Express網站及Japan Bus Line度事先訂飛就1000円 但車長個人喺唔會為左平200円提早訂飛, 萬一飛機Delay或入境人多的話, 個1000円就會無左! 不過留意返, 1200円喺要係車上畀円, 無得用信用Card.         個人都幾中意去大崎呢班車 因為喺大崎可以轉JR去埼京線沿線及臨海線去台場   時間如下(大崎開車)   芝山及成田機場開車   大家來回成田機場又多個選擇喇
28
Jul 16
00:30
博客

成田芝麻專門店 必食超香濃粒粒芝麻雪糕

芝麻開門~~歡迎嚟到機場以外嘅成田市~ 今日Mika想同大家介紹一間好出名嘅芝麻專門店「ごま福堂」~ 成田分店啱啱開咗半年幾,而家已經成為當地嘅潮聖景點之一! 唔好以為佢淨係賣芝麻咁簡單啊,入嚟兜個圈,你會發現原來芝麻都有無限可能!     其實去到成田表參道間唔中都見到有人拎住依個芝麻雪糕密密食,就知道依個雪糕有幾把炮啦! 白芝麻味係用香滑牛奶做嘅,入面加入咗大量攪碎嘅金芝麻,食落牛奶味同芝麻味都好香! 黑芝麻味唔係用牛奶,而是豆奶做嘅!味道冇白芝麻味咁甜,黑芝麻嘅香味好出,加埋外面灑咗咁多金芝麻,真係好正啊~~~ PS右邊個雪糕唔係本身咁細,而係因為就嚟溶所比被偷食了www   大家都知,日本街上垃圾箱都唔多個,所以日本人好少一路行一路食,多數都係鋪頭門口食完先走~ 「ごま福堂」就好貼心,有枱有櫈,大家可以坐低慢慢食~   如果覺得店員灑得唔夠多芝麻碎係雪糕面,大家可以按照自己喜好再灑多啲喺上面㗎! 另外如果點咗名物金芝麻可樂餅嘅朋友,記得唔好就咁食,要入嚟點右邊依枝黑芝麻蛋黃醬啊~~~
14
Oct 16
20:48
博客

首都圏JR攻略 成田線・横須賀・総武快速線・鹿島線・総武本線・内房線及外房線直通

大家不論去過幾多次東京,都試過搭錯車。 明明上啱班車,但係去錯地方? 本車長基本毎個月,都會寫一編JR攻略,希望畀大家一啲坐火車嘅資料,希望大家睇完之後,唔會上錯車啦!   今編會講喺成田機場可以坐到嘅成田線及横須賀同総武快速線・仲有鹿島線・総武本線・内房線及外房線直通   「乜係機場見到個名有咁長咩?」有人咁問過車長。 其實喺無咁長,因為路線還路線, 成田機場JR站的話,喺屬於成田線分支(空港支線) 就直通乗入還直通乗入。     乜喺直通乗入? 畀個概念大家先,打個比喩 車長要由荃灣坐港鐵去柴灣,先要坐荃灣線喺金鐘轉車,再坐港島線先去到柴灣、喺金鐘站轉車用多左時間,車長仲要喺無咗個坐位,最大件事喺可能4-5班車都未上到。但係其實喺金鐘站西面,有個空間喺畀列車用黎喺港島綫和荃灣綫之間調度。為咗方便乘客,日本JR就利用埋個個空間,荃灣線列車喺金鐘站停完之後,列車連乘客就會駛入用黎調度嘅空間,再駛入港島線嘅路軌,咁様的話,港島綫和荃灣綫嘅乘客就唔洗再喺金鐘站落車,呢個就係直通乗入嘅基本概念。   咁成田エクスプレス(成田直達快車,又叫成田特急、エクスプレス係日本叫做急行)又係乜黎? 為左方便來往成田機場至
06
Jul 16
23:32
博客

個性貼紙B side Label 成田機場都買到!

每次去日本,Mika都會去LOFT同TOKYO HANDS尋找B SIDE LABEL嘅貼紙~貪方便唔洗專登走去專門店吖嘛~ 不過,最近我就發現成田機場第2航廈嘅旅遊雜貨店有賣B SIDE LABEL嘅商品~ 鋪仔細細,但係鬼死咁齊,門口依個坐住飛機嘅企鵝款仲要係機場限定㖭! 大家寄完行李一定要過嚟睇吓啊!     門口已經放住啲衫、tote bag、貼紙等等,入面仲有更多寶藏!   好多loft同tokyu hands都冇賣衫㗎!所以我見到個陣真係雙眼發光!   你地睇吓!啲tote bag好可愛啊!同埋佢個袋唔係薄切切一揹就爛個種,質地唔錯㗎!   好多款,任你揀~   其中依個愛麗絲夢遊仙境嘅tote bag係同其他一般?啲唔同形狀㗎~ 日本有好多個愛麗絲夢遊仙境嘅周邊商品,但係依個design真係我見過最特別最靚嘅!   細細個嘅袋仔做相機袋又得,放太陽眼鏡又得,放梳放唇膏又得,得咗!
08
Apr 16
19:01
新聞

難分真與假 香港航空重啟香港/東京(成田)航線

網上盛傳2016年7月1日起香港航空嘅香港/東京航線將會返嚟,但暫時未見香港航空網頁有更新同發出新聞稿,但如果係真嘅,大家去東京又多個選擇!   至2013年1月起香港航空停止香港來回成田航線之後,香港航空都未有飛香港至東京嘅航線。但依家盛傳香港航空將會重開香港/東京航線,首班機喺2016年7月1日啟航。4月15日喺香港航空網頁開始發售,每日來回兩班機,暫時只飛成田機場。價錢尚未公佈,下星期五大家?實香港航空網頁就知新定假啦。   1/7/2016起 HX608 香港—>東京(成田)   09:15−14:55 1/7/2016起 HX610 東京(成田)—>香港  15:55−20:05 1/7/2016起 HX611 香港—>東京(成田)   15:30−20:05 2/7/2016起 HX609 東京(成田)—>香港  09:30−13:30
21
Nov 16
17:42
新聞

23日晩去到24日去東京要帶多件衫,有機會落雪

由於有強寒流及低氣壓吹襲, 23日晩去到24日日本氣象廳預計關東有機會落雪。 今次東京真係落雪的話,將會係54年以黎東京咁早係11月落雪。 而氣温有機會跌至零度或以下,所以去東京,千葉,埼玉及神奈川嘅朋友要帶多件衫喇! 同埋因為今次第一場雪比往年早得多,以車長所知關東鐵路公司有機會未可以應付咁早落大雪,延遅機會率都幾高。 所以車長建議呢幾日要坐火車,高速巴市或飛機嘅朋友要早啲去坐車去車站,巴士站及機場喇!   另外香港都係呢幾日有冷鋒,所以香港嘅朋友都要着多件衫出街,小心冷親!